Na Vakavunene Nei Apisalome (The Rebellion of Absalom.)

Thought: David’s Reaction Lacked Trust, We Need To See Yahweh In Every Event Once We Know Him

..........................................................................

Serving for the 30^th April, 2009

A qai yaco ni oti e va na yabaki, ni a kaya o Apisalome vua na Tui, Laivi au meu lako mada i Hebroni meu lai vakayacora kina na noqu bubului vei Jiova (Yahweh); 08 Baleta na nomuni tamata a cakava e dua na bubului e na gauna a tiko kina mai Qesuri kei Arama, ni a kaya, Kevaka e kauti dina tale i Jerusalemi o Jiova (Yahweh), o au, au sa na qaravi Jiova (Yahweh). 09 Sa qai kaya vua na Tui, Lako e na vakacegu. Sa mani biubiu o koya me lako i Hebaroni. 10 Ia o Apisalome a qai veibiuyaka na yamata vuni e na loma ni veimataqali kece i Isireli qai kaya vei ira, Ni oni rogoca ga na domo ni davui, moni kacivaka sara, Sa veiliutaki vakatui mai Hebaroni o Apisalome. 11 Era a lako vata kei Apisalome e ruanadrau mai Jerusalemi, ia era a lako ga vakasavasava; era a sega sara ga ni kila e dua na ka me baleta na bukivere a sa navuci tu. 12 A qai talatala o Apisalome, me lakovi o Ahicofeli na Qilonaiti, na dau ni ivakasala nei Tevita, me lai kau mai, mai na nona korolevu o Qilo, e na gauna e vakacabo isoro tiko kina. Na bukivere sa qai kaukaua cake ga; ka tubu tikoga na iwiliwili ni tamata era sa to tiko mai vata kei Apisalome.

2 Samuela 15:7-12

Oqo na veika e kaya o Jiova (Yahweh) na nomu ivakabula o koya na Yalosavasava Duabulu kei Isireli, O au o Jiova (Yahweh) na nomu Kalou (Elohim), au sa vakatavulici iko tiko mo kakua ni dau cakacala, kau sa liutaki iko tiko e na sala e dodonu mo muria.

Aisea 48:17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
120.	Epereli 30	II Samuela 23-24	Luke 22:31-53

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

O Apisalome Na Luvei Tevita (Absalom, David’s Son)

Thought: Our Children Reflect What Is In The Heart Of Their Parents

................................................................

Serving For the 29^th April, 2009

O Apisalome a tiko mai Jerusalemi me yabaki rua, ia a sega vakadua ni raica na matana na tui. 29 A qai talatala o Apisalome me lai lako mai o Joape, me mai talai koya mada vua na tui; ia a qai sega ni via lako vua o koya; a mani talatala tale e na ikarua ni gauna ia a sega tiko ga ni vua lako mai. 30 Kaya sara o Apisalome vei ira na nona dauniveiqaravi, Raica, e dua tiko na qele nei Joape e toka volekata toka na noqu. Veitalia ga ke witi se parile, lako lai vakama yavu. Era mani vakama na vanua nei Joape o ira na dauniveiqaravi nei Apisalomi. 31 Tu o Joape qai lako i na vale nei Apisalome qai lai tarogi Apisalome, Na cava era vakama kina na noqu vanua o ia na nomu dauniveiqaravi? 32 Sauma vei Joape vei Apisalomi, Raica, au a talatala yani mo lai lako mai, meu rawa ni mai talai iko vua na tui, mo lai taroga se cava au lai kau mai kina mai Qesuri? A vinaka cake vei na noqu tiko mai keya; ia qo au sa via lai raica na tui, kevaka e tiko na noqu cala ia me vakamatei au o koya. 33 A mani lako vua na tui o Joape, qai lai tukuna vua na vosa nei Apisalomi; a qai kacivi Apislaome; a lako mai vua na tui o Apisalome, qai cuva sobu e mata ni tui me tara na dela ni qele na matana; oti qai reguci koya na tui.

2 Samuela 14:28-33

.

Vakatavulica cake na gone e na sala e dodonu me dau muria; ia ni sa na qase mai e na sega vakadua ni toso tani mai kina.

Vakaibalebale 22:6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
119.	Epereli 29	II Samuela 21-22	Luke 21:1-30

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

O Keda Na Tamata (Us Human Beings)

Thought: Our Biggest Stumbling Block is Self Deception.

......................................................

