Kakua Ni Saqati Zaiyoni (Do Not Oppose Zion)

Thought: YHWH Causes People To Oppose Zion, But Will Punish Those Who Do!

................... 

Serving for Yom Chamishi, Adar 18, 5773

MAI NA NEVI’IMI AKARONIMI (FROM THE NEVI’IM ACHARONIM)

Na leqalevu e na yaco vei Eri'yili, [na matadravu i Yahuwe (YHWH), na laione ni Kalou (Mighty One)] vei Eri'yili, na korolevu a keba kina o Dawide! Vakananuma tiko na solevu me vica vata tale na yabaki. 2 Ia o au, au na kauta mai na rarawa  vei Eri'yili. E na yaco na lomabibi kei na tagitagi; ni sa na yaco me eri'yili dina vei au. 3 Au na keba wavolivoliti iko, au na qai tuvaivalutaki iko e na valecere ka binia cake meu saqati iko e na kemu  suva. 4 Cuva sobu, o na vosa mai dela ni qele; na domomu e na rogo lailai sara baleta na kuvu ni soso;  na domomu e na vaka na domo ni dauvakacuru mai na loma ni qele, na nomu vosa e na sokii mai loma ni kuvu ni soso.5 O ira na ibinibini kemu meca era na vaka na kuvu ni qele matailalai, o ira na ilala vakadomobula era na vaka na qaniwiti cacaginagina, io qori e na yaco sara vakasauri. 6 O iko o na sikovi mai vei Yahuwe ni lewevuqa (YHWH Tzva'ot) e na kurukuru, e na uneune, e na rorogo vavakurukuru, e na covulaca, e na cagilaba kei na cavaa yame ni bukawaqa. 7 Ni oti oqo, o ira kece na veimatanitu era valuti Eri'yili tiko; oya o ira yadua era valuti koya tiko, na bailalaga kaukaua era tu wavoliti koya tu kei ira na tamata era vakatubuca tiko vua, era na seyavu yani me vaka e dua na tadra se me vaka e dua na raivotu e na loma ni bogi. 8 E na tautauvata ni dua na tagane walokai e tadraa ni sa kana tiko, ia ni yadra cake qai vakila ni lala vinaka tu ga na ketena; se tautauvata kei na dua na tagane karamaca, e tadra ni sa gunu tiko; ia ni yadra cake, qai vakila ni malumalumu tiko baleta na nona viagunu; e na tautauvata sara ga oqo vei ira na ilala veimatanitu era valuta tiko na ulunivanua o Zaiyoni

Yeshayahu (Aisea) 29:1-8

NA IVAQA NI BULA (FOOD FOR THE SOUL)

E na gauna e levu kina na vosavosa, na ivalavala ca e sega ni lailai; ia e vuku, o koya e qarauna na veika e kaya.

Mishlei (Vosa Vakaibalebale) 10:19

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Mai vei ira na kawa i Kora’aka. E dua na vucu ni veivakatavulici (maskil). 2(1) Kemuni na Kalou (Mighty One) keimami a rogoca e daliga i keimami; o ira na tama i keimami era a tukuna vei keimami, a dua na ka oni a cakava, oya e na dela ni nodra gauna.3(2) E na ligamuni, oni a cemuri ira laivi na veimatanitu, moni tei ira [e na loma ni vanua] oni a vakarusai ira na veimatatamata moni vagalalataka na vanua e na vukudra. 4(3) Baleta era a sega ni taukena na vanua e na nodra seleiwau, e a sega talega ni vueti ira rawa na ligadra; ia na ligamuni imatau, na gauniligamuni vata kei na rarama mai na kemuni iserau; baleta ga ni oni a tovaki ira. 5(4) Kemuni na Kalou (Mighty One), o kemuni na noqu tui: vakarota me ra qaqa vakaoti o ira na Ya'akove. 6(5) E na nomuni [kaukaua], keimami a biligi ira na keimami meca, e na yacamuni keimami a buturaki ira sobu  o ira era cati keimami. 7(6) Baleta au sega ni vakanuinui i na  noqu dakaititi, se na noqu seleiwau me rawata vei au na qaqa. 8(7) E sega, o kemuni oni a vueti keimami mai vei ira era neimami itatacaqe; [o ira era] cati keimami, oni biuti ira me ra madua o ira era sevaki keimami. 9(8) Keimami na dau dokadokataka ga na neimami Kalou (Mighty One) e na loma ni siga taucoko, ka solia na [neimami] vakamuduo i na yacamuni me tawamudu. Selaa Ia e na gauna oqo oni sa lecavi keimami ka vakarogocataki keimami; oni sega ni tayabe mai vata kei na nomuni mataivalu.

11(10) Oni cakava me keimami vakasukasuka mai vei ira era dau veivakatacaqetaki; o ira era cati keimami, era butakoci keimami e na gauna era via cakava kina. 12(11) Oni sa soli i keimami laivi me vaka na sipi e vakarau laukana, ka  ceburaki keimami e na kedra maliwa na veimatanitu. 13(12) Oni volitaki ira na nomuni tamata e na isau rawarawa, oni sega  mada ga ni rawata e dua na tubu mai na nomuni volivolitaki. 14(13) Oni cakavi keimami e matadra na weka vakaitikotiko, me keimami dau vakalialiai, dau beci, ka dau veiwalitaki vei ira er tu vakavolivoliti keimami. 15(14) Oni cakava me keimami vosa vakacacataki e na kedra maliwa na veimatanitu; o ira na tamat era vakalialiai keimami ka qai kurea tu na uludra.16(15) E na loma ni siga taucoko, na noqu rogorogo ca sa no ga e mataqu, kei na madua sa mai kovuta tu na mataqu  17(16) Ni rogo na domodra o ira era dau veivakacacani ka veivakalialiai, ka laurai i ira na meca era nakita me ra mai veisausaumi [vei au].

