Toso I Veikauloa. (Move Into the Wilderness)

Thought: Through Adversity We Will Learn, What We Cannot Learn In Prosperity

......................................

Serving For The 31^st December, 2010

O ira kece na nodra isoqosoqo na luve i Isireli, era a qai toso mai na veikauloa mai Sini, e na nodra ilakolako me vaka na lewa nei Jiova (Yahweh) era qai lai cegu toka mai Refaidimi; ia a qai sega na wai me ra gunuva na tamata. 02 Era mani veiba kei Moshe na tamata ni ra kaya, Solia mai vei keimami na wai me rawa ni keimami gunu. Kaya vei ira o Moshe, Na cava moni mai veiba tiko kina vata kei au? Na cava moni vakatovolei Jiova (Yahweh) tiko kina? 03 Na tamata era a viagunu wai e keya; ia era qai vosavosa vei Moshe, era qai kaya, Na cava li o a kauti keimami laivi kina mai Ijipita, me keimami mai mate wale e na karamaca; o keimami, o ira na luve i keimami kei ira na neimami bulumakau? 04 A mani masu vei Jiova (Yahweh) o Moshe, ni kaya, Na cava beka meu cakava vei ira na tamata oqo? Era a sa vakarau sara ga me ra vakavirilaki au e na vatu? 05 Sa qai kaya o Jiova (Yahweh) vei Moshe, Kauta eso vei ira na qase ni Isireli, ia mo liu tiko ga vei ira, ka mo kauta tiko e ligamu na nomu ititoko o a sabica kina na uciwai, e na nomuni i lakolako. 06 Raica au na lai duri tu e matamu e na dela ni uluvatu kaukaua mai Horeba; mo na qai samuta na vatu kaukaua, e na qai tacoka mai kina wai,era na rawa ni gunu mai kina na tamata. A qai vakayacora vaka kina o Moshe ni ra qai tu o ira na qase ni Isireli. 07 A qai vakayacana na vanua oya o koya me o Nasaha kei Meribaha, e na vuku ni nodra a veiba na Isireli, baleta talega ni ra a vakatovolei Jiova (Yahweh) ni ra kaya, Laiva sara meda raica se tiko dina kei keda o Jiova (Yahweh) se sega?

Lako Yani 17:2-4

Na veika kece oqo, a yaco vei ira me idusidusi, era qai volai vakaivola, me mai ka ni vuli vei ira e na donui ira na ivakataotioti ni gauna. 12 Laivi ira era nanuma ni ra sa tudei tu, me ra qaqa­rauni tiko, de ra qai bale.13 E sebera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vei ira na tamata; baleta na Kalou (Elohim) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na bulia no e dua na sala moni drotaka kina na nomuni vakatovolei, me rawa ni oni colata vinaka kina.

1 Korinica 10:11

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
31.	January 31	Exodus 25-26	Matthew 21:1-22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Takosovi na Wasa Damu (Crossing The Red Sea)

Thought: Yahweh Will Make Us Dependent On One Else But Himself

.........................................

Serving For The 30^th January, 2009

Kaya o Jiova (Yahweh) vei Moshe, Dodoka na ligamu vaka e dela ni waitui, me suka lesu na wai e deladra na kai Ijipita, e deladra na nodra kareti ka vaka kina e deladra na dauvodo ose. 27 A qai dodoka na ligana o Moshe vaka e dela ni waitui, qori qai suka lesu kina na waitui i na kena inono tudei, e na gauna e kida tiko mai kina na mataka; era qai via dro na kai Ijipita; ia o Jiova (Yahweh) a qai vakadrukai ira na kai Ijipita e loma ni waitui. 28 A qai lesu na wai, a qai lomoca na kareti kei na dauvodoose, kei ira kece na lewe ni mataivalu i Fero era a muri i ira i wasawasa; e sega ni duabulu tale vei ira me vo. 29 Ia o ira na luve i Isireli era a taubale basikata na waitui me vaka era taubale tiko e na vanua mamaca; ia na wai era a qai tu me vaka na lalaga vei ira, e na yasadra imatau kei na imawi. 30 E na kena ivalavala qo e a vueti Isireli kina o Jiova (Yahweh) mai ligadra na kai Ijipita; era qai raici ira na kai Ijipita, o ira na Isireli, ni ra sa davo matemate tu e matasawa. 31 Era qa raica o ira na Isireli, na cakacaka vakaitamera a cakava o Jiova (Yahweh) vei ira na kai Ijipita; era sa qai rerevaki Jiova (Yahweh) na tamata, ka vakabauti Jiova (Yahweh), kei na nona italatala o Moshe.

