Na Lawa Ni Bula I Yahuwe (YHWH’s Laws Of Life)

Thought: Live By YHWH’s Law For It Is Good For You And Your Future Generation

.................. 

Serving For Yom Sheini, Iyar 8, 5772

(NB. In Counting Days Toward Shavu’ot (Gr:Pentecost), Today Is Day 23 out of 50)

MAI NA TORAA (FROM THE TORAH

Oti moni qai kaya e na mata i Yahuwe (YHWH) na nomuni Kalou (Mighty One), Au sa yauta oti kece mai na veika vakatabui, mai loma ni noqu vale, kau sa solia vua na Li'vi'imi, na vulagi, na luveniyali, kei na vada, me vaka oni a vakarota vei au e na nomuni ivakaro (mitzvot), kau a sega ni bau guilecava. 14 Au sega ni bau kania e na noqu vakaloloku, kau sega ni bau tarai ira e na gauna au sega tu kina ni savasava, kau sega ni bau vakayagata e dua vei ira e na soqo ni veibulu; ia au a vakarogoca ga na domo i Yahuwe (YHWH) na noqu Kalou (Mighty One); kau vakayacora ga na veika kece me vaka oni vakarota vei au. 15 Rai sobu mai na nomuni itikotiko tabu, mai lomalagi, ka vakalougatataki ira na nomuni tamata o Yisira’yili vata kei na vanua oni a solia vei keimami, me vaka oni a bubuluitaka vei ira na neimami qase, e dua na vanua e dave kina na sucu kei na hani.

16 ¶ E na siga oqo o Yahuwe (YHWH) na nomuni Kalou (Mighty One) sa vakaroti kemuni kina moni bula muria na nona  lawa kei na lewa; e dodonu kina moni taqomaka ka bula muria e na vuniyalomuni taucoko, kei na nomuni bula (soul) taucoko. 17 Oni sa vakatusai Yahuwe (YHWH) e edaidai ni sa na nomuni Kalou (Mighty One), ka yalataka ni oni na bula muria na nona  sala, taqomaka na nona lawa kei na lewa vata kei na nona ivakaro (mitzvot), oni na qai dau vakatudaliga moni galeleta na vosa ni domona. 18 O Yahuwe (YHWH) e yalataka tale vei kemuni edaidai, ni oni na nona tamata talei, me vaka sa yalataka oti vei kemuni, baleta ni oni na taqomaka  ka bula muria na nona ivakaro taucoko; 19 E na qai vakacerecerei kemuni moni cecere cake vei ira na veimatanitu e a buli i ira, e na vakavinavinaka, e na yaca kei na vakarokoroko, moni qai yaco moni tamata vakatabui nei Yahuwe (YHWH) na nomuni Kalou (Mighty One), me vaka sa kaya oti o koya.

Na iVakarua (D’varim) 26:13-19

NA IVAQA NI BULA (FOOD FOR THE SOUL)

E na gauna mada ga ni veidredrevaki, na vuniyalo e rawa ni lomabibi tiko; ia na tavarekireki e rawa ni tini e na vutugu. 14 ¶ O koya o qaciqacia na vuniyalona e na vakasinaiti e na vua ni nona ivakarau; ia na tamata vinaka e na vo levu vua na veivakarokorokotaki e ciqoma.

Vosa Vakaibalebale (Mishlei) 14:13-14

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Dawide. Au na seretaka na loloma kei na lewa dodonu; vei kemuni i Yahuwe (YHWH) au na laga sere. 2 Au na vakaitovotaki au vakavuku  e na ivalavala e daumaka vakaoti. Isa e na gauna cava beka oni na lako mai kina vei au? Au na muria e loma ni noqu vale, na yalo e vinaka vakaoti. 3 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 4 Na yalotakelo e na vagolei tani mai vei au; au na sega ni via kila na ivakarau vakasisila. 5 O koya e beitaka vakailasu na wekana, au na muduki koya laivi; kei koya e viavialevu se yalodokadoka, au na sega ni via kana vata kaya. 6 Na mataqu e na mau toka ga vei ira era yalodina e loma ni vanua, me ra rawa ni na mai vakaitikotiko vata kei au; o koya e muria na ivalavala dodonu e na qaravi au. 7 O koya sa cakacaka vakaveivakaisini, e na sega ni mai tiko e loma ni noqu vale; o koya e dau lasulasu, e na sega ni mai toka vakadede e mataqu. 8 E na mataka lailai au na vagalui ira na dukadukali e vuravura; au na  vakarusai ira era dau vakayacora na itovo vakasisila mai na korolevu i Yahuwe (YHWH).

Same (Tehellim) 101:1-8

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 120 o/o 1580	April 30, 2012
Reading	Hebrew Date
Sh’mu’yl Bet (2 Samuela) 23-24	Iyar 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Yalewa Kei Na Ulumatua (Women And First Born Children)

Thought:  Always Treat Other People And Your Relatives Fairly

 .................