Tehillim (Same) 44:1-17

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 159 in 5773 (Total 1888)	February 28, 2013
Reading	Hebrew Date
Sh’mot (Lako Yani) 29-30	M #12: Adar 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ka Kece E Vakaiyalayala (Everything Has An End).

Thought: Do Not Take Things Lightly, Pay Attention To YHWH, He Knows!

................ 

Serving for Yom R’vi’ii, Adar 17, 5773

MAI NA NEVI’IMI AKARONIMI (FROM THE NEVI’IM ACHARONIM)

Baleta o Yahuwe (YHWH) e na mata cake, me vaka mai na Ulunivanua o Pi'razima; qai cudru vakawaromisa me vaka mai na buca mai Qiva'oni, me rawa ni cakava na nona cakacaka duatani, me qai cakava me yaco na nona itavi, na itavi duatani. 22 O koya oya, e na gauna sara ga oqo, tarova na nomu taura tiko vakamamada, de qai vakadre tale vakaukaua na kemuni ivesu; baleta au sa rogoca oti mai vei Yahuwe (YHWH) na Kalou ni lewevuqa (Mighty One Tzva'ot) ni sa vakataulewataki oti tu me na yaco na veivakarusai e loma ni vanua taucoko.

23 ¶ Vakatudaliga, ka rogoca na domoqu; kauwaitaka, rogoca na veika au tukuna. 24 E dua beka na dauteitei e via kakaburaki, e na siviyara tikoga me tawacegu? E na sega beka ni cegu mai na nona cukita ka siviyarataka tiko na nona vanua? 25 Sega, e na gauna ga e oti kina na nona  vakarautaka na vanua, sa na kaburaka sara na itei ni dili, tea na kumini, yatuna mai na witi [kei] na barile e na tikina e nakiti me ra na tei kina, ka tea mai na raye e batibati ni were? 26 Baleta na nona Kalou (Mighty One) sa vakatavulica oti vua na veika oqo, ka sa soli ivakasala oti vua. 27 Na dili e sega ni dau samuti e na isamu-yara, na kumini talega e sega ni toqici e na yava ni qiqi ni sila; ia na dili e na samuti ga e na kena kau kei na kumini e na ititoko. 28 Ni qaqi tiko na sila me na vavi kina na  madrai, e dua e na sega ni qaqia tiko me tawamudu; e dua e na taubaletaka na ose kei na kena qiqi e delana, ia e na sega ga ni qaqia sara me matailalai [me vaka na pauta]. 29 Qo talega e kilai mai vei Yahuwe ni lewevuqa (YHWH Tzva'ot); na nona ivakasala e daumaka vakaoti kei na nona vuku e vakaitamera.

Yeshayahu (Aisea) 28:21-29

NA IVAQA NI BULA (FOOD FOR THE SOUL)

O koya e via tabonaka na veicati  e dau kaya na ka lasu na tebenigusuna, ia o koya e dau veivakacacani e lialia.

Mishlei (Vosa Vakaibalebale) 10:18

LOMANI YAHUWE NA NOMU KALOU (LOVE YHWH YOUR MIGHTY ONE

Vakalewai au noqu Kalou (Mighty One), tokona na noqu ile me ra saqati kina o ira na veimatanitu e sega na nodra vakabauta. Vueti au mai vei ira era dau veivakacalai kei ira era tawadodonu. 2 Baleta o kemuni na Kalou (Mighty One) ni noqu kaukaua; na cava oni biligi au laivi kina? Na cava meu vakaloloku wavoki voli kina, e na vuku ni nodra veivakasaurarataki na meca? 3 Vakauta wavoki na nomuni rarama kei na nomuni dina; laivi ira me ra mai veituberi vei au; laivi ira me ra kauti au yani i na nomuni ulunivanua tabu kei na veivanua oni vakaitikotiko kina. 4 Oti au na qai lako i na mata ni nona  icabocabo ni isoro na Kalou (Mighty One), vua na noqu Kalou (Mighty One) na noqu reki kei na [noqu ka] talei; au na vakavinavinakataki kemuni e na hapi; na Kalou (Mighty One) na noqu Kalou (Mighty One). 5 Noqu bula, na cava o rui yalorarawa tiko kina? Na cava o vutugu tiko kina e lomaqu? Vakanuinui ga vei Yahuwe (YHWH); baleta o au, au na vakamuduo tikoga vua, baleta o koya na noqu ivakabula ka noqu Kalou (Mighty One).

Tehillim (Same) 43:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 158 in 5773 (Total 1887)	February 27, 2013
Reading	Hebrew Date
Sh’mot (Lako Yani) 27-28	M #12: Adar 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakaruru Lasulasu (False Protection).

Thought: Do Not Be Too Complacent, Check That Your Protection Is Not False

............. 