Lako Yani 14: 26-31

Keitou a bolea me keitou mate, me keitou kakua ga ni vakanuinui tale i na neitou dui kaukaua, ia Vua ga na Kalou (Elohim), o koya e vaka­turi ira na mate, 10 o Koya sa dau vueti keitou tiko mai na mate vakadomobula; o Koya, keitou nuitaka, ni na baci vueti keitou tale;

2 Korinica 1: 9-10

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
30.	January 30	Exodus 22-24	Matthew 20:17-34

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

The First Passover (Na Matai Ni Lakosivia)

Thought: The Passover Is The Commemoration Of The Salvation of Yahweh.

.............................................................

Serving For The 29th January, 2010

A qai kacivi ira vata na nodra qase na luve i Isireli o Moshe, qai kaya vei ira, Ni vakatotolo ni vesuka na luve ni sipi me rauta na nomuni dui matavuvale moni qai vakamatea na lami ni lakosivia. 22 Moni qai taura e dua na taba ni Isopi, tonia e na dra ni lami, qai vakamiraka na ulu kei na duru ruarua ni katuba, mai na dra ni lami sa tiko e loma ni beseni; ia me kakua ni dua vei kemuni me curu i tubu mai na katuba oya me yacova na mataka 23 Baleta o Jiova (Yahweh) e na lako sivia me mai vakamatei ira na kai Ijipita; ia ni raica na dra e na ulu kei na duru ruarua ni katuba, o Jiova (Yahweh) e na qai kauta mai na marau i na katuba, baleta e na sega ni vakadonuya na dauveivakarusai me curuma na nomuni vale me vakamatei kemuni. 24 O kemuni moni na qai vakayacora tiko na ituvatuva vata kei na ivakaro oqo, o iko kei ira na luvemu me tawa mudu. 25 E na qai yaco ni oni sa yaco mai i na qele sa solia oqo vei kemuni o Jiova (Yahweh), me vaka a yalataka oti, moni na dau qarava tiko na solevu oqo. 26 E na qai yaco ni ra tarogi kemuni o ira na luvemuni, Na cava na ibalebale ni solevu oqo? 27 Moni na qai sauma, Oqo na isoro ni lakosivia nei Jiova (Yahweh), o Koya e a kauta mai na marau e na nodra vale na luve i Isireli mai Ijipita, ni a vakamatei ira na kai Ijipita, qai vueta na noda vale. Era qai vakacuvara na uludra na tamata, me ra sokalou vei Jiova (Yahweh).

Lako Yani 12:21-27

Vakasavasavataka laivi mada na leveni makawa, moni rawa ni dua na ibuli vou, ni oni sa sega ni vakaleveni. Baleta e noda lakosivia na Mesaia, e a cabori vakaisoro e na vukuda. 08 Laiva meda marautaka na solevu, sega e na leveni makawa se na leveni ni yaloca kei na ivala¬vala vakasisila, ia e na leveni ga ni savasava kei na vakatatabu.

1 Korinica 5:7-8

Read The Bible in a Year (Wili Na iVola Tabu E Na Dua na Yabaki).

Siga - 29

Tikinisiga - January 29

Mataka: Exodus 19-21

Yakavi: Matthew: 20:1-6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Dua Na Leqa Levu Mai Ijipita (One Of The Plagues in Egypt)

Thought: If We Insist Doing It Our Way, Yahweh May Actually Allow It For Our Learning!

................................................