Serving For Yom Rishon, Iyar 7, 5772

(NB. In Counting Days Toward Shavu’ot (Gr:Pentecost), Today Is Day 22 out of 50)

MAI NA TORAA (FROM THE TORAH

E na gauna oni lako kina moni lai valuti ira na kemuni meca, o Yahuwe (YHWH) na nomuni Kalou (Mighty One) e na soli ira i ligamuni moni rawai ira ka kauti ira vakavesu. 11 Kevaka o raica e na kedra maliwa na bobula e dua na goneyalewa matavinaka, o qai domoni koya, e vakatarai vei iko mo kauti koya me watimu; 12 Ia mo na kauti koya mai i nomu vale; o koya me na qai tasia na uluna, ka kotiva na nona i taukuku; 13 O koya me na luvata laivi na nona isulu vakabobula, me sa na qai tiko voli ga e na loma ni nomu vale; ia me qai tiko vakalolokutaki tamana kei tinana me dua na vula taucoko; oti oya mo qai lako yani vua mo sa watina, o koya sa na qai yaco me watimu. 14 Ia ke mani yaco ni o qai sega tale ni taleitaki koya, ia mo na sereki koya me lako i na vanua ga e via lako kina; ia e vakatabui ga vei iko mo volitaki koya e na ilavo; mo kakua talega ni vakacakacakataki koya vakasaqamua mo rawa iyau kina, baleta o iko o a vakalolovirataki koya.

15 ¶ Ke dua na tagane e rua na watina, e dua e taleitaka ia o koya kadua e dau cata, ia rau sa vakaluveni ruarua vua, o koya e dau taleitaka kei koya e dau cata; ia na nona ulumatua e luvena o koya e dau cata; 16 Ia ni sa yaco me wasea vei ira na luvena me ra dui taukena vakaivotavota na iyau e taukena, e vakatabui vua me cakava me ulumatua o koya na ulumatua nei watina dau taleitaka, qai  vakanadakuya na luvena o koya e dau cata. 17 Ia na ulumatua, oya na luvena o koya e dau cata, e dodonu me na vakaruataki na nona iwasewase ni veika e taukena; baleta o koya e imatai vei ira na luvena; na dodonu ni ulumatua e nona o koya.

Na iVakarua (D’varim) 20:1-11

NA IVAQA NI BULA (FOOD FOR THE SOUL)

Na vuniyaloni tamata yalomatua e kila na nona rarawa, ia na vulagi e na sega ni wasea na nona marau. Na vale ni vakasisila e na vakarusai; ia na nona valelaca na yalododonu e na serauni. 12 ¶ E (rawa) ni tiko e dua na sala e rairai donu vua e dua na tamata, i na kena itinitini na sala i na mate.

Vosa Vakaibalebale (Mishlei) 14:11-12

LOMANI YAHUWE NA NOMU KALOU (LOVE YHWH YOUR MIGHTY ONE)

Na Same ni Vakavinavinaka. Cakava na rorogo ni marau vei Yahuwe (YHWH) kemuni na veivanua. 2 Qaravi Yahuwe (YHWH) e na marau; toro mai Vua ni tiko o Koya, e na lagalaga sere. 3 Kila tiko ni o koya o Yahuwe (YHWH) na noda Kalou (Mighty One); ni o Koya e a buli i keda; e sega ni o keda ga vakataki keda; o keda eda nona tamata, eda sipi ni nona lomanibai ni veiqaravi. 4 Curu i na nona matamata e na vakamolimoli; kei na nona lomanibai e na vakavinavinaka: vakamuduo vua, ka vakacaucautaka na Yacana.  5 Baleta o Yahuwe (YHWH) e vinaka; na Nona yalololoma e tawamudu; na Nona dina e na tudei tu ga vei ira na  veitabatamata kece sara.

Same (Tehellim) 100:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 119 o/o 1579	April 29, 2012
Reading	Hebrew Date
Sh’mu’yl Bet (2 Samuela) 21-22	Iyyar 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValu Kei Na Lotutaki Matakau (Wars And Idol Worship)

Thought: Important To Prevent Idol Worship, After Conquering The Enemies

....................... 

Serving For Shabbat, Iyyar 6, 5772

(NB. In Counting Days Toward Shavu’ot (Gr:Pentecost), Today Is Day 21 out of 50)

MAI NA TORAA (FROM THE TORAH

Ni oni sa toso volekata yani e dua na korolevu, moni valuti ira, taumada moni vakarogoya na sautu e na korolevu oya. 11 Kevaka era sauma mai e na vosa ni veisaututaki, era qai dolava mai na vanua vei kemuni, ia o ira kece na tamata era kune e loma ni korolevu oya me ra sa na nomuni dauniveiqaravi, ka me ra dau soli ivakacavacava vei kemuni. 12 Ia kevaka era sega ni via soro vei kemuni, era qai tu mai me ra valuti  kemuni, ia moni qai bukuya sara na druadrua ni koro oya: 13 E na gauna sa solia kina i ligamuni o Yahuwe (YHWH) na nomuni Kalou (Mighty One), o kemuni moni vaqeyavutaki ira kece na tagane e na bati ni seleiwau; 14 Ia o ira na yalewa, kei na lalai, na manumanu, kei na veika kecega era tu e loma ni koro, oya na itoki ni ivalu, moni na tokitaka me nomuni o kemuni vakataki kemuni; moni na kana talega mai na nodra iyau na kemuni meca; sa solia vei kemuni o Yahuwe (YHWH) na nomuni Kalou (Mighty One). 15 Oqori na veika moni na cakava e na veikoro levu era toka vakayawa mai vei kemuni, oya na veikoro levu era sega ni koro ni veimatanitu oqo.16 Ia e na nodra korolevu o ira na veimatatamata oqo, sa solia vei kemuni o Yahuwe (YHWH) na nomuni Kalou (Mighty One) moni taukena, o kemuni moni kakua ni vakavoca me bula tiko e dua na ka e vaka icegu. 17 Ia o kemuni moni vakarusal ira kece vakadua; o ira na Hiti, na Emori, na Kena'ani, na Pe'rizi, na Hivi, kei ira na Yu'vusi; me vaka a vakaroti kemuni kina o Yahuwe (YHWH) na nomuni Kalou (Mighty One).18 Me ra na kakua kina ni vakatavulici kemuni moni vakatotomuria na nodra ivalavala vakasisila kece sara, era sa dau vakayacora tiko e na nodra sokaloutaka na nodra kalou (elohim); moni kakua kina ni valavala ca e na mata i Yahuwe (YHWH) na nomuni Kalou (Mighty One). 19 E na gauna e buku tiko kina na druadrua ni dua na koro me dua na gauna balavu, ni oni kabakoro tiko moni rawaa, o kemuni moni kakua ni vakamatea na kena veivunikau, (vakabibi) e na nomuni tatalaki ira na veivunikau e rawa ni laukana na kena vuata, e na imatau; Kakua ni taya e dua na vunikau e loma ni vanua, baleta era sega ni tamata me ra na dro; vakavo ga ke ra vakayagataka tiko na meca me ra valuti kemuni kina. 20 Na veivunikau ga oni kila ni ra sega ni vunikau e rawa ni laukana na vuana, e rawa vei kemuni moni taya sobu; me rawa ni oni tara kina na nomuni bailalaga me vakayagataki e na valuti ni korolevu, era valuti kemuni tiko, me yacova ni ra sa rawai.

