Na Veilewai Sa Roro Mai (The Coming Judgment)

Thought: The Day Of Judgment Is Coming; Be Prepared!

....................... 

Serving For Yom Revee-ee, Elul 1, 5771

Mai na rawai nei Pe'lesheta e na yabaki a mate kina o Tui Akasi, e yaco mai kina na itukutuku ni leqa oqo. 29 Kakua ni marau, i Pe'lesheta raraba, baleta ni sa ramusu na nona ititoko o koya koya e a mokuti iko: baleta mai na kawa ni gata, e na tubu mai kina e dua na gatavaipa, ia o ira na loga luvena era na gata bukawaqa dauvuka. 30 O ira na nodra ulumatua na dravudravua era sa na kana, o ira era gadreva na veivuke era sa na koto sobu e na yalodei, ia au na vakamatea na wakamu ni dausiga kei ira na kemu vo vo, au na vakamatei ira. 31 Qolou, i korolevu; tagi i korolevu; o Pe'lesheta taucoko sa veilecayaki; baleta e na tubu mai na vualiku e dua na kubou; e sega ni dua e na vo tale e na nodra solevu. 32 E saumi vakacava na nona taro na daunikauitukutuku ni vanua? Ni sa tauyavutaki Saiyoni o Yahuwe (YHWH), me ra na lai taqomaki kina o ira na dravudravua vei ira na nona tamata.

Aisea (Yesha’yahu) 14: 28-32

LAGATA vei Yahuwe (YHWH) e dua na sere vou; laga sere vei Yahuwe (YHWH) i vuravura taucoko. 2 Laga sere vei Yahuwe (YHWH), vakavinavinakataka na yacana; vakaraitaka wavoki na nona veivueti e na dua na siga i na dua tale na siga. 3 Vakatusa na nona dokai e kedra maliwa na daulotutaki matakau, kei na nona mana e kedra maliwa na tamata; 4 Baleta o Yahuwe (YHWH) e vakaitamera ka dodonu me vakacerecerei vakalevu: o koya e dodonu me dokai vakalevu cake mai vei ira na veikalou (elohim) kecekece. 5 Baleta na nodra kalou (elohim) na veimatanitu na matakau; ia o Yahuwe (YHWH) a bulia na veilomalagi. 6 Na vakarokoroko kei na sau era tu e matana: na kaukaua kei na totoka era tu e lomani nona itikotiko tabu. 7 Solia vei Yahuwe (YHWH), o kemuni na nodra kawa na tamata, solia vei Yahuwe (YHWH) na dokai kei na kaukaua ni lewa. 8 Solia vei Yahuwe (YHWH) na vakarokoroko e veiganiti kei na yacana, kauta mai e dua na madrali, mai curu i na nona lomanibai.9 Sokalou vei Yahuwe (YHWH) e na nona vale tabu: sautaninini e matana i vuravura raraba.

10 ¶ Tusanaka e na kedra maliwa na  veimatanitu, O Yahuwe (YHWH) e vakavulewa;  o vuravura talega e na vakataudeitaki me sega ni yavalati rawa; E na lewai ira vakadodonu na tamata.11 Laiva na lomalagi me mamarau, laiva na vuravura me reki; laiva na wasawasa me vavadugudugu vata kei na veika kece era tu kina. 12 Laiva na vanua me reki vata kei na veika kece e tu kina, qori era na qai mamarau kina na vunikau e loma ni veikau, 13 E na mata i Yahuwe (YHWH); baleta e na lako mai o koya me mai vakatulewa e vuravura; e na vakavulewa vakayalododonu e vuravura  ka vaka kina vei ira na tamata, e na nona dina.

Same (Tehellim) 96:1-13.

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
242/Blog No. 1382	August 31, 2011.
Reading	Hebrew Date
Same (Tehellim) 145-147	Elul 1, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kau Vakavesu O Isira’yili (Isra’yl Taken Captive)

Thought: Yahweh Will Admonish Us If He Loves Us

 .......................

