Thought: Follow The Messiah Through Yahweh The Source Of Ressurection
Serving For The 17th October, 2009
Era kaya Vua, Neimami Turaga (Master), solia tawamudu mai vei keimami na madrai oqori. 35 Kaya vei ira o Jisu (Yahshua), O Au na madrai ni bula; o koya e lako mai vei Au, e na sega ni walokai, vata kei koya e vakabauti Au e na sega ni karamaca. 36 Ia me vaka Au sa kaya oti vei kemuni, oni sa raici Au tiko, ia oni sega ga ni vakabauti Au. 37 O ira kece e soli i ira vei Au o Tamaqu, era na lako mai vei Au, ia o ira kece era lako mai vei Au, Au na sega ni talaci ira laivi. 38 Baleta Au a sega ni lako mai lomalagi, Meu mai cakava na Noqu inaki o Au vakataki Au, ia Meu mai cakava ga na Nona inaki o Koya e a talai Au mai. 39 Ia qo na Nona inaki o Tamada, o Koya e a talai Au mai; Meu kakua ni vakayalia e dua na ka, mai na veika kece sa solia oti mai vei Au o Koya, ia Meu na vakaturi ira kece e na iotioti ni siga. 40 Baleta qo na Nona inaki o Koya e a talai Au mai; o ira yadua era sa raica na Luvena era qai vakabauti Koya, me soli vei ira na bula tawamudu; ia o Au, Au na qai vakaturi koya e na iotioti ni siga.
22 ¶ E na siga tarava, ni ra duri tu na tamata e na ikelekele ni waqa, era qai raica ni sega ni dua tale na waqa e kele tu kina, vakavo na kena ratou a vodoka yani na Nona tisaipeli, ia era kila talega ni o Jisu (Yahshua) a sega ni vodo vata mai kei iratou na Nona tisaipeli; 23 ia e vica tale na waqa era a yaco yani mai Taiperia, volekata na vanua era a kana madrai kina ni vakavinavinakataka oti o Jisu (Yahshua). 24 Ni ra raica na tamata ni sega ni tiko e keya o Jisu (Yahshua), ka vakatalega kina o ratou na tisaipeli, era qai vodo waqa tale, era qai vakalele i Kapenaumi, e na nodra vaqarai Jisu (Yahshua) tiko.
Kevaka dou lomani (love) Au, muria na Noqu ivakaro.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 290 | October 17 | Isaiah 62-64 | 1 Thessalonians 3 |