Na iVakarua (D’varim) 20:1-11

NA IVAQA NI BULA (FOOD FOR THE SOUL)

E ka dina taucoko ni vinakati me vakasavasavataki na nona itikotiko na vakasisila, ia na nona matavuvale na yalododonu e vakadonui. 10 ¶ O ira na lialia era vakayacora na ivalavala ca, ia o ira na luvena na yalododonu e nodra na veika vivinaka;

Vosa Vakaibalebale (Mishlei) 14:9-10

LOMANI YAHUWE NA NOMU KALOU (LOVE YHWH YOUR MIGHTY ONE)

O YAHUWE (YHWH) e vakavulewa; laiva na tamata me ra sautaninini; e dabe toka e kedrau maliwa na ke’ruvimi; laiva na vuravura me yavalati. 2 O Yahuwe (YHWH) e cecere sara mai Zaiyoni; O koya e cecere mai vei ira na tamata kecekece. 3 Laivi ira me ra vakavinavinakataka na yacamuni vakaitamera dau dokai; baleta ni savasava vakaoti. 4 Na nona kaukaua na tui e veimanati kei na lewa dodonu; oni vakataudeitaka na dodonu, oni vakatauca na lewa kei na cakacaka dodonu vei Ya'akove. 5 Vakacerecerei Yahuwe (YHWH) na noda Kalou (Mighty One), vakarokoroko vua e na itutu ni yavana; baleta o koya e savasava vakaoti. 6 O Moshe kei Aharoni rau duavata kei ira na nona kohanimi kei Sha’mu’yili e na kedra maliwa era dau kaciva na yacana; era dau kaciva na  yacana; era kacivi Yahuwe (YHWH), qai tama mai vei ira o koya. 7 A vosa vei ira o koya e na duru o: era qai vakamuria na nona ivakaro, kei na veiyalayalati a solia vei ira o koya. 8 Oni a tama vei ira, i Yahuwe (YHWH), neimami Kalou (Mighty One), vakaicovitaki ira me veiraurau kei na nodra cakacaka. 9 Vakacerecerei Yahuwe (YHWH) na noda Kalou (Mighty One), sokalou e na nona ulunivanua tabu; baleta o Yahuwe (YHWH) na noda Kalou e savasava vakaoti.

Same (Tehellim) 99:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 118 o/o 1578	April 28, 2012
Reading	Hebrew Date
Sh’mu’yl Bet (2 Samuela) 19-20	Iyyar 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Vala E Vukudra (YHWH Fights Their Wars)

Thought: YHWH Allows Options Before People Take Risks In Fighting A War

..................... 

Serving For Yom HaShishi, Iyyar 5, 5772

(NB. In Counting Days Toward Shavu’ot (Gr:Pentecost), Today Is Day 20 out of 50)