Serving For The 28^th April, 2009

Me vaka e dua na tama e dau lomani ira na luvena, o Jiova (Yahweh) talega e na lomani ira era dau sokalou vua. 14 Baleta e kila o koya na noda a buli, ka nanuma vinaka tu ni da kuvu ni soso.15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e sa na takali; Na tikina a toka kina sa na sega ni kilai tale vakadua. 17 Ia na yalololoma i Jiova (Yahweh) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 vei ira era bula muria na nona veiyalayalati vata kei ira era nanuma na nona ivakaro me ra dau vakayacora. 19 O Jiova (Yahweh) sa vakarautaka na nona idabedabe vakatui mai lomalagi; na nona matanitu e na lewa na ka kece. 20 Vakavinavinaka vei Jiova (Yahweh) o kemuni na nona agilosi; oni uasivi e na kaukaua, dau vakayacora na nona ivakaro, ka dau galeleta vakavinaka na domo ni nona vosa.

Same 103: 13-20

Raica, au a buli mai na ca (iniquity); e na ivalavala ca o tinaqu a kunekunetaki au. 06 Raica oni gadreva na dina, ia na veika vuni me baleta na nomuni dina oni sa vakatakila vei au.

Same 51:5-6

http://www.biblegateway.com/passage/?search=Psalms%2051:5-6;&version=50

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
118.	Epereli 28	II Samuela 19-20	Luke 21:20-38

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tevita kei Vaciseva (David and Bathsheba)

Thought: David Suffered A Spiritual Erosion; Do We Have That Problem? Check!

...................................................................................

Serving For The 27^th April, 2009

Ni sa cava tiko na yabaki, na gauna era dau biuta kina na valenitui o ira na tui, o Tevita e a talai Joape vata kei ira na nona dauniveiqaravi vata kei Isireli taucoko; era qai lai tuvaivalutaki Rabaa; ia o Tevita a tikoga mai Jerusalemi. 02 A qai yaco e na dua na yakavi ni matacake mai na nona loga o Tevita me lai taubale wavoki e na delavuvu ni vale ni tui; ni a raica e dua na yalewa ni sili tiko; na yalewa qo e rairai totoka vakaoti na kena irairai. 03 E talatala sara o Tevita me lai vaqaqai mada mai na yalewa. Kaya e dua, Qori o Vaciseva na luvei Ahinami, na wati i Uraia na Hitaiti? 04 A mani tala e dua na dau ni kauitukutuku me lai kauti koya mai; a qai lako mai vua na yalewa, qai veiyacovi kei koya o Tevita; ia e na siga sara ga oya a se qai vakasavasavataki koya kina mai na nona mate ni vula; oti sa qai lesu i nona vale. 05 A mani kunekune na yalewa, qai talatala me lai tukuni vei Tevita; Au sa bukete.

06 ¶ Oti qai vakauta e dua na itukutuku vei Joape o Tevita, e kaya, Talai Uraia na Hitaiti mada mai vei au. A qai talai Uraia vei Tevita o Joape. 07 Ni sa yaco yani vua o Uraia, a qai tarogi Uraia o Tevita se sa vakaevei o Joape kei ira na tamata vata kei na ivalu. 08 Oti qai kaya o Tevita vei Uraia, Lako sobu i na nomu vale mo lai savuya na yavamu. Biuta mai na valenitui o Uraia, qai muri i koya yani e dua na iloloma mai vua na tui. 09 Ia o Uraia a moce ga e na katuba ni nona vale na tui, vata kei ira na dauniveiqaravi vua na nona turaga (master); e a sega ni lako i nona vale.

2 Samuela 11:1-5

Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece.

1 Joni 1:9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
117.	Epereli 27	II Samuela 17-18	Luke 21:1-19

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Na Sere Ni Vakavinavinaka Nei Tevita (David’s Songs of Praise)

Dedicated to Luisa my granddaughter as she turns ten today

Thought: For Ever Be Thankful To Yahweh For His Love

.................................................................

Serving For the 26^th April, 2009

Oni sa vueti au mai na sasaga ni tamata, oni sa lesi i au meu iliuliu ni veimatanitu; e dua na mata tamata au sega ni kilai ira, era na veiqaravi vei au. 45 O ira era vakatudaliga, era na vakarogoci au; o ira na luvedra tagane na vulagi era na talairawarawa vei au. 46 O ira na vulagi era na tu vakadua era na qai tarovi mai na nodra ivalavala; 47 O Jiova (Yahweh) e bula; me vakacaucautaki o koya e solia vei au na noqu kaukaua; me vakacerecerei na Kalou (Elohim) na noqu ivakabula. 48 O Kemuni na Kalou (Elohim) oni solia vei au na veisausaumi oni sa biu ira sobu na tamta e rukuqu, 49 ka vueti au mai vei ira na kequ meca; oni qai laveti au meu uasivi cake vei ira matacake mai me ra saqati au: Oni sa vueti au mai vei ira na tamata ca. 50 O koya oqori au na vakamolimoli kina vei kemuni, i Jiova (Yahweh), e na kedra maliwa na veivanua, Au na qai seretaka vakavinavinaka e na yacamuni. 51 O koya we solia na veivueti lelevu vua na nona tui, ka vakaraita na nona yaloloma vua na nona lumuti, vei Tevita kei ira na nona kawa me sega ni mudu.

