Na iWali ni Tauvimate (Healing For Sickness)

Thought: When We Align Ourselves With Yahweh, Victory Is Always Assured.

.........................................

Serving For The 28^th February, 2010

Era qai toso mai na ulunivanua o Hori, e na sala vaka i na Wasa Damu, me ra lako wavolita na vanua o Idomi; era a qai lomaocaoca vakalevu na tamata baleta na sala e muria. 05 Era qai vosakudrukudrutaka na Kalou (Yahweh) vata kei Moshe o ira na tamata ni ra kaya, Na cava drau kauti keimami cake kina mai Ijipita me keimami mai mate tu e na veikauloa oqo? E sega tu eke na madrai se na wai; na yago i keimami sa besetaka na madrai (mana kana ca qo. 06 Sa mani tala mai na gata bukawaqa e na kedra maliwa na tamata o Jiova (Yahweh), era qai katilaki ira na tamata; ka vakavuna me ra mate e levu na tamata ni Isireli. 07 Qori era qai lako kina vei Moshe na tamata era qai vakamamasu vua, Keimami a cala dina ga, baleta keimami a vosa vakaviavialevu vei Jiova (Yahweh) vata kei iko talega. Masuti Jiova (Yahweh) me kauta tani mai vei keimami na gata. Sa qai masu e na vukudra na tamata o Moshe. 08 Kaya o Jiova (Yahweh) vei Moshe, Bulia e dua na gata bukawaqa barasa, vauca e na mua ni dua na duru balavu: ia e na qai yaco ke dau na tamata e a katia na gata, o koya e na vakabulai, ke raica na gata barasa. 09 Sa mani bulia e dua na gata barasa o Moshe, qai vauca i na mua ni dua na duru balavu; a qai yaco kina ke katia e dua na tamata e dua na gata, o koya e na vakabulai sara e na gauna ga e raica kina na gata barasa.

Lekutu 21:4-9

Ia me vaka na nona a laveta cake na gata mai lekutu o Mosese, na Luve ni Tamata talega e vinakati me laveti cake vaka kina, 15 me rawa kina vei ira na tamata yadudua era vakabauti Koya, me ra kakua ni rusa, ia me ra rawata ga na bula tawamudu.

Joni 3:14-15

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
59.	February 28	Lekutu 21-22	Marika 7:14-37

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Wai Mai Na Uluvatu (Water from the Rock)

Thought: Our Weaknesses Can Also Appear In Our Strength.

.........................................

Serving for the 27^th February, 2009

Vosa vei Moshe o Jiova (Yahweh), ni kaya; 08 kauta na ititoko, ka vakasoqoni ira na lewe ni isoqosoqo, o iko vata kei Eroni na tuakamu, qai vosa i na uluvatu e matadra; e na qai solia mai na kena wai; o na kauta mai vei ira na wai mai na uluvatu: mo vagunuvi ira na lewe ni isoqosoqo kei ira na nodra bulumakau. 09 Taura na ititoko o Moshe mai na mata i Jiova (Yahweh), me vaka e vakarota vua. 10 Rau qai vakasoqoni ira vata na lewe ni isoqosoqo o Moshe kei Eroni me ra mai tu donuya na uluvatu, sa qai kaya vei ira o koya, Ni rogoca sara qo ni yavu tamata babamatua; mai na uluvatu oqo keirau na vakavurea mai kina na wai me memuni? 11 Sa qai laveta cake na ligana o Moshe, qai samuta vakarua na vatu e na nona ititoko; a qai dave mai kina vakayauyau na wai; era qai gunu mai kina na tamata, kei ira talega na nodra bulumakau. 12 A qai kaya vei Moshe kei Eroni o Jiova (Yahweh), Baleta ni drau sega ni vakabauti au, mo drau dokai au e na matadra na luvei Isireli, drau sa na sega kina ni kauti ira na lewe ni isoqosoqo oqo i na vanua au a solia vei ira. 13 Oqo na wai o Mesota (veileti); baleta era a veileti kei Jiova (Yahweh) eke na luvei Isireli, qai vakatabui koya kina o koya e na kedra maliwa.

Lekutu 20:7-13

Cudru, ia kakua ni valavala ca; laiva me kakua ni dromu na matanisiga e na dela ni nomu cudru; 27 kakua talega ni solia vua na tevoro e dua na galala.