MAI NA TORAA (FROM THE TORAH

E NA gauna oni lako yani kina moni lai valuti ira na kemuni meca, oni qai raica na ose kei na qiqi ni ivalu kei ira na tamata ni ra le levu cake mai vei kemuni; moni kakua ni domobulataki ira; baleta o Yahuwe (YHWH) na nomuni Kalou (Mighty One) e tiko vata kei kemuni, o koya e a kauti kemuni laivi mai na vanua o Ijipita.  2 E na gauna oni sa toso volekata yani kina na ivalu,  na kohena me na qai lako mai, me mai vosa vei ira na tamata, 3 Me qai kaya vei ira, Rogoca qo i Yisira'yili, oni sa toso yani oqo moni lai valuta na kemuni meca e na siga edaidai; laiva me kakua ni taqaya na vuniyalomuni, moni kakua sara ni domobula, moni kakua talega ni sautaninini, se moni domobula e na vukudra o ira;  4 Baleta o Yahuwe (YHWH) na nomuni Kalou (Mighty One) e sala tiko vata kei kemuni, o koya a kauti kemuni tani mai na vanua o Ijipita, o koya sara ga e na vala kei ira na vulagi e na vukumuni, o koya e na qai vueti kemuni. 5 Oti me ra qai vosa vei ira na tamata o ira na vunivola me ra kaya, O cei vei kemuni e se qai tara ga e dua na vale vou, ka sebera tiko ni vakatabuya? Laivi koya me lesu tale i nona vale, de qai lai mate e na ivalu, qai lai vakatabuya na nona vale e dua tale na tamata.  6 O cei na tamata e se qai tea oti ga e dua na loga ni vaini, ia e sebera tiko ni butuqaqia na kena vuata? Laivi koya me lesu, me lako tale i nona vale, de qai lai mate e na ivalu, qai mai qaqia na vuata ni nona veivaini e dua tale na tamata. 7 Na tamata cava e tiko, e sa vosaka oti tu e dua na yalewa me watina ia e sebera tiko ni tauri koya? Laivi koya me lesu, me lako tale i nona vale, de qai lai mate e na ivalu, qai tauri koya e dua tale na tagane. 8 Ia o ira na vunivola me ra qai vosa tale vei ira na tamata, me ra kaya, Na tamata cava e tiko e se domobula ka se yalolailai tiko? Laivi koya me lesu me lako tale i nona vale, de na qai lai vakavuna me datuvu talega na vuniyalodra na nona icaba, me vakataki koya. 9 Ni ra sa vosa oti na vunivola vei ira na tamata, me ra qai tu mai na komada ni mataivalu me ra mai liutaki ira na tamata.

Na iVakarua (D’varim) 20:1-9

NA IVAQA NI BULA (FOOD FOR THE SOUL)

Na ka kece ga e na veivakataotaki vua na tamata lialia; lako tani maivua na tamata lialia, ia na tebenigusuna na vuku e vaka na iyaragi. 8 ¶ Na nona vuku na yalomatua e kila rawa kina na nona sala; ia na itovo ni lialia e veivakacalai.

Vosa Vakaibalebale (Mishlei) 14:7-8

LOMANI YAHUWE NA NOMU KALOU (LOVE YHWH YOUR MIGHTY ONE)

O YAHUWE (YHWH) e nona na lewa; laiva na vuravura me reki; Laiva na vei yanuyanu me ra marautaka. 2 Na o kei na butobuto e vakavolivoliti koya; na yalododonu kei na vakataulewa e yavu ni nona itikotiko vakatui. 3 Na bukawaqa e liu yani vua, ka vakamai ira vakaoti na kena meca era tu vakavolivoliti koya. 4 Na nona yaseyase e vakararamataki vuravura: o vuravura e raica qai sautaninini. 5 Na veidelana era waicala me vaka na kadrala ni tiko o Yahuwe (YHWH e matana, o koya na Sau kei vuravura taucoko. 6 Na lomalagi e vakatakila na nona yalododonu, o ira na tamata era raica na nona dokai. 7 Era veilecayaki o ira kece era qaravi matakau ceuceu, era dau dokadoka e na vuku ni matakau: Ni sokalou vua kemuni kece na nona mala’akahimi.

8 ¶ O Saiyoni a rogoca qai mamarau; o ira na goneyalewa ni Ya’huda era reki baleta na nomuni lewa i Yahuwe (YHWH). 9 Baleta o kemuni i Yahuwe (YHWH), oni cecere cake mai vuravura raraba; oni cecere i cake sara mai vei ira na veikalou (elohim) kecekece. 10 O kemuni oni lomani Yahuwe (YHWH), moni cata na ca: o koya e  maroroya na nodra bula (soul) na nona tamata digitaki; e vakabulai ira mai ligadra na ca. 11 Na rarama e ramase e na vukudra na yalododonu, kei na reki vei ira e dodonu na vuniyalodra. 12 Rekitaki Yahuwe (YHWH), kemuni na yalododonu; solia na vakavinavinaka me ivakananumi ni nona yalosavasava.

Same (Tehellim) 97:1-12

E dua na Same. Lagata vei Yahuwe (YHWH) e dua na sere vou; baleta e sa cakava na veika totoka vakaoti o koya; Na ligana (hand) i matau kei na gauniligana (arm) savasava e kauta mai vua na qaqa. 2 O Yahuwe (YHWH) sa vakatakila na nona veivueti; na Nona yalododonu sa vakaraitaka i matadra o ira era dau lotutaki matakau. 3 E vakananuma lesu o koya na nona yalololoma kei na nona dina vei ira na yavusa Yisira'yili; o ira kece e na iyalayala kei vuravura era sa raica na veivueti ni noda Kalou (Mighty One).

4 ¶ Vakamolimoli vei Yahuwe (YHWH), vuravura taucoko; vakayaco marau, lagasere ka cabora na vakavinavinaka. 5 Lagasere vei Yahuwe (YHWH) vata kei na hapi; ia vata kei na hapi na domo ni matasere. 6 E na domo ni biukila, cabora na vakamolimoli e na mata i Yahuwe (YHWH) na Tui. 7 Laiva na wasawasa me vadugu, vata kei ira era vakasinaita tu na vuravura kei ira kece era vakaitikotiko kina.  8 Laivi ira na veiuciwai me ra vakacobocobo; laiva ira na veidelana me ra cokovata e na mamarau. 9 E na mata i Yahuwe (YHWH); baleta e lako tiko mai me mai lewai vuravura e na yalolododonu, ka vakatautauvata vei ira na tamata.