2 Samuela 22:44-51

Au na vakavinavinaka vei Jiova (Yahweh) e na veiveigauna kece; Na nona vakamolimolitaki e na dua toka ga e gusuqu.

Same 34:1

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
116.	Epereli 26	II Samuela 15-16	Luke 20:27-49

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

O ira na Qaqa Nei Tevita (David’s Military Might)

Thoughts: We cannot win any battle without Yahweh

Serving For The 25^th April, 2009

¶ Oqo na yacadra na tamata qaqa era a tiko vata keiTevita: e dabe tiko e na imatai ni idabedabe, e na ikatolu ni iyatu o Qado, na tagane a lako sobu qai lai vakamatea e walunadrau na tamata e na dua na aua. 09 Taravi koya o Eliesa na tavalei Qado; o koya e a lako vata kei Tevita vata kei na tolu tale na tagane, e na gauna era a bolei ira kina o ira na kai Filisitia ka ra vakarau tu me ra vala; ia ni ra sa vakasuka na Isireli, 10 A qai tu o koya, ka ravuti ira na kai Filisitia, me yacova ni sa dadaga na ligana ka sa kabita na nona iseleiwau; O Jiova (Yahweh) a qai cakacakataka e dua na qaqa vakaitamera e na siga oya: era qai lesu ga mai na tamata me ra kauta na itoki ni valu. 11 Tarava yani o Sama na luve i Aqii, mai na ulunivanua. Ni ra soqo yani na kai Filisitia me ra lai butakoca na bulumakau e na dua na loga ni lenitili, era qai veidroyaki na tamata mai vei ira na kai Filisitia. 12 A qai tu mai o koya e na lomadonu ni iteitei me vueti ira na bulumakau, ka ravuti Ira na kai Filisitia; o Jiova (Yahweh) a qai cakacakataka e dua na qaqa vakaitamera e na ligana.

2 Samuela 13:8-12

Ia me vakavinavinakataki na Kalou (Elohim) o Koya e solia vei keda na qaqa, mai Vua na noda Turaga o Jisu (Master Yahshua) na Mesaia.

1 Korinica 15:57

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
115.	Epereli 25	II Samuela 13-14	Luke 20:1-26

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Vakarabailevutaka na Nona Vanua o Isireli (Israel Widen her Territories)

Thought: Are You Gaining In Life: You Can, If Yahweh Is With You.

........................................................................................................

Serving For The 24^th April, 2009

A qai yaco ni oti oqo, ni a valuti ira na kai Filisitia o Tevita ka vakadrukai ira; o Tevita a qai tauri Ramaciqema mai vei ira na kai Filisitia. 02 E a vakadrukai ira na Moabaiti, vakadavori ira me vesuki ira e na dela ni qele, qai vakarautaki ira e na dua na dali ni ivakavakarau; a vakarauta e rua na iyatu me ra na vakamatei, kei na dua na iyatu taucoko me ra na vakabulai tiko. A qai yaco me ra mai dauniveiqaravi vei Tevita o ira na Moabaiti, ka me ra dau kauta mai na ivakacavacava. 03 A qai vakadrukai Hadaresa na luvei Reobo na tui Soba, ni toso o koya me lai taura tale me lewa veivanua na bati ni uciwai na Uferetisi. 04 A qai taura mai vua, o Tevita, e duanaudolu vitunadrau na qiqi ni ivalu kei na ruasagavulu na udolu na sotia dau taubale; e a vakarusa kece na qiqi ni ivalu o Tevita, ia vakavotaka ga e duanadrau na qiqi ni ivalu. 05 Ia ni ra mai vukei Hadaresa na tui Soba o ira na Edomaiti kei ira na Arameani mai Tamasiko, o Tevita a qai ravuta e ruasagavulukarua na udolu na tagane vei ira na Edomaiti. 06 A qai lesia na Kovana me ra vakavulewa mai Edomi kei Tamasiko; o ira na Edomaiti era a dau veiqaravi vei Tevita ka dau kauta mai vua na ivakacavacava. A dau taqomaki Tevita tiko o Jiova (Yahweh), e na veivanua kece e dau lako kina.