Serving For The 28^th January, 2010

A qai kaya o Jiova (Yahweh) vei Moshe Laveta na ligamu vaka i lomalagi me butobuto na vanua o Ijipita, io me dua na butobuto vavaku. 22 A qai laveta cake na ligana o Moshe vaka i lomalagi, qai yaco e dua na butobuto vavaku e na vanua taucoko o Ijipita me siga tolu; 23 Era a qai sega tu ni veirai rawa se tucake mai na vanua era toka kina me tolu na siga; ia o ira kece na luve i Isireli era a vakaicina toka e na nodra dui veivale. 24 A qai kacivi Moshe o Fero, qai kaya vua, Lako, lai sokalou e mata i Jiova (Yahweh) na nomuni Kalou (Elohim); ia me ra tu ga mai eke na nomuni qelenisipi kei na nomuni bulumakau; Laiva ira na nomuni lalai me ra lako vata kei kemuni. 25 Kaya o Mosese vei Fero, E dodonu moni solia vei keimami na imadrali kei na isoro kama me keimami lai vakacabora vei Jiova (Yahweh) na neimami Kalou (Elohim). 26 Na neimami bulumakau era na lako vata kei keimami; e na sega ni vo tiko mai e duabulu na yava ni bulumakau, baleta qo e vinakati me ra kau me keimami qaravi Jiova (Yahweh) kina na neimami Kalou (Elohim); ka keimami na sega ni kila se cava tale keimami na via vatonaka vei Jiova (Yahweh) me yacova ni keimami sa yaco e keya. 27 Ia o Jiova (Yahweh) a qai vakaukauataka na loma i Fero, qai sega tale ni via soli i ira me ra lako. 28 Kaya vei Moshe o Fero, lako tani mai ke, qarauna vinaka mo kakua tale ni via mai raica na mataqu. 29 Kaya o Moshe, Taudonu na nomu vosa, au na sega tale ga ni via mai raica na matamu.

Lako Yani 10:21-29

Baleta eda kilai Koya vinaka, o Koya e a kaya, Na veisausaumi e Noqu, Au na veisausaumi lesu, e kaya o TURAGA (Yahweh) qai kuria, Na TURAGA (Yahweh) e na lewai ira na Nona tamata. 31 E ka vakadomobula ke da lutu i ligana na Kalou (Elohim) bula.

Iperiu 10:30-31

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
28.	January 28	Exodus 16-18	Matthew 19:16-30

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veiliutaki O Moshe Me Vaka Na Kalou (Moshe Leads As Elohim)

Thought: Anything But Total Obedience To Yahweh Is Disobedience

..................................................................

Serving For The 27^th January, 2010

A qai vosa o Jiova (Yahweh) vei Moshe, Raica, Au sa qisi i iko mo kalou (elohim) vei Fero, ia o Eroni na tuakamu me nomu parofita. 02 Mo na tukuna na veika kece Au vakarota vei iko, ia o Eroni na tuakamu me na qai tukunataka vei Fero, me sereki ira na luvei Isireli me ra biuta na nona vanua. 03 Ia Au na vakaqataka na loma i Fero, kau na vakalevutaka na noqu ivakatakilakila kei na noqu cakacaka mana e loma i Ijipita. 04 Ia o Fero e na sega ni vakarorogo vei kemudrau meu rawa ni totogitaki Ijipita, meu qai kauti ira tani mai, na noqu matasotia kei ira na noqu tamata na luve i Isireli, mai na vanua vaka Ijipita e na cakacaka lelevu ni veilewai. 05 O ira na kai Ijipita era na qai kila ni o Au o Jiova (Yahweh), niu sa dodoka yani na ligaqu meu saqati Ijipita, au qai kauti ira tani mai na luve i Isireli mai na kedra maliwa. 06 O Moshe vata kei Eroni, rau a qai vakayacora na veika a vakarota o Jiova (Yahweh); qori rau a vakayacora. 07 O Moshe a sa yabaki walusagavulu kei Eroni a sa yabaki walusagavulu ka tolu e na gauna rau a vosa kina vei Fero.