Same (Tehellim) 98:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 117 o/o 1577	April 27, 2012
Reading	Hebrew Date
Sh’mu’yl Bet (2 Samuela) 17-18	Iyyar 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veikoro Ni Veitaqomaki (The Cities Of Protection)

Dedicated to Luisa my granddaughter as she turns 12 today

Thought: The Shedding Of Innocent Blood Brings Curses To A Nation.

............... 

Serving For Yom Chamishi, Iyyar 4, 5772

(NB. In Counting Days Toward Shavu’ot (Gr:Pentecost), Today Is Day 19 out of 50)

MAI NA TORAA (FROM THE TORAH

E na gauna sa vakarusa kina o Yahuwe (YHWH) na nomuni Kalou (Mighty One) na veimatanitu sa solia tiko me nomuni na nodra vanua, o kemuni moni taukena sara moni lai vakaitikotiko sara e na loma ni nodra vei korolevu, ka vakakina e na loma ni nodra veivale. 2 O kemuni moni na biuta vakatikitiki e tolu na korolevu e na loma ni nomuni vanua sa solia oqo vei kemuni o Yahuwe (YHWH) na nomuni Kalou (Mighty One) moni taukena vakaivotavota; 3 O kemuni moni na caramaka e na vukumuni na kena veigaunisala lelevu moni qai wasea tolu na vanua sa solia vei kemuni o Yahuwe (YHWH) na nomuni Kalou (Mighty One) moni taukena vakaivotavota. E tauyadua na koro e na iwasewase e tolu oqo, me ra na dau dro kina o ira era beitaki ni ra laba, me ra lai taqomaki tu kina. 4 O koya e laba e vaqara me lai taqomaki (e na veikoro oqo), me na  vakatarai vua me lai bula tiko e keya ke a sega ni nakita na nona vakamatea na wekana vakaitikotiko, ka ni a sega mada ga ni cati koya mai liu (ni sebera ni yaco na vakacalaka). 5 (E dua na kena ivakaraitaki); ke dua na tamata e lako i veikau kei na wekana vakaitikotiko me rau lai ta kau, ia e na gauna e laveta kina na nona imatau e ligana me taya e dua na vunikau, qai mani taucu na yamena kaukaumea mai na diana, oti qai lai lauta sara na wekana qai mani mate kina; o koya qori e na rawa ni dro i na dua vei ira na korolevu oqo me drobula kina. 6 De qai yaco, ni cemuri koya, o koya e via veisausaumitaka (na mate) e na gauna e se yalokatakata sara tu ga kina, qai mani toboki koya, baleta ni sa rui yawa (na vanua me dro kina) qai vakamatei koya kina; e dina ga ni sega ni dodomu me vakamatei baleta ni a sega ni sevaki koya a vakamatea e na gauna a yaco kina na vakacalaka. 7 Qori au a vakaroti kemuni kina, e na noqu kaya vei kemuni, O kemuni moni biuta vakatikitiki e tolu na nomuni korolevu e na vukumuni. 8 Ni sa qai vakarabailevutaka na nomuni vanua, o Yahuwe (YHWH) na nomuni Kalou (Mighty One) me vaka a bubuluitaka vei ira na tamamuni, oya me sa solia vakaoti vei kemuni na vanua taucoko a bubuluitaka me na solia vei ira na tamamuni; 9 Kevaka moni taqomaka na ivakaro (mitzvot) kecekece qo au vakarota tiko vei kemuni e na siga edai, moni lomani Yahuwe (YHWH) na nomuni Kalou (Mighty One), moni dau bula muria na nona ivalavala e veiveigauna taucoko; oni na lesia e tolu tale na nomuni tauni, me ikuri ni tolu oqo; 10 Me kakua kina ni vakadavei na dra tawacala e na loma ni nomuni vanua, sa solia oqo vei kemuni o Yahuwe (YHWH) na nomuni Kalou (Mighty One) moni taukena, me na kakua kina ni tau vei kemuni na ivalavala ca ni kena dave na dra tawacala.

Na iVakarua (D’varim) 19:1-10

NA IVAQA NI BULA (FOOD FOR THE SOUL)

Na ivakadinadina yalodina e na sega ni veivakacalai; ia na ivakadinadina lasulasu e na cavuta na ka lasulasu. 6 ¶ Na tamata ca e na vaqara na vuku, ia e na sega ni kunea; ia na kilaka e rawarawa vua na tamata yalomatua.

Vosa Vakaibalebale (Mishlei) 14:5-6

LOMANI YAHUWE NA NOMU KALOU (LOVE YHWH YOUR MIGHTY ONE)

Toso mai, laiva meda mai lagasere vei Yahuwe (YHWH); laiva meda mai vakarogoya na domo ni reki vua na Kalou (Mighty One) na noda ivakabulai. 2 Toso mai meda mai rairai e matana e na vakavinavinaka, ka vakarogoya na rorogo ni reki vua e na Same. 3 Baleta o Yahuwe (YHWH) e Kalou (Mighty One) vakaitamera, ka tui vakaitamera vei ira na (veika kece sara era sokaloutaki). 4  E ligana era toka kina na yavu kei vuravura; na kaukaua ni veidelana era nona; 5 Na wasawasa e nona, o koya e a bulia; na ligana a bulia na vanua mamaca. 6 Toso mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya na noda Kalou (Mighty One), o keda eda tamata ni nona bai ni vakanamanumanu, ka sipi e qeteqete ni ligana. Nikua kevaka oni via rogoca na domona, 8 Kakua ni vakaukauataka na vuniyalomuni, me vaka na gauna ni veivakacudrui kei na siga ni veitemaki  mai lekutu, 9 Ni ra vakatovolei au o ira na tamamuni, era qai vakadinadinataki au, ni ra raica na noqu cakacaka. 10 E vasagavulu na yabaki na noqu rarawataka tiko na itabatamata oya, au qai kaya, Qo e dua na matatamata era dau cala e vuniyalodra; era sega tiko ga ni kila na noqu ivalavala, 11 Baleti ira au bubuluitaka kina e na noqu leva ni ra na sega vakadua ni curu i na noqu vakacegu.

