Thought: The
........................................
Serving For
Era qai lako kece yani o ira na lewe ni nodra veimataqali na Isireli, era qai laveta na kato nei Jiova (Yahweh) o ira na bete. 04 Era kauta cake sara i na valetabu nei Jiova (Yahweh), era qai kauta mai kei na nodra vale ni veitavaki na lewe ni isoqosoqo vata kei na iyaya tabu kece era a tiko e na vale ni tabu, era qai lako vata cake kei ira na bete kei ira na Livai e Isireli. 05 O Tui Solomoni, kei ira kece na nodra isoqosoqo taucoko na Isireli, era a soqoni vata yani vua, era a tiko vata kei koya e na mata ni kato, me ra vakacabora tiko na sipi kei na bulumakau e sega ni wili rawa na kedra ilevu. 06 Era qai laveta mai na kato ni veiyalayalati i Jiova (Yahweh) o ira na bete i na tikina vakarautaki, e loma ni valenisoro, i na veiloqi e loma oya i na Loqi Tabudredre, e na ruku ni tabadrau na Kerubimi. 07 Baleta rau dau vakatetaba tu o rau na Kerubimi e dela ni tikina tabu, o rau na Kerubimi rau qai vakaruruga tu mai cake, na kato kei na kena ivua. 08 Na kena ivua rau a rui balavu rau mani dau laurai kina mai na tikina tabu ia rau a sega ni laurai mai tautuba; qori na kena itokatoka me yacova sara mai na siga nikua. 09 E sega ni dua tale na ka e tiko e loma ni kato,vakavo na vatu raraba ruarua, e biuta e loma o Mosese mai Horeba, ena gauna a vakduria kina na veiyalayalati o Jiova vata kei ira na Isireli, ni oti na nodra biubiu mai na vanua ko Ijipita.
Qori au vakamasuti kemuni kina na veitacini, e na vuku ni loloma ni Kalou (Elohim), moni solia na dui yagomuni me imadrali bula, savasava, ka gadrevi vakaoti Vua na Kalou (Elohim); oya me nomuni itavi lailai wale ni veiqaravi.