Efeso 4:26-27

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
58.	February 27	Lekutu 18-20	Marika 7:1-13

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tamata era Vosavosa (Murmuring People)

Thoughts: Do You Blame Others, When Something Goes Wrong With Your Life?

.......................................

Serving For The 26^th February, 2010

E na mataka, era a qai vosavosa vei Moshe kei Eroni o ira na lewe ni nodra isoqosoqo na luve i Isireli, ni ra kaya, Drau sa vakamatei ira na tamata i Jiova (Yahweh). 42 Ni ra sa soqoni vata na lewe ni isoqosoqo me ra saqati rau o Moshe kei Eroni, era qai rai vaka i na nodra vale tabu na isoqosoqo: era qai raica, ni sa ubia tu vakadua na o, qai rairai mai na iserau i Jiova (Yahweh). 43 Rau qai toso i na mata ni valetabu o Moshe kei Eroni. 44 A qai vosa o Jiova vei Moshe vata kei Eroni ni kaya, 45 Toso tani mai na kedra maliwa na lewe ni isoqosoqo qo, meu vakarusai ira vakadua e na dua na gauna lekaleka mai oqo. Rau mani lutu vakatoboicu i matadrau. 46 Kaya o Moshe vei Eroni, Taura e dua na miqa, biuta kina e dua na buka waqa mai na icabocabo ni isoro, kolo i loma na ka boi vinaka, qai laveta yani vakatotolo vei ira na lewe ni isoqosoqo, mo cabora e dua na nodra isoro: baleta na leva sa lutu mai vei Jiova (Yahweh), ka sa tekivu me dewa na matelevu e na kedra maliwa na tamata. 47 Taura sara o Eroni me vaka e vakarota o Moshe, qai cici i na kedra maliwa na lewe ni isoqosoqo; ia raica, sa tekivu me dewa na mate levu e na kedra maliwa na tamata; e viri sara i loma na ka boi vinàka, qai cabora e dua na isoro e na kedra maliwa na tamata. 48 Ni sa duri tu e na kedra maliwa na mate kei na bula; sa qai mudu na mate levu. 49 O ira era a mate e na mate levu, era le tinikavanaudolu, vitunadrau, sega ni wili kina o ira era mate e na vuku ni vosa ni veivakacacani nei Kora. 50 A qai lesu vei Moshe o Eroni i na katuba levu ni valetabu; sa qai mudu na mate levu,

Lekutu 16: 41-50

E na yame, eda vakamolimolitaka kina na noda Kalou (Elohim) na Tamada, ia e na yame talega eda rukaka kina na tamata a buli me veiucui kei na Kalou (Yahweh). 10 Mai na gusuda e duabulu, e rogo mai kina na veivakacerecerei kei na veivakacacani. Kemuni na taciqu na ka oqo e sega ni dodonu me yaco.

Jemesa 3:9-10

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
57.	February 26	Lekutu 16-17	Marika 6:33-56

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veitosoyaki e Veikauloa (Wandering in the Wilderness)

Thought: Decide To Say Yes To Yahweh; Never Mind Your Fears.

.......................................

Serving For The 25^th February, 2010

Ia o ira ga na nomuni lalai, oni kaya ni ra na vakasasataki, vata kei ira na luvemuni tagane era se sega ni kila na vinaka kei na ca, era na curuma na vanua, au na kauti ira kina, era na qai kila na vanua oni beca tiko. 32 Ia o kemuni, na yagomuni mate era na bale e na veikauloa oqo. 33 O ira na luvemuni, era na dau ivakatawa ni manumanu e loma ni veikauloa me yabaki vasagavulu; oni na bula rarawa tiko e na vuku ni nomuni saqamua, me yacova ni sa tilomi vakadua na yagomuni mate e loma ni veikauloa oqo. 34 Me vaka na iwiiwili ni siga oni vakadikeva vuni tiko kina na vanua, oya e siga vasagavulu; io me dua na yabaki e na veisiga yadudua, oni na rarawa tiko kina e na vuku ni nomuni ivalavala ca, me yabaki vasagavulu; oni na qai kila kina ni yaco qo baleta na nomuni dau vakavunene e mataqu. 35 O au o Jiova (Yahweh) au kaya oqori, io au na cakava talega vakakina i na isoqosoqo ca oqo, oni soqo vata tu oqo e mataqu; e na vekauloa oqo era na tilomi kina, e keya talega era na mate kina.

