Thought: YHWH Was Actually Involved In The Wars Of Y’hoshua
................
Serving For Yom HaShishi, Sivan
4, 5772.
(NB. In Counting
Days Toward Shavu’ot (Gr:Pentecost), Today Is Day 47 out of 50)
MAI NA NEVI’IMI
RISHONIMI (FROM THE NEVI’IM RESHONIM)
E
na gauna sa rogoca kina o 'Adonai-Zedeki na tui Yerushalayimi ni sa kabai 'Ai o
Ye'hoshua, qai vaqeavutaka vakadua;(me vaka a cakava o koya mai Yeriko kei na kena tui, ka cakava talega mai
'Ai kei na kena tui); ka rogoca talega na ka era cakava o ira era ivakatawa kei
Qiva'oni e na nodra sa veiyaloni kei Yisira'yili, me ra sa tiko veiyaloni; 2 E a domobula vakalevu o koya baleta ni bau
koro levu o Qiva'oni, ka vaka e dua na koro vakaturaga, ka ni levu mada ga vei 'Ai;
o ira mada ga na kena tagane era vakavakaitamera. 3 Qori a mani talatala kina o
'Adonai-Zedeki na tui Yerushalayimi vei Houhami na tui Hevaroni, vei Piri'omi
na tui Yaramutu, vei Yafia na tui Lakishi, vata kei De'viri na tui 'Eqaloni, ni
kaya, 4 Ni lako cake mada mai qo vei au, moni mai vukei au, me da valuti ira
vata na Qiva'oni; baleta era sa
veiyaloni vata kei Ye'hoshua kei ira na luve i Yisira'yili. 5 Qori era qai soqo
vata mai kina o ira na tui limalima ni Emori, na tui Yerushalayimi, na tui Hevaroni,
na tui Yaramutu, na tui Lakishi, kei na tui 'Eqaloni, era qai toso vata mai i
cake vata kei ira na nodra mataivalu, era sa qai mai keba toka donui Qiva'oni,
era qai vakavu ivalu kina. 6 O ira na tagane ni Qiva'oni era qai talatala vei
Ye'hoshua e na nona keba mai Qiliqali, me ra kaya, Kakua ni tarova na ligamuni
mai vua na nomuni dauniveiqaravi; baleta o ira kece na nodra tui na Emori, era
vakaitikotiko e na ulunivanua era sa sosoqoni tiko me ra saqati keimami.
7
¶ Sa mani biubiu me cabe cake mai Qiliqali o Ye'hoshua, o koya, vata kei ira kece
na tamata ni vala era tiko vata kei koya kei ira kece na tamata qaqa kece sara.
8 Kaya o Yahuwe (YHWH) vei Ye'hoshua, Kakua sara ni taqayataki ira; baleta au
sa soli i ira oti i ligamu; e na sega ni dua tale vei ira me na tu rawa tale e
matamu. 9 O Ye'hoshua, a mani lako mai
vakasauri vei ira, vakadodonu sara ga mai Qiliqai e na bogi taucoko oya. 10 O
Yahuwe (YHWH) a qai vagucetaki ira e matadra na Yisira'yili, era qai mokuti ira
e na dua na ravuravu levu mai Qiva'oni, ka cemuri ira e na sala vaka i Beiti-Horoni,
era qai vakamatei ira vakadua mai 'Azekaa ka lai yaco tale e yani i Makedaa. 11
Ni ra sa dro tiko mai matadra na Yisira'yili, me sa ciciva sobu tiko na baba
mai Beiti-Horoni, o Yahuwe (YHWH) a qai vakalutuma mai lomalagi na uca qereqere
lelevu me yaco sara i 'Azekaa, qori era qai mate kina; e levu cake era a mate
mai na uca qereqere ka sega soti mai na
nodra seleiwau na luve i Yisira'yili.
NA IVAQA NI BULA (FOOD FOR THE SOUL)
Na
dokai nei Yahuwe (YHWH) e ivakavuvuli ni bula; na nodra vakarokorokotaki na
yalomanoa (meek) e na liu tiko e matana.
LOMANI YAHUWE NA NOMU KALOU (LOVE YHWH YOUR MIGHTY ONE)
HEH
33
¶ Vakatavulici au, i Yahuwe (YHWH) e na iwalewale ni nomuni ivakaro; au na qai
bula muri i ira tiko me yacova na ivakataotioti
34 Solia vei au na kilaka au na qai bula muria na nomuni Toraa; io au na
vakamuria tiko e na vuniyaloqu taucoko;
35 ¶ Cakava meu toso tiko e na sala ni nomuni veilawa; baleta oqori au
na taleitaka vakalevu, 36 Ulia na vuniyaloqu i na nomuni vosa ka sega i na vei
itukuni buli. 37 ¶ Vukica tani na mataqu meu kakua ni raica na veika lasulasu; baleta na vei lewa era
vinaka. 38 ¶ Vaqaqacotaka na nomuni vosa vua na nomuni dauniveiqaravi e dau
rerevaki kemuni tikoga. 39 ¶ Vagolea tani na noqu vakacacani; baleta na nomuni
vei lewa era vinaka. 40 ¶ Raica, au dau gadreva na nomuni ivakavuvuli:
vakabulabulataki au e na nomuni yalododonu.
VAV
41
¶ Laiva na nomuni yalololoma me lako
talega mai vei au, i Yahuwe (YHWH), oya na nomuni veivakabulai, me vaka na
nomuni vosa. 42 Me qai tiko kina na sala meu veisa vosa kina koya e
vakaucacataki au; baleta niu vakararavi i na nomuni vosa. 43 ¶ Kakua ni laiva
na vosa ni nomuni dina me takali mai gusuqu; baleta sa vakanuinui tiko i na
nomuni lewa. 44 Qori au na bula muria
tiko kina na nomuni Tora e veiveigauna me tawamudu ka sega ni mudu. 45 ¶ Au na
toso tiko e na galala baleta ni talei tiko vei au na nomuni ivakaro. 46 Au na
vosa vakadodonu e matadra na tui, kau na sega ni madua. 47 Au na dau vakananuya
na nomuni lawa, au na dau taleitaka. 48 Na ligaqu talega e na laveliga e na
vuku ni nomuni ivakaro au dau taleitaka; au na vakananuya na nomuni lawa; au na
vakaitikotiko e na nomuni vakabauta.
Read The Tanakh in a Year (Wilika Na iVola Tabu E Na Dua na Yabaki).
|
|
Siga
(Day)/Blog
|
Tikinisiga
(Date)
|
Blog
No. 145 o/o 1605
|
May
25, 2012
|
Reading
|
Hebrew
Date
|
Sivan
4, 5772
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