Serving For Yom Shlee-shee, Av 30, 5771

A qai yaco, ni o ira na luvei Isira'yili era a valavala ca vei Yahuwe (YHWH) na nodra Kalou (Mighty One), o koya e a  kauti ira cake mai na vanua o Ijipita, mai na liga i Fero na tui Ijipita, baleta  era sa sokalou tiko vei ira na kalou (elohim) mai liu, 8 Era qai bula muria tiko na nodra ivalavala na veimatanitu e a vakarusai ira taumada o Yahuwe (YHWH) e matadra na luvei  Isira'yili, 9 O ira na luvei Isira'yili era a kaya na veivosa e sega ni kilikili, me ra saqati Yahuwe (YHWH) kina na nodra Kalou (Mighty One); ruarua o ira kei na nodra tui; era qai tara na nodra veivalenisoro ni matakau e na nodra dui koro lelevu,  mai na nodra valecere na matayadra, i na veikorolelevu vakabai lalaga. 10 Era qai vakaduria vakataki ira na nodra ivakatakarakara kei na matakau e na dela ni vanuacere kei na ruku ni veikau drokadroka kece. 11 E keya era qai vakama kina na veika boi, e na veitikina cecere, me vaka era a dau cakava o ira na veimatanitu e a vakarusai ira o Yahuwe (YHWH) e matadra; era qai cakava tiko na veika vakasisila, me ra vakacudrui Yahuwe (YHWH) kina me leva: 12 Baleta ni ra sa qarava tiko na vei matakau, e a vakaroti ira kina o Yahuwe (YHWH), Moni kakua vakadua ni cakava na veika oqo.

2 Tui (M’lakhim Bet) 17:7-12

Kakua ni viavia vuku e matamu o iko vakataki iko, rerevaki Yahuwe (YHWH) ka saumaki tani mai na ivalavala vakasisila. 8 E na ka ni bula i na lewemu, ka waibula (marrow) i  na suimu. 9 Dokai Yahuwe (YHWH) e na nomu iyau kei na isevu ni nomu vuata kece sara. 10 Qori e na qai tawa vinaka kina na nomu lololo, kei na nomu iqaqi ni waini e na vuable e na wainivou. I luvequ tagane, kakua ni cata na  veikuitataki nei Yahuwe (YHWH); kakua ni cauocataka na nona veivakatavulici. 12 Baleta o koya e lomana o Yahuwe (YHWH) e na vakadodonutaka, me vaka e dua na tama, e vakadodonutaki luvena tagane.

Vakaibalebale (Mishlei) 3:7-12

Read The Tanakh in a Year (Wilika Na iVola Tabu E Na Dua na Yabaki).

Siga (Day)/Blog	Tikinisiga (Date)
241/Blog No. 1381	August 30, 2011.
Reading	Hebrew Date
Same (Tehellim) 142-144	Av 30, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Lewa Vakamatailalai (YHWH Attends to Details)

Thought: Be Particular About Our Aspiration in Yahweh’s Plans

........................... 

Serving For Yom Shaynee, Av 29, 5771

E bulia o koya e rua na  duru barasa, na ibalavu ni duru yadudua e tinikawalu na kiubiti; na moqimoqili ni duru e tinikarua na kiubiti wavoki. 16 Oti qai bulia e rua na domodomo mai na barasa e vakawaicalataki, me ciqimaka e na dela ni veiduru; na cere ni dua na domodomo e lima na kiubiti, na cere talega ni kena vo me lima na kiubiti.17 A qai cakava na lawa veivolavolai ceu, kei na sinucodo muloci me ukutaki  kina na domodomo e dela ni duru; me vitu e na dua na domodomo ka vitu e na domodomo kadua. 18 E a qai cakava na duru kei na rua na iyatu me toka wavolita na taudaku ni lawa, ka me ubia na domodomo e toka e dela ni duru; qai cakava vakakina e na duru kadua. 19 Na domodomo e toka e dela ni duru, e caka me vaka na senilili e na varada, oya me va na kiubiti. 20 Na domodomo e na dela ni duru ruarua e toka kina na pomeqaraneti  mai cake, ka vaka kina e yasana, oya e na yasa ni lawalawa; ia na pomeqaraneti e a tauya ruanadrau dua na iyatu, wavokita na domodomo; ka vaka kina e na domodomo tale eso. 21 E a bulia na duru ni varada ni valenisoro; oti qai vakaduria na duru e na  yasana imatau, ka vakatoka me yacana o Yakini; oti qai vakaduria na duru e na yasana imawi qai vakatoka me yacana o Bo'asa. 22 Ia e na dela ni duru e cakacakataki tu kina na senilili; qori a qai oti kina na cakacaka ni duru.