36 ¶ Ia o ira na tamata e a talai ira o Moshe me ra lai vakadikeva vuni na vanua; era qai lesu mai me ra mai vakayarayarataki ira na lewe ni isoqosoqo taucoko me ra vakavunene mai vei au, baleta na nodra itukutuku ca me baleta na vanua, 37 O ira na tamata oqori, era mai tabaka na itukutuku ca, era a dui mate e na dua na mate tubu vakasauri e na mata i Jiova (Yahweh). 38 Ia o Josua na luve i Nuni tagane vata kei Kelebi na luve i Jofanaia tagane, vei ira na tamata era a lai raica vuni mai na vanua, rau se bula tiko.39 O Moshe a qai tukuna na itukutuku oqori vei ira luve i Isireli: era qai lomabibi tu kina vakalevu na tamata.

Lekutu 14:31-39.

Qori e kaya kina na Yalo Tabu, “Nikua, kevaka oni via rogoca na Nona vosa, 08 Kakua ni vakayaloqataka na vuniyalomuni de oni vakacudrui Koya, me vaka era a cakava na dau ni vakavunene e na siga ni veitemaki mai loma ni lekutu.

Heberiu 3:7-8

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
56.	February 25	Lekutu 14-15	Marika 6:1-32

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakasuka mai Kenani. (Turning Back from Canaan)

Thought: Do We Draw Back From Yahweh Because Of Unbelief?

...........................................

Serving For The 24^th February, 2010

25 Era qai lesu mai na nodra lai raica vuni na vanua, ni sa oti e vasagavulu na siga.

26 ¶ Era qai lako mai vei Moshe vata kei Eroni, vata kei ira na lewe ni nodra isoqosoqo na luve i Isireli e na veikauloa mai Perana kauta i Rakima; era qai kauta mai na itukutuku vei rau, kei ira talega na lewe ni isoqosoqo kece, ka vakaraitaka vei ira na vuata ni vanua. 27 Era qai vakamacalataka vei Moshe ni ra kaya, Keimami a lako i na vanua o a talai keimami kina; e ka dina ni drodro tu kina na sucu kei na oni; qo na vuana. 28 Ia o ira na tamata era vakaitikotiko kina era kaukaua, na nodra e korolevu viribaiti ka vakavakaitamera: keimami qai raica talega mai keya na luve ni tuwawa. 29 O ira na Amalekaiti era tawana tu na vanua e na ceva; o ira na Haitaiti, kei ira na Jepusaiti kei ira na Amoraiti, era vakaitikotiko e na ulunivanua; kei ira na Kenanaiti era vakaitikotiko e na baravi kei na bati ni Joritani. 30 Oti qai vagaluvi ira na tamata o Keileba e na mata i Moshe, qai kaya, Me da lako cake sara ga qo, meda lai taukena na vanua; baleta e na ka rawarawa sara vei meda rawata. 31 Ia o ira na tamata era a lako vata kei koya, era qai kaya, Eda na sega ni rawai ira na tamata mai keya baleta era kaukaua cake sara vei keda. 32 Era qai kauta cake mai vei ira na luve i Isireli, e dua na itukutuku ca me baleta na vanua era a lai raica vuni mai ni ra kaya, Na vanua keimami a lakova me keimami lai dikeva mai, e vanua e dau tilomi ira na lewena; ia o ira na tamata kece keimami raica mai keya era tamata yagoyagolelevu. 33 E keya keimami raica kina na tuwawa, na luve ni tuwawa, kei na kawa ni tuwawa; o keimami, mai na nodra rai, keimami vaka na vodre, ka keimami vaka talega kina e matadra.

Lekutu 13:25-33,

3:19 Eda raica rawa kina ni ra a sega ga ni curu rawa baleta ni ra sega ni vakabauta. 4:01 Laiva meda rivarivabi tiko, ni sebera ni yaco tiko na yalayala meda curu i na Nona vakacegu, de so e na kemuni maliwa e qai kunea ni sa tarovi na nodra curu i na Nona vakacegu.

Iperiu 3:19-4:

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
55.	February 24	Lekutu 11-13	Marika 5:21-30

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Toso Tiko Na iLakolako. (Continuing The Journey)

Thought: If We Forget Yahweh’s Promise For The Future, We Will Suffer A Lack Of Perspective

.........................................