Lako Yani 7:1-6

Me vakavinavinakataki na Kalou (Elohim) na Tama ni Noda Turaga o Jisu (Master Yahshua) na Mesaia; o Koya e sa vakalougatataki keda oti e na veimataqali veivakalougataki mai lomalagi, e na vuku ni Mesaia; 04 ka ni a digitaki keda meda Nona, ni sebera ni vakotori na yavu kei vuravura, meda na yalosavasava ka tawacala e Matana.

Efeso 1:3-4.

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
27.	January 27	Exodus 13-15	Matthew 19:1-15

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

O Mosese: Na Nona iLesilesi (Moshe – His Commission)

Thought: Patient is a Prerequisite for Doing Yahweh’s Work

..................................................

Serving For The 26^th January, 2010

Ia o luve i Fero yalewa a siro sobu mai me lai sisili e uciwai; o ira na nona yada era a vakamuri i koya tiko ga mai bati ni uciwai; ia ni sa raica na velovelo e veikuta, e qai talai ira na nona yada me ra lai kauta mai. 06 Ni cega, a qai raica na gonelailai; ka raica, ni tagi tiko na gone. A tuburi koya na nona lomani koya, qai kaya Qo sara ga e dua vei ira na luve ni Heberiu, 07 Kaya cake mai o ganena, vua na luvei Fero yalewa, Oni vinakata beka meu lai kauta mai e dua na dau susu gone maivei ira na marama ni Hiberiu, me mai susuga vei iko na gone? 08 Kaya vua na luve i Fero yalewa, Lako. A qai lako na goneyalewa, qai lai kaciva mai na tinana na gone. 09 Kaya vua o luve i Fero yalewa, Kauta na gone qo, lai susugi koya e na vukuqu, au na qai sauma vei iko na kemu isau. A qai kauta na gone na yalewa, qai lai susugi koya.

11 ¶ A qai yaco e na veisiga oya, ni sa tubu levu o Moshe, ni a lako i na vanua era tiko kina na kai nona, qai lai dikeva kina na nodra cakacaka kaukaua. A qai raica kina o koya e dua na kai Ijipita ni mokuta tiko e dua vei ira na kainona.12 E veiraiyaki o koya, ia ni sega ni raica e dua ni sarasara tiko mai, a mani mokuta mate na kai Ijipita, qai buluti koya tu e veinuku. 13 Ni lako yani e na ikarua ni siga, a rai, qai raica ni rau veileti tiko e rua na Hiberiu; a mani tarogi koya e cala tiko, Na cava o mokuta tiko kina e dua ga na wekamu? 14 Sauma vua o koya, O cei mada a lesi iko mo dua na ravouravou, mo mai via lewai keimami kina? O nanuma beka mo na vakamatei au, me vaka na nomu a vakamatea na kai Ijipita e nanoa? A qai tuburi Moshe na domobula qai vakasamataka, Sa rairai kilai raraba beka na ka qo. 15 Ni rogoca na itukutuku qo o Fero, a qai segata me vakamatei Moshe. Ia a dro yawa mai vei Fero o Moshe, qai lako i na vanua o Midiani, sa qai lai cegu toka e na yasa ni dua na toevu.

Lako Yani 2:11-15.

Ia ni da raica ni o keda tale ga, eda sa viribaiti tu e na dua na o ni ivakadinadina vakaitamera, laiva meda biuta tani na icolacola bibi kecekece kei na ivalavala ca e dau rawai keda tu vakarawarawa, qai laiva meda ciciva e na yalovosota, na veitaucici sa vakarautaki tu e matada, 02 ka laiva meda vakanamata vei Jisu (Yahshua), o koya e ivakatekivu ka ivakamaqosa ni noda vakabauta, o Koya, ni raica na reki e a rawa ni Nona, a qai vosota na kauveilatai, vosota na madua, ka sa lai dabe sara kina qo e na liga imatau ni idabedabe vakatui ni Kalou (Elohim).

Hiberiu 12:1-2.