1 Tui (M’lakhim Alef) 7:15-22

Ia qai kaya o Yahuwe (YHWH) vei Shi'mu'yili, Kakua ni raica na kena irairai, se na ibalavu ni yagona; baleta au besetaki koya; baleta au sega ni rai me vaka na rai ni tamata; na tamata e raica na irairai e taudaku, ia o Yahuwe (YHWH) e raica na vuniyalo. 8 A qai kacivi Abinadabi o Yishai, qai tukuna vua me taubale e mata i Shi'mu'yili 9 Sa qai cakava o Yishai me lako mai o Shamma. Oti qai kaya o koya, O koya talega qo e sega ni digitaka o Yahuwe (YHWH).10 O Yishai a qai cakava me ratou lako e mata i Shi'mu'yili e vitu na luvena tagane. Kaya o Shi'mu'yili vei Yishai, E sega ni digitaka e dua vei ira qo o Yahuwe (YHWH). 11 Tarogi Yishai tale o Shi'mu'yili, O ira kece ga qo na luvemu tagane? Kaya vua o koya, E vo tiko o koya e gone duadua, ia raica, o koya e vakatawa sipi tiko. Kaya o Shi'mu'yili vei Yishai, Talatala me lai kau mai i ke o koya, baleta au na sega ni biubiu, me yacova ni sa lako mai i ke o koya. 12 A qai talatala o koya, qai lai kau mai o koya. O koya e yago damudamu ka kaukaua, e totoka vakaoti na yaloka ni matana, ka rairai vinaka vakaoti na kena irairai. Kaya o Yahuwe (YHWH) vei Shi'mu'yili, Tucake, lumuti koya, baleta qo sara ga o koya.13 Sa qai taura o Shi'mu'yili na ileu waiwai, qai lumuti koya e na kedratou maliwa na tuakana. Na Yalo i Yahuwe (YHWH) a qai sobuti Dawide me tekivu mai na siga oya ka lako yani. Sa qai tu o Shi'mu'yili, me lako i Ramaha, i nona vale.

1 Samuela (Shi’mu’yl Alef) 11:9-13

Siga (Day)/Blog	Tikinisiga (Date)
240/Blog No. 1380	August 29, 2011.
Reading	Hebrew Date
Same (Tehellim) 139-141	Av 29, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Raitayaloyalo ni Valenisoro. (A Vision Of The Temple)

Thought: Yahweh Pays Attention To Minor Details In Our Everyday Lives

....................... 

Serving For Yom Reeshone, Av 28, 5771

E NA ikaruasagavulu ka lima ni yabaki ni neimami tiko vakabobula, e na itekivu ni yabaki, oya e na ikatini ni siga ni vula, ni oti e tinikava na yabaki mai na gauna a vakacacani kina o Yerusalayimi, e na siga vata sara ga oya e a tarai au kina na liga i Yahuwe (YHWH) 2 Oti qai kauti au mai i na qele vaka Isira'yili, e na raivotu ni Kalou (Mighty One) qai vakatikori au e na dela ni dua na ulunivanua cecere sara, ka ni toka e delana mai keya na raitayaloyalo ni korolevu mai na ceva.3 E a kauti au mai i keya o koya, ka raica, ni tu mai keya e dua na tamata na kena irairai e vaka na irairai ni barasa, e taura tiko e ligana e dua na wa tuwaina kei na dua na gasau ni vakavakarau; e a tucake tu o koya e  matamata. 4 Kaya mai vei au na tamata oya, Luve ni tamata, vakararai tiko e na matamu, vakatudaliga e daligamu ka biuta na nomu vakasama e na veika kece au na vakaraitaka vei iko; baleta o iko o a kau mai i ke me rawa niu vakaraitaka vei iko na veika oqo; ia na veika kece o raica, lai tusanaka vei ira e loma ni matavuvale i Isira'yili.