Same (Tehellim) 95:1-11

Lagata vei Yahuwe (YHWH) e dua na sere vou; laga sere vei Yahuwe (YHWH), i vuravura taucoko. 2 Laga sere vei Yahuwe (YHWH),  vakavinavinakataka na yacana; vakaraitaka wavoki na nona veivueti e na dua na siga i na dua tale na siga. 3 Vakatusa na nona dokai e kedra maliwa na daulotutaki matakau, kei na nona mana e kedra maliwa na tamata. 4 Baleta o Yahuwe (YHWH) e vakaitamera ka dodonu me vakacereceri vakalevu: o koya e dodonu me dokai vakalevu cake mai na veikalou (elohim) kecekece. 5 Baleta na nodra kalou (elohim) na veimatanitu, era matakau; ia o Yahuwe (YHWH) a bulia na veilomalagi.  6 Na vakarokoroko kei na nona sau era tu e matana: na kaukaua kei na totoka era tu e loma ni nona itikotiko tabu. 7 Solia vei Yahuwe (YHWH), kemuni na nodra kawa na tamata, solia vei Yahuwe (YHWH) na dokai kei na kaukaua ni lewa. 8 Solia vei Yahuwe (YHWH) na vakarokoroko e veiganiti kei na yacana, kauta mai e dua na isoro, mai curu i na nona lomanibai. 9 Sokalou vei Yahuwe (YHWH) e na nona valetabu: sautaninini e matana i vuravura raraba.

10 ¶ Tusanaka e na kedra maliwa na  veimatanitu, ni o Yahuwe (YHWH) e dau vu ni lewa;  o vuravura talega e na  vakataudeitaki me sega ni yavalati rawa; E na lewai ira vakadodonu na tamata. 11 Laiva na lomalagi me mamarau, laiva na vuravura me reki; laiva na wasawasa me vavadugudugu vata kei na veika kece era tu kina. 12 Laiva na vanua me reki vata kei na veika kece era tu kina, qori era na qai mamarau kina na vunikau e loma ni veikau; 13 E na mata i Yahuwe (YHWH), baleta e na lako mai o koya me mai vakatulewa e vuravura; e na vakavulewa vakayalododonu e vuravura ka vaka kina vei ira na tamata e na nona dina.

Same (Tehellim) 96:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 116 o/o 1576	April 26, 2012
Reading	Hebrew Date
Sh’mu’yl Bet (2 Samuela) 15-16	Iyyar 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita Lasulasu (The False Prophet)

Thought: Watch Out For False Prophets – You Can Distinguish Them

 ................

Serving For Yom R’vi’i, Iyyar 3, 5772

(NB. In Counting Days Toward Shavu’ot (Gr:Pentecost), Today Is Day 18 out of 50)

MAI NA TORAA (FROM THE TORAH

O Yahuwe (YHWH) na nomuni Kalou (Mighty One) e na vakatubura vei kemuni e dua na parofita mai na kemuni maliwa, maivei ira na tacimuni; vua moni na vakatudaliqa. 16 Me vaka na nomuni a kerea vei Yahuwe (YHWH) na nomuni Kalou (Mighty One) mai Horeva, e na siga ni sosoqoni, e na nomuni kaya, Laiva meu  kakua ni rogoca tale na domo i Yahuwe (YHWH) na noqu Kalou (Mighty One),  kakua talega ni laiva meu raica na bukawaqa levu oqo, deu na qai mate. 17  Qori a qai kaya kina vei au o Yahuwe (YHWH), Sa donu vinaka na vosa era kaya. 18 O au, au  na qai vakatubura vei ira e dua na parofita, me vakataki iko, maivei ira na tacidra; o au, au na qai  vakacuruma na noqu vosa i gusuna; o koya e na qai tukuna vei ira na ka kece au na vakarota vua. 19 Na tamata e sega ni vakatudaliga  i na noqu vosa, e lai vakasavuya yani o koya e na yacaqu, e na qai saumi taro  vei au. 20 Ia na parofita e lai vakalecalecava me kaya e dua na vosa e na yacaqu, au a sega ni vakarota vua me lai kaya se o koya e vosa e na yaca ni dua tale na kalou (elohim), na parofita oya me na vakamatei. 21 Kevaka oni mani vakataroga lo e vuniyalomuni, Eda na kila vakacava na vosa a sega ni kaya o  Yahuwe (YHWH)? 22 Ni dua na parofita e vosa e na vuku ni yaca i Yahuwe (YHWH), qai sega ni yaco na ka oya, se yaco muria mai; qori sara ga na ka a sega ni kaya o Yahuwe (YHWH); na parofita ga oya e vosa tu vakaveitalia; o kemuni moni kakua sara ni domobulataki koya.

