E Rua Na iTukutuku (Two Announcements)

Thought: The Son Of Elohim, Became The Son Of Man, So Man Become The Sons Of Elohim

........................................................................

Serving For The 30^th September, 2009

Baleta ni le levu era gadreva me volai vakaivola naitalanoa ni cakacaka eda sa kila vinaka kece tu, 02 e na kena inono era a solia sobu mai kina o ira mai na kena itekivu era a ivakadinadina ka italatala ni itukutuku sara ga oya, 03 ia baleta niu a raica talega o au, niu a toka voleka ka vakasamataka kece sara vakayalomatua; au sa na vola yani kina vei kemuni na kena ituvatuva dodonu, i Teofalusi na turaga levu, 04 mo rawa ni kila na dina ni itukutuku o sa mai tavuki tu kina qo.

Luke 1:1-4.

Baleta vei keda e na sucu e dua na gone, vei keda e dua na gonetagane e na soli mai; na matanitu e na vakacolati e tabana; ka na vakatokai me yacana o Dauniveituberi Veivakurabuitaki, o Koya na Ka Levu, na Kalou (Elohim) tawamudu, na Ravouvou ni Sautu.

Aisea 9:6.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
273	September 30	Isaiah 19-21	Ephesians 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Parofisai Nei Malakai (Malachi’s Prophecy).

Thoughts: The Curses In The Old Covenant Gave Rise To The Blessings Of The New Covenant

.........................................

Serving For The 29^th September, 2009

Baleta, raica, sa tadu mai na siga e na kama kina me vaka na lovo katakata na noqu leva; o ira kece era viavialevu kei ira kece era dau caka ca, era na vaka na tabanisila; na siga sa roro mai e na vakamai kece, e kaya o Jiova ni lewe vuqa (Yahweh of hosts), me kakua ni vo tale tiko na wakadra se na tabadra. 02 Ia, o koya e rerevaka na Yacaqu, e na yaco me matanisiga ni yalododonu e dau cadra vata kei na veivakabulai e na tebenigusuna; oni na qai lako yani ka ladelade e na malaude me vaka na luveni bulumakau mai na qele ni manumanu. 03 Oni na butuki ira sobu na tamata ca; baleta era sa na dravusa kece tu e na qeteqete ni yavamuni; e na siga oya au na cakava kina na veika oqo, e kaya o Jiova ni lewe vuqa (Yahweh of Hosts).

04 ¶ Nanuma na ivunau nei Mosese na noqu dauniveiqaravi, au a vakarota vua mai Horeba, me baleti Isireli raraba, vata kei na kena lawa kei na lewa. 05 Raica, au na talai Ilaiya na parofita, yani vei kemuni ni sebera ni yaco na siga vakaitamera, vakadomobula nei Jiova (Yahweh). 06 O koya e na qai lai vagolea na vuniyalodra na tama vei ira na gone lalai, kei na vuniyalodra na gone lalai vei ira na tama, niu se bera ni lako yani meu lai samuta na vuravura me rusa.

Malakai 4:1-6

Na Mesaia a sa voli i keda oti mai na kalouca ni lawa, e na Nona a ciqoma na nodra kalouca, (me vaka e volai tu, “E kalouca o ira yadua era rube e na kauveilatai”) 14 me rawa ni yaco na veivakalougataki nei Eparayama vei ira na kai Veimatanitu tani e na vuku i Jisu (Yahshua) na Mesaia, meda rawa ni ciqoma na yalayala ni Yalo e na kaukaua ni vakabauta.

Kalatia 3:13-14

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
272	September 29	Isaiah 16-18	Ephesians 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iOtioti ni Veivakavoutaki (The Last of The Reform)

Thought: Tithing And Giving Principles Re-instated

.............................................