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
26.	January 26	Exodus 11-12	Matthew 18:21-35

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Qase Yalodina (A Faithful Patriarch)

Thought: We Will Enter A Trial, When We Decide To Follow A Path That Is Contrary To Yahweh’s Purposes

............................................

Serving For The 25^th January, 2010

Sa qai lesu i Ijipita o Yosefa, o koya, kei ira na tacina, kei ira kece era a lako vata cake kei koya me ra lai buluti tamana, ni yaco oti na veibulu vei tamana.

15 ¶ Ia ni ratou sa kilakasamata na tuakai Yosefa ni sa mate o tamadratou, eratou qai taqaya ni ratou kaya, E na rawa vei Yosefa me vakamavoataki kedatou; de dua e na vinakata o koya me tou sauma na ka ca kecekece tou a vakayacora vua. 16 Eratou mani lako vei Yosefa, ratou qai kaya vua, O tamamuni, e a vakarota ni se bula tiko, ni kaya, 17 Qo na ka mo dou na kaya vei Yosefa, Vosoti keitou, keitou masuti iko, e na vuku ni nodratou cala na tuakamu vata kei na nodratou ivalavala ca; baleta ratou a vakayacora na ivakarau veibeci vei iko; ia qo vosota na nodratou ivalavala ca na Nona dauniveiqaravi na Kalou (Elohim) nei tamamu. A qai tagi o Yosefa ni ratou vosa vakaoqori vua. 18 Eratou qai torovi koya na tuakana, ratou qai lutu sobu vua; ratou qai kaya, Raica o keitou na nomu dauniveiqaravi. 19 Kaya vei iratou o Yosefa, Dou kakua ni taqaya: baleta o au talega e dua na dauniveiqaravi ni Kalou (Elohim)? 20 O kemudou dou a vakasamacataki au; ia na Kalou (Elohim) e a nakita me nai mai tini vinaka, me cakava na veika sa cakava tu edai, oya me vueta e levu na bula.

Vakatekivu 50:14-20

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika mai kina o Jisu (Yahshua) na Mesaia;

1 Pita 1:6-7

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
25.	January 25	Exodus 9-10	Matthew 18:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Toso na iLakolako I Ijipita (The Move to Egypt)

Thought: Love Accepts Those Who Vilify, Slander And Insult You, Without Hesitation?

..........................................

Serving For The 24^th January, 2010

Sa qai toso o Isireli vata kei na veika kece e taukena, ia ni sa yaco i Biashiba, e qai vakacabora e dua na isoro vua na Kalou (Elohim) i Aisake na tamana. 02 Oti qai vosa vei Isireli na Kalou (Elohim) e na dua na raivotu e na bogi, ni kaya, I Yakove, Yakove! Sauma o koya, O au saka qo. 03 Kaya vua o Koya, O au o Jiova (El), na Kalou (Elohim) nei tamamu: kakua ni rivarivabitaka mo lako sobu i Ijipita; baleta e keya au na cakava mo dua na kawatamata vakaitamera. 04 Au na lako sobu vata kei iko i Ijipita; kau na kauti iko cake tale vakaidina mai keya; o Yosefa ga e na sogota na na matamu e na gauna o mate kina.

05 ¶ A qai cavutu mai Biashiba o Yakove: ia o ira na luve i Isireli, era qai colati Yakove na tamadra, kei ira na nodra lalai, vata kei na dui watidra, e na kareti ni usa tamata, a vakatala sobu mai o Fero me lai kauti ira mai. 06 Era kauta na nodra manumanu, kei na nodra iyau, era a rawata mai na vanua o Kenani, era qai curu i Ijipita, o Yakove kei ira kece na luvena vata kei koya. 07 O ira na luvena tagane kei na makubuna tagane, na luvena yalewa kei na makubuna yalewa; kei ira kece na nona kawa e a kauti ira mai vata kei koya i Ijipita.

Vakatekivu 46: 1-7

Kevaka oni vosoti ira na tamata e na nodra cala, o Tamamuni e tiko mai lomalagi e na vosoti kemuni talega.