Serving For The 23^rd February, 2010

E a rogoca na nodra tagi na tamata o Moshe, e na nodra dui veimataqali, na tamata yadudua e na mata ni katuba ni nona valelaca; a qai tubu vakalevu kina na leva i Jiova (Yahweh); ka tubu talega na rarawa nei Moshe.11 Kaya vei Jiova (Yahweh) o Moshe, Noqu Kalou (Elohim), Na cava oni vakavuna tiko kina me rarawa na nomuni dauniveiqaravi? Na cava beka au sega ni kunea tiko kina na yalololoma e matamuni, oni vakotora tiko kina na nodra icolacola bibi na tamata kece oqo vei au? 12 O au beka au a kunekunetaki ira na tamata kece oqo? Se o au beka au a vakatuburi ira kece, moni tukuna kina vei au, Keveti ira tiko e lomaseremu, me vaka e dua na tama e keveta tiko e dua na gone dramidrami, i na vanua oni a bubuluitaka vei ira na tamadra? 13 Evei beka au na kunea kina na lewe ni manumanu, meu solia vei ira kece na tamata oqo? Era sa tagi tiko me ra kudruvaka vei au, e na nodra kaya Solia vei keimami na lewe ni manumanu me keimami kania. 14 Au na sega ni rawa ni colati ira tiko na tamata oqo vakataki au, baleta na icolacola e rui bibi vei au. 15 Kevaka moni cakacaka tiko vata au kei vakaoqo, ia vakamatei au sara ga e na gauna oqo kevaka oni au sa kunea na yalololoma e matamuni; meu kakua ni raica na noqu vakaloloma.

Lekutu 11:10-15

Kemuni na noqu mataveitacini, au sega ni nanuma niu sa yacova na cere; ia e duabulu na ka oqo au kila, au sa guilecava na veika kece sa sivi, au sa tadolova tiko yani na veika era tu e mataqu, 14 kau sa sasaga tiko vakaukaua, meu rawata na cere, meu na qai taura na icovi ni veikacivi cecere ni Kalou (Elohim), e na vuku i Jisu (Yahshua) na Mesaia.

Filipai 3:13-14

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
54.	February 23	Lekutu 8-10	Marika 5:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakarau na Toso. (Getting Ready to Move)

Thought: Relationship With Yahweh Begins With The Law And

With Humiliation

............................

Serving For The 22^nd February, 2010

Kaya vei keimami mai Horeba o Jiova (Yahweh) na noda Kalou (Elohim), Sa dede vinaka na nomuni mai tiko e na ulunivanua oqo: 07 Vuki mo ni sa toso e na nomuni ilakolako, moni laki i na nodra ulunivanua na Amoraiti, kei na veivanua wavolivolita, i na bucabuca lolovira dravuisiga, i na ulunivanua, i na veibuca, i na ceva ki na veibaravi ni wasawasa, i na nodra vanua na Kenanaiti, vata kei Lebanoni, me yaco sara i na uciwai levu, na uciwai o Iuferetisi. 08 Raica, Au sa solia vei kemuni na vanua e ra no qori e matamuni: toso yani lai taukena na vanua a bubuluitaka o Jiova (Yahweh) vei ratou na tamamuni o Avarayama, o Yisake vata kei Ya’akove, me na solia vei iratou kei ira na nodratou kawa mai muri.

09 ¶ Au a kaya vei kemuni e na gauna oya, Au na sega ni colati kemuni tiko o yau ga vakataki au. 10 O Jiova na nomuni Kalou sa vakalevutaka na kemuni iwiliwili; raica, e na siga e daidai, o kemuni oni sa tautauvata kei na kalokalo ni lomalagi na kemuni i wiliwili.11 (Me vakalevutaka tale vakaudolu na kemuni iwiliwili nikua o Jiova (Yahweh), na nodra Kalou (Elohim) na tamamuni, ka vakalougatataki kemuni me vaka a yalataka vei kemuni). 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga? 13 Lesia mai na kemuni maliwa na tamata vuku e tu vei ira na yalomatua, ka kilai levu, e na loma ni nomuni veiyavusa, au na qai lesi i ira me ra nomuni turaga.14 Oni qai sauma moni kaya mai vei au, Na veika oni vakamacalataka tiko, e vinaka vei keimami me keimami cakava.