Serving For The 28^th September, 2009

10 ¶ Au sa qai kila ni a sega ni soli vei ira na Livaiti na kedra iwasewase, au qai kila tale ga ni ra sa dui dro, o ira na Livaiti, o ira na daunisere, kei ira na liga ni cakacaka, i loma ni vanua. 11 Au a qai vunauci ira na iliuliu, niu taroga vei ira, Na cava e biu carukaica tu kina vaka oqo na vale ni Kalou (Elohim)? Au sa qai vakasoqoni ira vata, kau vakalesui ira tale i na nodra dui itutu. 12 O ira kece na Jiu, era sa qai kauta mai na ikatini ni sila, na waini vou kei na waiwai i na lololo ni iyau 13 Au qai lesi i ira me ra vakatawa e na lololo ni iyau, me wili kina o Shelemaia na bete kei Sadoka na vunivola, ia mai vei ira na Livaiti o Peraia; a qai mai tiko vata kei iratou o Hanana na luvei Sakuri, na luvei Matanaia; baleta era a wili ni ra yalodina; era a digitaki tale ga e na wirimadigi me ra mai veiliutaki vei ira na mataveitacini. 14 Nanuml au, kemuni na noqu Kalou (Elohim), e na vuku ni ka oqo, ni kakua ni bokoca laivi na noqu caka vinaka au dau cakava me baleta na vale ni noqu Kalou (Elohim), kei na kena vei cakacaka.

Nihemaia 13:10-14

06 ¶ Nanuma qo: O koya e kabukaburaki vakamanini e na tatamusuki vakarauta ga, ia o koya e kabukaburaki vakalevu e na tatamusuki talega vakalevu. 07 Laivi ira sara na tamata yadudua me ra dui tausoli mai na lewa ni dui lomadra, ka me kakua ni vakavorakitaki se vakasaurarataki; baleta na Kalou (Elohim) e taleitaki koya e dau solika e na yalomarau.

2 Korinica 9:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
271	September 28	Isaiah 13-15	Galatian 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Lawa Ni Vakamuri (The Law When Enacted).

Thought: Tobiah Like Character Can Spoil A Lot Of Things.

............................................

Serving For The 27^th September, 2009.

04 Ia ni sebera oqori, o Elaisabibi na bete a qai lako mai, qai mai tara e keya me nona, e dua na lomanibai levu, 05 e na tikina era a dau biuta tu kina na imadrali laukana, na drega ni fereqenisede, kei na vokete era dau tawani tu kina na ikatini ni sila, na waini kei na waiwai e vakaroti me dau soli vei ira na Livaiti kei ira na daunisere, na ivakatawa ni katuba kei na isolisoli me baleti ira na bete. 06 Ia e na gauna a yaco tiko kina na veika oqo, o yau, au a se sega ni tiko mai Jerusalemi: baleta e na ikatolusagavulu ka rua ni yabaki nei Aratakasisiti na tui Beibiloni, ni oti toka e vica na siga, au sa qai kerea meu sereki, maivua na tui; 07 Oti au qai lako mai i Jerusalemi, au sa qai mai kila na ca a cakava o llaisabibi e na vuku i Tobaia, ni a vakarautaka e dua na loqi e lomanibai ni vale ni Kalou (Yahweh). 08 Qori a vakararawataki au sara vakalevu; au mani kolokolo laivi na iyaya ni lomanivale nei Tobaia i gaunisala levu, e taudaku ni lomanibai. 09 Oti au qai vakarota; era qai lai samaka na lomanibai; era qai kauta lesu i keya na iyaya ni vale ni Kalou (Yahweh), na imadrali laukana kei na drega ni fereqisede. 10 ¶ Au sa qai kila ni a sega ni soli vei ira na Livaiti na kedra iwasewase, au qai kila tale ga ni ra sa dui dro, o ira na Livaiti, o ira na daunisere, kei ira na liga ni cakacaka, e loma ni vanua.

