Ia e a dua tikoga na vosa e vakayagataka tiko o vuravura taucoko, ka dua ga na kena matuavosa. 02 A qai yaco, ni ra lako tiko mai na tamata mai na tokalau e cake, era qai kunea e dua na buca e na vanua o Saina; era sa mani lai tiko mai keya. 03 Era mani veitalanoa vakataki ira era qai kaya, Mai, meda sa buli buloko (bricks) meda qai vakama e na bukawaqa. Qori sa qai tu kina vei ira na buloko me isosomi ni vatu, kei na lase me kena mota. 04 Oti era qai kaya, Laiva meda tara mada e dua na korolevu kei na kena valecere me yaco i lomalagi na delana; Laiva me tou vakarogoya vakataki keda na yacada, meda kakua kina ni da kaburaki i dela i vuravura raraba.
05 ¶ Ia o Jiova (Yahweh) a qai siro mai me raica na korolevu kei na na valecere, era a tara tiko na tamata. 06 A qai kaya o Jiova (Yahweh), Raica, era sa duavata o ira na tamata, ka dua ga na nodra matuavosa; ia qo era sa nakita me ra cakava na ka oqo; sa na sega ni dua na ka me tarovi ira me ra vakayacora na ka era sa nakita me ra cakava: 07 Mai, laiva me tou lako sobu, me tou lai wasewase a nodra vosa, me ra kakua kina ni veikilai vosavosa. 08 Sa qai kaburaki ira mai keya, o Jiova (Yahweh) i na veiyasa i vuravura raraba; qori sa qai tinia na nodra tara na nodra korolevu. 09 Qori era a vakatoka kina me yacana o Pepeli (Babel); baleta mai keya o Jiova (Yahweh) e a wasewasea kina na duivosavosa e vuravura taucoko: mai keya talega e a kaburaki ira kina o Jiova (Yahweh) i na veiyasa i vuravura raraba.
O Jekope a tamai Josefa na wati i Meri (Miriam), na marama a vakasucumi Jisu (Yahshua), e vakatokai na Mesaia.
| Reading for Today (Na Wase Ni iVola Tabu Me Wili Nikua). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 04 | January 4 | Genesis 9-11 | Matthew 4 |
