Mate Na Ulumatua mai Ijipita (The Death of the Firstborn of Egypt)

Serving for the 31st March, 2008

Ia na TURAGA (Yahweh) a qai tukuna vei Mosese, “Au na kauta vei Fero vata kei Ijipita e dua tale na leqa levu. Ni oti oya, sa na qai sereki kemuni moni lako, ia ni sa cakava oqori o koya, e sa na cemuri kemuni kecekece sara ga vakadua. 02 Tukuna i daligadra na tamata, qai laivi ira na tamgane me ra dinau mai vei ira na wekadra vakaitikotiko, kei ira na yalewa me ra kerea mai vei ira na dui wekadra vakaitikotiko, na iyau siliva kei na iyau koula. 03 Na TURAGA (Yahweh) a qai vakayalovinakataki ira tu na kai Ijipita, me ra lomani ira na tamata. Qai kena ikuri ni o Mosese na tamata, e a rokovi sara tu ga ni cecere e na vanua o Ijipita raraba e matadra na vakailesilesi nei Fero, ka vakakina mai na matadra na tamata. 04 Sa qai kaya o Mosese, “Qo na ka e kaya na TURAGA (Yahweh), ’Rauta na bogilevu tutu, Au sa na curumi Ijipita. 05 O ira kece na ulumatua e na vanua raraba o Ijipita era sa na mate, me tekivu mai vua na ulumatua nei Fero, o koya e toka e na nona idabedabe vakatui, me yaco sara vua na luvena ulumatua na yalewa vada, o koya e toka e nona iqaqi ni sila, ka vaka kina vei ira na ulumatua ni manumanu yavaiva.’ 06 E na yaco na tagi yaso e na loma i Ijipita taucoko, e sebera ni bau yaco vakadua, ka na sega talega ni yaco tale mai muri e dua me rau na tautauvata. 07 Ia e na kedra maliwa na kai Isireli, e na sega mada ga ni yavalata na yamena e dua na koli vei ira na tamata se manumanu; Me rawa ni qai kilai kina na Nona vakaduiduitaki ira na kai Isireli vata kei ira na kai Ijipita na TURAGA (Yahweh). 08 O ira kece sara ga na nomu vakailesilesi era na lako mai vei au me ra mai cuva vei au, era qai kaya, “Ni lako o iko vata kei ira na tamata era dau vakamuri i iko. Ni oti oqori au sa na qai lako.“ Oti sa qai biuti Fero mai o Mosese e na yalokatakata levu. 09 E kaya na TURAGA (Yahweh) vei Mosese, “E na sega ni via rogoci iko o Fero – me rawa ni vakarabailevutaka na Noqu cakacaka mana e Ijipita raraba.“ 10 Rau a cakava na cakacaka mana kece oqo e na mata i Fero. O Mosese vata kei Eroni, ia na TURAGA (Yahweh) a vakaukauataka tiko ga na loma i Fero, a sega tiko kina ni solia vei ira na kai Isireli, me ra biuta na nona vanua.
- Lako Yani 11: 1-10.


Also Read If Possible (Wilika Talega Ke Rawa)
Exodus 4:22-23, Romans 9:14-21, Hebrews 11:28,

Psalms 105:23-38, 135:8-9, 136:10-12

Sotava na Leqa Lelevu O Ira Mai Ijipita. (Big Problems In Egypt)

Serving for the 30th March, 2008

Vakatudaliga mai, kemuni na noqu tamata, i na noqu lawa, vakatudaliga mai i na vosa ni gusuqu, 02 Au na dolava na gusuqu e na vosa vakatautauvata, Au na vakamacalataka na veika vuni, na veika mai na gauna makawa, 03 na veika eda sa rogoca oti ka kila, na veika era sa tukuna oti vei keda o ira na tamada. 04 Keitou na sega ni vunitaka mai vei ira na nodra lalai, Keitou na vakaraitaka vei ira na itabatamata tarava, Na kena dodonu me vakacaucautaki na cakacaka ni TURAGA (Yahweh), na Nona kaukaua, kei na veika veivakurabuitaki sa cakava oti o Koya.
- Same 78:1-4


Na Nona a vakayacora na Nona ivakatakilakila mai Ijipita, kei na Nona cakacaka ni veivakurabuitaki e na yasayasa vakaSoani: 44 Ni a vukica o Koya me dra na nodra uciwai, kei na nodra soniwai, me ra kakua ni gunu rawa mai kina, 45 E a tala yani vei ira o Koya na veimataqali lago e vuqa me tilomi ira, kei na boto me vakararawataki ira. 46 E a solia o Koya na nodra itubu vei ira na katapila. kei na nodra cakacaka vei ira na vodre.
47 E a vakacacana o Koya na nodra vaini e na uca cevata qereqere, kei na nodra vunilolo e na wai cevata, 48 E a solia laivi o Koya na nodra bulumakau i na uca cevata qereqere, kei na qeleni nodra manumanu me lidiki ira na yaseyase katakata. 49 Oti qai tala yani e na kedra maliwa na cecekia ni Nona leva rerevaki, na Nona cudru, na Nona yalokatakata kei na Nona rarawa - e dua na ilala agilosi dau ni veivakarusai, 50 Era a carata me dua na sala ni Nona cudru bibi; e a sega tale ni tarova na nodra vakamatei, o Koya, ia e a solia laivi na nodra bula i na matedewa vakadomobula, 51 Era sa qai moku mate o ira kece na ulumatua mai Ijipita, Na yavu ni nodra kaukaua e loma ni valelaca nei Ame.
- Same 78:43-51



Also Read If Possible (Wilika Talega Ke Rawa)
Exodus 4:22-23, Psalms 105: 23-38, 135:8-9, 136:10-12,

Romans 9:14-21, Hebrews 11:28

Vakaukauataka Na Yalo i Fero Na Kalou (Yahweh hardened Pharoah’s Heart)

Serving for the 29th March, 2008

Sa qai vosa na TURAGA (Yahweh) vei Mosese, “Raica, Au sa qisi i iko mo tautauvata kei na kalou (elohim) vei Fero, ia o Eroni na tuakamu sa na nomu parofita. 02 Mo na tukuna kece na veika Au sa vakarota vei iko, ia na tuakamu o Eroni me na qai tukuna vei Fero, me sereki ira na luvei Isireli me ra biuta na nona vanua. 03 Ia Au na vakaukauataka na loma i Fero, kau na vakalevutaka na noqu ivakatakilakila kei na noqu cakacaka mana e lomai Ijipita. 04 Ia o Fero e na sega ni vakarorogo vei kemudrau. Au na qai tabaka na ligaqu e Ijipita, kau na kauti ira tani mai na noqu matasotia kei ira na noqu tamata o ira na luvei Isireli, mai na vanua vaka Ijipita e na cakacaka levu ni veilewai. 05 O ira na kai Ijipita era sa na qai kila ni o Au na TURAGA (Yahweh), niu sa dodoka oti yani na ligaqu i Ijipita, meu kauti ira tani mai na luvei Isireli mai na kedra maliwa.
- Lako Yani 7:1-5

Sa qai vosa na TURAGA (Yahweh) vei rau o Mosese kei Eroni, 09 “Ni sa tukuna vei kemudrau o Fero, ’Vakaraitaka e dua na cakacaka mana’, ekeri mo qai tukuna kina vei Eroni, “Taura na nomu ititoko, kolo yani i mata i Fero’ e na qai vuki me dua na gata.“ 10 Rau sa mani lako o Mosese vata kei Eroni vei Fero, rau qai lai cakava na ka kece a vakarota vei rau na TURAGA (Yahweh). A qai kolotaka na nona ititoko e mata i Fero, kei ira na nona vakalesilesi, qai vuki me gata. 11 Sa kacivi ira sara na nona vuku kei ira na nona daucakaisausau o Fero; ia o ira na daucaka mana e Ijipita qo, era a qai cakava tale ga vaka kina e na nodra cakacaka mana. 12 Era a viritaka yadudua na nodra ititoko, era qai vuki kece me ra gata. Ia na ititoko nei Eroni, a qai tilomi ira qaqa na nodra ititoko. 13 Sa qai vakaukauataka cake tale na loma i Fero o Koya, a qai sega kina ni vakarorogo vei rau, me vaka a kaya na TURAGA (Yahweh).
- Lako Yani 7:8-13

Also Read If Possible (Wilika Talega Ke Rawa)
Exodus 1:8-13, 9:13-16; Proverbs 29:1-2; John 10:33-38

Talai Mosese i Ijipita Na TURAGA. (Yahweh Sends Moshe to Egypt)

Serving for the 28th March, 2008

Sa qai kaya na TURAGA (Yahweh) vei Mosese, “Ni o sa lako mo lesu i Ijipita, raica mo lai cakava na cakacaka mana kece e mata i Fero, Au sa solia vei iko na kena kaukaua mo lai cakava. Ia au na qai vakaukauataka na lomana, e na qai sega kina ni sereki ira na tamata me ra lako. 22 Oti mo qai kaya vei Fero, ’Qo na ka e kaya na TURAGA (Yahweh); O Isireli e luvequ, na luvequ tagane ulumatua, 23 ia Au sa na tukuna qo vei iko, “Sereka mai na luvequ tagane me lako mai me mai sokalou vei au.“ Ia kevaka o bureitaka na nona lako mai, raica au sa na samuta na luvemu tagane, io na nomu ulumatua.“
- Lako Yani 4:21-23