Na iVakarua 1: 6-14

Sauma o Jisu (Yahshua), ni kaya vua E dina, e dina, na ka Au kaya vei iko, vakavo ke sucu e na wai kei na Yalo e dua na tamata, e na sega ni rawa vua me curu i na matanitu ni Kalou (Elohim). 06 Na ka e vakatubura na yago e yago; ia na ka e vakatubura na Yalo e yalo. 07 Kakua ni kurabui baleta Niu kaya vei iko, ni vinakati vei kemuni kece moni sucu tale. 08 Na cagi e liwa i na vanua cava ga e gadreva, o na rogoca na kena voqa ia o na sega ga ni tukuna rawa se liwa tiko mai vei se liwa tiko i vei. E vaka kina o ira kece era sucu e na Yalo.

Joni 3:5-8

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
53.	Feperueri 22	Lekutu 7	Marika 4: 21-41

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iKarua ni Lakosivia (The Second Passover)

Thought: The Messiah Is The Lamb Of Elohim, Who Takes Away The Sins Of The World.

..............................................

Serving For The 21^st February, 2010

A qai vosa vei Moshe o Jiova (Yahweh) e na veikauloa mai Saineai, e na imatai ni vula, ni ikarua ni yabaki ni oti na nodra biubiu mai na vanua o Ijipita, ni kaya, 02 Laiva ira na luvei Isireli me ra vakananuma na lakosivia e na kena gauna lokuci. 03 E na ikatinikava ni siga ni vula oqo, e na yakavi, moni vakananuma kina e na kena gauna lokuci, e na kena ivalavala kece kei na ivakaro kece,me ra vakananuma kina.04 E a tukuna kina vei ira na luvei Isireli o Moshe, me ra vakananuma na lakosivia. 05 Era qai vakananuma na lakosivia e na ikatinikava ni siga e na kena yakavi, e na loma ni veikauloa mai Saineai: e na kena ivalavala kece a vakarota vei Moshe o Jiova (Yahweh); qori era a vakananuma vaka kina o ira na luvei Isireli.

Lekutu 9:1-5

Baleta na ka ga au ciqoma mai vua na Turaga (Master), qori au cauraka tiko vei kemuni; na noda Turaga o Jisu (Master Yahshua) e na bogi a cakitaki kina; e a taura na madrai; 24 ia ni sa solia oti na vakavinavinaka, a qai dovia ka kaya, Taura, kania; oqo na yagoqu, sa dovi e na vukumuni; cakava oqo Meu dau vakananumi kina. 25 E vaka kina ni oti na ivakayakavi, ni a solia talega na bilo qai kaya, Na bilo qo na veiyalayalati vou e na Noqu dra; cakava qo, e na veigauna kece oni dau gunuva kina, me kequ i vakananumi.

1 Korinica 11:23-25

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
52.	Feperueri 21	Lekutu 5-6	Marika 4:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Gauna ni Veivakatabui. (A Time of Sanctification)

Thought: Yahweh Will Prepare His Children, Before Giving them Responsibilities

.....................................

Serving for the 20^th February, 2010

A qai vosa vei Moshe o Jiova (Yahweh) ni kaya, 02 Vosa vei ira kece na nodra isoqosoqo na luve i Isireli, mo kaya vei ira, Mo ni yalosavasava; baleta o yau o Jiova (Yahweh) na nomuni Kalou (Elohim) au yalosavasava. 03 Na tamata kece e me ra dau vakarokorokotaki tamana kei tinana, ka bula muria na noqu ivakaro; baleta o yau o Jiova (Yahweh) na nomuni Kalou (Elohim). 04 Moni kakua vakadua ni vuki vei ira na matakau se bulia moni sokalou vei ira na kalou (elohim) buli mai na kaukamea waicala; o yau o Jiova (Yahweh) na nomuni Kalou (Elohim). 05 Kevaka moni vakacabora e dua na imadrali ni sautu vei Jiova (Yahweh), moni vakacabora ga na kena e vakadonui. 06 Me na laukana e na siga vata ga e cabo kina vata kei na na mataka; kevaka e mani vo tu e na siga tarava; na ka e vo me yacova na ikatolu ni siga, me na vakamai e na bukawaqa; me kakua vakadua ni laukana. 07 Kevaka e mani laukana e na ikatolu ni siga, qori e vakasisila; e na sega ni vakadonui. 08 O ira kece era kania era na rarawataka na nodra cala, baleta era vakawaletaka na veika e tabu vei Jiova (Yahweh); na tamata oya e na muduki laivi maivei ira na wekana.