Nihemaia 13:4-9

12 ¶ Oti qai curu i na vale ni Kalou (Yahweh) o Jisu (Yahshua), qai cemuri ira kece era volivolitaki ka volivoli tiko e loma ni valenisoro, e a vukica vakatoboicu na nodra teveli na dauveisau ilavo kei na nodra idabedabe o ira era volitaki ruve. 13 Oti qai kaya vei ira “E volai tu ‘Na Noqu vale e na vakatokai me vale ni masumasu,’ ia oni sa vukica tiko qo me ‘nodra qara na daubutako.’”

Maciu 21:12-13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
270	September 27	Isaiah 10-12	Galatian 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Leqa Ni Talaidredre (The Problem with Disobedience)

Thought: Commit Yourself To Serve Yahweh With Undivided Attention

.............................................

Serving For The 26^th September, 2009

32 Ia qo, kemuni na neimami Kalou (Elohim), cecere, kaukaua ka Kalou (Elohim) savasava, o koya e dau maroroya na veiyalayalati kei na dina; laiva me kakua ni vunitaki mai matamuni na veika dredre sa yaco tiko vei keimami, vei ira na neimami tui, vei ira na neimami ravouravou, vei ira na neimami bete kei ira na neimami parofit, vei ira na tama i keimami, ka vaka kina vei ira na tamata kecekece, me tekivu mai na nona veisiga na nodra tui na kai Asiria, me yacova mai na siga nikua 33 Ia veitalia ga, o kemuni oni dodonu tiko ga e na veika kece sa yaco tiko qo vei keimami; baleta ni donu ga na ka oni a cakava; o keimami ga kemuni a caka ca. 34 E sega ni dua na neimami tui, se ravouvou, se bete, se tama i keimami e bau talairawarawa mada ga i na nomuni lawa se vakatudaliga e daligadra i na nomuni ivakaro kei na nomuni ilesilesi; qori oni rawa kina ni vakadinadinataka na veika baleti ira. 35 Era a besetaka na nomuni matanitu, kei na veivakalougatataki levu oni a solia vei ira, kei na vanua vinaka ka bulabula oni a solia vei ira; era sega ni qaravi kemuni ka sega talega ni saumaki mai na nodra ivalavala ca. 36 Qori keimami se veiqaravi tu ga kina me yacova mai na siga nikua; ia na qele oni a solia vei ira na tama i keimami me keimami dau kania na kena vuata, kei na kena veika vivinaka; raica keimami se bobula tikoga e loma. 37 Na kena vuata era dau mai kauta o ira na tui oni a lesi ira me ra mai lewai keimami baleta na neimami ivalavala ca; qo era sa dau lewa talega na yago i keimami ka lewai ira na neimami bulumakau, me vakatau ga e na nodra gagadre, ka keimami sa bula tu ga qo e na dredre.

Nihemaia 9:32-37

20 ¶ Na Kalou (Elohim) ni veisaututaki, o Koya e a vakatura mai na mate na noda Turaga o Jisu (Master Yahshua), na ivakatawa levu ni sipi, e na dra ni veiyalayalati tawamudu, 21 me vakadaumakataki kemuni e na cakacaka vivinaka moni vakayacora na Nona inakinaki kei na Nona cakacakataka e lomada na veika e dau talei e matana, e na vuku i Jisu (Yahshua) na Mesaia, ka me Nona na lagilagi e veiveigauna kece me tawamudu. Emeni.

Iperiu 12:20-21

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
269	September 26	Isaiah 7-9	Galatian 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Wiliki Na Lawa. (The Law Is Read)

Thoughts: Always Remember Yahweh’s Goodness To You In The Past.

.................................................