Serving for Yom Shlishi, Adar 16, 5773

MAI NA NEVI’IMI AKARONIMI (FROM THE NEVI’IM ACHARONIM)

E na gauna qo, na vosa nei Yahuwe (YHWH) vei ira, e na tau mai vaka oqo,  Na ivakaro e na ivakaro, na iyatuvosa e na iyatuvosa, vakalailai eke, vakalailai mai keya; me rawa kina, e na gauna era sa na lako kina, ni ra na tacaqe vaka i muri, era qai kamusu, coriti, ka vesu. 14 O koya oqo moni rogoca kina na vosa i Yahuwe (YHWH) kemuni na dauveibeci oni buli vosa tiko ni veivakalialia me tukuni vei ira na tamata oqo mai Yerushalayimi.15 Baleta oni a kaya, Keimami a bulia e dua na veiyalayalati vata kei mate ka veisorosorovi vata kei She’ola. ia ni sa vuabale mai na dobui ni coka tiko, e na sega ni yacovi keda mai. Baleta eda sa cakava na ka lasu me noda ivakaruru, ka vunitaki keda vakataki keda e na ka lasutaki, 16 Qori e kaya kina qo na Sau o Yahuwe (YHWH), Raica, au sa vakotora no mai Zaiyoni, e dua na vatu vakatovolei, e dua na vatu ni tutunivale saulevu, me kena yavu tudei; o koya e vakabauta e na sega ni vaqunaquna wavoki i ke se i keya. 17 Au na cakava na lewadodonu me wa ni ivakavakarau, kei na  yalododonu me ivakabi ni wa; na uca qereqere e na taviraka laivi na ivakaruru lasulasu, na wai e na kuitaka na vanua ni ivunivuni.18 Na nomuni veiyalayalati kei na mate sa sega ni vakabau, kei na nomuni veiyalayalati kei na ibulubulu (Sh’ol) sa na sega ni vakadonui. Ia ni sa coka sobu mai na dobui, qori e na qai butuki kemuni sobu. 19 E na veigauna kece e coka sobu mai kina, e na dau kauti kemuni; baleta ni na coka sobu mai e na veimataka, mai na dua na siga i na dua tale na siga, kavaka kina mai na dua na bogi i na dua tale na bogi; na kilai ga ni itukutuku e na ka ni domobula. 20 Baleta [me vaka na kena itukutukuni) na loga sa rui lekaleka me dua na tamata e vakadodo kina, ia na itutuvi e rui rabalailai (me veitaqomaki mai na batabata) kevaka mada ga me lokini no e rukuna o koya.

Yeshayahu (Aisea) 28:13-20

NA IVAQA NI BULA (FOOD FOR THE SOUL)

O koya e qarauna na lewa matau e naulu tiko i na bula; ia o koya e sega ni via galeleta na veivakadodonutaki e vakayacora tiko e dua na ka e na veivakacacani.

Mishlei (Vosa Vakaibalebale) 10:17

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Na nodra vucu ni veivakatavulici (maskil) na kawa i Kora’aka 2(1) Me vaka ni guta na mekila [me gunu] mai na waidrodro, i Yahuwe (YHWH) o au talega au guti kemuni. 3(2) O au, au via gunu maivei kemuni na Kalou bula (living Mighty One)! E na gauna cava beka au rawa ni lako yani kina, meu basika e na mata ni Kalou (Mighty One). 4(3) Na wainimata e kequ kakana e veisiga kei na veibogi; ia e na loma ni siga taucoko, era tarogi au tiko na tamata, Evei na nomu Kalou (Mighty One)? 5(4) Niu nanuma mai, e na gauna e tubu kina e lomaqu na noqu vakasama, niu  a dau lako vata kei ira na lewe vuqa i na vale ni Kalou (Mighty One), e na domo ni reki kei na vakamuduo, mai vei ira na le vuqa era vakananuma tiko na solevu. 6(5) Noqu bula, na cava na vuna o rui loma leqaleqa tiko kina? Na cava o vutugu tiko kina mai lomaqu? Vakanuinui [ga] vua na Kalou (Mighty One), baleta o au, au na vakamuduo vua e na vuku ni veivueti e lako mai vua [ni tiko o koya].

7(6) ¶ Noqu Kalou (Mighty One) niu dau loma leqaleqa vakalevu, au dau nanumi kemuni ga mai na vanua na Yaradani, mai na ulunivanua o Heremoni, ka vakakina mai na delana o Mizari. 8(7) Na titobu e kaciva tiko na titobu, e na vakadomobula na kena rogo bi na nomuni baranisavu, na nomuni waidrodro voravora (surging rapids), kei na nomuni vei biau era sa tubu tiko me ra lomoci au. 9(8) E na loma ni siga, o Yahuwe (YHWH) e na vakarota na nona yalololoma, e na bogi na nona sere e na tiko vata kei au, me vaka e dua na masu vua na Kalou (Mighty One) ni noqu bula. 10(9) Au na kaya vei Yahuwe (YHWH) na noqu uluvatu, Na cava oni sa guilecavi au kina? Na cava meu vakaloloku wavoki voli kina, e na nodra  veivakasaurarataki na kequ meca? 11(10) Na nodra veivakalialiai o ira era kequ meca, e vaka sara ga vei au, ni ra qaqia tiko na suiqu, oya e na nodra vakataroga tiko vei au, Evei sara na nomu Kalou (Mighty One)? 12(11) I noqu bula, na cava o sa rui yalolailai tiko kina? Na cava na vuna o vutugu tiko kina mai lomaqu?  Vakanuinui ga vei Yahuwe (YHWH); baleta o au, au na vakamuduo talega [vua], baleta ni o koya e noqu ivakabula ka noqu Kalou (Mighty One).