2 Samuela 8:1-6

Vakarabailevutaka na itokatoka ni nomu valelaca, ka dreta vakabalavu na ilatilati ni nomu itikotiko; kakua ni manini, vakabalavutaka na nomu dali ka vakaukauataka na durukau ni ivakadre.

Aisea 54:2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
114.	Epereli 24	II Samuela 10-12	Luke 19:29-48

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Na Same Ni Vakamolimoli (Psalms of Praise)

Thought: The Habitation Where Yahweh dwells, is Where Praises are Sung

..............................................................................

Serving for the 23^rd April, 2009

Lagata vei Jiova (Yahweh) e dua na sere vou; baleta e sa cakava na veika totoka vakaoti o koya; Na ligana (hand) i matau kei na ligana (arm) savasava, sa kauta mai vua na qaqa. 02 O Jiova (Yahweh) sa vakatakila na nona veivueti; na Nona yalododonu sa vakaraitaka i matadra o ira era dau lotutaki matakau. 03 E sa vakananuma lesu o koya na nona yalololoma kei na nona dina vei ira na yavusa Isireli; o ira kece e na iyalayala kei vuravura era sa raica na veivueti ni noda Kalou (Elohim).

04 ¶ Vakamolimoli vei Jiova (Yahweh), vuravura taucoko; vakayaco marau, lagasere ka cabora na vakavinavinaka. 05 Lagasere vei Jiova (Yahweh) vata kei na api; ia vata kei na api na domo ni matasere. 06 E na domo ni biukila cabora na vakamolimoli e na mata i Jiova (Yahweh) na Tui. 07 Laiva na wasawasa me vadugu, vata kei ira era vakasinaita tu na vuravura kei ira era kece era vakaitikotiko kina.

Same 98:1-7

O Jiova (Yahweh) na noqu kaukaua kei na noqu sere, ka sa yaco me noqu ivakabula. 15 Na domo ni mamarau kei na veivueti e tiko e na nodra valetabatabanikau na yalododonu; na liga i matau i Jiova (Yahweh) e daugumatua.

Same 118:14-15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
113.	Epereli 23	II Samuela 7-9	Luke 19:1-28

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Vakasukai Na Kato (The Ark Restored)

Thought: Yahweh’s rightful place in us, must be maintained at all times

...............................................................................................

Serving For the 22^nd April, 2009

A qai tukuni vei Tevita na Tui; O Jiova (Yahweh) e sa vakalougatataki Opeti-itomi kei na veika kece e taukena baleta na kato ni Kalou (Yahweh). Sa mani lako o Tevita qai lai kauta cake mai na kato ni Kalou (Yahweh) mai na vale nei Opeti-itomi e na koro nei Tevita e na yalomamarau. 13 A qai yaco ni ra sa kalawa oti vakaono o ira era colata tiko na kato ni Kalou (Yahweh) ni a cabora e dua luve ni bulumakau uro o Tevita. 14 Sa qai lagata o Tevita na sere ni vakamolimoli e na mata i Jiova (Yahweh) e na nona igu; o Tevita e a daramaka tu e dua na efoti lineni. 15 Era mani kauta mai na kato ni Kalou (Yahweh) o Tevita kei ira kece na matavuvale i ISireli e na kaikaila kei na domo ni biukila. 16 Ia ni sa toso sivia mai na vale i Tevita na kato i Jiova (Yahweh), o Malajieli na luve i Saula yalewa e rai tu mai e na dua na katubaleka, qai raici Tevita na Tui ni mamarau tiko ka meke tiko mai e na mata ni kato i Jiova (Yahweh); qai tubu na nona sevaki koya e lomana. 17 Era qai kauta mai i loma na kato i Jiova (Yahweh), ka vakatauca e loma ni valelaca e a birika o Tevita me na mai tu kina: sa qai vakacabora o Tevita na isoro kama kei na isoro ni tiko veisaututaki e na mata i Jiova.

2 Samuela 6:12-17

Laivi ira na yalododonu i Jiova (Yahweh) me ra tauca na nodra vakavinavinaka Vua, baleta na Nona Yalololoma e sa biuta tu vei ira na luve ni tamata. 22 Cabora vua na imadrali ni vakamolimoli ka vakalagilagitaki Koya, kemuni na Nona dauniveiqaravi, baleta o Koya e Veivakurabuitaki
Same 107:21-22

Read The Bible in a Year (Wilika Na iVola Tabu E Na Dua na Yabaki).
Siga	Tikinisiga	Mataka	Yakavi
112.	Epereli 22	II Samuela 4-6	Luke 18:18-43

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).