E kaya na TURAGA (Yahweh) vei Eroni, “Lako i na vanua dravuisiga, mo lai tavaki Mosese. Sa mani lako qai lai sotavi koya e na ulunivanua ni Kalou (Elohim) qai reguci koya. 28 Oti sa qai vakamacalataka vei Eroni o Mosese na vosa ni Kalou (Yahweh) o Koya e a talai koya mai, vata kei na ivakatakilakila kece sara a vakarota mai vua o Koya me na mai cakava. 29 Rau sa qai lako o Mosese vata kei Eroni me rau lai vakasoqoni ira vata na nodra matua na Isireli. 30 O Eroni a qai vakamacalataka na vosa kece a kaya na TURAGA (Yahweh) vei Mosese qai vakayacora na ivakatakilakila e matadra na tamata. 31 Era sa qai vakaubauta na tamata. Ia ni ra qai rocoga tale ni a mai sikovi ira na luvei Isireli o Koya qai raica na nodra vakararawataki tiko, era qai cuvara sobu na uludra me ra sokalou.
- Lako Yani 4:27-31



Ni oti oya rau sa qai curu me rau lai raici Fero o Mosese vata kei Eroni, rau qai kaya, “Oqo na ka e kaya na TURAGA (Yahweh) na Kalou (Elohim) i Isireli, “Laivi ira na noqu tamata me ra lako mai, me ra mai vakayacora e dua na solevu e na vukuqu, e na vanua dravuisiga. 02 Ia qai kaya o Fero, “O cei sara mada na TURAGA (Yahweh), e dodonu kina meu rogoca na domona, meu sereki Isireli me lako? Au sega ni kila na TURAGA (Yahweh), kau na sega talega ni sereki Isireli me lako.“
-Lako Yani 5:1-2



Also Read If Possible (Wilika Talega Ke Rawa)
Exodus 1:8-13, 9:13-16, Proverbs 29:1-2,
John 10:33-38

Vakauti Mosese i Ijipita na TURAGA. (Yahweh Sends Moshe to Egypt)

Serving for the 27th March, 2008

E kaya talega vei Mosese na Kalou (Elohim), “Oqo na ka mo kaya vei ira na luvei Isireli, “Na TURAGA (Yahweh) na nodra Kalou (Elohim) na tamamuni, na Kalou (Elohim) i Eparayama, na Kalou (Elohim) i Aisake kei na Kalou (Elohim) i Jekope e talai au mai vei kemuni. “Oqo na yacaqu me tawamudu, na yaca meu na nanumi tiko kina mai na dua na itabatamata ki na dua tale na itabatamata“. 16 “Lako lai vakasoqoni ira vata na qase ni Isireli qai kaya vei ira, “Na TURAGA (Yahweh) na nodra Kalou (Elohim) na nomuni qase, na Kalou (Elohim) i Eparayama, i Aisake kei Jekope, a rairai vei au qai kaya, “Au sa lai sikovi kemuni dina yani, Kau qai raica na veika sa caka tiko vei kemuni mai Ijipita. 17 Au qai kaya Niu na kauti kemuni laivi mai na veivakararawataki oni sa sotava tiko mai Ijipita, ki na vanua vaka Kenanaiti, vaka Hitaiti, vaka Amoraiti, vaka Perisaiti, vaka Haivaiti, kei na vanua vaka Jepusaiti, ki na dua na vanua e dave kina na wai ni sucu kei na oni. 18 Ia o ira era na rogoca na domomu; oti moni na qai lai raica na tui kei Ijipita, o iko kei ira na matua ni Isireli, moni kaya vua, “Na TURAGA (Yahweh) na nodra Kalou (Elohim) na Iperiu, sa mai sotavi keimami: Moni sereki keimami, keimami kerea vei kemuni, me keimami lako bogi tolu, i na vanua dravuisiga, me keimami lai vakacabo isoro kina vua na TURAGA (Yahweh) na neimami Kalou (Elohim). 19 Ia au sa kila tu ni na sega ni sereki kemuni na tui Ijipita moni lako vakavo ga, ke vakasaurarataki e na dua na liga kaukaua. 20 Au na qai dodoka yani na ligaqu, Meu samuti ira kina na kai Ijipita, e na noqu cakacaka veivakurabuitaki Au sa na cakava e na kedra maliwa; ni oti oya e na qai sereki kemuni moni lako. 21 Ia au na vakamatavinakataki ira na tamata oqo e matadra na kai Ijipita; e na qai yaco kina, ni oni sa lako, ni oni na sega ni liga lala. 22 O ira kece na yalewa me ra na dui kerea vei ira na dui wekadra vakaitikotiko kei ira era vakaicili tiko vei ira, na nodra iyau siliva, na iyau koula, kei na isulu; moni vakaisulutaki ira kina na luvemuni tagane kei ira na luvemuni yalewa. Qori oni na qai tokitaka kina na nodra iyau na kai Ijipita“

- Lako Yani 3:15-22

Also Read If Possible (Wilika Talega Ke Rawa)
Ezekiel 1; 3; 8-11; Zachariah 14; Revelation 21:1-4.

Na TURAGA E Berabera Ni Vakacudrui (Yahweh Is Slow to Anger)

Serving for the 26th March, 2008

Na TURAGA (Yahweh) e dauloloma ka daulomasoli e berabera na Nona vakacudrui, qai vuabale e na loloma, 09 E na sega ni dau veidusimaki wale vakaveitalia; se katona tiko na nona cudru me tawamudu, 10 E se sega ni bau vakayacora vei keda, na ka e veiraurau kei na noda ivalavala ca, se sauma vinaka vei keda na noda caka ca.11 Me vaka na kena cere na lomalagi mai na dela ni vuravura, e vaka kina na Nona dau lomani ira era rerevaki koya, 12 Me vaka na yawa ni icadracadra ni siga mai na idromudromu ni siga, e yawa vaka kina na Nona kauta laivi na noda ivalavala ca mai vei keda.
- Same 103:8-12



Na TURAGA (Yahweh) e dauloloma ka daulomasoli e berabera na Nona vakacudrui, qai vuabale e na loloma, 09 Na TURAGA (Yahweh) e dau vinaka vei keda kecekece, e dau kauwaitaka vakalevu na ka kece a bulia.
- Same 145:8-9



Na TURAGA na Kalou (El) e dauvuvu, na TURAGA (Yahweh) e na veisausaumitaka na ca. Na TURAGA (Yahweh) e na veisausaumitaka na ca, ni sa cudru, Na TURAGA (Yahweh) e na veisausaumitaka na nodra ca o ira era kena meca, ka na maroroya tiko na nona leva vei ira era cati Koya, 03 Ia na TURAGA (Yahweh) e berabera sara na Nona vakacudrui, ka vakaitamera sara na Nona kaukaua, ka na sega ni vakalaiva na kedra itotogi o ira era caka cala, E nona gaunisala o Koya, na covulaca kei na cagilaba, ia na o era kuvu-ni-soso e Yavana.
- Neumi 1:2-3


Also Read If Possible (Wilika Talega Ke Rawa)
Exodus 34:5-7, Psalms 86:15-17, Joel 2: 12-14,
Jonah 3-4, 2 Peter 3:8-15

Na Vuani Yalo Tabu na Lewa-e-Loma. (Fruit of the Spirit: Temperance)

Serving for the 25th March, 2008

O koya e sega ni lewa vinaka na yalona, e vaka e dua na koro e sa caqera sobu ka sa sega na kena lalaga
- Vakaibalebale 25:28

Ia o iko, mo vunautaka ga na veika e dodonu e na ivakavuvuli vinaka: 02 Vakatavulici ira era qase cake, me ra vakabibitaki ira vakataki ira, dau yalomatua, kaukaua e na vakabauta, e na yalololoma, kei na yalovosota; 03 Vakatavulici ira na marama era qase cake, me ra vakarautaka na itovo e vakaraitaka ni ra rerevaka na Kalou, sega ni dau kakase, sega ni manamana waini, ia me ra ivakaraitaki ga ni itovo vakasakiti; 04 ka dau vakasalataki ira na goneyalewa me ra yalomatua, ka dau lomani ira na dui watidra kei ira na dui luvedra, 05 dau yalomaqosa, dau yalosavasava, dau qarava vinaka na itikotiko vakavuvale, dau yaloyalovinaka, ka dau muria na dui watidra, me kakua kina ni vakarogorogocataki na vosa ni Kalou (Elohim). 06 Me vaka kina vei ira na cauravou, vakauqeti ira me ra dau yalomatua.
- Taito 2:1-6

Me kena ikuri, e na yalomatua meda tokona na noda vaka­bauta e na yalodina; ka tokoni na yalodina e na kilaka, 06 na kilaka e na lewa matau, na lewa matau e na yalovosota, na yalovosota e na itovo vakalou, 07 na itovo vakalou e na yaloyalovinaka vakaveitacini, kei na yaloyalovinaka vakaveitacini e na loloma. 08 Ni sa kune vei kemuni na veika oqo, oti qai tubu tiko, oni sa na qai sega ni laladidi se tawa vuavuaivinaka e na nomuni kila na Turaga (Master) o Jisu Karisito (Yahshua Messiah).
- II Pita 1:5-8

Also Read If Possible (Wilika Talega Ke Rawa)
Proverbs 1:1-7, Titus 2:11-14, 1 Peter 1:5-8

Na Kalou Yalomalumu (Yahweh is Meek).