Tehillim (Same) 42:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 157 in 5773 (Total 1886)	February 26, 2013
Reading	Hebrew Date
Sh’mot (Lako Yani) 25-26	M #12: Adar 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kua Na Vagonegonea (Do Not Be Childish).

Thought: Precept Upon Precept, Line Upon Line, Here A Little, There A Little 

..................... 

Serving for Yom Sheini, Adar 15, 5773

MAI NA NEVI’IMI AKARONIMI (FROM THE NEVI’IM ACHARONIM)

E na leqa vakalevu na nodra isala vakatui dau dokadokataki na dau mateni ni Ifirayimi, kei na senikau malai ni nona totoka vakasakiti, e toka e na ulu ni nodra buca bulabula o ira era sa samuti tu e na waini. 2 O Yahuwe (YHWH) e dua tiko na nona (tamata) qaqa ka kaukaua. E lako mai  me vaka na uca qereqere (hailstorm), e dua na cava veivakarusai, ka vaka na ualuvu ni wailevu, e coka tiko, e veirawai; e na ligana e na comolaki ira e dela ni qele. 3 Na nodra isala vakatui boletaki na daumateni ni Ifirayimi e na buturaki sobu e ruku ni yava; 4 Ia na senikau malai ni nona lagilagi vakasakiti, e toka e na ulu ni nodra buca bulabula, era na vaka na imatai ni vuanilolo me dreu, ni se bera na vula ikatakata, ni o koya ga e raica e na betia sara me kania. 5 E na siga oya, o Yahuwe ni lewevuqa (YHWH-Tzva'ot) e na yaco me dua na isala vakatui lagilagi, ka dua na iukuuku (diadem) taleitaki vei ira na vo vo ni nona tamata. 6 O koya e na dua na yalo ni vakatulewa vei koya ga e dabeca tiko na idabedabe ni vakataulewa, ka na ivurevure ni kaukaua vei ira era tarovi ira tiko na  nodra kabavanua tiko e matamata. 7 Ia o ira talega eso, era sowiri tiko mai na [gunu] waini, ka tu tataivatia tu baleta na gunu kaukaua; o ira mada ga na kohanimi kei ira na parofita, era sosowiriwiri tiko baleta na gunu kaukaua, ka ra sa veilecayaki tu baleta na waini. Era vakacalai tu baleta na gunu kaukaua, era cala e na nodra rai ka tatacaqe ni ra vakatulewa tiko. 8 Na teveli kece era sa vakadukadukali tu e na lua kei na da, e sega sara ga ni dua na tikina me savasava.

9   ¶ Sa na sega beka ni dua e vakatavulici rawa e na dua na ka?  E sega beka ni dua kilakasamata rawa na itukutuku? E vinakati beka me ra vakatavulici o ira na gone qasiqasi era se qai kali oti ga mai na sucu,10 Oya [me sa vakayagataki na nodra ivosavosa na lalai]; Tzav la-tzav, tzava la-tzava, kav la-kav, kav la-kav, z’eir sham, z’eir sham (Na ivakaro e na ivakaro, na iyatuvosa e na iyatuvosa, vakalailai eke, vakalailai mai keya) 11 Oya e na tebenigusu daukaka e na nodra icavucavuti ni vosa na kaitani, [o Yahuwe (YHWH)]  e na vosa vei ira na tamata oqo. 12 E na dua mada na gauna, o koya e a kaya vei ira na tamata, Oqo na gauna ni vakacegu, o ira na wawale e rawa ni ra cegu, e kena gauna oqo oni sa rawa kina ni vakabulabula, ia era sega ni via rogoca,

Yeshayahu (Aisea) 28:1-12

NA IVAQA NI BULA (FOOD FOR THE SOUL)

Na nodra iyau na vutuniyau e nodra koro kaukaua; ia na nodra vakacacani na dravudravu (poor) [e vu mai] na nodra dravudravua (poverty). 16 ¶ Na nona cakacaka na yalododonu e baleta na bula; ia na tatamusuki vei ira era itovo tawakilikili e baleta na ivalavala ca.

