Na Vakabebe Vei Yahuwe. (Rebellion Against YHWH)

Thought: Hunger Struck Y’hudah And Yerushalayim Due To Rebellion

.................. 

Serving For Shabbat, Tevet 23, 5773

MAI NA NEVI’IMI AKARONIMI (FROM THE NEVI’IM ACHARONIM)

BALETA Raica, o Yahuwe ni lewevuqa (YHWH-Tzva’ot), sa kauta tani mai Yerushalayimi kei Ya'huda na veika kece me bula kina, na madrai taucoko kei na wai taucoko. 2 Na tamata qaqa kei na tamata ni ivalu, na daunilewa kei na parofita, na daurairai kei ira na matua, 3 Na kavetani ni leyalimasagavulu, na tamata vakaitutu, na dau ni vakasala, na matai liga maqosa kei na daunivosa. 4 Au na lesi ira na gone lalai me ra nodra ravouvou, kei na gonedramidrami me ra nodra daunivakavulewa. 5 Na tamata era na veivakasaurarataki vakataki ira; na tamata yadua vua na nona icaba kei na tamata kecekece (vei ira) na wekana vakaitikotiko; o ira na gone lalai era na viavialevu vei ira na yabaki bibi, kei ira na kaisi botoboto vei era dokai. 6 Baleta e dua na tamata, e na tukuna vua na tacina e loma ni vale i tamana, O iko e tu na nomu isulu, o iko mo neimami daunivakatulewa, me biu i ligamu mo qarava na (vanua) rusa oqo. 7 E na siga oya e na bubului kina o koya ni kaya, Au na sega ni dau ni veivakabulai; baleta e na loma ni noqu vale sa sega kina na madrai ka sega na isulu;  o na sega ni buli i au meu dau ni veiliutaki vei ira e dua na matatamata. 8 Baleta o Yerushalayimi sa rusa, o Ya'huda sa caqera; baleta na yamedra kei na veika era vakayacora e saqati Yahuwe (YHWH), me vakacudruya na matana dokai.

9 ¶ Na nodra veidabui e ivakavakadina saqati ira; era tusanaka tiko na nodra ivalavala ca me vakataki So'doma, era sega ni vunitaka rawa. Sa leqalevu na nodra bula; baleta era sa cakava sara tikoga na ivalavala tawakilikili o ira vakataki ira. 10 O iko mo kaya vei ira na yalododonu, ni na yaco vinaka vua; Baleta o ira era na kania na vuata ni nodra ivalavala. 11 E na leqalevu o ira na ca! E na ca vua baleta na icovi ni ligana e na soli vei koya.12 O ira na noqu tamata, e dua na gone dramidrami e na nodra turaga (master), o ira na yalewa era na veiliutaki vei ira. Isa kemuni na noqu tamata, o ira na nomuni iliuliu era sa vakavuna moni cala, ka vakarusa na gaunisala moni muria. 13 O Yahuwe (YHWH) sa tucake me veivakatulewataki ka sa tucake me lewai ira na nona tamata. 14 O Yahuwe (YHWH) e na veivakataulewataki vei ira na nodra matua na nona tamata, kei ira na nodra ravouvou; o kemuni sara ga oni tiloma vakaoti na veivaini; na itoki mai vei ira na dravudravua sa tiko e loma ni nomuni vale

Yeshayahu (Aisea) 3:1-15

NA IVAQA NI BULA (FOOD FOR THE SOUL)

Baleta ni o  bese e na gauna au kaci kina, qai sega ni dua e galele mai niu dulaka yani na ligaqu, 25 Ia oni qai vakawaletaka na noqu ivakasala, ka sega ni via ciqoma na noqu veivakadodonutaki. 26 O au, au na qai vuki, meu dredrevaka na nomuni vakaloloma; ka veivakalialiai ni sa kovuti kemuni na domobula, 27 Io ni sa toboki kemuni na domobula me vaka e dua na cava, qai voleka ni tarai kemuni na leqa me vaka na covulaca, ka bikai kemuni na lomaleqa kei na yaluma; 28 E na gauna oqori, o ira era na qai kacivi au kina, ia au na sega ni sauma; era na vaqarai au vaqunaquna, ia era na sega ni kunei au;

Mishlei (Vosa Vakaibalebale) 1:24-28

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ivakatagi wa ni qiriqiri. E dua na same i Dawide. 2(1) Vakatudaliga mai i na noqu vosa i Yahuwe (YHWH) ka vakananuya na noqu vakanananu sara e loma. 3(2) Rogoca mada na domo ni noqu tagi, noqu tui kei na noqu Kalou (Mighty One) baleta au masu tiko yani oqo vei kemuni. 4(3) I Yahuwe (YHWH) e na mataka lailai oni na rogoca na domoqu; e na matakalalai au vakatututaka yani e matamuni na veika au gadreva, au qai  waraki kemuni e na nuinui. 5(4) Baleta o kemuni oni sega ni Kalou (Mighty One) e dau taleitaka na itovo vakasisila; na ca e na sega ni rawa ni tiko vei kemuni. 6(5) O ira na dokadoka era na sega ni mai duri tu vakarairai vei kemuni; baleta ni oni dau sesevaki ira era dau cakacakataka na ivalavala ca. 7(6) Oni na vakarusai ira era dau cavuta na vosa lasulasu; o Yahuwe (YHWH) e  cati ira na tagane dauvakadave dra se dauveivakacalai.

8(7) ¶ Ia o au, au rawa ni curuma na nomuni vale, baleta na vakaitamera ni nomuni yalololoma; Au na cuva sobu e na loma ni nomuni vale tabu e na noqu vakarokorokotaki kemuni. 9(8) Tuberi au, i Yahuwe (YHWH) e na nomuni yalododonu; baleti ira era sa koto vunivuni no me ra waraki au; vakadodonutaka na nomuni sala me matata e mataqu. 10(9) Baleta ni sega na lewadodonu e gusudra; e kune ga na ivalavala ca e lomadra; na nodra itilotilo e vaka na ibulubulu sa dola tu; era dau vosa veicavilaki e na yamedra.11(10) Kemuni na Kalou (Mighty One), tusanaka vei ira ni ra cala! Laiva ira me ra tacaqe tale e na nodra ilawaki ca; E na vuku ni nodra ivalavala ca e vuqa, kolotaki ira sobu; baleta ni ra sa vakabebe tiko vei kemuni. 12(11) Ia laivi ira era vakanuinui vei kemuni me ra reki; laivi ira me ra dau kailavaka na nodra reki! Vakarurugi ira; era na qai mamarau, o ira era taleitaka na yacamuni.13(12) E na vukumuni, i Yahuwe (YHWH), moni vakalougatataki ira na yalododonu; waviviraki ira e na nomuni yalovinaka (favor) me vaka e dua na isasabai.

Tehellim (Same) 5:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 111 in 5773 (Total 1830)	January 5, 2013
Reading	Hebrew Date
Divrei HaYamim Bet ( 2 Chronicles) 7-8	M #10: Tevet 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.