Raica, na TURAGA (Sovereign) na Kalou (Yahweh), e na lako mai e na liga qaqa, me mai veiliutaki ka vakavulewa e na ligana kaukaua, Raica, na Nona icovi me mai veisoliyaka sa tiko Vua, na isau talega ni cakacaka.
11 E na vakani ira na Nona tamata, me vaka na ivakatawa ni sipi: E na keveti ira na luve ni sipi e ligana, ka mokoti ira vakaukaua e lomaserena;
ka tuberi ira vakamalua, o ira e tiko na nodra lalai.
- Aisea 40:10-11.



Mo mamarau sara vakalevu, o iko na luvei Saioni yalewa, kaila o iko na luvei Jerusalemi yalewa, Raica na nomu Tui sa lako tiko mai vei iko, e yalododonu, ka tiko Vua na itini ni veivakabulai, e yalomalumu ka vodoka tiko e dua na asa, e dua na asa tagane, na luveni asa gone.
- Sakaraia 9:9.



“Lako mai vei Au o kemuni kece oni vakaogai ka vakacolati tu e na icolacola bibi; Au na qai solia vei kemuni na vakacegu. 29 “Taura na Noqu ivua, moni colata, ka vuli mai vei Au; baleta Au yalo malumalumu, Au lolovira mai vuniyaloqu, oni na qai kunea na vakacegu e na nomuni bula. 30 “Baleta na Noqu ivua e rawarawa kei na Noqu icolacola e mamada.”
- Maciu 11: 28-30.





Also Read if Possible (Wilika Talega Ke Rawa)
1 Kings 19:9-12, 2 Corinthians 10:1, Matthew 21:1-12

Na Vuani Yalo Tabu: Na Yalomalumu (Fruit of the Spirit: Meekness)

Serving for the 23rd March, 2008

Na vosa malumu e vakaseavutaka na leva, ia na vosa kaukaua e vakatubura na cudru.
- Vakaibalebale 15:1.

Na yalovosota e rawa ni vakauqeta na ravouvou, ia na yame malumu e rawa ni musuka na sui
- Vakaibalebale 25:15.

... e na yalomalumalumu, e na yalovinaka, e na yalo ni veivosoti, ka moni dauveitokoni e na loloma, 03 ka segata moni maroroya na yalo ni veitokani me vauca na tiko veimaliwai vinaka.
- Efeso 4:2-3,

Dau yalomarau e na Turaga (Yahweh) e vei­gauna kece; meu tokoruataka, au kaya dau yalomarau. 05 Laiva na nomuni yalomalumalumu me rogo vei ira na tamata kecekece. Na Turaga (Sovereign) sa tadu mai. 06 Ni kakua ni lomaleqaleqataka e dua na ka, ia e na veigauna kece, e na masumasu kei na vakatakekere vata kei na vakavinavinaka, laiva na nomu kerekere me vakatakilai Vua na Kalou (Elohim); 07 ia na vakacegu ni Kalou (Elohim), e uasivita na veika kece e kilai, e na taqomaka na utoda kei na vuniyaloda e na vuku i Jisu Karisito (Messiah Yahshua).
- Filipai 4:4-7.

O cei e na vakamavoataki kemuni rawa, kevaka oni dau gumatuataka na vakamuri ni veika e vinaka? 14 Kevaka mada ga moni vakararawataki e na vuku ni ka e dodonu, oni na kalougata. “Kakua ni ravataka na nodra veivakarerei se mo leqataka.” 15 Ia moni dau vakatatabutaka ga na Turaga (Messiah) na Kalou (Sovereign) e vuniyalomuni, ka moni dau tu vakarau tu, moni solia na ivakamacala vei ira kece era taroga vei kemuni, e na yalomalumu kei na yalo e veidokai, na ibalebale ni inuinui e tiko vei kemuni, 16 e na savasava ni nomuni lewa-e-loma, me rawa vei ira era dau vosa vakacacataki kemuni ni oni dau caka ca, me ra madua baleta ni ra vakasewasewana tiko na nomuni itovo vinaka e na vuku i Karisito (Messiah).
- I Pita 3:13-16.

Also Read If Possible (Wilika Talega Ke Rawa)
Isaiah 8:12-15, 1 Timothy 6:3-11, 2 Timothy 2:24-25;

1 Peter 3:1-6

E Yalodina na Kalou (Elohim is Faithful)

Serving for the 22nd March, 2008

Moni kila tiko ni Kalou (Yahweh), na nomuni na Kalou (Elohim); o Koya e Kalou (El) yalodina, ka ni se taura matua tikoga na Nona veiyalayalati ni loloma vata kei ira na udolu na matatamata era lomani Koya, o ira era se taura matua tiko ga na Nona ivakaro. 10 Ia o ira era cati Koya, e na sauma vakadodonu i matadra e na Nona vakarusai ira. E na sega ni vakawaletaka o Koya na Nona na sauma lesu i matadra, o ira era cati Koya.
- Vakarua 7:9-10


Au na seretaka na loloma levu ni TURAGA (Yahweh) me kua ni mudu; e na gusuqu au na tusanaka na Nomuni yalodina vei ira na itabatamata kece sara. 02 Au na tusanaka na tudei na Nomuni loloma me tawamudu, ni Oni sa vakataudeitaka tu na Nomuni yalololoma mai lomalagi sara ga.
- Same 89:1-2

Ia na ka oqo au sa vakasamataka e lomaqu, o koya oya e levu kina na noqu nuinui; 22 Baleta ga na loloma levu ni TURAGA (Yahweh) eda sega ni muduki koso kina, ka ni sega ni cala rawa na Nona yalololoma, 23 E na vakavoutaki e na veimataka e vakaitamera dina ga na Nomuni yalodina.
- Lele i Jeremaia 3:21-23

Laivi ira era nanuma ni ra sa tudei tu, me ra qaqa­rauni tiko, de ra qai bale. 13 E se bera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vua na tamata; baleta na Kalou (Elohim) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na vakacokovatataka tiko mai o Koya, na ka ni veivakatovolei vata kei na sala oni na drovaka rawa kina, moni rawa kina ni colata vinaka.
- I Korinica 10:12-13

Kevaka eda vakatusa na noda ivala­vala ca, o Koya e yalodina ka yalododonu, ka na vosoti keda mai na noda ivalavala ca, ka vakasavasavataki keda mai na noda dukadukali kecekece.
- I Joni 1:9


Also Read If Possible (Wilika Talega Ke Rawa)
Deuteronomy 31:30-32:4, 2 Thessalonians 3:3,

2 Timothy 2:11-13, Revelation 19:11-16

Na Vuani Yalo Tabu: Na Yalodina (The Fruit of the Spirit: Faithfulness)

Serving for the 21st March, 2008

Na TURAGA (Yahweh) duadua ga moni rerevaka, ka qaravi Koya vakayalodina e na vuniyalomuni taucoko; ka moni vakasamataka na veika lelevu sa cakava vei kemuni o Koya.
I Samuela 12:24.

Vei ira era yalodina, o na vakaraitaki iko ni o yalodina, ia vua na tamata yalododonu, o na vakaraitaki iko ni o yalododonu, 27 vei koya e yalosavasava, o na vakaraitaki iko ni o yalosavasava; vei koya e yalotakelo, o na vakaraitaki iko ni o sega ni taleitaki; 28 O na vakabulai ira na yalomaloku, ia na matamu e na toka ga vei ira na viavialevu mo vakalolovirataki ira.
- II Samuela 22: 26-28,

Oilei, lomana na TURAGA (Yahweh), o kemuni kece oni Nona digitaki, Baleta na TURAGA (Yahweh) e dau taqomaki ira na yalodina ka na saumi ira vakalevu o ira era vakayacora na itovo dokadoka, 24 Moni dau tu kaukaua tu, moni vakaukautaka na vuniyalomuni, o kemuni kece oni vakanuinui tu Vua na TURAGA (Yahweh).
- Same 31:23-24

Oqo e dua na itukutuku dina;
Kevaka eda mate vata kei Koya,
Eda na bula talega vata kei Koya.
12 Kevaka eda vakararawataki,
Eda na veiliutaki vata kei Koya.
Kevaka eda cakitaki Koya,
O Koya e na cakitaki keda.
13 Kevaka eda sega ni vakabauti Koya,
O Koya e na yalodina tikoga;
O Koya e sega ni rawa ni cakitaki
Koya ga vakataki Koya.
II Timoci 2:11-13.


Also Read If Possible (Wilika Talega Ke Rawa)
Psalms 101, Proverbs 3:1-4, Matthew 24:45-51;

Matthew 25: 14-30.

Na Kalou e Vinaka. (Yahweh is Good)

Serving for the 20th March, 2008

Tovolea, mo qai raica ni vinaka na TURAGA (Yahweh), e kalougata na tamata e vakararavi Vua.
- Same 34:8


Au na vakacaucautaki Kemuni me tawamudu, e na vukuni ka o a cakava; au na vakanuinui i na Yacamuni baleta ni vinaka e matadra na nomuni digitaki.
- Same 52:9

E ka dina ni Kalou (Elohim) e dau vinaka vei Isireli, vei ira mada ga e savasava na vuniyalodra.
- Same 73:1

Baleta na TURAGA (Yahweh) e vinaka, na Nona loloma e tawamudu. Kei na Nona dina e kovuta na veitabatamata kece sara.
- Same 100:5


Vakacabora na vakavinavinaka vua na TURAGA (Yahweh), baleta e vinaka o Koya; Na Nona yalololoma e na tu me tawamudu
- Same 118:1

Vakacaucautaka na TURAGA (Yah), baleta na TURAGA (Yahweh) e vinaka; Lagata na sere ni veivakacaucautaki e na vuku ni Yacana, Baleta qori e kamikamica.
- Same 135:3

Na TURAGA (Yahweh) e vinaka vei keda kecekece, E dau kauwaitaka vakalevu na ka kece a bulia.
Same 145:9


Also Read If Possible (Wilika Talega Ke Rawa)
2 Chronicles 6:41, Psalms 84:9-12, Mark 10: 17-18,

Romans 8:18-28, 3 John 11.