Maciu 6:14

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
24.	January 24	Exodus 7-8	Matthew 17

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tekivu Na Dausiga (The Famine Begins)

Thought: Search For Yahweh, During Your Times Of Trials, You’ll Find Him

............................................

Serving For The 23^rd January, 2010

Vei Yosefa a qai sucu e rua na luvena tagane, ni sebera ni tekivu na veiyabaki ni dausiga; a vakasucuma vua o Asenaca, na luve i Potifera na bete mai Ono. 51 O Yosefa a vakatoka me yaca ni nona ulumatua o Manasa, baleta na Kalou (Elohim) a kaya o koya, Sa vakavuna meu guilecava na noqu leqaleqa kei na vale nei tamaqu.52 Na yacana o kena ikarua e a vakayacana o koya me o Ifereimi; baleta na Kalou (Elohim) sa cakava meu vuavuai vinaka e na vanua ni noqu vakararawataki. 53 Oti sa qai cava na veiyabaki ni sautu e vitu, e na vanua o Ijipita. 54 Sa qai tekivu me yaco mai na veiyabaki ni dausiga, me vaka a kaya o Yosefa: a qai yaco na dausiga e veivanua kece sara; ia e na vanua o Ijipita, e a oti vakadua na madrai. 55 Ia ni sa walokai na vanua taucoko o Ijipita, era qai lai vosavoa na tamata vei Fero baleta na lailai ni madrai; a qai kaya vei ira na kai Ijipita kece sara o Fero, Lako vei Yosefa; na ka ga e kaya vei kemuni o koya, ni cakava, 56 ni sa kovuta sara na vanua taucoko na dausiga, sa qai dolava na lololo kece o Yosefa, me yaco na volivolitaki vei ira na kai Ijipita, 57 E a waromisa na dausiga e na veiyasa i Ijipita. Na tamata mai na veivanua era a lako mai i Ijipita vei Yosefa me ra voli witi; baleta na dausiga a waromisa e veivanua kece.

Vakatekivu 41:50-57

Au dau vakavinavinakataka na noqu Kalou (Elohim) e veigauna kece, kau dau nanumi iko e na noqu masu, 05 mai na gauna au a rogoca kina na nomu vakabauta kei na nomu lomana na Turaga o Jisu (Master Yahshua) vata kei ira kece na digitaki, 06 me rawa ni vakavatukana na nomu vakabauta e na kena cakacakataki, me qai kilai raraba na veika vinaka e tiko vei iko e na vuku i Jisu (Yahshua) na Mesaia.

Filimoni 1:4-6

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
23.	January 23	Exodus 4-6	Matthew 16

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Toso cake Nei Yosefa (Ascent of Yosef)

Thought: Yahweh Decides And Sets Up The Life Of Those Whom He Calls For A Special Purpose

............................................

Serving For The 22^nd January, 2010

38 Kaya o Fero vei ira na nona tamata, Eda na kunea rawa beka e dua na tamata vakaoqo, e tiko vua na icegu ni Kalou (Elohim). 39 Kaya o Fero vei Yosefa, Baleta ni sa vakatakila vei iko na veika kece oqo na Kalou (Elohim), sa na sega ga ni dua e yalomatua ka vuku cake me vakataki iko: 40 O sa na lesi mo qarava na noqu matavuvale, mai na nomu vosa, o ira kece na noqu tamata era na lewai: e na gauna ga au dabeca kina na noqu idabedabe vakatui, au na cecere cake kina mai vei iko.41 Kaya tale o Fero vei Yosefa, Raica, au na lesi iko mo kovana ni vanua taucoko o ijipita. 42 Oti qai luvata na nona mama mai ligana o Fero, qai vakaciqira e na liga i Yosefa, vakaisulutaki koya e na lineni matailalai, ka vakataubena vua na sinucodo koula. 43 Oti qai cakava me vodo e na dua tale na nona kareti, e taukena o koya. Era qai dau tagi e matana, Tamai keimami, neimami Kovana! Qori na kena ivalavala e a lesi i koya kina o koya me Kovana e na vanua taucoko o Ijipita. 44 Kaya tale o Fero vei Yosefa, O au o Fero, au sa vakarota, me kakua ni caka e dua na ka e na vanua o Ijipita ke sega ni tau mai vei iko na kena lewa. 45 O Fero a qai vakatoka me kacivi o Yosefa e na yaca Safenaca-paanea; (baleta na veika vuni a vakaraitaki vua); oti qai soli i Asenaca na luve i Potifera na bete mai Ono, o koya me watina. O Yosefa a qai sikova na vanua kece o Ijipita.