Na iVakarua (D’varim) 18:15-22

NA IVAQA NI BULA (FOOD FOR THE SOUL)

E na gusu ni lialia e kune kina na veivakacacani kei na rogorogo ca; ia na tebenigusu ni tamata vuku e na veimaroroi. 4 ¶ E na vanua e sega kina na okisi na lomanibai e savasava; ia na levu ni vuata e rawa mai na kaukaua ni okisi.

Vosa Vakaibalebale (Mishlei) 14:3-4

LOMANI YAHUWE NA NOMU KALOU (LOVE YHWH YOUR MIGHTY ONE)

I YAHUWE (YHWH) na Kalou (Mighty One) o kemuni oni taukena na veisausaumi; Kemuni na Kalou (Mighty One) na itaukei ni veisausaumi, vakaraitaki kemuni mai. 2 Laveti kemuni cake, moni vakatulewataki vuravura; solia me dua na kedra icovi o ira na viavialevu. 3 Yahuwe (YHWH) e na vakacava  na kena dede vei ira na ca, e na vakacava na kena dede era na dokadoka tiko kina o ira na qaciqacia? 4 Era na cavuta ka vosataka na veika tawadodonu? Era na kaya na veimataqali vosa dukadukali? 5 Baleta era sa vakamaduataki ira na nomuni tamata, i Yahuwe (YHWH), ka via lewa na veika e nomuni ivotavota. 6 Era vakamatei ira na yada kei ira na tawacala, ka labati ira na luveniyali e sega na tamadra. 7 Ia era qai kaya, o Yahuwe (YHWH) e sega ni rai, ka sega talega ni galele mai na Kalou (Mighty One) nei Ya'akove. 8 Yalomatua mai o kemuni na sesewa e na kedra maliwa na tamata kei kemuni na lialia, e na gauna cava oni na qai yalomatua kina. 9 O koya e a tokara na daliga, e na sega beka ni rogo rawa? O koya e a bulia na mata, e na sega beka ni rai rawa? 10 O koya e dau vunauci ira na veimatanitu, e na sega beka ni veivosataki? O koya e vakavulici ira na tamata na kilaka, e na sega beka vua na kilaka? 11 O Yahuwe (YHWH) e kila na vakasama ni tamata; era vaka na icegu.

12 ¶ E kalougata na tamata oni  vunauca i Yahuwe (YHWH), oni qai vakatavulica mai na ivakaro (Torah); 13 Moni qai solia vua na vakacegu mai na veisiga ni rarawa, me yacova ni sa keli na qara e na vukudra o ira era ivalavala vakasisila. 14 Baleta o Yahuwe (YHWH) e na sega ni talaci ira laivi na nona tamata, ka na sega talega ni vakanadakui ira na nona ivotavota. 15 Baleta na lewa dodonu e na vuki vei ira na yalododonu; o ira kece na yalododonu era na vakamuria. 16 O cei e na tucake mai me totaki au niu vorati ira era ivalavala kaukaua? O cei e na tu cake me vorati ira era cakacakataka tiko na veivakacalai?  17 Ke a sega ni dau vukei au tiko mai o Yahuwe (YHWH), na noqu bula (soul) ke a sa tacori tu ga e na leqaleqa. 18 Niu kaya, Na yavaqu a tidara; na nomuni yalololoma i Yahuwe (YHWH) a tabei au cake. 19 E na vakaitamera ni noqu rarawa, e loma ni vuniyaloqu, na nomuni veivakacegui  e marautaka na noqu bula (soul). 20 O ira na dauvakavulewa ca era na sega ni veitokani kei kemuni, baleta era sa navuca na inaki ca me ra saqata na nomuni lawa. 21 Era vakotora na dai me tacori kina na nodra bula na yalododonu ka vakacalai ira na dra tawacala. 22 Ia o Yahuwe (YHWH) e noqu isasabai; na noqu Kalou (Mighty One) e noqu uluvatu ni veitaqomaki.  23 O koya e na kauta lesu mai vei ira na nodra ivalavala ca, ka na vagalui ira e na nodra ivalavala kaukaua, io; o Yahuwe (YHWH) na noda Kalou (Mighty One) e na vagalui ira.

Same (Tehellim) 94:1-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 115 o/o 1575	April 25, 2012
Reading	Hebrew Date
Sh’mu’yl Bet (2 Samuela) 13-14	Iyyar 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sokaloutaki Siga, Vula Se Kalokalo (Worshiping The Sun, Moon And Star)

Thought: Worshiping Created Beings and Bodies Is Punishable By Death

................ 

Serving For Yom Shlishi, Iyyar 2, 5772

(NB. In Counting Days Toward Shavu’ot (Gr:Pentecost), Today Is Day 17 out of 50)