Isikeli (Yechezk’yl) 40:1-4.

E vakaitamera o Yahuwe (YHWH), e dau vakacerecerei vakalevu e na nona korolevu, na Kalou (Mighty One) ka vaka kina e na nona ulunivanua tabu. 2 E totaka vakaoti na kena cecere, ka idivi e vuravura taucoko, na ulunivanua o Saiyoni e na baba mai na vualiku; na nona korolevu na Tui cecekia.3 O Yahuwe (YHWH) e vakaraitaka na nona qaqa e na nona korolelevu bailalaga ni sasabai. 4 Baleta raica, o ira na tui era a vakarau era qai tosovata kece. 5 Era raica era qai mani qoroqoro; era a qai nuiqawaqawa era dro vaqunaqun laivi 6 Na domobula a tuburi ira vata kei na vutu, me vaka e dua na yalewa bukete sa taratara. 7 E na dua na cagilaba waromisa, na waqa ni Tasisi era kakavorovoro.

8 ¶ Me vaka eda sa rogoca, eda sa raica talega e na korolevu nei Yahuwe ni lewevuqa (YHWH Tzva’ot) na korolevu ni noda Kalou (Mighty One); na Kalou (Mighty One) e na vakataudeitaka  me tawamudu, 9 Keimami vakanuinui e na nomuni yalololoma i Yahuwe (YHWH) mai loma ni nomuni valenisoro.10 Me vaka na yacamuni, kemuni na Kalou (Mighty One), e vaka kina na nomuni vakavinavinakataki me yaco i na iyalayala kei vuravura; na ligamuni imatau e sinai vutuvutu e na nomuni yalododonu. 11 Laiva na ulunivanua o Saiyoni me malaude, laivi ira na luvei Ya’huda yalewa me ra mamarau, baleta na nomuni lewa i Yahuwe (YHWH). 12 Wavokiti Saiyoni, lako vakavolivolita; Wilika na ilevu ni kena veivalecere. 13 Vakadeuca matua na kena kaukaua kei na vavaku ni kena bailalaga, me rawa ni oni na talanoataka vei ira e na dua tale na itabatamata. 14 Baleta na Kalou (Mighty One) oqo e noda Kalou (Mighty One) me tawamudu ka sega ni mudu; e na dauveituberi tiko vei keda me yacova na mate.

Same (Tehellim) 48:1-14

Siga (Day)/Blog	Tikinisiga (Date)
239/Blog No. 1379	August 28, 2011.
Reading	Hebrew Date
Same (Tehellim) 136-138	Av 28, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bula Vata Kei Yahuwe (Dwelling With YHWH)

Thought: The Establishment of Isra'yl Evident, Where Do We Fit In?

................ 