Na Vuani Yalo Tabu: Na Yalovinaka (The Fruit of the Spirit: Goodness)

A Dedication to my sister, Ms Litia Savu Cavu (21st May, 1953- 13th March, 2008) surviving Family - Today we will bury her at the Nasinu Cemetery in Fiji.

Serving for the 19th March, 2008

Na tamata vinaka e na rawata na nona yalovinaka na TURAGA (Yahweh), ia na tamata ivakarau ca e na totogimate.
- Vakaibalebale 12:2

Au kila ni sega ni dua na ka e vinaka cake e rawa ni cakava e dua na tamata, vakavo ga me mamarau ka caka vinaka tiko ni se bula tiko. 13 Ni rawa me ra kana ka gunu na tamata taucoko, ka kunea na vakacegu ni lomadra e na veika kece era dau cakava – oqori na iloloma soliwale ni Kalou (Elohim).
- Dauvunau 3:12-13

“Baleta na vunikau vinaka e na sega ni vua­taka rawa na vuanikau ca, na vunikau ca talega e na sega ni vuataka rawa na vuanikau vinaka. 44 “Na vunikau kece era na kilai mai na dui vuadra. Na tamata era na sega ni tamusuka na vuanilolo mai na vuni kau vakavotona, se tamusuka na vuanivaini mai na vunisoni. 45 “Na tamata vinaka, mai na iyau vivinaka e sinai tu e vuniyalona, e na vakavatukanataka mai kina na vinaka; ia na tamata ca mai na iyau ca ni vuniyalona, e na vakayacora kina na itovo ca. Baleta mai na veika sa sinai vutuvutu tu e vuniyalo, na gusuna e na cauraka tani mai.
- Luke 6:43-45

Laiva meda kakua ni vakacauoca e na caka vinaka; baleta e na kena gauna lokuci eda na tatamusuki, kevaka eda sega ni guce koso. 10 Qori e dodonu kina, e na veigauna kece e rawa kina, meda caka vinaka vei ira na tamata kece, vakabibi vei ira era lewe ni matavuvale ni vakabauta.
- Kalatia 6:9-10

Baleta o keda eda vatuka ni Nona cakacaka, eda a buli e na vuku i Jisu Karisito (Yahshua Messiah) meda vakayagataki e na cakacaka vinaka, e a vakarautaka mai liu na Kalou (Elohim), meda na mai bula kina.
- Efeso 2:10

Kemuni na daulomani, kakua ni vakatotomuria na itovo dukadukali, ia na ivakarau ga e vinaka. Baleta o koya e dau caka vinaka e tiko kei na Kalou (Elohim), ia o koya e dau caka ca e sebera ni raica na Kalou (Elohim).
- 3 Joni 11

Also Read If Possible (Wilika Talega Ke Rawa)
Pslams 34:8-14, Proverbs 3:27, 11:27;
1 Peter 2:12-15.

Na TURAGA e Kalou e Dauyalololoma. (Yahweh is a Loving Elohim)

Serving for the 18th March, 2008

Au na tusanaka na yalololoma ni TURAGA (Yahweh), na veika e dau vakayacora e dodonu me vakacaucautaki kina o Koya, ka vaka kina na veika sa vakayacora na TURAGA (Yahweh) e na vukuda – Io, kei na veika vivinaka sa vakayacora oti vei ira na Yavusa Isireli, na ivakaraitaki ni Nona dau veinanumi, kei na ilevu ni Nona yalololoma
- Aisea 63:7

Oqo na veika e kaya na TURAGA (Yahweh): Laiva na Tamata vuku me kakua ni dokadokataka na nona vuku, kei na tamata kaukaua me kakua ni dokadokataka na nona kaukaua, ka laiva na tamata vutuniyau, me kakua ni dokadokataka na vakaitamera ni nona iyau. 24 Ia laivi koya ga e dokadoka me dokadokataka ga na ka oqo, ni vakabauti Au ka kilai Au, ni o Au na TURAGA (Yahweh), o koya e dau vakarautaka na yalololoma, na lewa dodonu, kei na cakacaka dina e vuravura, baleta oqori na veika au dau taleitaka e kaya na Kalou (Yahweh)
- Jeremaia 9: 23-24

Baleta o keda mada ga, e na dua na gauna eda a dau sesewa tu, dau talatalaidredre, dau vakacalai, ka dau bobula ni veimataqali gagadre kei na gagano ca, eda a dau bula voli e na yaloca kei na yalovuvu, dau veisevaki, ka dau veisevaki mada ga o keda vakataki keda. 04 Ia ni sa vakatakilai mai na yalovinaka kei na yalololoma ni Kalou (Yahweh) na noda Vunibula, 05 sega mai na cakacaka ni yalododonu eda cakava, ia mai na Nona yalololoma ga, a qai vakabulai (vivified) keda e na veisavui ni veivakavinakataki kei na veivakavoutaki e na Yalo Tabu,
- Taito 3: 3-5




Also Read If Possible (Wilika Talega Ke Rawa)
Isaiah 53:1-8, Romans 2: 1-8; 11:11-24

Na Vuani Yalo Tabu: Na Yalololoma. (Fruit of the Spirit: Mercy)

Serving for the 17th March, 2008

Na yalewa yalovinaka e na rawata na dokai, Ia na tagane kaukaua e na rawata na iyau, 17 Na tagane yalovinaka e na yaga i na nona bula o koya vakataki koya, Ia na tamata dau veivakararawataki e na kauta ga mai na leqa i yagona o koya vakataki koya
-Vakaibalebale 11:16-17

O koya e sevaki ira na wekana vakaitikotiko, e valavala ca; Ia o koya e dau lomani ira na dravudravua, e dau marau o koya.
- Vakaibalebale14:21

O koya e dau vakararawataki ira na dravudravua e beci Koya e a buli i koya; Ia koya e dau vakarokorokotaki Koya, e na lomani ira na dravudravua.
- Vakaibalebale 14:31


O koya e lomani ira na dravudravua e soli dinau vua na Kalou (Yahweh); Ia na veika kece e solia, e na sauma lesu tale vua o Koya,
Vakaibalebale 19:17

Ia moni dau veilomalomani vakataki kemuni, dau yalomalumalumu, ka dau veivosovosoti vakataki kemuni, me vaka sa vosoti kemuni oti na Kalou (Elohim) e na vuku ni Karisito (Messiah).
- Efeso 4:32


Sa dodonu kina, baleta ni oni digitaki ni Kalou (Elohim) vaka­tabui ka daulomani, moni vakarautaka na itovo e kune kina na yalololoma, na veinanumi, na yalomaloku, na yalomalumu, na vosovosota vakadede; 13 moni dau veitokoni, ka dau veivosovosoti, ke dua e veileti tiko kei na dua tale; me vaka ga ni sa vosoti kemuni oti o Karisito (Messiah); o kemuni talega e dodonu moni veivosoti. 14 E na dela ni veika kece oqori, vakarautaka na loloma, baleta oqori na ivau ni veika e vinaka vakaoti.
Kolosa 3:12-14



Also Read If Possible (Wilika Talega Ke Rawa)
Ruth 1:1-3, Proverbs 14:21, I Thessalonians 5:15

Na Kalou e Dauvosota (The Longsuffering Elohim)

Serving for the 16th March, 2008

Ia oqo na vosa dina, e dodonu me vakabauti kece, ni o Jisu Karisito (Yahshua Messiah) a lako mai i vuravura, me mai vueti ira na tamata ivalavala ca, ia o au, au cacalaivi duadua. 16 Na vuna oqori, e a vakaraitaka kina vei au na veivosoti o Koya, me rawa kina vei Jisu Karisito (Yahshua Messiah) me vakaraitaka taumada vei au, na titobu cecekia ni Nona dauveivosoti, me idusidusi vei ira era na vakabauti Koya mai muri, me ra yacova na bula tawamudu.
I Timoci 1:15-16

Na Turaga (Yahweh) e sega ni vakayabeyabetaka tiko na Nona yalayala, me vaka era wilika tiko eso ni berabera, ia e na vuku ga ni Nona nanumi keda, baleta e sega ni vinakata me dua e rusa, ia meda yacova vata kece na veivutuni. 10 Ia na siga ni Turaga (Yahweh) e na yaco mai vaka na daubutako e na bogi; ni na mai vivigi laivi vakasauri na lomalagi kei na vu ni veika era na kasere e na yame ni bukawaqa waromisa, kei na vuravura talega kei na vei cakacaka kecekece era sinai tu kina era na yali yani vakadua. 11 Baleta ni na vakawaicalataki vakadua na veika kece; na mataqali tamata vakacava e vinakati mo vakaraitaka e na kune kina na yalosavasava kei na ivalavala vakalou, 12 ni oni vakaraica ka namaka tiko na yaco mai ni Siga ni Kalou, (Elohim), na gauna e na waicala kina na lomalagi ni vakatovolei e na bukawaqa, ka waicala na vu ni veika e na waromisa ni kena katakata. 13 Ia veitalia oqori, vei keda, me vaka na Nona yalayala, eda vaqara tiko na lomalagi vou kei na dua na vuravura vou era na lai vakaitikotiko kina na yalododonu. 14 O koya oya, kemuni na noqu daulomani, ni oni vaqara tiko na veika oqo, moni yalomatua tikoga me rawa ni kunei kemuni o Koya e na yalovakacegu, ni sega na nomuni dukadukali ka sega talega ni vakamelei rawa; 15 Moni wilika tiko ni Nona yalovosota na Turaga (Master) e noda kina na veivueti, me vaka sa vola oti yani vei kemuni o Paula na tacida daulomani, e na vuku sa soli tu vua:
II Pita 3: 9-15

