Thought: YHWH Judges A Man Or Woman
Mentally, First And Foremost
..................
Serving For
Yom R’vi’i, Tammuz 28, 5772
MAI NA NEVI’IMI RISHONIMI (FROM THE NEVI’IM RESHONIM)
SA qai taura o She'mu'yili
na tavaya waiwai; qai livia i uluna ka reguci koya, qai kaya vua o koya, Raica,
o Yahuwe (YHWH) sa lumuti iko mo sa dua na daunivakavulewa vei ira na nona
ivotavota. 2 E na gauna o biuti au kina mo lesu nikua, raica ni o na sotava e keya
e rua na tagane e na yasa ni ibulubulu i Rekiyili e na nodra iyalayala ni vanua
i Binyamin mai Zelizaa; rau na qai kaya vei iko, Na asa o a lai vaqara sa kune;
o tamamu sa oti na nona leqataka na asa, ia o koya e sa nuiqawaqawataki
iko e na nona kaya, Na cava beka meu
cakava e na vuku i luvequ tagane? 3 Ia e na gauna mo lako kina mai keya, o na
lako sara i na vunioki mai Tavo, raica ni o na raica e keya e tolu na tagane
eratou lako tiko vua na Kalou (Mighty One) mai Beiti-Yili, e dua e na kauta tiko
e tolu na luve ni metagane, e dua tale e na kauta tiko e tolu na ibuli madrai,
kei na dua tale e na kauta tiko e dua na tavaya-leca na waini; 4 Eratou na vakabula vei iko ka solia vei iko
e rua na ibuli madrai; qori mo na ciqoma mai ligadratou. 5 Ni oti mai keya o na
qai yaco i na delana (mai Kiriyate-Yia’rini e tiko kina na kato) ni Kalou
(Mighty One) ka tiko kina e dua na itikotiko (ni dua na nodra iliuliu) na
Pi'lishitimi; e na qai yaco ni o yacova yani na korolevu, raica, o na raica e
dua na ilala parofita ni ra lesu tiko mai na tikina cecere, (ka lagalaga sere
tiko mai) vata kei na dua na soliteri, na tabareta, na taborini, na tibareli,
kei na hapi, me liutaki ira tiko mai; o ira era na parofisai (seresere) tiko
mai (vakayalo); 6 Na Yalo i Yahuwe (YHWH), e na qai sobuti iko, ia o iko o na
qai parofisai (seresere) talega vata kei ira, o na qai vuki mo dua tale na
tamata. 7 E na qai yaco, ni sa yaco mai vei iko na ivakatakilakila kece oqo, ni
o na qai cakava na cava ga o gadreva, baleta sa na tiko vata kei iko o Yahuwe
(YHWH). 8 O na liu sara yani, vei au, i Qiliqali; ia raica, au na qai lako sobu
yani vei iko meu lai cabora e dua na isorokama ka cabora e dua na isoro ni tiko
veisaututaki; me vitu na siga na nomu na wawa tiko, au na qai yaco yani vei iko,
meu qai vakaraitaka vei iko na ka mo cakava.
9 ¶ A qai yaco, e na gauna ga e
vuki kina me lesu tale mai vei She'mu'yili, na Kalou (Mighty One) a qai solia
vua e dua tale na vuniyalona; ia na ivakatakilakila kece oya a yaco vua e na
siga oya. 10 E na gauna rau yaco yani kina i Ramaa, raica e dua na ilala
parofita era mai sotavi koya; na Yalo ni Kalou (Mighty One) a qai sobuti koya,
a qai tekivu me parofisai (seresere) e na kedra maliwa. 11 A qai yaco e na gauna era raici koya kina o
ira era kilai koya mai liu, era qai raica ka kilakasamataka ni sa parofisai
(seresere) tiko kei ira na parofita, era qai veitarotarogi na tamata ni ra
kaya, Na cava sa yaco vua na luvetagane i Kisha? O Sha'ula beka sa dua talega
vei ira na parofita? 12 Oti qai kaya e dua ga vei ira mai keya, O cei mada ga
na tamadra? O koya oqo sa dua tu kina na kena ivosavosataki, O Sha'ula talega
sa dua vei ira e na kedra maliwa na parofita. 13 Ni sa oti na nona parofisai
(seresere) tiko, sa qai biubiu mai o koya mai na tikina cecere me lesu tale i
vale. 14 Na tama i Sha'ula lailai a qai tarogi koya kei na dauniveiqaravi, Drau
a lako i vei? Rau kaya, Me keirau lai vaqara na asa; ia ni keirau sa sega ni
kunea rawa, keirau mani lako vei She'mu'yili. 15 Taro tale o tama i Sha'ula
lailai, Kaya mada vei au na ka a qai kaya vei kemudrau o She'mu'yili. 16 Kaya o Sha'ula vei tamana lailai, E kaya
ga vakadodonu vei keirau ni sa kune tale na asa. Ia na tikina me baleta na
matanitu a tukuna (vua) o She'mu'yili, a sega ni tukuna vua.
NA IVAQA NI BULA (FOOD FOR THE SOUL)
O koya e dau
yalololoma vei ira na dravudravua e veitokani kei Yahuwe (YHWH); o koya, e na
vakaicovitaki me veiraurau kei na nona cakacaka.
LOMANI YAHUWE NA NOMU KALOU (LOVE YHWH YOUR MIGHTY ONE)
E na vukuna na iliuliu. E
dua na Same i Dawide. Na lialia e kaya e vuniyalona, E sega ni dua na Kalou
(Mighty One). Era dauveidabui, era sa vakacacani e na veika ca era dau cakava;
e sega sara ga ni dua vei ira e dau caka vinaka. 2 O Yahuwe (YHWH) e rai sobu
mai lomalagi, me raici ira na luve ni tamata me raica se tiko e dua e yalomatua
e qai dau vaqarai Yahuwe (YHWH) kina. 3 Era sa lako sese kecekece, ka ra sega
ni vakadonui kecekece, e sega ni dua e bau caka vinaka, e sega, e sega ni dua.
4 ¶ Era sega ni kilakasamataki
ira rawa era cakacakataka tiko na ivalavala ca, o ira era sa tillomi ira tiko
na noqu tamata, me vaka ni kana madrai e dua; era sega ni bau kacivi Yahuwe
(YHWH). 5 Era tiko o ira era domobula vakalevu, baleta era kila ni o Yahuwe (YHWH)
e tiko vata kei ira na nodra kawa na tamata yalododonu. 6 Era dau beca na nodra
vakananavu na tamata dravudravua, baleta o koya e vakanuinui vakatabakidua vei
Yahuwe (YHWH). 7 O cei e na solia mai Saiyoni na veivueti vei Yisira'yili? Ni kauti ira lesu mai na nodra kau vakavesu
na nona tamata o Yahuwe (YHWH), o Ya’akove e na marau vata kei Yisira'yili e na
reki.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 199 o/o 1659
|
July 18, 2012
|
|
Reading
|
Hebrew Date
|
|
Tammuz 28, 5772
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
