Thought: Asa Removed Idolatry From Y’hudah And Found Favor With YHWH
......................
Serving For Yom
Rishon, Cheshvan 5, 5773
MAI NA
NEVI’IMI RISHONIMI (FROM THE NEVI’IM RESHONIM)
E
na ikaruasagavulu ni yabani ni veiliutaki vakatui nei Yarovo'ama na tui
Yisira'yili, o Asa sa qai tekivu kina me veiliutaki vakatui mai Ya'huda. 10 O
koya e a veiliutaki vakatui me vasagavulukadua na yabaki mai Yerushalayimi; na
yaca i tinana o Ma'akaa, na luveyalewa i Avishalome. 11 O Asa a vakayacora na
veika e donu e na mata i Yahuwe (YHWH), me vaka a cakava o Dawide na nona
qase.12 A biuti ira laivi na dau veiyacovi vakamataqali vata (sodomites) mai na
loma ni vanua, ka kauta laivi na kaloumatakau kecekece e a bulia o tamana. 13
Kena ikuri, e a vakasivoi Ma'akaa na tinana mai na itutu vaka Ranadi, baleta ni
dau vakayaco solevu vua na nona kalou matakau; o Asa a qai vakarusa na nona
kaloumatakau, ni a lai vakama e na vadi o Kidroni. 14 Ia na veitikina cecere e
a sega ni kauti ira laivi o koya; na vuniyalo i Asa ga e a vinaka vakaoti vei
Yahuwe (YHWH) na nona Kalou (Mighty One) e na dela ni nona gauna taucoko. 15 E
kauta mai o koya na veika era a vakatabuya na tamana, kei na veika a vakatabuya
o koya, i loma ni vale i Yahuwe (YHWH); na siliva, na koula kei na veimataqali
iyaya.16 A dau yaco tu ga na veivaluvaluti e na kedrau maliwa o Asa vata kei
Ba'sha na tui Yisira'yili, e na nodrau veisiga taucoko. 17 O Ba'sha na tui
Yisira'yili a lako cake me lai valuti Ya'huda, a qai tarai Ramaa, me
vakadredretaka vei ira me ra lako cake, me ra qai veicuruyaki me ra lai raici Asa
na tui Ya'huda. 18 Ia o Asa a qai taura na siliva kei na koula era se vo tiko e
na loma ni loqi ni iyau e na loma ni vale i Yahuwe (YHWH) kei na loqi ni iyau
mai na loma ni vale ni tui, qai solia kece i ligadra na nona dauniveiqaravi; o
Asa na tui Ya'huda a qai vakauti ira vei Beni Hadada na luvetagane i
Tavarimoni, na luvetagane i Hezayoni, na tui Arama, o koya e tiko mai Dameseke,
ni kaya, 19 E tiko e dua na veiyalayalati, e na kedaru maliwa, o au vata kei
iko, ka vaka kina e na kedrau maliwa o tamaqu kei tamamu; raica, au sa vakauta
yani oqo, e dua na iloloma soliwale, na siliva kei na koula; lako mada mai mo
mai voroka na nomudrau veidinadinati kei Ba'sha na tui Yisira'yili, me rawa ni
tu vakasuka mai vei au o koya.
20
E na gauna e rogoca kina na itukutuku nei Asa na tui, o Beni-Hadada, a qai
talai ira na komada ni nona mataivalu me ra lai saqati ira na korolelevu mai
Yisira'yili, qai vakarusai Iyona, Dani, Avela-Beiti-Ma'aka, na tauni kecekece
mai Kine'roti taucoko, kei na vanua taucoko o Nafitalai. 21 E na gauna e lai
rogoca kina o Ba'sha, a qai tarova o koya na nona tarai Ramaa tiko, me sa lai
tiko ga mai Tirizaa. 22 Oti sa qai bulia
e dua na ivakaro o Tui Asa vei ira kece mai Ya'huda, e sega tale ni dua e
vagalalataki mai kina; era qai lai kauta laivi na veivatu mai Ramaa, kei na
kauvaro a vakayagataka o Ba'sha me tara kina; o Tui Asa a qai vakayagataki ira
me lai tara kina o Qeva mai Biniyamini vata kei Mizipaa. 23 Na vo ni cakacaka
kece i Asa kei na nona kaukaua, na veika kece a vakayacora, kei na veikorolevu
a tara era volai kece tu e na ivola ni kedra itukutuku na tui Ya'huda. Ia e na
gauna sa qase kina o koya a qai tauva na mate, ka vuvu ca kina, na yavana. 24 O
Asa a qai mocelutu kei ira na tamana oti qai bulu vata kei ira na tamana mai na
korolevu i Dawide na nona qase: o Yo'hoshafata na luvena tagane a qai
veiliutaki vakatui me sosomitaki koya.
NA IVAQA NI BULA (FOOD FOR THE SOUL)
Me
vaka e dua na korolevu sa kabai ka sa sega na kena bailalaga, e vaka kina na
tamata e dau yaloyalototolo.
LOMANI YAHUWE NA NOMU KALOU (LOVE YHWH YOUR MIGHTY ONE
Ia
o kemuni oni sa vakanadakui keimami, ka sevaki keimami, oni sa vakavuna na
nomuni lumuti, me vukica laivi na matana. 40(39) Oni sa vakanadakuya na
veidinadinati kei na nomuni dauniveiqaravi, oni sa kolo sobu na nona
isalavakatui i na dela ni qele. 41(40) Oni sa basuraka sobu na nona bai; oni sa
vakavuna na kena rusa na itataqomaki vakaivalu. 42(41) O ira kece era tavali
mai era buturaki koya, sa yaco me dua e dau sevaki vei ira na wekana
vakaitikotiko.43(42) Oni sa vakaukauataka na ligadra imatau o ira na kena meca;
oni sa cakava me ra mamarau o ira era kena meca. 44(43) Oni sa vakatawayagataka
na bati ni nona seleiwau, Oni sa sega ni vukei koya e na ivalu. 45(44) Oni sa
vakavuna me tinidole na nona dokai, ka kolo sobu na nona idabedabe vakatui i
dela ni qele. 46(45) Na nona veitabagauna vagone oni sa vakalekalekataka; oni
sa kovuti koya e na madua. 47(46) E na vakaevei na kena dede i Yahuwe (YHWH),
oni na cudru tiko kina? Me tawamudu beka? Na nomuni leva cecekia e na caudre
beka me vaka na yame ni bukawaqa? 48(47) Nanumi au, mai na gauna au a buli
kina; baleta oni a sega ni bulia na tamata me ra mai tawayaga. 49(48) O cei na
tamata e bula tiko e na sega ni sota kei na mate? E na vakabulai koya beka mai
na liga i She’ola? 50(49) I Yahuwe (YHWH) evei beka na nomuni yalololoma mai
liu; oni a bubuluitaka vei Dawide e na nomuni dina? 51(50) Nanuma i Yahuwe
(YHWH) na rogorogo ca ni nomuni dauniveiqaravi; baleta au sa colata tiko mai e
na noqu bula taucoko na veivakalialiai ni veimatanitu; 52(51) Oya e na nodra vakalialiai
au tiko, o ira na kemuni meca i Yahuwe (YHWH), ka vaka kina e na nodra
vakalialia na nona itosotoso na nomuni lumuti. 53(52) Me vakarokorokotaki o
Yahuwe (YHWH) me sega vakadua ni mudu, Omaini ka Omaini.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 294 o/o 1754
|
October
21, 2012
|
|
Reading
|
Hebrew
Date
|
|
M #8:
Cheshvan 5, 5773
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