Read Also If Possible (Wilika Talega Ke Rawa)

Isaiah 7:13, 65:17-25, Romans 2:1-4, 3:21-28,
I Peter 3:18-20, Revelation 21:1-8

Na Vuani Yalo: Na Dauvosota. (The Fruit of the Spirit: Longsuffering)

Serving for the 15th March, 2008

Tiko vakamalua e na mata ni TURAGA (Yahweh), vosota na nomu waraki koya tiko, kakua ni lomacataki ira na tani, ke toso vinaka na nodra bula, ni ra vakayacora na nodra inakinaki tawakilikili. 08 Tarova na nomu leva, vuki laivi mai na nomu curdru, kua sara ni lomaca, oqori na vu ni ivalavala ca. 09 Baleta o ira na tamata ivalavala ca kece, era na muduki laivi, ia o ira era vakanuinui vua na TURAGA (Yahweh) era na taukena na vanua.
- Same 37:7-9

Au da vosota vakadede, niu waraka tiko na TURAGA (Yahweh); e qai rogoca na noqu tagi, 02 E laveti au cake mai na qara dravidravia, mai na veidabibi kei na veivanua soso lolobo talega, sa qai vakatura na yavaqu e na dela ni Uluvatu, ka solia vei au e dua na vanua kaukaua meu tu kina, 03 E vakacuruma i gusuqu e dua na sere vou o koya, na sere ni vakavinavinaka vua na noda Kalou (Elohim), E levu era na raia era qai rere, era na qai biuta na nodra inuinui Vua na TURAGA (Yahweh)
- Same 40:1-3


Na tamata dauvosota vakadede, e ka levu vua na yalomatua, ia o koya e dau yalototolo, e vakaraitaka na ivalavala lialia.
- Vakaibalebale 14:29,


Na loloma e dau vosovosota vakadede ka dau yaloyalovinaka, na loloma e sega ni dauvuvu, na loloma e sega ni dauvakarairai, ka sega ni dauveivakalevulevui;
- 1 Korinica 13:4.


Kemuni na noqu mataveitacini, moni dauvosota tiko me yacova ni lako mai ni Turaga (Master), me vaka ni waraka tiko na dauteitei, ni vuata talei ni nona qele, qai vosota tiko vakadede, me ciqoma na imatai kei na iotioti ni uca. 08 O kemuni talega moni dauvosota, vakadeitaka na vuniyalomuni, baleta na tadu mai ni Turaga (Master) sa roro mai.
- Jemesa 5:7-8.


Also Read If Possible (Wilika Talega Ke Rawa)
Vakaibalebale 15:18, 16:32, 19:11,25:15, Dauvunau 7:8;

Na Kalou ni Bula Sautu (The Elohim of Peace).

Dedication

I dedicate this installment of my blog, to my sister Litia Savu Cavu (to be 55 in May this year), who passed away at 7am on Thursday, 13th March, 2008 at the CWM Hospital in Suva. May Yahweh give her rest and comfort her loved ones who survive her.

Serving for the 14th March, 2008

Na TURAGA (Yahweh) e na solia na kaukaua vei ira na Nona tamata; Na TURAGA (Yahweh) e vakalougatataki ira na tamata e na Nona sautu.
- Same 29:11

E na vukuda sa sucu kina e dua na gone, Vei keda sa soli mai e dua na gonetagane, ia na matanitu e na tava e na usouso ni tabana: Ia e na vakatokai me yacana o Veivakurabuitaki, o Daunivakasala, na Kalou (El) kaukaua, Tamada Tawamudu, na Ravouvou ni Sautu, 07 Na tubu ni Nona matanitu, kei na nona sautu e na sega ni oti rawa, e na idabedabe ni vakatui nei Tevita, kei na nona matanitu, me vakataudeitaka, me taubena cake tiko e na lewa dodonu kei na ivalavala dodonu, mai na gauna oya me tawamudu: Na Nona gumatua na TURAGA cecere (Yahweh of Hosts), e na rawa kina na veika oqo.
- Aisea 9:6-7

Ia ni da sa vakadonui e na yavu ni vakabauta, eda sa na qai tiko veisaututaki kei na Kalou (Elohim) e na vuku ni noda Turaga (Master) o Jisu na Karisito (Yahshua the Messiah), 02 e na vukuna talega e sa tadola kina vei keda, e na vakabauta, na sala i na loloma eda sa mai tu kina oqo, meda qai marautaka na noda inuinui e na lagilagi ni Kalou (Elohim).
- Roma 5:1-2,


Me qai taucoko mada ga na Nona vakatabui kemuni na Kalou (Elohim) ni veivakacegui; me qai taqomaki tiko na yalomuni, na nomuni bula, kei na yagomuni, me tabucala vakadua, me yacova na Nona lako mai na Turaga (Master) o Jisu na Karisito (Yahshua the Messiah),
- 1 Cesalonaika 5:23.


Na Turaga (Sovereign) ga ni veivakacegui vakataki koya me solia vei kemuni na sautu e na veika kece oni cakava. Me tiko kei kemuni kece na Turaga (Master).
- 2 Cesalonaika 2;16



Also Read If Possible (Wilika Talega Ke Rawa)
Ecclesiates 3:1-3, Romans 15:33, 16:20, 2 Corinthians 13:11,

Philippians 4:6-9

Na Vuani Yalo: Na Vakacegu (The Fruit of the Spirit: Peace)

Serving for the 13th March, 2008.

Na TURAGA (Yahweh) me vakalogatataki Kemuni, ka maroroi kemuni, 25 Na TURAGA (Yahweh) me serauna na matana vei kemuni ka solia vei kemuni na yalololoma, 26 Na TURAGA (Yahweh) me vakanamata vei kemuni, ka solia vei kemuni na vakacegu.
- Lekutu 6:24-26,

Na vakacegu vakaitamera e tiko vei ira era taleitaka na nomuni lawa (Torah), e sega ni dua na ka e rawa ni vakatarabetaki ira.
- Same 119:165

Oni na solia na vakacegu vinaka vakaoti, vua e lomadei tu na vuniyalona, baleta ni vakararavi vei kemuni, 04 Mo vakararavi Vua na TURAGA (Yahweh) me kua ni mudu, baleta Vua na TURAGA (Yah), na TURAGA (Yahweh) e kaukaua tawamudu
- Aisea 26:3-4,

“Na vakacegu Au biuta tiko mai vei kemudou, na Noqu vakacegu Au solia vei kemudou; ia Au na sega ni solia vei kemudou e na kena ivalavala vakavuravura. Kakua ni laiva me lomaleqaleqa se rivarivabi na vuniyalomudou.
- Joni 14:27.

Ni kakua ni lomaleqaleqataka e dua na ka, ia e na veigauna kece, e na masumasu kei na vakatakekere vata kei na vakavinavinaka, laiva na nomu kerekere me vakatakilai Vua na Kalou (Elohim); 07 ia na vakacegu ni Kalou (Elohim), e uasivita na veika kece e kilai, e na taqomaka na utoda kei na vuniyaloda e na vuku i Jisu na Karisito (Yahshua the Messiah).
- Filipai 4:6-7.


Laiva na yalovakacegu ni Kalou (Messiah), me vakavulewa e vuniyalomuni; na inaki dei oqori oni a kacivi kina moni lewe ni dua na yago; ka moni dau vakavinavinaka vei Karisito (Messiah).
- Kolosa 3:15.



Also Read If Possible (Wilika Talega Ke Rawa)
Proverbs 12:20, Isaiah 32:17, 57:21, Micah 4:1-5, Luke 2:13-14,

Romans 8:1-6.

Na Kalou E Dau Mamarau. (Yahweh is Always Joyful)

Serving for the 12th March, 2008

Na lagilagi ni TURAGA (Yahweh) e na tudei me tawamudu; na TURAGA (Yahweh) e na marautaka na Nona cakacaka. 32 E raica na vuravura qai sautaninini, ni tara na veiulunivanua era qai kubou. 33 Au na lagasere Vua na TURAGA (Yahweh) e na gauna kece ga au bula tiko kina, Au na seretaka na vakavinavinaka Vua na noqu Kalou (Elohim), e na gauna kece au bula tiko kina, 34 Na noqu vakanananu e na vukuna me kamikamica; Au na mamarau tiko e na vuku ni TURAGA (Yahweh).
- Same 104:31-34


E na siga oya e na tukuna kina vei Jerusalemi, Kakua ni rere; Saioni, Kakua ni laiva na ligamu me wadamele. 17 Na TURAGA (Yahweh) na nomuni Kalou (Elohim) e na kemuni maliwa e kaukaua; e na veivakabulai, e na rekitaki iko o koya, e na yalomamarau; e na vakacegui iko o Koya e na Nona loloma, e na marautaki iko o Koya e na lagalaga sere.
- Sefanaia 3:16-17.

