Sokaloutaki Matakau & Kalou Lasu. (Worshiping Idols & Deities)

Thought: Worshipping The Creation Of Human Minds And Hands Are Repugnant To YHWH!

 .........................

Serving For Yom Rishon [Fourth Month] Tammuz 29, 5773 (Rosh Chodesh)

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa a lako mai vei Yiremeyahu, me baleti ira na Ya'huda e na ikava ni yabaki i Yo'hoyakimi, na tui Ya'huda, na luvetagane i Yoshaiyahu ; oqo talega na imatai ni yabaki i Ne'vukadreza na tui Bavela. 2 O Yiremeyahu na parofita a qai kacivaka e matadra na tamata kece ni Ya'huda, vata kei ira kece talega era vakaitikotiko mai Yerushalayimi. 3 Sa ruasagavulukatolu na yabaki, mai na ikatinikatolu ni yabaki i Yoshaiyahu na luvetagane i 'Amoni, na tui Ya'huda, me yacova mai na siga nikua, na vosa i Yahuwe (YHWH) a sa dau lako tiko mai vei au; au qai dau kacivaka tiko vei kemuni e na vica vata na gauna; ia oni sega ni dau vakarorogo. 4 Kena ikuri, o Yahuwe (YHWH) a dau talai ira mai vei kemuni na nona dauniveiqaravi na parofita e na vica vata na gauna, ia oni sega ni bau vakarorogo se galeleti ira. 5 Na itukutuku e dau dua tiko ga, O kemuni kece moni saumaki laivi mai na nomuni ivalavala tawakilikili, mai na dukadukali ni nomuni ivalavala. Qori ga, oni na qai bula kina e na loma ni vanua a solia vei kemuni o Yahuwe (YHWH) vata kei ira na nomuni itubutubu, me tawamudu ka sega ni mudu. 6 Kakua ni bulamuri i ira na kalou mai liu e na nomuni qaravi ira, ka sokalou vei ira. Kakua ni vakatubura na noqu cudru, e na veika a bulia ga na ligamuni; au na qai sega kina ni cakava vei kemuni moni leqa. 7 Ia oni sega ga ni via vakarorogo vei au, e kaya o Yahuwe (YHWH); qori qai yaco kina vei kemuni moni vakacudrui i au e na cakacaka ni ligamuni,  me na qai sauti kemuni ga kina na leqa. 8 O koya oqori, e rogo kina na vosa i Yahuwe ni lewevuqa (YHWH-Tzva'ot) ni kaya, Baleta ni oni sega ni vakarorogo tiko i na veika au kaya tiko vei kemuni, 9 Au sa na talatala vei ira kece na veimatavuvale mai na vualiku, e kaya o Yahuwe (YHWH), vata kei na noqu dauniveiqaravi o Ne'vukadreza na tui Bavela, meu kauti ira mai me ra mai saqata na vanua oqo, me ra saqati ira na kena ivakatawa, ka saqati ira na veimatanitu wavolivolita. Au na vakarusai ira vakaoti, meu cakava me ra ivakatakilakila ni domobula kei na velavela, ka me ra rusa vakadua. 10 Kena ikuri, au na vagaluya e na kedra maliwa na rorogo ni marau kei na tavarekireki, na domo ni taganevou kei na yalewavou, na rorogo ni vatu ni iqaqi, kei na rarama ni icina. 11 Na vanua taucoko e na yaco me rusa, ka laladidi; ia o ira na veimatanitu oqo era na qai veiqaravi vua na tui Bavela me vitusagavulu na yabaki. 12 Ia ni sa cava na vitusagavulu na yabaki, au na qai totogitaka na tui Bavela kei na matanitu oya, e na vuku ni nodra ivalavala ca, e kaya o  Yahuwe (YHWH), au na qai vukica na nodra vanua na Kasidimi me rusa tawamudu. 13 Au na vakayacora i na vanua oya  na noqu vosa kecekece au sa vakarota oti me na saqati kina, na veika kece e volai tu e na ivola oqo, e kune kina na parofisai kece i Yiremeyahu me baleti ira na veimatanitu. 14 Baleta o ira talega era na yaco me ra bobula vei ira e levu na veimatanitu kei na tui qaqa eso; au na sauma lesu vei ira me veiraurau kei na nodra ivalavala vata kei na cakacaka ni ligadra. 15 Baleta oqo na ka e kaya vei au o   Yahuwe (YHWH) na Kalou (Mighty One) i Yisira'yili; Taura na bilo waini oqo ni noqu cudru waqawaqa mai ligaqu, qai vagunuvi ira kina na veimatanitu, au talai iko tiko vei ira mo lai vagunuva vei ira. 16 Era na gunuva, era na veicebayaki, era na cakava na ivalavala ni tamata lialia baleta na seleiwau au na tala tiko yani i na kedra maliwa.

Yiremeyahu (Jeremaia) 25:1-16

NA IVAQA NI BULA (FOOD FOR THE SOUL)

Na vakawirimadigi e vakavuna me tarovi na veileti, ka tawasei ira na qaqa era veileti tiko.

Mishlei (Vosa Vakaibalebale) 18:19

LOMANI YAHUWE NA NOMU KALOU (LOVE YHWH YOUR MIGHTY ONE

E kalougata na tamata e sega ni dau muria na nodra ivakavuvuli na ca se bulamuria na nodra ivakasala na [tamata] ivalavala ca se dau dabe vata kei na nodra ilala o ira era dau veivakasewasewani. 2 Na nona reki e teki toka ga e na Toraa i Yahuwe (YHWH), ia e na nona Toraa  oya, na vuniyalona [o koya] e na dau vakasamataka e na siga kei na bogi.3 E na tautauvata kei na vunikau e tei toka e na bati ni wai drodro; e na dau vuataka na vuana e na kena gauna,  na drauna e na sega ni malai; ia na ka cava ga e tekivu me vakayacora, e na rawata vinaka.

4 ¶ O ira era valavala ca era sega ni vakakina, baleta ni ra vaka na qaniwiti, e dau vukataka laivi na cagi ni liwava. 5 O koya oqo era na sega ni vakadonui kina o ira na tamata itovo vakasisila ni sa tau na lewa se o ira na tamata ivalavala ca e na nodra isoqosoqo na yalododonu; 6 Baleta o Yahuwe (YHWH) e dau wanonova na nona sala na yalododonu ia na nona ivalavala na vakasisila e na vakarusai.

Tehillim (Same) 1:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 288 in 5773 (Total 2016)	July 7, 2013
Reading	Hebrew Date
Yesha’yahu (Isaiah) 1-2	M #4: Tammuz 29, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.