Thought: In Working Our Redemption, The Messiah Took On Humility.
Serving For The 9th February, 2010
Sa qai kaya o Moshe vei ira na luve i Isireli, Raica, O Jiova (Yahweh) sa kacivi Besalieli na luve i Urai, na luve I Hera, e na mataqali i Y'huda; 31 ka sa sobuti koya e na Yalo ni Kalou (Elohim), me kune vua na vuku kei na yalomatua, kei na kilaka, me sa matai ni veimataqali cakacaka; 32 me na navuca na veimataqali cakacaka maqosa; ka me cakacakataka na koula, na siliva, kei na barasa, 33 ka vaka kina na kena musumusu na vatutalei me ivono, ka me matai e na ceu ni kau, me rawa ni cakava na veimataqali cakacaka maqosa kecega. 34 Sa vakauqeti koya me vakatavulica vei koya vakataki koya vata kei Ilaihaba, na luve i Ehisamaka, e na mataqali i Deni. 35 O rau ruarau e a vakasinaiti rau o koya e na vuku kei na vakasama me rau rawa ni cakava na cakacaka kece vakamatai, na cakacaka maqosa, kei na kena cula na isulu karakarawa, lokaloka, kulakula kei na lineni matailalai kei na damudamu, e na talitali, vata kei ira na dau ni cakacaka kece, ka vaka kina o ira era navuca na na cakacaka maqosa.
Qo sa tiko e dua na noda bete levu cecere, e a cabe i lomalagi; o Jisu (Yahshua) na Mesaia na luve ni Kalou (Elohim); laiva meda tudei tiko e na noda vakabauta. 15 Baleta o keda e tiko na noda bete levu e rawa ni tarai koya na noda nuiqawaqawa; e dua e a sotava na veimataqali veivakatovolei me tautauvata kei keda, ia e sega na Nona ivalavala ca.