Laiva meda vakanamata toka ga vei Jisu (Yahshua), o koya e ivakatekivu ka ivakamaqosa ni noda vakabauta, o Koya, ni raica na reki e a rawa ni nona, a qai vosota na kauveilatai, vosota na madua, ka sa lai dabe sara kina oqo e na liga imatau ni idabedabe vakatui ni Kalou (Elohim). 03 Raica matua,na ilevu ni rarawa a sotava mai ligadra o ira era dau ivalavala ca, mai vei ira era cakacacani ira tiko ga vakataki ira, de qai yaco moni yalodatuvu ka yalolailai e na nomuni bula.
- Iperiu 12:2-3.



Also Read If Possible (Wilika Talega Ke Rawa)
Revelation 21-22; Exodus 2-3; Hebrews 10:36-39

Na Vua ni Yalo – Na Mamarau (The Fruit of the Spirit: Joy).

Serving For The 11th March, 2008

Laga sere ni marau vua na TURAGA (Yahweh), kemuni na yalododonu; e kilikili vei ira na yalodina me ra vakavinavinaka Vua. 02 Vakavinavinaka vua na TURAGA (Yahweh) e na Api, qiriqiri vua e na ivakatagi watini, 03 Lagata e dua na sere Vua, e dua na sere vou, qiriqiri vakamatau ka kaila e na mamarau, 04 Baleta na vosa ni TURAGA (Yahweh) e donu ka dina; e yalodina o koya e na veika kece e cakava.
- Same 33:1-4,

Ni toso vinaka tiko o ira na yalododonu, na koro e na mamarau; ia ni sa rusa na tamata ca, e na yaco na kaikaila.

- Vakaibalebale 11:10,

E dina ni na sega ni se na vunilolo, ka sega na vuata e na vunivaini, na vuata mai na olive era na qeqera, na loga ni were e na sega na solia mai na kakana mai logana; era na muduki tani beka mai na bai na qele ni sipi, ka sega na bulumakau e na kena bai: 18 Ia au na reki ga e na vuku ni TURAGA (Yahweh), Au na kune marau Vua na Kalou (Elohim) ni noqu vakabulai.
- Apakuki 3:17-18

13 Ia laiva na Kalou (Elohim) ni inuinui, me vakasinaita vei kemuni, na marau kei na vakacegu e kune e na nomuni vakabauta, me rawa ni qai levu cake sara na nomuni inui­nui, e na kaukaua ni Yalo Tabu.
- Roma 15:13

Dau yalomarau e na Turaga (Yahweh) e vei­gauna kece; meu tokoruataka, au kaya dau yalomarau.
- Filipai 4:4,

Kemuni na noqu mataveitacini, kakua ni nanuma ni dua tani na veivakatovolea katakata e na yaco vei kemuni, me vaka beka ni yaco tiko e dua na ka tani vei kemuni: 13 Ia moni marau ga, baleta oni sa vakaitavi tiko e na veivakararawataki nei Karisito (Messiah); baleta ni sa vakatakilai mai na Nona lagilagi, o kemuni talega e na vuabale na nomuni vakamuduo. 14 Kevaka oni vakasewasewani e na yaca i Karisito (Messiah), na kena marau e nomuni, baleta na Yalo lagilagi ni Kalou (Elohim) sa cegu toka vei kemuni. E na vukudra o ira, o koya e na vosa vakacacani ia e na vukumuni o koya e na vosa vakalougatataki.
- 1 Pita 4:12-14


Also Read If Possible (Wilika Talega Ke Rawa)
Revelation 1; 4:1-16; 5:23-24; 6-8; Jude 14-15

Na Kalou Na Loloma. (Yahweh is Love)

Serving for the 10th March, 2008

Sa qai sobu mai na o na TURAGA (Yahweh) qai mai duri tu vata kei koya e keya, qai tusanaka na Yacana na TURAGA (Yahweh) 06 Sa qai toso i mata i Mosese qai kaya, Na TURAGA (Yahweh) na TURAGA (Yahweh) na Kalou (El) dauyaloloma, daulomasoli, dauvosovosota vakadede, vuabale e na loloma kei na dina.
- Lako Yani 34:5-6

Na TURAGA (Yahweh) e vinakata na ivalavala dodonu, vata kei na lewa dodonu; Na vuravura sa sinai vutuvutu tu, e na Nona loloma tawayalani
Same 33:5

“Baleta na Kalou (Yahweh) e na vakataimera ni Nona lomani vuravura, e a solia kina na Luvena duabau a vakatubura, me kakua ni rusa o ira yadua era vaka­bauti Koya, ia mera rawata ga na bula tawamudu.
- Joni 3:16

Ia na Kalou (Elohim) sa vakaraitaka na Nona loloma e na vukuda, e na Nona a mai mate na Karisito (Messiah) e na vukuda, e na gauna eda se ivalavala ca tu kina.
- Roma 5:8

Baleta au sa kila matua, ni na sega ni rawata na mate se na bula, o ira na agilosi se o ira na veimataqali iliuliu se o ira na qaqa, na veika e tu e daidai, se na veika e se tu mai muri; 39 se na veika cere se lolovira, se na veikabuli tale eso, me na rawa ni tawasei keda mai na loloma ni Kalou (Elohim), e kune vei Jisu Karisito (Yahshua Messiah), na noda Turaga (Messiah).
- Roma 8:38-39

O keda eda sa vakabauta ka kila na loloma e vure mai Vua na Kalou (Elohim) e na vukuda. Na Kalou (Elohim) na loloma, ia o koya e bula tiko e na loloma, e bula tiko kei na Kalou (Elohim)
- 1 Joni 4:16


Also Read If Possible (Wilika Talega Ke Rawa)
Genesis 14:18-20; Psalms 110; Matthew 4:1-11

Na Vua Ni Yalo: Loloma (Fruit of the Spirit: Love

Serving for the 9th March, 2008

Au na lomani Kemuni TURAGA (Yahweh) na noqu kaukaua
- Same 18:1

Sauma vua o Jisu (Yahshua), “Na imatai ni ivakaro cecere duadua qo ‘Rogoca qo Isireli; na TURAGA (Yahweh) na noda Kalou (Elohim), na TURAGA (Yahweh) e duabulu. 30 ‘O sa vakaroti mo lomana na TURAGA (Yahweh) na nomu Kalou (Elohim) e vuniyalomu taucoko, e na nomu bula taucoko, e na nomu vakasama taucoko, kei na nomu kaukaua taucoko.’ Oqo na imatai ni ivakaro cecere duadua. 31 Na kena ikarua e tautauvata ga oqori, ‘Mo lomana na wekamu vakai­tikotiko, me vaka ni o dau lomani iko ga vaka­taki iko.’ E sega tale ni dua na ivakaro me uasiviti rau qo.”
- Marika 12:29-31

“Ragone, Au na tiko vata kei kemudou vakalekaleka walega. Dou na vaqarai Au; ia me vaka Au a kaya vei ira na Jiu, ‘Na vanua Au lako kina, dou na sega ni lako rawa kina,’ ia qo Au sa kaya vei kemudou. 34 “E dua na ivakaro vou Au sa na solia vei kemudou, oya mo dou dau vei­lomalomani vakataki kemudou; me vaka Au dau lomani kemudou, o kemudou talega mo dou dau veilomalomani vakataki kemudou. 35 “E na ka oqo, e na kilai raraba kina ni dou Noqu tisaipeli, kevaka dou dau veilomalomani o kemudou vakataki kemudou.
- Joni 13:34-35

“O na rogoca ni tukuni, ‘Mo lomana na wekamu vakaitikotiko, ia mo sevaka na kemu meca!’ 44 “Ia o Au, Au kaya vei kemuni, “Lomana na kemu meca, vakalougatataki ira era rukaki iko, caka vinaka vei ira era sevaki iko, masulaki ira era vakayagataki iko vakalawaki ca se vakaucacataki iko, 45 “moni rawa kina ni wili moni luve i Tamada mai lomalagi; baleta o Koya, e dau vakavuna me cadra na Nona matanisiga vei ira era ca, vata kei ira era vinaka; ka vakatauca na uca vei ira era dodonu vata kei ira era tawadodonu. 46 “Kevaka mo ni lomani ira ga era lomani kemuni, na icovi cava beka oni sa rawata? E sega beka ni ra dau cakava talega qori o ira era dau kumuni ivakacavacava?
- Maciu 5:43-46

Sa dodonu kina, baleta ni oni digitaki ni Kalou (Elohim) vaka­tabui ka daulomani, vakarautaka na itovo e kune kina na yalololoma, na veinanumi, na yalomaloku, na yalomalumu, na vosovosota vakadede; 13 moni dau veitokoni, ka dau veivosovosoti, ke dua e veileti tiko kei na dua tale; me vaka ga ni sa vosoti kemuni oti o Karisito (Messiah); o kemuni talega e dodonu moni veivosoti. 14 E na dela ni veika kece oqori, vakarautaka na loloma, baleta oqori na ivau ni veika e vinaka vakaoti.
- Kolosa 3:12-14


Read Also If Possible (Wilika Talega Ke Rawa)
Deuteronomy 6:4-6, John 14-15,21:15-17, 1 Corinthians 13:1,