Serving For The 24^th September, 2009

Era sa qai soqoni vata vakataki ira o ira na tamata kecekece, me vaka beka ni ra le dua ga na tamata, e gaunisala levu donuya na matamata ni wai; era qai kaya vei Esera na vunivola, me kauta mai na ivola ni lawa nei Mosese, e a vakarota o Jiova (Yahweh) vei ira na IsIreli. 02 O Esera na bete a qai kauta mai na ivola ni lawa e matadra na lewe ni soqosoqo, ruarua vei ira na tagane kei ira na yalewa vata kei ira kece era na vakarorogo era qai kila, e na imatai ni siga ni ikavitu ni vula. 03 A qai wilika na ivola e gaunisala levu e na mata ni matamata ni wai, mai na mataka me yacova na sigalevu, e matadra na tagane kei na yalewa kei ira era rawa ni vakarorogo; na daligadra na tamata e a vakatudaliga me ra rogoca na ivola ni lawa. 04 Sa qai tu o Esera na vunivola e na vatavata kau, era a tara me na mai duri tu kina ni vosa; ka ratou duri tu e yasana o Matitaia, o Shema, o Hananaia, o Uraiya, o Ilikaia vata kei Ma’asaia e ligana imatau, ia e na ligana i mawi o Peria, o Misaeli, o Malakaia, o Ashumu, o Hasabia, o Sakaraia vata kei Mesulame. 05 Sa qai dolava na ivola ni lawa e matadra na tamata kecekece (baleta ni a tu mai deladra na tamata o koya) ia ni sa dolava, o ira kece na tamata era qai tucake: 06 Sa qai vakarokorokotaki Jiova (Yahweh) na Kalou (Elohim) levu o Esera. Era qai sauma na tamata kece Emeni, Emeni ka laveta cake na ligadra; era tekiduru ka vakarokoroko vei Jiova (Yahweh) ni ra cuva sobu tu i na qele na uludra.

Nihemaia 8:1-6

21 ¶ Na ka oqo au dau vakananuma lesu e lomaqu, au vakanuinui tu kina oqo vua na Kalou (Elohim). 22 E ka dina ni nona yalovinaka o Jiova (Yahweh) e na sega vakadua ni mudu, kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina. 24 O Jiova (Yahweh) e na noqu ivotavota e kaya na yaloqu, qori au na vakanuinui ga kina vua. 25 O Jiova e vinaka vei ira era waraki koya kei na bula e vakasaqarai koya.

Lele i Jeremaia

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
268	September 25	Isaiah 4-6	Galatian 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Oti na Veivakavoutaki (Rebuilding Completed)

Thought: Notice Nehemiah’s Management And Organising Skills

...............................................

Serving For The 24^th September, 2009

Ia ni sa tara oti na bailalaga, sa duri tu na duru ni isogo ka sa coba oti na kena isogo; era sa lesi oti o ira na dauniveiqaravi kei na ira na Livai, 02 au qai solia na noqu ivakaro vua na taciqu o Hanani kei Hananaia na kovana ni vale ni tui vata kei Jerusalemi: baleta o koya e tamata dodonu ka dau rerevaka na Kalou (Elohim) ka dau vuli laivi mai na ca. 03 Au qai kaya vei rau, Kakua ni laiva na matamata e Jerusalemi me dau dola me yacova ni sa cadra vinaka na matanisiga ka cila vinaka; ia ni se cila tu ga na matanisiga, laiva me ra sa dau sogota na matamata, ka laivame lokataki dei; qai lesia na yadra mai vei ira kece na lewe ni korolevu o Jerusalemi, na tamata kece me ra veivuketaka na yadra, ia me ra yadra tu ga veitaudonui kei na nodra dui vale. 04 Na korolevu e levu ka raba; ia era se le lailai ga na tamata era tiko kina, kei na nodra dui veivale era se bera ni dui tara vakaoti.

Nihemaia 7:1-3

04 Me vaka ni levu na veitiki ni yagona e dua na tamata, ia e duidui na nodra dui itavi na veitiki ni yago oqori, 05 o keda talega, ni da le levu eda duavata tikoga e na yago ni Mesaia, ia yadudua eda duavata vakataki keda. 06 Ia baleta ni ra duidui tu na ka ni loloma, me veiraurau kei na iloloma (grace) e soli wale vei keda yaduadua, eso, na iloloma soliwale ni parofisai me veisotari ga kei na noda iwasewase ni vakabauta;

Roma 12:4-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
267	September 24	Isaiah 1-3	Galatian 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).