Serving For Shabbat, Av 27, 5771

Ia na noqu dauniveiqaravi o Davide, sa na veiliutaki vakatui vei ira; o ira kece sa na qai duabulu na nodra ivakatawa; era sa na bula muria na noqu lewa dodonu ka talairawarawa i na noqu ivakaro me ra bula muria. 25 Era sa na lai vakaitikotiko i na vanua au a solia vua na noqu dauniveiqaravi o Ya'akove, na vanua era a bau tiko talega kina o ira na tamamuni; era na qai lai tiko kina o ira, bau kina o ira na luvedra kei ira na makubudra me tawamudu: ia na noqu dauniveiqaravi o Davide sa na qai nodra ravouvou me sega ni mudu. 26 Kena ikuri, au na vakaduria e dua na veiyalayalati tawamudu ni sautu vata kei ira; au na vakalewevuqataki ira, ka vakadeitaka na noqu vale tabu e na kedra maliwa me kua sara ga ni mudu. 27 Na vanua ni noqu itikotiko talega sa na mai tiko vata kei ira; io, au sa na nodra Kalou (Mighty One); o ira era na noqu tamata. 28 O ira na kai Veimatanitu tani era na kila ni o au, o Yahuwe (YHWH), au na  vakatabui i Isira'yili, ni sa tiko e na kedra maliwa na noqu vale tabu me sega ni mudu.

Isikeli (Yechezk’yl) 37:24-28.

Au a marau ni tukuni vei au, Laiva meda lako i na vale nei Yahuwe (YHWH). 2 Na yavaqu sa na tucake e loma ni nomu matamata, i Yerushalayimi. 3 O Yerushalayimi e a tara me vaka e dua na korolevu e viribaiti e na bailalaga, 4 Era dau lako cake kina na veimataqali i Yahuwe (YHWH), me ivakadinadina vei Isira’yili, me ra lai soli vakavinavinaka i na yaca i Yahuwe (YHWH). 5 Baleta e keya e tu kina na idabedabe vakatui ni lewa dodonu kei na idabedabe vakatui ni vale i Dawide.

6 ¶ Kidavaki Yerushalayimi e na sautu; era na vakaiyautaki o ira era lomani iko. 7 Na sautu e na tiko e loma ni nomu bai kei na iyau e na loma ni nomu veivale vakatui. 8 E vukudra na taciqu kei na noqu icaba au na kaya oqo, Na vakacegu me tiko e vuniyalomu, 9 E na vuku ni vale i Yahuwe (YHWH) na noda Kalou (Mighty One) au na vakasaqara ga na nomuni vinaka.

Same (Tehellim) 122:1-9

Siga (Day)/Blog	Tikinisiga (Date)
238/Blog No. 1378	August 27, 2011.
Reading	Hebrew Date
Same (Tehellim) 132-135	Av 27, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

E Dua Na Bula Vou (A New Life)

Thought: The Dead In Yahweh Shall Be Resurrected

 ....................

Serving For Yom Ha Shee-shee, Av 26, 5771

Na liga ni (Kalou) e a tauri au, keveti au laivi i tuba, e na yalo i Yahuwe (YHWH) qai lai vakatikori au sobu e na dua na buca, e sinai tu kina na sui, 2 Qai vakavuna vei au meu vakaraica ka wavokita; au qai raica ni vakaitamera na kedra ilevu e na buca, ka dikeva talega ni ra sa mamaca tu vakaoti. 3 Sa qai kaya vei au o koya, Luve ni tamata, e rawa beka vei ira na sui qo me ra bula? Au sauma, I Yahuwe (YHWH) na Kalou (Mighty One) o kemuni ga oni kila. 4 E baci kaya tale vei au, Parofisai e na vukudra ni sui qo, mo kaya vei ira, Kemuni na sui mamaca, rogoca na vosa i Yahuwe (YHWH). 5 Oqo na vosa nei Yahuwe (YHWH) na Kalou (Mighty One) vei ira na sui, Raica, au na vakavuna na icegu me curu tale vei iko, moni bula tale;  6 Au na vakotora na viciko vei kemuni, kauta mai na leweniyago vei kemuni, kovuti kemuni e na kulimuni, ka biuta na icegu e lomamuni, oni na qai bula; oni na qai kila talega ni o au o Yahuwe  (YHWH).

Isikeli (Yechezk’yl) 37:1-6

Na nona veivakalougatataki o Yahuwe (YHWH) e kauta mai na iyau; e na sega ni kune kina na rarawa.