1 John 4:7-21, I Peter 4:7-8

Na Vuani Yalo Tabu: The Fruit of the Spirit

Serving For The 8th March, 2008

Baleta na cakacaka ni leweniyago e kilai levu, e na veika oqo; na veidauci, na dukadukali, na garovi ni ivalavala e vakasisila, 20 na lotutaki matakau, na vakatevoro, na veisevaki, na veileti, na veiqati, na cudrucudru, na babamatua, na vakatubuca, na veivakaucacataki, 21 na vuvu, na laba, na mateni, na marau vakalialia kei na veimataqali itovo vaka oqori; o ira era cakava oqo, me vaka au sa tukuna oti vei kemuni mai liu, au na tukuna tale vei kemuni qo, era na sega ni taukena na matanitu ni Kalou (Yahweh). 22 Ia na vuani Yalo oqo; na loloma, na reki, na vakacegu, na vosota vakadede, na yalomalumu, na yalovinaka, na vakabauta, 23 na yalomaloku, na lewa matua; e sega na lawa me saqati oqori.
- Kalatia 5:19-23

E na dua na gauna eliu, oni a dau lecaika tu, ia qo oni sa vakararamataki mai vua na Turaga (Yahweh), sa dodonu ga kina moni bula tiko me vaka na luve ni rarama: 09 Baleta na vua ni rarama, e kune e na veika e vinaka, na veika e dodonu kei na veika e dina, 10 sa dodonu kina moni kilakasamataka na veika e vakadonui e mata ni Turaga (Sovereign). 11 Kakua ni vakaitavi e na cakacaka tawayaga ni butobuto; ia moni vosa vakacacana.

- Efeso 5:8-11


“Baleta na vunikau vinaka e na sega ni vua­taka rawa na vuanikau ca, na vunikau ca talega e na sega ni vuataka rawa na vuanikau vinaka. 44 “Na vunikau kece era na kilai mai na dui vuadra. Na tamata era na sega ni tamusuka na vuanilolo mai na vunikau vakavotona, se tamusuka na vuanivaini mai na vunisoni. 45 “Na tamata vinaka, mai na iyau vivinaka e sinai tu e vuniyalona, e na vakavatukanataka mai kina na vinaka; ia na tamata ca mai na iyau ca ni vuniyalona, e na vakayacora kina na itovo ca. Baleta mai na veika sa sinai vutuvutu tu e vuniyalo, na gusuna e na cauraka tani mai.
- Luke 6:43-45




Also Read If Possible (Wilika Talega Ke Rawa)
Psalms 1,112, Isaiah 27:2-3, John 15:1-16,
Romans 7:1-6

Na Yaca ni Kalou – Na iVakabula. (Name of Elohim: Saviour)

Serving for the 7th March, 2008

Na TURAGA (Yahweh) e noqu iVakatawa, e na sega na ka me sega vei au.

- Same 23:1

Raica na Turaga (Sovereign) na Kalou (Yahweh) e na lako mai e na liga qaqa, ia na ligana kaukaua e na mai vakavulewa e na vukuna; raica na Nona icovi sa tiko Vua, vata kei na Nona cakacaka sa tu e Matana, 11 E na vakani ira na Nona tamata, me vaka na ivakatawa ni sipi, e na vakasoqoni i ira na luve ni sipi e na ligana, ka colati ira e lomaserena, E na tuberi ira vakamalua, o ira e tiko na nodra lalai.
- Aisea 40:10-11

Na Kalou (Elohim) ni veisaututaki, o Koya e a vakatura na noda Turaga (Master) o Jisu (Yahshua) mai na mate, na ivakatawa levu ni sipi, e na dra ni veiyalayalati tawamudu, 21 me qai vakaiyaragitaki kemuni e na veika vivinaka, me rawa kina vei kemuni moni dau vakayacora na Nona inakinaki, kei na Nona cakacakataka e lomamuni na veika e dau talei e matana, e na vuku i Jisu Karisito (Yahshua Messiah), ka me Nona na lagilagi e veiveigauna kece me tawamudu. Emeni.
- Iperiu 13:20-21

“Qori era sa mai duri tu kina e na mata ni idabedabe vakatui ni Kalou (Elohim), me ra qaravi Koya e na siga kei na bogi, e loma ni Nona valenisoro. O Koya e dabe toka e na idabedabe vakatui, e na vakarurugi ira. 16 Era sa na sega ni walokai tale vakadua se kara­maca; era na sega talega ni kama mai na mai na matanisiga se na kena katakata;17 Baleta na Lami, o koya e duri tu e na kedra maliwa na idabedabe vakatui, e na vakatawani ira, ka tuberi ira i na ivurevure ni wai bula. Na Kalou (Elohim) e na qai qua laivi na wainimata kece mai matadra.
- Vakatakila 7: 15-17

Also Read If Possible (Wilika Talega Ke Rawa)

Psalms 23, 80:1-7, Ezekiel 34, Micah 5:2-5,

John 10:11-15, I Peter 2:21-25, 5:1-4

Yaca Ni Kalou: Na iVakabula (Name of Elohim: Saviour)

Serving for the 6th March, 2008

Na cava o rui lomabibi tiko kina, I yaloqu, Na cava o nuiqawaqawa tiko kina e lomaqu. Vakanuinui Vua na Kalou (Elohim), baleta au na ia meu vakavinavinakataki Koya, o Koya e noqu ivakabula ka noqu Kalou (Elohim).

- Same 42:11


“O iko na noqu ivakadinadina“, e kaya na TURAGA (Yahweh) ka noqu dauniveiqaravi au sa digitaka, me rawa ni o ni kilai Au ka vakabauti Au. ka moni kila tiko ni o au ga o Koya. E a sega ni buli e dua na Kalou (El) me liu mai vei Au, e sega talega ni dua e na muri mai vei au, 11 O Au, o Au sara ga na TURAGA (Yahweh), e sega tale ni dua na iVakabula me tu mai vata kei Au. 12 Au sa vakatakila, au sa veivakabulai, kau sa vakaraitaka, E na gauna a sega kina na kalou (elohim) tani e na kemuni maliwa, “Qori oni noqu ivakadinadina kina“, e kaya na TURAGA (Yahweh), “Ni o Au na Kalou (El)“ 13 Io ni se bera na veisiga oqo, o Au ga, au a tu, Ka sega ni rawa ni dua e veivueti mai ligaqu, Niu sa cakacaka, o cei e rawa ni vakadonuya?
- Aisea 43:10-13

Na loloma ni Kalou (Elohim) e kauta mai na veivueti, sa vakatakilai oti vei ira na tamata kece. 12 E vakatavulica vei keda, meda cata na itovo tawadodonu kei na gagadre vakavuravura; ia meda bula tiko e vuravura oqo e na yalo­matua, e na yalododonu kei na yalovakalou; 13 ni da vaqara tiko na noda inuinui kalougata, kei na basika mai e na lagilagi ni noda Kalou (Elohim) cecere kei na ivaka­bula o Jisu na Karisito (Yahshua the Messiah); 14 o Koya e a soli i Koya e na vukuda, me rawa ni vueti keda mai na ivalavala ca; ka vakasavasavataki keda meda Nona, e dua na kawatamata vou, dau gumatuataka na cakacaka vinaka.
- Taito 2:11-14



Also Read If Possible (Wilika Talega Ke Rawa)
Psalms 68:19-20, Micah 2:1-7, Habakuk 3:16-19,

Luke 1:47-55, 2:8-20, John 4:40-44,
Cakacaka 5:29-32

Yaca Ni Kalou: Uluvatu (Name Of Elohim: Rock).

Serving For The 5th March, 2008

Ni vakatudaliga mai lomalagi, Meu vosa mada; rogoca mai vuravura, na vosa ni gusuqu, 02 Na noqu ivakavuvuli e na tau vaka na uca, ka mirimiri na vosa au na cavuta me vaka na tegu, me vaka na uca mamada e tauca na kau draudrau e se qai tubu cake tiko, kei na uca tau bi e na veiveico 03 Baleta au sa na tusanaka na yaca ni TURAGA (Yahweh), vakacaucautaka na cecere ni noda Kalou (Elohim), 04 O Koya na Uluvatu (Rock), na Nona cakacaka e vinaka vakaoti; Ka dodonu na nona ivalavala kecekece, E Kalou (Elohim) yalodina ka na sega ni caka cala, E dodonu ka dina o Koya
- Vakarua 32:1-4

Sa qai masu o Ana, qai kaya, Sa reki na vuniyaloqu Vua na TURAGA (Yahweh), E na vuku ni TURAGA (Yahweh) sa laveti cake na noqu kaukaua, Sa doudou na gusuqu vei ira na kequ meca, baleta au marautaka na Nomuni veivueti, 02 E sega ni dua tale me yalosavasava (Holy) me vaka na TURAGA (Yahweh), E sega ni dua me kemu ikarua, E sega ni dua na uluvatu (rock) me vaka na noda Kalou (Elohim).
- 1 Samuela 2:1-2

Na TURAGA (Yahweh) e noqu uluvatu (rock), e noqu idrodro ka noqu ivakabula, e noqu Kalou (El) e noqu kaukaua, Vua au na vakararavi tu Vua, O koya e noqu isasabai, na kaukaua au vakabulai kina, ka yavu dei ni noqu kaukaua (high tower) 03 Au na kacivi na TURAGA (Yahweh), o Koya e kilkili me vakacaucautaki, Au na qai vueti, mai vei ira na kequ meca.
- Same 18:2-3