Mishlei (Vosa Vakaibalebale) 10:15-16

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide. 2(1) E wacava na nodra kalougata o ira  era dau lomani ira era dravudravua! Ni yaco mai na [gauna ni] leqa lelevu, o Yahuwe (YHWH) e na vueti ira. 3(2) O Yahuwe (YHWH) e na taqomaki ira, e na vakabulai ira tiko, ka cakava me ra marau tiko e loma ni vanua. Oni na sega ni soli i ira laivi i na nodra lewa na kedra meca. 4(3) O Yahuwe (YHWH) e na tabei ira tiko e na nodra loga ni tauvimate; e na gauna era koto sobu kina ni ra tauvimate, o koya e na cakava me ra bula [tale mai na kedra mate]. 5(4) Au tukuna, i Yahuwe (YHWH), lomani au! Vakabulai au, baleta au a valavala ca saqati kemuni. 6(5) Na kequ meca e kaya tiko na vosa rogorogo ca me baleti au! E na gauna cava beka e na mate kina o koya, me tababokoci vakadua na yacana? 7(6) Ni ra mai sikovi au, era mai kaya ga na vosa ni veivakalaboci; na  vuniyalodra e na gauna vata oya, e vakasoqona tiko na itukutuku lasu; oti era na qai lako yani me ra lai vakatetea na itukutuku ca. 8(7) O ira kece era sevaki au, era   vakasolokakana vata tiko me baleti au, me ra vakasamataka na veika ca kecega me baleti au. 9(8) E dua na matedewa, e rawa ni kauta mai na mate, sa kabiti koya tu qo, o koya sa na sega tale ni mata cake. 10(9) O koya mada ga na noqu icaba voleka, o koya au dau vakanuinui vua, o koya keirau dau kanakana vata, sa vuki tani me saqati au. 11(10) Ia o kemuni i Yahuwe (YHWH), ni lomani au mai, vakaduri i au tale e yavaqu, meu rawa ni sausaumi lesu vei ira.12(11) Au na kila ni oni sa marautaki au, kevaka e sega ni mai vakadrukai au na kequ meca. 13(12) Oni tabei au cake, baleta niu tawacala, oni vakataudeitaki au tiko e matamuni me tawamudu. 14(13) Me vakavinavinakataki o Yahuwe (YHWH) na Kalou (Mighty One) i Yisira’yili, mai na gauna makawa tawamudu, i na gauna tawamudu mai muri. Omaini. Omaini.

Tehillim (Same) 41:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 156 in 5773 (Total 1885)	February 25, 2013
Reading	Hebrew Date
Sh’mot (Lako Yani) 23-24	M #12: Adar 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lesu O Yisira’yili (Yisra’yl Returns)

Thought: Idol/God Worship Will Stop And Ya’akov Will Return To YHWH 

 ...................

Serving for Yom Rishon, Adar 14, 5773

MAI NA NEVI’IMI AKARONIMI (FROM THE NEVI’IM ACHARONIM)

E na siga oya, o Yahuwe (YHWH) e na nona seleiwau levu, kaukaua ka tabusoro, e na totogitaki Liviyatani na gata daudro, o Liviyatani na gata dausowiri, o koya e na vakamatea na draqoni ni wasawasa. 2 E na siga oya, e na dua na veivaini talei; lagata mada na kena sere!  3 O au, o Yahuwe (YHWH) au na yadrava. Au vakasuasuataka tiko e na veiveigauna. Me kakua kina ni yaco vua e dua na leqa, au na yadrava tiko e na siga kei na bogi. 4 E sega vei au na cudru. Kevaka e solia vei au na soni kei na kau vakavotona, ia me vaka e na ivalu, au na buturaka sobu ka vakama laivi vakadua e na gauna vata ga oya. 5 Ke sega, ia me qai taura ga o koya na noqu kaukaua, me rawa ni cakava na veivakameautaki vata kei au, io laivi koya me mai veivakameautaki vata kei au. 6 Sa roro mai na gauna sa na vakawakana kina o Ya'akove; o Yisira'yili e na qai kubu ka se; e na qai vakasinaita na dela i vuravura na vuana e na gauna ni tatamusuki.

7 ¶ O Yahuwe (YHWH)  e na sega ni  samuti Yisira’yili, me vaka na nona a samuti ira era a samuti Yisira'yili me vaka era a vakayacora o ira na tani era a samuti Yisira'yili; o koya e na sega ni vakamatei ira, me vaka era a cakava o ira na tani. 8 E veiraurau vinaka kei na nomudrau duidui na nomuni a vakatalai koya laivi; e a vakatalai koya laivi e na dua na nona bati ni cagi kaukaua; e na siga a  liwa tiko kina mai na vuaicake. 9 Oqori a savati laivi kina na cakacala i Ya'akove; na kena kau laivi na ivalavala ca oqori e kune kina na vuana oqo; ni a tatalaka sobu na kena vei icabocabo ni soro vatu me vaka na tadevo (chalk) kakavuruvuru, me kakua tale kina ni vakaduri na ivakatakarakara i Asherimi, vata kei na vakatakilakila ni lotutaki matanisiga me kakua ni cabe tale.10 Baleta na korolevu vakabai kaukaua sa na no laladidi tu, sega ni tawani ka guilecavi me vaka na vanua dravuisiga. E keya era sa na lai kana kina na luve ni bulumakau, e keya era na dau lai dadavo tu kina me ra kania na tabana.11 E na gauna era sa vusa kina na veitabana, era na qai mai ta laivi; o ira na yalewa era na qai mai visaa e na bukawaqa; baleta qo e dua na kawatamata era sega ni yalomatua, o koya oya e na sega kina ni yalololoma vei ira o koya e a buli i ira, o koya e a vakacokotaki ira e na sega ni lomani ira. 12 Ia ena yaco e na siga oya, ni na samuta laivi mai kina na vuata o Yahuwe (YHWH) mai na dreke ni Uciwai na Iuferetisi vakadua i na uciwai ni  Ijipita, oni na qai vakasoqoni yadudua mai, o kemuni na luve i  Yisira'yili. 13 E na yaco e na siga oya, ni na uvu kina na davui levu.  O ira era a yali tu mai na vanua o Ashuru, era na lesu mai, vata kei ira era a ceburaki laivi tu yani mai na vanua o Ijipita; era na qai mai sokalou tale vei Yahuwe (YHWH) e na ulunivanua tabu mai Yerushalayimi.