46 ¶ O Yosefa a yabaki tolusagavulu e na gauna a duri kina e na mata i Fero na tui Ijipita. Ni biubiu mai na mata i Fero, o Yosefa, e a lai veisiko sara e loma i Ijipita taucoko. 47 E na yabaki vitu ni sautu, e a vakaitamera na tatamusuki e rawa mai na vanua. 48 E a qai kumna vata na vuata mai na vitu na yabaki ni sautu e na vanua o Ijipita, qai soqona vata tiko e na veiveikoro: na vuata e na iteitei mai na veiveikoro era soqoni tikoga e na koro oya.

Vakatekivu 41:38-48.

Ia na Kalou (Elohim) e digitaki ira era lialia e vuravura me ra vakatubu madua vei ira era vuku; na Kalou (Elohim) talega e digitaki ira na gogo e vuravura, me ra vakatubu madua vei ira na qaqa.

1 Korinica 1:27

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
22.	Janueri 22	Lako Yani 1-3	Maciu 14:21-39

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Volitaki Nei Yosefa (The Selling of Yosef)

Thought: Life’s Trial Should Make Us Better And Fulfill Divine Purposes

...................................

Serving For The 21^st January, 2009

A qai yaco, ni lako yani o Yosefa vei iratou na tuakana, ni ratou a luvata laivi mai vua na kote saulevu a dara tiko; 24 Eratou qai kauti koya, eratou qai kolotaki koya e loma ni dua na qara, ia na qara a lala tu, a sega ni tawa tu na wai e loma. 25 Oti eratou qai toka sobu me ratou kana madrai; ia ni ratou tacake me ratou veiraiyaki, ratou qai raica e dua na ilakolako ni kai Arabea ni ra lako tiko mai Qiliade; a iusana tiko mai ni nodra kameli na drega, na balami kei na mura, ka toso sobu tiko na ilakolako i Ijipita. 26 Kaya o Yahuda vei iratou na mata veitacini, Na cava na kena yaga, kevaka tou vakamatea na tacidatou me tou vunitaka na nona dra? 27 Mai, tou volitaki koya vei ira na kai Arabea, tou kakua ni vakamavoataki koya; baleta o koya e tacidatou ka nodatou kawa. Eratou a vakarogoci koya na mataveitacini. 28 Oti era qai wavoki mai eso na dauniveivoli ni Midiani; eratou qai lai valarewataki Yosefa cake mai loma ni qara, ka volitaki Yosefa e na isau e ruasagavulu na tikini siliva; o ira era qai kauti koya i Ijipita. 29 Ia ni lai iro e loma ni qara o Ruveni, qai raica ni sa sega ni tiko e loma ni qara o Yosefa; qai dresulaka kina na nona isulu, 30 Oti qai lesu veiratou na tacina, qai tarogi i iratou, Evei na gonetagane? O yau, meu sa lako i vei qo?

Vakatekivu 37:23-30

Na cava tale meda qai kaya e na veika oqo? Ke to vata kei keda na Kalou (Elohim), o cei e na rawa ni saqati keda? 32 Ke a sega ni bureitaka na Luvena dina, ia qai soli i Koya cake mai e na vukuda; e na qai dredre vakacava Vua me solia wale vei keda na veika kece e tu vua?

Roma 8:31

Reading for Today (Na Wase Ni iVola Tabu Me Wili Nikua).
Siga (Day)	Tikinisiga (Date)	Mataka (Morning)	Yakavi (Evening)
21	January 21	Genesis 49-50	Matthew 15:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).