Vakaibalebale (Mishlei) 10:22

Na vale i Isira'yili e vakararavi vei Yahuwe (YHWH): o koya e nodra  dau ni veivuke ka nodra isasabai. 10 Na vale i Aharoni, e vakararavi vei Yahuwe (YHWH): o koya e nodra dau ni veivuke ka nodra isasabai. 11 O kemuni oni rokovi Yahuwe (YHWH), ni vakararavi vei Yahuwe (YHWH): o  koya e nodra dau ni veivuke ka nodra isasabai.12 O Yahuwe (YHWH) e dau kauwaitaki keda, o koya e na vakalougatataki keda: o koya e na vakalougatataka na vale i Isira'yili; ka vakalougatataka na vale i Aharoni.13 O Yahuwe (YHWH) e na vakalougatataki ira era sokalou vua, se ra lelevu se ra lalai. 14 O Yahuwe (YHWH) e na vakalevutaka na kemuni iwiliwili, moni le levu ka le levu, o kemuni kei ira na nomuni lalai. 15 O kemuni na digidigi i Yahuwe (YHWH) o koya e a buli i lomalagi kei vuravura.16 Na lomalagi, io na lomalagi era nei Yahuwe (YHWH):ia na vuravura e  solia vei ira na luve ni tamata. 17 O ira na mate era na sega ni vakavinavinaka rawa vei Yahuwe (YHWH), se o ira era lako sobu i na butobuto. 18 Ia o keda eda na vakavinavinaka vei Yahuwe (YHWH) mai na gauna oqo kauta yani me tawamudu. Vakavinavinaka vei Yahuwe (YHWH).

Same (Tehellim) 115:9-18.

Siga (Day)/Blog	Tikinisiga (Date)
237/Blog No. 1377	August 26, 2011.
Reading	Hebrew Date
Same (Tehellim) 128-131	Av 26, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nuitaka Na Veiqaravi Nei Yahuwe (Have Faith In Yahweh’s Care)

Thought: Yahweh Is Able To Deliver Us: In His Own Way

..................... 

Serving For Yom Khah Mee-shee, Av 25, 5771

Baleta e kaya o Yahuwe (YHWH); Raica, o au, io o au, au na vaqarai ira na noqu sipi, me yacova niu sa kunei ira. 12 Me vaka ni vaqara na nona sipi na ivakatawa, e na siga e taubi kina na uca ka liwa kaukaua na cagi, e na vaka oqori na noqu vaqarai ira na noqu sipi, meu vakasoqoni ira, mai  na veivanua era a sa lai tayana tu kina, e na veisiga rugurugua baleta na o, ka vakacerebuto. 13 Au na kauti ira tani mai na veimatanitu, ka vakasoqoni ira mai na veivanua meu kauti ira mai i na kedra qele; au na qai vakani ira e na veiulunivanua mai Isira'yili, e na bucabuca kei na veivanua tawani e loma ni vanua. 14 Au na vakani ira e na ikanakana vinaka, na veiulunivanua cecere e Isira'yili e na nodra lomanibai: e na vanua ikanakana bulabula era na dau lai kana kina e na dela ni veiulunivanua kei Isira'yili. 15 O au vakataki au, au na vakani i ira na noqu sipi, au qai vakavuna me ra davo sobu, e kaya o Yahuwe (YHWH) na Kalou (Mighty One). 16 Au na vaqarai ira era a yali ka kauti ira lesu mai o ira era a lako sese, vadretitaki ira era mavou ka vakaukauataki ira era tauvimate; au na qai taqomaki ira na bulabula kei ira na kaukaua; au na vakani ira e na lewadodonu.

Isikeli (Yechezk’yl) 34:11-16.

O Yahuwe (YHWH) e noqu ivakatawa; e na sega na ka me na sega vei au. 2 E cakava o koya meu cegu e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e mataqu e na kedra maliwa na kequ meca; oni lumuta na uluqu e na ilumu,  na noqu bilo sa vuabale.  6 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula;  au sa na lai vakaitikotiko voli ga e na vale nei Yahuwe (YHWH) me tawamudu.