Yeshayahu (Aisea) 27:1-13

NA IVAQA NI BULA (FOOD FOR THE SOUL)

E na tebenigusudra na yalomatua e kune kina na vuku; ia na kau e maroroi tu me na tau i dakuna na lialia. 14 ¶ O ira na tamata vuku era na vunitaka matua na nodra kilaka; ia ni sa vosa e dua na lialia, na rusa sa na voleka.

Mishlei (Vosa Vakaibalebale) 10:13-14

LOMANI YAHUWE NA NOMU KALOU (LOVE YHWH YOUR MIGHTY ONE

I Yahuwe (YHWH) kakua ni bureitaka vei au na nomuni yalovinaka [tau malumu]. Laiva na nomuni yalovinaka kei na nomuni dina me maroroi i au tikotikoga. 13(12) Baleta na ca era vakavolivoliti au tu, e sega ni wili rawa; na noqu ivalavala ca e kovuti i au, au sa sega mada ga ni rai rawa; era levu cake mai na wiliwili ni drauniuluqu e uluqu, qori sa vakavuna meu yalo lailai. 14(13) Ni yalovinaka, i Yahuwe (YHWH), ni mai vueti au! I Yahuwe (YHWH), vakatotolo mada, moni vukei au. 15(14) Me yaco mada ga, vei ira era via taviraki i au tani, me ra rogo ca ka vakalolovirataki. 16(15) Me yaco mada ga vei ira era dau vakalialiai i au ni ra kaya Aha! Aha, na kidroa ni ra sa vakamaduataki. 17(16) Ia, me yaco mada ga vei ira kece era vaqarai kemuni tiko, na mamarau, me ra kunea na reki vei kemuni. Me yaco mada ga vei ira era taleitaka na nomuni veivueti me ra dau kaya e veigauna kece,  O Yahuwe (YHWH) e vakaitamera ka lagilagi! 18(17) Ia o au, au dravudravua ka levu na noqu gagadre; me nanumi au mada ga o Yahuwe (YHWH)! O kemuni na noqu dauniveivukei ka noqu dauniveivueti; noqu Kalou (Mighty One) kakua ni  vakaberabera.

Tehillim (Same) 40:12-17

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 155 in 5773 (Total 1884)	February 24, 2013
Reading	Hebrew Date
Sh’mot (Lako Yani) 21-22	M #12: Adar 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vaka Na Buketetaki Cagi (Like Giving Birth To Wind)

Thought: Everything We Do Only, Because YHWH Does It For Us

 .................

Serving for Shabbat, Adar 13, 5773

MAI NA NEVI’IMI AKARONIMI (FROM THE NEVI’IM ACHARONIM)

I Yahuwe (YHWH), oni na vakadonuya vei keimami na bula sautu; baleta na veika kece keimami cakava, o kemuni oni a cakava e na vuku i keimami. 13 I Yahuwe (YHWH) neimami Kalou (Mighty One), e levu na veituraga, era duatani mai vei kemuni, era a dau lewai keimami; ia o kemuni ga, keimami na vakatakekere e na yacamuni. 14 O ira na mate era na sega ni bula tale, o ira na iyaloyalo (shades) era na sega ni vakaturi tale; baleta o kemuni oni totogitaki ira, ka vakarusai ira, me taqusi laivi vakadua na nodra nanumi. 15 Oni vakalevutaka na matanitu i Yahuwe (YHWH); oni vakalevutaka  na matanitu; qori oni qai vakalagilagitaki kemuni kina vakataki kemuni, ni oni tosoya me rabalevu cake tale na iyalayala ni vanua. 16 I Yahuwe (YHWH), e na gauna era tu leqaleqa kina, era vaqarai kemuni. Ni oni vosataki ira, era sovaraka mai e dua na masu vuni.17 Me vaka e dua na yalewa bukete, e na gauna sa voleka kina ni vakasucu, ni tagitagi ka veimoqeyaki tiko e na nona vutu ni taratara; o keimami, keimami vaka kina e matamuni, i Yahuwe (YHWH). 18 Keimami a bukete tu, ka keimami a sotava na vutu. Ia o keimami, e rawa ni kainaki, keimami a vakasucuma na cagi; keimami sega ni bau kauta mai na veivakabulai e loma ni vanua, ia o ira era tawana tu na vuravura era sega ni yaco me ra bula.19 O ira na nomuni mate, era na bula, na yagoqu mate e na vakaturi; yadra ka lagasere, o kemuni oni vakaitikotiko e loma ni kuvu ni soso; baleta na nomuni tegu e vaka na tegu ni mataka lailai; na vuravura e na vakabulai ira  e sega na nodra kaukaua (shade).

20 ¶ Lako mai, kemuni na noqu tamata, mai curu i na nomuni dui loqi, ka sogota yani e dakumuni na nomuni katuba; vunitaki kemuni mada vakalekaleka me yacova ni sa oti na leva. 21 Baleta raica! O Yahuwe (YHWH)  e na vura mai na nona itikotiko e na dua na gauna lekaleka me mai totogitaki ira e vuravura e na vukuni ni nodra ivalavala ca. Oti oya o vuravura e na qai vakatakila cake na nona vakadavedra, ka na sega ni vunitaki ira tale tiko na nona era a moku mate.