Also Read If Possible (Wilika Talega Ke Rawa)
Deuteronomy 31, II Samuel 22, Psalms 62,
Romans 9:30-33, I Corinthians 10:1-4, I Peter 2:1-8

Yaca Ni Kalou. (Name of Elohim)

Serving for the 4th March, 2008

Na TURAGA (Yahweh) e na nodra idrodro talega o ira era dau vakararawataki, na itataqomaki e na veigauna ni veivakacacani, 10 ra era kila na Yacamuni era na tekia na nodra vakabauta vei Kemuni, baleta o Kemuni TURAGA (Yahweh), oni sebera vakadua, ni vakawaletaki ira era vaqarai kemuni.
- Same 9:9-10

Rogoca noqu tagi, Kemuni na Kalou (Elohim), Vakatudaliga ki na noqu masu. 02 Mai na iyalayala kei vuravura au na kacivi Kemuni, ni sa gogo na vuniyaloqu, tuberi au ki na uluvatu e cecere cake vei au, 03 Baleta o Kemuni Oni dau ivakaruru vei au, ka isasabai kaukaua, mai vua na meca 04 Au na tiko e na nomuni valelaca, me sega ni mudu, Au na vakanuinui meu ubi tu na ruku ni tabamuni. Sela.
- Same 61:1-4,

O Kemuni na noqu ivunivuni ka noqu isasabai, Au sa nuitaka tu na nomuni vosa.
- Same 119;114,


Kemuni TURAGA (Yahweh) na noqu kaukaua, na noqu isasabai, na noqu ivakaruru e na veigauna ni leqa. Vei Kemuni era na lako mai o ira na kai veimatanitu tani me ra lako mai vei Kemuni mai na iyalayala kei vuravura, era na qai kaya, “Sa dina ga ni o ira na neimami qase, era taukena ga na ka lasulasu, na dokadoka kei na veika e sega kina na tubu. 20 Era na bulia beka na nodra dui kalou (elohim) o ira na tamata? Io, ia era sega ga ni kalou (elohim)!” 21 O Koya oya, raica, e na dua na gauna oqo, Au sa na cakava me ra kila na Ligaqu kei na noqu kaukaua: Era na qai kila kina ni Yacaqu o Au, na TURAGA (Yahweh).
- Jeremaia 16:19-21


Also Read If Possible (Wilika Talega Ke Rawa)
2 Samuel 22:3,31, Psalms 46, 59: 16-17, 71,

Psalms 91, Isaiah 25:1-5

Yaca ni Kalou: Na iVakabula. (The Name of Elohim: Saviour)

Serving for the 3rd March, 2008

Au kila ni bula tiko na noqu iVakabula, ka na mai duri tu e na ivakataotioti ni gauna e na dela ni vuravura, 26 Io, ni sa vakarusai oti na kuli ni yagoqu, e na leweniyagoqu au na raica na Kalou (Eloah) 27 O Koya au na raica sara ga o au, na mataqu sara ga e na raica, e sega ni dua tale; sa dua na ka na noqu diva tiko e vuniyaloqu.
- Jope 19:25-27


E cei e siqema rawa na nona cala? Ni vosota na noqu ivalavala ca era vuni tu, 13 Ni taqomaka na nomuni dauniveiqaravi mai na ivalavala ca nakiti; Me ra kakua ni lewai au. Qori ga au na sega ni beitaki rawa kina, Kau na vagalalataki mai na ivalavala ca lelevu, 14 laiva na vosa mai na gusuqu, kei na vakanananu ni vuniyaloqu, me vakabau e matamuni, Kemuni na noqu TURAGA (Yahweh), na noqu uluvatu, ka noqu ivakabula.
- Same 19:12-14

Oqo na veika e kaya na TURAGA (Yahweh), Na Tui Isireli, ka nodra iVakabula na TURAGA kaukaua (Yahweh of Hosts), O au na imatai, o Au na imurimuri, E yasaqu e sega tale ni dua na Kalou (Elohim) 07 O cei e tautauvata kei Au? Laiva vua me kaya cake mai. Laiva vua me vakamacala ka tuvana e mataqu, na veika sa yaco oti, mai na gauna au a vakatikori ira oti kina, na noqu tamata e na gauna makawa? Kei na veika e sebera tiko ni yaco – Io, laiva me vakayatuyatutaka na veika e se tu mai liu, 08 Kakua ni domobulu, kakua talega ni taqaya, Au sega beka ni tukuna na veika oqo, ka vakamacalataka mai liu sara? O kemuni sara ga oqo, na noqu ivakaidinadina, E dua tale beka na Kalou (Eloah) e duidui mai vei Au, E sega, e sega ni dua tale na uluvatu, Au sega ni kila e dua tale.
- Aisea 44:6-8

Yaca ni Kalou: O Koya na Qaqa (Name of Elohim: Saviour and Redeemer)

Serving for the 2nd March, 2008

E dina ni oni dau vakanadakui ka dau sesevaki, ka sega ni dua e bau dau lako mai vei iko Ia au na qisi i iko me Nomu na lagilagi me sega ni mudu, ka vu ni mamarau vei ira na veitabatamata kecega. 16 O na gunuva na medra sucu na kai Veimatanitu tani (Gentiles), ka susugi e na medra matanisucu na tui. O na qai kila kina ni o Au, na TURAGA (Yahweh), Au nomu iVakabula (Savior), O koya e a voli i iko lesu (Redeemer), O koya na qaqa i Jekope.
- Aisea 60:15-16

E qai kaya o Meri (Miriam), “Na noqu bula e vakamuduo vua na TURAGA (Yahweh), 47 na yaloqu e rekitaka na Kalou (Elohim) na noqu iVakabula, 48 baleta ni bau nanuma tu mai o Koya, na ivalavala malumu ni Nona vada, Meda raica ni tekivu qo ka lako yani, na veitabatamata kecega, era na vakatokai au niu kalougata, 49 baleta o Koya na qaqa, sa mai cakava e vuqa na ka lelevu, e na vukuqu – me vakatabui na Yacana. 50 Na nona loloma e dau tete vei ira era dau rerevaki Koya, mai na dua na itabatamata ki na dua tale na itabatamata,
51 E sa cakava e vuqa na veika lelevu e na ligana, e vakasesei ira e dau qaciqacia na vuniyalodra,’ 52 e talaci ira na tui mai na nodra idabedabe vakatui ka vakacerecerei ira era dau yalomalumu. 53 E vakasinaiti ira na walokai e na veika vivinaka, ia o ira na vutuniyau e vakasukai ira me ra liga lala, 54 E dau solia na nona veivuke vua na nona dauniveiqaravi o Isireli, me ivakananumi ni nona dauyalololoma, 55 Me vaka a kaya vei ira na tamada, Vei Eparayama kei Koya na nona kawa me tawamudu.”
Luke 1: 46-55




Also Read If Possible (Wilika Talega Ke Rawa)
Joshua 22:22, Psalms 50:132, Isaiah 49:24-26,

Mark 14: 60-62

Na Yaca ni Kalou: TUI. (Name of Elohim: King)

Serving for the 1st March, 2008

Na TURAGA (Yahweh) e dade toka vakatui e na dela ni ualuvu, na TURAGA (Yahweh) sa buli oti me Tui (King) me sega ni mudu; 11 Na TURAGA (Yahweh) e solia na Nona kaukaua vei ira na Nona tamata; na TURAGA (Yahweh) e vakalougatataki ira na tamata e na bula sautu.
-Same 29:10-11

O Au na TURAGA (Yahweh) na nomuni Kalou (Holy One) yalosavasava, o Koya e a buli i Isireli, ka nomuni Tui (King),
- Aisea 43:15

E tarogi koya sara o Pailato ni kaya, “O iko beka na nodra Tui na Jiu?“ Qai sauma vua o Koya ni kaya “O iko o sa kaya mai“.
- Luke 23:3

Au raici lomalagi ni tadola tu mai, au qai raica e dua na ose vula, ia o koya vodoka tu mai e vakatokai o Yalodina kei Yalododonu, ia e na Nona yalodina kei na dodonu, e dau vakatau lewa kina ka vakayaco i valu. 12 Na yaloka ni matana e vaka na yameyame ni bukawaqa, qai dara tu e uluna e vuqa na isalavakatui. E volai tu vua e dua na yaca, ka sega ni dua na tamata e kila, vakavo duadua ga o koya vakataki koya. 13 E dara tu e dua na kote balavu sa toni oti mai e na dra, na yacana e kacivi kina o Vosa ni Kalou (Elohim). 14 Na mataivalu era a tu mai lomalagi, era muri i koya tiko mai ka ra vodoka tiko na ose vulavula, ka dara tu mai na isulu lineni matailailai, vulavula ka savasava. 15 E dodo tiko mai gusuna e dua na iseleiwau gagata, me mai samuti ira kina na veimatanitu. “E na qai mai liutaki ira e na lawa ni Nona ititoko kaukaumea. E na mai butuka o koya na iqaqi ni waini ni Nona leva cecekia, na Kalou levu ka kaukaua (El Shaddai). 16 E na Nona kote balavu vata kei na sagana, e toqai toka na yaca: NA TUI NI TUI (KING OF KING) KA TURAGA NI TURAGA (SOVEREIGN OF SOVEREIGN).
- Vakatakila 19:11-16


Also Read If Possible (Wilika Talega Ke Rawa)
Ecclesiastes 12; John 11:20-27; Romans 14:1-13;

Phillipians 1:20-26; I Corinthians 15: 35-54.