Vakatabuya Na Kana O Sha’ula (Sha’ul Prohibited Eating)

Thought: Wrong Decisions By Leaders Cause Harm To The People

............... 

Serving For Yom Shlishi, Av 5, 5772

MAI NA NEVI’IMI RISHONIMI (FROM THE NEVI’IM RESHONIM)

O ira na Yisira'yili era a lomabibi tiko e na siga oya, ia o Sha'ula a qai torovi ira na tamata qai tukuna vei ira, E na vatovatotaki na tamata e kana kakana ni se bera na yakavi, e na gauna au sa rawai ira oti kina na meca. Qori a sega kina ni dua vei ira na tamata me tovolea e dua na kakana. 25 Era a curuma kece mai na loma ni vanua era qai yaco sara e na dua na veikau; era qai raica ni tu e keya na hani e loma ni veikau e na dela ni qele. 26 Ni ra sa lako yani i loma ni veikau o ira na tamata, era qai raica, ni sa titiri tu kina na qanihani; ia e sega ga ni dua e biuta na ligana i gusuna, baleta ni ra ririkotaka na vatovato (curse). 27 Ia o Yo'honatani baleta a sega ni rogoca na ka a vatonaka o tamana vei ira na tamata; e a qai dodoka na mua ni ititoko e qumia tiko na ligana, toni sua na qanihani qai biuta na ligana i loma ni gusuna; qori qai serau tale kina na matana. 28 A mani vosa mai e dua vei ira na tagane e na kedra maliwa na tamata, qai kaya vei Yo'honatanidua, O tamamu sa vatonaka oti vei ira na tamata ni kaya, E na vatovatotaki na tamata e kania e dua na kakana e na siga edai. O ira na tamata era sa malumalumu sara tu ga e na viakana. 29 Kaya o Yo'honatani, O tamaqu e vakaleqa ga na vanua; raica na kena bulabula tale mai na mataqu baleta ga niu tovolea vakalailai na hani qo. 30 Kena ikuri, baleta ni ra a sega ni kania e dua na ka mai na itoki ni ivalu era a kunea mai vei ira na meca, a lai vakavuna me sega ni levu sara o ira na  Pi'lishitimi era ravuti nikua. 31 O keda eda ravuti ira na Pi'lishitimi  e na siga oqo, me tekivu mai  Mikimasi me yaco sara i Ayaloni; o ira na tamata era sa malumalumu sara tu ga e na viakana. 32 Oti era qai toqova kina na itoki ni ivalu o ira na tamata era qai taura na sipi kei na okisi, kei na luve ni bulumakau, vakamatei ira sara ga e na dela ni qele; era qai kania o ira na tamata, vata kei na kedra dra. 33 Qori era qai tukuna vei Sha'ula, ni ra kaya, Raica, o ira na tamata era sa caka cala e na mata i Yahuwe (YHWH) e na nodra sa kania na lewe ni manumanu vata kei na kedra dra. Kaya o Sha'ula, oni sa voroka na lawa; ni vaqiqica mai vei au e dua na vatu levu e na siga oqo. 34 Kaya tale o Sha'ula, Wavoki e na kedra maliwa na tamata qai kaya vei ira,  Ni kauta mai, na tamata yadua, na nona okisi, kei na tamata yadua na nona sipi moni mai vakamatei ira eke; ni kakua ni valavala ca saqati Yahuwe (YHWH)tiko e na nomuni kania na lewe ni manumanu vata kei na kena dra. Era mani kauta mai vua e na bogi oya, o ira kece na tamata na nodra dui okisi, era qai mai vakamatea e keya. 35 O  Sha'ula a qai tara e keya e dua na icabocabo ni soro vei Yahuwe (YHWH); qori a qai tekivu kina me tara na imatai ni nona icabocabo ni soro vei Yahuwe (YHWH).

1 Samuela (Sh’mu’yl Alef) 14:24-35

NA IVAQA NI BULA (FOOD FOR THE SOUL)

Wawa, luvequ tagane, mo rogoca na ivakavuvuli, mo kakua kina ni guilecava na vosa ni kilaka. 28 ¶ Na ivakadinadina tawayaga e beca na dodonu; ia na gusuna na vakasisila e tilomi (koya ga vakataki) koya. 29 ¶ Na rarawa e vakarautaki vei ira era vakalialiaa na dodonu, kei na kuita vei ira na tamata lialia.

Vosa Vakaibalebale (Mishlei) 19:27-29

LOMANI YAHUWE NA NOMU KALOU (LOVE YHWH YOUR MIGHTY ONE)

Au na cemuri ira na kequ meca, kau na toboki ira; au na sega ni vuki tale me yacova niu sa vakawabokotaki ira. 39(38) Au na mokuti ira me ra kakua ni tucake rawa tale; era na bale sobu i ruku ni yavaqu. 40(39) Baleta oni sa vauca na toloqu e na kaukaua, e na vukuni ivalu, oni sa vakamalumalumutaki ira e rukuqu, o ira era a tu mai me ra saqati au. 41(40) Oni vakadrukai ira na kequ meca e mataqu, me ra vagalui kina o ira era cati au; 42(41) Era na tagi, ia e na sega ni dua me vueti ira; era qai vakamamasu vei Yahuwe (YHWH) ia qai sega ni vosa vei ira o koya. 43(42) Au na qai vurumemeataki ira me ra matailalai me vaka na kuvunisoso e na matanicagi: Au na kalawaci ira me vaka na dabibi e na veisaqata ni gaunisala. 44(43) Oni vueti au mai na nodra vakatulewa na tamata; oni na cakava meu iliuliu vei ira na tamata; e dua na kawatamata au se sega ni bau kilai ira era na mai veiqaravi vei au. 45(44) E na gauna ga era rogoci au kina, era na talairawarawa vei au, o ira mada ga na kaitani era na vakarorogo mai vei au. 46(45) O ira na kaitani era na tu vakadua, ka vakataotaki na nodra itosotoso e nodra gaunisala. 47(46) O Yahuwe (YHWH) e bula; me vakacaucautaki o koya e solia vei au na noqu kaukaua; laiva na noqu Kalou (Mighty One) na noqu ivakabula me vakacerecerei. 48(47) O Yahuwe (YHWH) ga e veisausaumi e na vukuqu ka vakamalumalumutaki ira na tamata era vakarorogo e rukuqu. 49(48) E vakabulai au o koya maivei ira na kequ meca; lo, oni laveti au cake e deladra era tu mai me ra valuti au; oni qai vueti au maivua na tamata dau vorolawa: 50(49) O koya oya au na vakavinavinaka kina vei kemuni, i Yahuwe (YHWH) e na kedra maliwa na veivanua, au na vakamolimoli e na vukuni yacamuni. 51(50) Na veivueti vakavakaitamera e dau solia o koya vei ira na nona tui; ka vakaraitaka na yalololoma vei ira na nona lumuti; vei Dawide kei ira na nona kawa me tawamudu.

Same (Tehellim) 18:38(37)-51(50)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 205 o/o 1665	July 24, 2012
Reading	Hebrew Date
Yechezk’yl (Isikeli) 43-44	Av 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.