Thought: Your Prayers Will Produce Results That You Never Dreamed Possible!
Serving For The 3rd April, 2010
A sebera tiko ni boko na icina ni Kalou (Elohim); o Samuela a sa davo sobu tiko me moce e na valenisoro nei Jiova (Yahweh); e na yasana e tiko kina na kato ni Kalou (Elohim); 04 E kacivi Samuela o Jiova (Yahweh); qai tama o koya, O au qo! 05 E cici sara o koya vei Ilai qai kaya, O au qo, o kemuni oni a kacivi au. Sauma o koya, Au a sega ni kaci; lesu lai davo. A mani lesu qai lai davo. 06 Kaci tale o Jiova, Samuela! A tucake tale o Samuela, lako vei Ilai qai kaya, O au oqo; o iko o a kacivi au. Sauma o koya, Au a sega ni kaci luvequtagane; lesu tale lai davo. 07 E na gauna qo, o Samuela a sebera kina ni kilai Jiova (Yahweh), ka se bera tale ga ni vakatakilai vua na vosa i Jiova (Yahweh). 08 A baci kacivi Samuela tale e na ikatolu ni gauna o Jiova (Yahweh). E baci tucake tale o Samuela, lako vei Ilai qai kaya: O au qo; o iko o kacivi au tiko mai. A qai kilakasamataka o Ilai ni o Jiova (Yahweh) e a kaciva mai na gonetagane. 09 Ekeri qai kaya vei Samuela o llai, Lesu lai davo; e na qai yaco kevaka e kacivi iko tale o koya; mo qai kaya, Ni vosa mai Jiova (Yahweh); baleta na nomuni dauniveiqaravi sa rogoci kemuni. Lesu o Samuela, lai davo sobu e na nona yasana. 10 A qai lako mai o Jiova (Yahweh) me mai tu, qai kacivi vakarua, Samuela, Samuela. Kaya o Samuela, Vosa mai Jiova (Yahweh), baleta na nomuni dauniveiqaravi sa rogoci kemuni.
11 ¶ Kaya o Jiova vei Samuela, Raica, Au na cakava eso na ka e Isireli, e na vakavuna me ra vakatudaliga, o ira era rogoca na kena itukutuku.
Oqo na inuinui eda vakararavi tiko kina Vua, oya ni da kerea Vua e dua ga na ka, e veidutai kei na Nona inakinaki, e na rogoci keda o Koya. 15 Kevaka eda kerei koya me rogoci keda e na veika eda kerea vua, eda sa na kila dei ni da sa ciqoma oti mai vua na veika eda se gadreva tiko.