MAI NA TORAA (FROM THE TORAH

MONI kakua vakadua ni cabora me isoro vei Yahuwe (YHWH) na nomuni Kalou (Mighty One) e dua na bulumakau se luvenisipi, e kune kina e dua na leqa vakayago se ka vakatabui baleta qori e vakasisila vei Yahuwe (YHWH) na nomuni Kalou (Mighty One). 2 Ke kune e na kemuni maliwa, e na loma ni nomuni koro e a solia vei kemuni o Yahuwe (YHWH) na nomuni Kalou (Mighty One) e dua na tagane se dua na yalewa e dau caka ca e na mata i Yahuwe (YHWH) na nomuni Kalou (Mighty One), me talaidredre i na nona veiyalayalati, 3 E na nona lako me lai qaravi ira na kalou tani, me sokalou vei ira, bau kina na matanisiga, se na vula, se dua na kalokalo mai lomalagi, na veika au sega ni vakatara;  4 Ke sa mai tukutukutaki vei kemuni, o kemuni moni rogoca vakavinaka, oti moni qai vaqaqa sara vakavinaka (mai vei ira na ivakadinadina) ke sa mani kune ni dina taucoko na veibeitaki, ni a yaco na ka vakasisila oqo e Yisira'yili; 5 Ia moni qai kauta mai na tagane se na yalewa oya, e a vakayacora na veika vakasisila oqo e loma ni nomuni tauni;  veitalia ke tagane se yalewa, moni qai vakavirilaki koya e na vatu me yacova ni sa mate sara. 6 E na veibeitaki ni rua se tolu na ivakadinadina, me vakamatei kina o koya e dodonu me vakamatei; ia e na veibeitaki ni dua ga na ivakadinadina o koya me kakua ni vakamatei. 7 Na ligadra o ira era veibeitaki me ra na imatai me ra vakamatei koya, oti me qai muri na ligadra na tamata kecekece. Qori na sala moni na dau vakawabokotaki ira kina era vakasisila e na kemuni maliwa.

Na iVakarua (D’varim) 16:18-22

NA IVAQA NI BULA (FOOD FOR THE SOUL)

NA yalewa vuku e tara na nona vale; ia na (yalewa) lialia e basuka sobu tale e na ligana sara ga o koya vakataki koya. 2 ¶ O koya e lako vakadodonu e dau vakarokorokotaki Yahuwe (YHWH): ia o koya e veve na nona ivalavala e beci koya.

Vosa Vakaibalebale (Mishlei) 14:1-2

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same; e dua na sere ni Siga ni Vakacecegu. 2(1) E dua na ka vinaka ni dau soli na vakamolimoli vei Yahuwe (YHWH) ka  dau lagati na vakavinavinaka i na yacamuni i Yahuwe na Kalou kaukaua (YHWH Ylyon), 3(2) Me vakaraitaki na nomuni yalovinaka e na veiveimataka kei na nomuni yalodina e na veiveibogi. 4(3) Au na qiria na qita wa tini, vata kei na soliteri; ka vaka kina na hapi domo vakaciriloloma. 5(4) Baleta o kemuni i Yahuwe (YHWH) oni sa vakamarautaki au, e na vukuni nomuni cakacaka: Au na lagilagi e na cakacaka ni ligamuni. 6(5) I Yahuwe (YHWH) e vakaitamera dina na nomuni cakacaka! Na nonumi vakasama e titobu vakaoti. 7(6) Na tamata yalowai e sega ni kila; e sega talega ni kila na tamata lialia.

8(7) ¶ Ni ra sa tutubu vaka na co, o ira na ca, ni ra sa bulabula ka serau o ira era dau cakacakataka na ca; qori baleta era na vakawabokotaki vakadua; 9(8) Ia o kemuni i Yahuwe (YHWH), oni na dau vakacerecerei ka sega ni mudu. 10(9) Baleta raica, o ira na kemuni meca i Yahuwe (YHWH), raica era na rusa; o ira kece era dau cakacakataka na ca era na kaburaki laivi; 11(10) Na noqu ileu oni na laveta cake me vaka na ileu ni okisi kila; au na lumuti e na waiwai boi totoka. 12(11) Na mataqu talega e na raica na noqu gagadre vei ira na kequ meca, na daliqu e na rogoca na gagadre e veisaqasaqa kei na ca, era dau tucake mai me ra vakacacani au. 13(12) O ira na dodonu era na bulabula  me vaka na vuni niuniu; e na tubu tiko me vaka na vuni sitari mai Li’vanoni. 14(13) O ira era teivaki e na loma ni vale nei Yahuwe (YHWH), era na tubu bulabula e na lomanibai ni noda Kalou (Mighty One). 15(14) Era na vuataka tiko ga na vuata ni ra sa yabaki bibi; era na totoka ka taleitaki; 16(15) Me vakaraitaki kina ni o Yahuwe (YHWH) e yalododonu: o koya e vakaitamera; ka sega ni kune e dua na cala e lomana.

Same (Tehellim) 92:1-15

O Yahuwe (YHWH) e veiliutaki tiko vakatui, e daramaka toka na nona sau; O Yahuwe (YHWH), e vakasulumi koya tu kina vakataki koya, na vuravura talega sa vakatikori dei, me kakua kina ni yavalati. 2 Na nomuni idabedabe vakatui a se duri makawa sara mai liu; o kemuni oni vura mai na tawamudu. 3 Na uciwai era sa drodro vuabale, i Yahuwe (YHWH); na uciwai era laveta cake tiko na domodra, na uciwai e drodro tiko kina na savasava matalia. 4 O Yahuwe (YHWH) mai cake e kaukaua vakaoti cake sara mai na domo ni wai e vuqa, io, mai na biau lelevu ni veiwasawasa.5 Na nomuni ivakadinadina e nuitaki; na yalosavasava e nomuni vale i Yahuwe (YHWH), ka sega ni mudu.

Same (Tehellim) 93:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 114 o/o 1574	April 24, 2012
Reading	Hebrew Date
Sh’mu’yl Bet (2 Samuela) 10-12	Iyyar 2, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.