Vunau ni iSoro 19:1-8

Oni sega beka ni kila ni o ira era tawadodonu era na sega ni vakaivotavota e na matanitu ni Kalou (Yahweh)? Kakua ni vakacalai; e sega ni dua e dau itovo vakasisila se dau lotutaki mata­kau se dau veidauci se dau lawaki ca, se tagane dauveiyacovi kei na tagane, 10 se dau veivakasaurarataki se dau butako, se daumateni, se dauveileti, se dau­kovekove, e na vaka ivotavota e na matanitu ni Kalou (Yahweh). 11 Eso vei ira na ivakarau ca oqo, a dau kune vakalevu e na so vei kemuni, ia oni sa vakasavasavataki oti, oni sa vakatabui oti, oni sa vakadonui oti talega e na yaca ni Turaga o Jisu (Master Yahshua) na Mesaia e na icegu ni noda Kalou (Elohim).

1 Korinica 6:9-11

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
51	February 20	Lekutu 3-4	Mark 3: 22-35

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Solevu nei Jiova (The Feast of Yahweh)

Thought: Yahweh’s Major Plan Is Exposed In Feasting and Fasting

.................................

Serving For The 19^th February, 2010

Vosa vei Moshe o Jiova (Yahweh), ni kaya, 34 Vosa vei ira na luve i Isireli, mo kaya vei ira, E na kena ikatinikalima ni siga ni ikavitu ni vula, o kemuni moni vakayacora kina na solevu ni vale tabatabanikau vei Jiova, me vitu na siga. 35 Na imatai ni siga, me qaravi kina na sosoqoni tabu e na vukumuni; moni kakua ni cakava kina e dua na mataqali cakacaka e na gauna oya. 36 Me vitu na siga na nomuni vakacabora tiko e tauyadua na isoro kama vei Jiova (Yahweh); na ikawalu ni siga me dua na sosoqoni tabu e na vukumuni; moni cabora kina e dua na isoro e vakamai e na bukawaqa vei Jiova (Yahweh); moni na sosoqoni vata; ia moni kakua ni cakava kina e duabulu na cakacaka. 37 Oqo na veisolevu nei Jiova (Yahweh), moni na kacivaka me yaco kina na sosoqoni tabu, ka me dau vakacabori kina na isorokama e na bukawaqa vei Jiova (Yahweh), na isoro kama, na isolisoli laukana kei na isolisoli gunuvi vata kei na imadrali, e na dui kena gauna lokuci me ra caka kina e veisiga; 38 Oqo me ikuri ni veisiga ni vakacecegu nei Jiova (Yahweh), ka ikuri ni nomuni isolisoli kei na nomuni iloloma, ka ikuri ni nomuni bubului, ka ikuri ni nomuni isolisoli soliwale, oni dau solia vei Jiova (Yahweh). 39 Ia na ikatinikama ni siga e na ikavitu ni vula, ni oni sa kumuna vata na vuata ni vanua, moni qai marautaka na solevu nei Jiova (Yahweh) me vitu na siga; na imatai ni siga e na tabu kina na cakacaka, na ikawalu ni siga e na yaco kina na vakatatabutaki ni vakacegu. 40 Moni na qai betia e na vukumuni e na imatai ni siga, na vua ni veivunikau vivinaka, na moli, na taba ni niuniu, na mutali kei na wilou ni veibati ni uciwai: oti moni qai mamarau e mata i Jiova (Yahweh) na nomuni Kalou (Kalou) me siga vitu, oya me wili kina o kemuni kece sara na tamata e na loma ni vale i Isireli.

Vunau ni iSoro 23:33-40.

Au kila na kena ibalebale ni da dravudravua, kau kila na kena ibalebale ni da vutuniyau; au sa sotava e levu na ka, kau sa vulica e levu na ka, ruarua niu mamau se walo­kai, ruarua talega ni levu na ka e tu vei au se levu na ka au gadreva.

Filipai 4:12

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
50	February 19	Lekutu 1-2	Mark 3:1-21

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).