Same (Tehellim) 23:1-6

Vakavinavinakataki Yahuwe (YHWH), kemuni na veimatanitu; vakavinavinaka vua kemuni na veimatatamata. 2 Baleta na yalololoma kei na nona yalovinka e vakaitamera vei keda; kei na dina i Yahuwe (YHWH) e na tudei tawamudu. Vakavinavinakataki Yahuwe (YHWH).

Same (Tehellim) 117:1-2.

Siga (Day)/Blog	Tikinisiga (Date)
236/Blog No. 1376	August 25, 2011.
Reading	Hebrew Date
Same (Tehellim) 124-127	Av 25, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cemuri Na Kawa Isireli (Deportation of Isra’yl)

Thought: Look For Yahweh’s Promises In Your Trials

 ..................

Serving For Yom Revee-ee, Av 24, 5771

(Dedicated to our aunt Tepola Tubuna Sovea-Vuetibau, our mum’s younger sister, who passed away this morning just after 4.00 AM at age 82. May she rest in peace.)

Na vosa i Yahuwe (YHWH) a lako mai vei au, ni kaya, 21 Luve ni tamata, biuta dei toka na nomu rai vei Saidoni, mo qai parofisai mo saqati koya,22 Mo kaya, E vakaoqo na ka e  kaya o Yahuwe na Sau (Sovereign YHWH); Raica, au na saqati iko, i Saidoni; au na qai vakalagilagitaki e na kemu maliwa; o ira na tamata era na qai kila ni o au o Yahuwe (YHWH), niu sa vakayacora oti na lewa me baleti koya, ka vakacerecerei e na vukuna. 23  Baleta au na vakauta yani vua na na mate veitauvi kei na dra i na nona gaunaisala; ia o ira na vuetaki era na bale e na kena maliwa mai na seleiwau, era sa tu wavolivloiti koya e veiyasana; era na qai kila ni o au o Yahuwe (YHWH). 24 Sa na qai oti na kau vakavotona e na vale nei Isira'yili se dua na votonikau me vakavurarawa tiko mai na veika e tu vakavolivoliti ira ka vakaloucataki ira; era na qai kila ni o au o Yahuwe na Sau (Sovereign YHWH). 25 A qai kaya vakaoqo o Yahuwe na Kalou (YHWH Mighty One); Niu sa vakasoqoni ira na lewe ni matavuvale i Isira'yili mai na kedra maliwa na tamata era a tayana tu e kedra maliwa, au na qai  vakalagilagitaki mai vei ira e matadra na veimatanitu, oti era na qai lai vakaitikotiko e na vanua au a solia vua na noqu dauniveiqaravi o Ya'akove. 26 Era na lai bula tu kina e na  vakacegu, era na qai tara na veivale ka teavaka na veiloga ni vaini; io, era na qai vakaitikotiko e na yalodei. Ni oti na noqu tauca na lewadodonu vei ira kece era dau vakamavoataki ira mai na veiyasana; era na qai kila ni o au o Yahuwe (YHWH) na nodra Kalou (Mighty One).

Isikeli (Yechezk’yl) 28:24-26.

49 ¶ Nanuma na nomuni vosa vei ira na na nomuni dauniveiqaravi, oni sa vakavuna vei au meu vakanuinui kina.

50 ¶ O ira na qaciqacia era sa vakacacani au vakalevu, ia au sega ga ni vuki tani mai na nomuni Torah.

52 ¶ Au dau nanuma na nomuni lewa mai na gauna makawa, i Yahuwe (YHWH); au sa dau vakacegui kina; era sa yaco me ra ka ni veituberi vei au.

53 ¶ Na domobula sa bikai au, baleti ira na vakasisila era dau vakanadakuya na Torah.

54 ¶ Na nomuni ilesilesi era sa noqu sere e loma ni vale niu vulagi tiko kina.

55 ¶ Au sa dau nanuma tiko na yacamuni, i Yahuwe (YHWH) e na loma ni bogi, kau sa bula muria tiko na nomuni Torah.