Yeshayahu (Aisea) 26:12-21

NA IVAQA NI BULA (FOOD FOR THE SOUL)

Na vosa mai vua na tamata yalododonu e ivurevure ni bula; ia na vosa mai vua na tawakilikili e tabonaka na ivalavala kaukaua. 12 ¶ Na veisevaki e vakatubura na veileti; ia na loloma e ubia e veimataqali talaidredre kece sara.

Mishlei (Vosa Vakaibalebale) 10:11-12

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu, E dua na same i Dawide. 2(1) Au waraki Yahuwe (YHWH) tiko e na yalovosota; me yacova ni vuki maivei au o koya, me rogoca na noqu tagitagi. 3(2) A vueti au cake mai na ikeli vakadomobula, ka vaka kina mai na veidabibi ni rusa, qai vakaduria na yavaqu e na dela ni uluvatu, me vakadeitaka na itutu ni yavaqu. 4(3) E a biuta e dua na serevou e gusuqu o koya, e dua na sere ni vakavinavinaka vua na noda Kalou (Mighty One). E le levu era na raica yani, era qai kurabui, era qai biuta na nodra inuinui vei Yahuwe (YHWH). 5(4) E wacava na nona kalougata na tamata e vakanuinui vei Yahuwe (YHWH), qai sega [kina] ni rai vei koya e qaciqacia; se vei ira era vakanuinui i na veika lasutaki. 6(5) E vakaitamera na cakacaka oni sa vakayacora tiko vei keimami i Yahuwe (YHWH) neimami Kalou (Mighty One)!  Na nomuni mana kei na nomuni vakasama me baleti keimami; e sega ni dua e rawa ni vakatautauvatataki kina vata kei kemuni! Au na tusanaki ira kece; ia sa rui levu tale na ka me tusanaki!

7(6) ¶ Na isoro kei na imadrali oni sega ni vinakata; na isorokama kei na isoro ni valavala ca oni sega ni vakarota; 8(7) Ia oti au qai kaya, Qo o au! O au au sa lako tiko mai! E na ivola vivigi, e volai tu kina [na veika] me baleti au. 9(8) Na vakayacori ni nomuni gagadre, kemuni na Kalou (Mighty One), e ka ni noqu marau; na nomuni Toraa e toka sara ga mai na vuniyaloqu sara e loma. 10(9) Au sa tusanaka tiko na veika e dodonu e na loma ni isoqosoqo levu; au sega ni tarova na tebenigusuqu i Yahuwe (YHWH), me vaka oni kila [vinaka]. 11(10) Au a sega ni vunitaka na nomuni yalododonu e vuniyaloqu; ia au tusanaka na nomuni yalodina kei na nomuni veivakabulai; au sega ni tabonaka na nomuni loloma kei na nomuni dina mai vei ira na lewe ni  isoqosoqo levu.

12(11) ¶ I Yahuwe (YHWH) kakua ni bureitaka vei au na nomuni yalovinaka [tau malumu]. Laiva na nomuni yalovinaka kei na nomuni dina me maroroi i au tikotikoga. 13(12) Baleta na ca era vakavolivoliti au tu, e sega ni wili rawa; na noqu ivalavala ca e kovuti i au, au sa sega mada ga ni rai rawa; era levu cake mai na wiliwili ni drauniuluqu e uluqu, qori sa vakavuna meu yalo lailai. 14(13) Ni yalovinaka, i Yahuwe (YHWH), ni mai vueti au! I Yahuwe (YHWH) vakatotolo mada, moni vukei au. 15(14) Me yaco mada ga, vei ira era via taviraki i au tani, me ra rogo ca ka vakalolovirataki. 16(15) Me yaco mada ga vei ira era dau vakalialiai i au ni ra kaya Aha! Aha, na kidroa ni ra sa vakamaduataki. 17(16) Ia, me yaco mada ga vei ira kece era vaqarai kemuni tiko, na mamarau, me ra kunea na reki vei kemuni. Me yaco mada ga vei ira era taleitaka na nomuni veivueti me ra dau kaya e veigauna kece,  O Yahuwe (YHWH) e vakaitamera ka lagilagi! 18(17) Ia o au, au dravudravua ka levu na noqu gagadre; me nanumi au mada ga o Yahuwe (YHWH)! O kemuni na noqu dauniveivukei ka noqu dauniveivueti; noqu Kalou (Mighty One) kakua ni  vakaberabera.

Tehillim (Same) 40:1-10

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 154 in 5773 (Total 1883)	February 23, 2013
Reading	Hebrew Date
Sh’mot (Lako Yani) 19-20	M #12: Adar 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Leqa Ni iValavala Ca (The Trouble With Sinners).

Thought:  Sinners Will Never See YHWH, Even If He Raised His Hands

............... 

Serving for Yom HaShishi, Adar 12, 5773

MAI NA NEVI’IMI AKARONIMI (FROM THE NEVI’IM ACHARONIM)

E na siga oya na sere oqo e na lagati e na vanua o Ya'huda; E dua tiko na neimami korolevu kaukaua! O koya e a tara na kena bainivalu kei na kena valecere me neimami itataqomaki. 2 Dolava na matamata! Laivi na matanitu yalododonu me curu [kina], e dua na matanitu e rawa ni yalodina. 3 E dua na tamata e toka vei kemuni na nona gagadre, oni qai soli vua na lomadei dina, baleta ni  vakararavi vei kemuni. 4 Vakanuinui vei Yahuwe (YHWH) me sega ni mudu, baleta o Ya Yahuwe (Yah YHWH) na Uluvatu ni Veitabagauna

5 ¶ Baleta o koya e sa vakayalomalumutaki ira e na veitikina cecere ka vakalolovirataka i na dela ni qele, na veikorolevu cecere, me dreti vakadua i na dela ni qele, ka vakotora e na dela ni kuvunisoso. 6 Era buturaki sobu e yavadra na dravudravua, kei na nodra cavu ikalawa o ira era gadreva na veivuke. 7 Na nodra sala na yalododonu e donu (level); Kemuni na Yalododonu Ledua, oni cakava me rawarawa na nodra sala na yalododonu. 8 Ni vakamuria na sala ni nomuni vakataulewa i Yahuwe (YHWH), keimami biuta kina na neimami inuinui vei kemuni. Na gagadre ga ni neimami bula (soul) taucoko, oya me keimami nanumi kemuni vata kei na yacamuni. 9 E na vuniyaloqu au gadrevi kemuni e na bogi, na noqu bula (soul) e lomaqu e vaqarai kemuni e na veimataka ca ca; baleta e na gauna e tau kina na nomuni lewa e vuravura, o ira na tamata e vuravura, e loma ivuravura era na vulica se cava na yalododonu. 10 Kevaka mada ga e tau na yalololoma vei ira na ca, era na sega tikoga ni vulica se cava na yalododonu. E na vanua mada ga e kune kina na tu dodonu, o koya e na caka ca tikoga ka na sega tikoga ni raica rawa na nona Sau o Yahuwe (YHWH). 11 I Yahuwe (YHWH), oni dulaka cake na ligamuni, ia era sega tikoga ni raica.   Ia e na madua, era na raica na nomuni veitokoni vagumatua e na vukudra na tamata; io na bukawaqa e na vakarusai ira na kemuni meca.

Yeshayahu (Aisea) 26:1-11

NA IVAQA NI BULA (FOOD FOR THE SOUL)

O koya e katariva vakalawaki ca e matana [me kakua ni veivosataki] e na vakavuna na rarawa, ia na lialai e levu ga na nona vosa e na leqa.

Mishlei (Vosa Vakaibalebale) 10:10

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Buli e na kena ivalavala vei Ye’dutuni. E dua na same i Dawide.  2(1) Au kaya, au sa na qarauna na noqu ivalavala, meu kakua ni valavala ca e na yamequ; au na tabonaka na gusuqu, e na gauna kece e duri mai kina e mataqu o ira na ca. 3(2) Au a galu [tu ga], au qai sega ni kaya e dua na ka, sega mada ga na ka vinaka; ia [qori] e vakatubura cake tiko ga na noqu rarawa. 4(3) Na utoqu a qai tubu na kena katakata e lomaqu; e na veigauna kece au vakasamataka kina, na bukawaqa a caudre tiko. 5(4) Cakava meu kila, i Yahuwe (YHWH), na cava e na dodonu me kequ itinitini, na cava na ibalebale [ni tukuni] ni vakaiwiliwili na nomu veisiga;  laiva meu kila se mataqali ibulubuli vakacava sara mada o au, e na toso ni gauna. 6(5) O kemuni oni sa yalana toka na noqu veisiga me vaka na ibalavu ni ligaqu (hand breath); vei kemuni, na ibalavu ni noqu bula e sega ni dua na ka. Io, [na kabula] kecekece, veitalia ke tudei sara tu vakacava, e vaka tiko ga na cagi ni liwa. Selaa. 7(6) Na tamata bula e veitosoyaki tu ga vaka na iyaloyalo (shadow), na nodra sasaga [kaukaua] e na tini ga me sega ni dua na ka. E kumuna vata tiko na nodra iyau, ia era sega tiko mada ga ni kila se o cei e na qai marautaka na kena yaga.

8(7) ¶ Ia qo, i Yahuwe (YHWH) na cava tale beka au waraka tiko? O kemuni ga na noqu inuinui. 9(8) Vueti au mai na noqu talatalaidredre taucoko sara; kakua ni vakatara meu vakasewasewani mai vei ira era lialia. 10(9) Au galu tu ga, au sogota tiko ga na gusuqu, baleta o kemuni ga oni a cakava. 11(10) Tarova na nomuni tauca tiko vei au na kequ kuita; Na bibi ni nomuni ivacu sa vakagogotaki au sobu tiko. 12(11) E na veitotogitaki oni vakatavulici ira tiko na tamata e na vukuni nodra cala; me vaka e dua na bebe, oni vakarusa na veika e cakava me ra totoka kina; io [na tamata] kecekece era vaka tu ga ni liwa na cagi. 13(12) Rogoca na noqu masu, i Yahuwe (YHWH), vakatudaliga i na noqu tagi; kakua ni vakadidi e na wainimataqu; baleta vata kei kemuni, o au, au dua ga na vulagi e tavali tiko, me vakataki ira ga na noqu itubutubu [kece]. 14(13) Rai tani mai vei au, meu rawa ni dredre tale, ni se bera niu biubiu, meu sa oti vakadua.

Tehillim (Same) 39:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 153 in 5773 (Total 1882)	February 22, 2013
Reading	Hebrew Date
Sh’mot (Lako Yani) 17-18	M #12: Adar 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.