56 ¶ Au sa vakacegui tiko baleta niu muria tiko na nomuni ivakavuvuli.

Same (Tehellim) 119:49-56

Siga (Day)/Blog	Tikinisiga (Date)
235/Blog No. 1375	August 24, 2011.
Reading	Hebrew Date
Same (Tehellim) 120-123	Av 24, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kau vakavesu o Ya’akove (Ya’akov Taken Captive)

Thought: Do Not Run Away From Difficulties, Face Them!

 ...................................

Serving For Yom Shlee-shee, Av 23, 5771

Au na qai soli i ira i ligadra na kedra meca kei na ligadra o ira era vaqara tiko mai na nodra bula; i na liga i Ne'vukadanesa na Tui Bavela kei na ligadra o ira na nona dauniveiqaravi; oti oya o Ijipita e na qai rawata tale na nona galala, me vaka e na gauna mai liu, e kaya o Yahuwe (YHWH). 27 Ia kakua ni taqaya i Ya'akove noqu dauniveiqaravi; kakua ni yalolailai i Isira'yili; baleta raica, o au, au na vakabulai iko mai na vanua yawa, kei ira na nomu kawa mai na vanua era tu bobula tu  kina; o Ya'akove e na qai lesu mai, me mai tiko vakacegu ka tiko vinaka; e sega ni dua e na vakamavoataki koya.  28 Kakua ni lomaleqa, i Ya'akove noqu dauniveiqaravi, e kaya o Yahuwe (YHWH); O au, au tiko vata kei iko: au na vakarusai i ira vakadua na veivanua au a cemuri i kemuni kina; ía au na sega ga ni vakarusai kemuni sara vakadua, baleta au na vakadodonutaki iko vakavinaka; kau na sega talega ni tusanaka ni oni tawacala vakaoti.

Jeremaia (Yiremeyahu) 46:26-28.

Lagasere, o iko na luvei Saiyoni goneyalewa; vakarogoya na biukila i Isire'yili; mo marau ka reki e vuniyalomu taucoko, o iko na luvei Yerushalayimi goneyalewa. 15 O Yahuwe (YHWH) sa kauta laivi na lewa baleti iko, e sa kauti ira tani na kemu meca. Kemuni na tui kei Isire'yili, o Yahuwe (YHWH) sa tiko e na kemuni maliwa, oni sa na sega ni raica tale na vunileqa.16 E na siga oya e na tukuna kina vei Yerushalayimi, Kakua ni domobula; ka tukuni vei Saiyoni, Laiva na ligamu me kakua ni malumalumu. 17 O Yahuwe (YHWH) na nomuni Kalou (Mighty One) e na kemuni maliwa e dua na ivakabula vakaitamera; o koya e na vakavuna moni reki e na yalomarau; e na cakava o koya moni mamarau e na vakavinavinaka me vaka e dua na siga ni solevu. 18 Au na kauti ira tani mai vei kemuni o ira era vosa vakacacani kemuni. 19 Raica, e na gauna oya, Au na vakamalumalumutaki ira kece era tiko e na kemuni maliwa; Au na vakabulai koya e sa lewai tu, ka soqoni ira vata mai, o ira era a cemuri vakayawa; Au na qai vakavuna me ra kilai ka vaqoroqori e na veivanua kece era a lai vakamaduataki tu kina. 20 E na gauna oya, Au na kauti kemu-ni lesu mai kina, e na gauna sara ga oya  au na vakasoqoni kemuni vata kina;  baleta au na solia vei kemuni e dua na yaca moni qai vakacaucautaki e na kedra maliwa na tamata kece e vuravura, niu sa kauti kemuni lesu meu vakasuka mai kina na nomuni a kau vakavesu e matadra na kemuni meca, e kaya o Yahuwe (YHWH).

Sefanaia (Tzfanyah) 3:14:20

Siga (Day)/Blog	Tikinisiga (Date)
234/Blog No. 1374	August 23, 2011.
Reading	Hebrew Date
Same (Tehellim) 119:105-176	Av 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.