Thought: Learn To Distinguish Between Good And Evil
Serving
For Yom Revee-ee, Chesvan 26, 5772
Au
sa na vakacakacakataki ira e loma ni
valenisoro, me ra dau cakava na veika kece e gadrevi me caka e loma. 15 Ia o
ira na kohanimi era kawa mai vei Sadoka vata kei ira na Li'vi'imi, era a dau veiqaravi tu e na loma ni noqu loqi ni
veitaqomaki, e na gauna era a lako sese tu kina mai vei au o ira na kawa
Isira'yili, o ira mera toro voleka mai vei au me ra veiqaravi vei au, me ra na
tu talega e mataqu me ra vakacabora na uro kei na dra e kaya o Yahuwe na Sau
(Sovereign YHWH).16 O ira me ra na curu i na noqu loqi ni veitaqomaki, ka toro
voleka mai na noqu teveli, mera qaravi au, ka
vakaitavi e na noqu cakacaka.
17
¶ Ni ra sa curu mai i na matamata ni lomanibai e loma, o ira me ra na vakaisulu
tu mai e na lineni matailalai; me ra kakua ni dara tiko e dua na isulu e cula
mai na vutinisipi, e na gauna era veiqaravi tiko kina e na matamata ni
lomanibai e loma. 18 Kena ikuri, ni ra
sa tiko e na lomanibai e loma, me ra na dara tiko na ivau ni ulu (tuban) lineni
e uludra, ia me ra dara tale tiko ga na isulu e loma lineni e tolodra.
19 Ni ra sa curu ituba i na lomanibai e taudaku vei ira na tamata, me ra na
luvata laivi tu mai na isulu era dau veiqaravi kina e na loqi tabu, oti me ra
qai dara na nodra isulu ga o ira, qo me ra na kakua kina ni dau veitaburaki vei
ira na tamata e na nodra isulu. 20 Ia me ra kakua ni dau tasia na uludra se
vakabiuta me tubu balavu na drau ni uludra; ia me ra dau raica ga me koti na
uludra. 21 O ira talega na kohanimi me ra kakua ni dau gunu waini e na gauna
era curu kina i na lomanibai e loma. 22
Me ra kakua ni vakamautaka e dua na yada, se na yalewa sa veibiu mai; ia me ra
vakamautaka e dua na tabutagane vei ira na kawa Isira'yili, se dua na yada, e a
yada ni dua na kohena. 23 Me ra na vakatavulica vei ira na noqu tamata me ra
kila na duidui ni ka tabu kei na veika e se sega ni vakatabui, ka cakava talega
me ra kila na kedra duidui na veika dukadukali mai na veika savasava. 24 E na
kisi ni veilewai kece, o ira me ra lesi me ra kena daunilewa; ia me ra
vakataulewa ga e na yavu ni noqu lewa; me ra dau maroroya na noqu lawa kei na
noqu ilesilesi me baleta na noqu veisolevu digitaki; ka me ra dau
vakatatabutaka na noqu Siga ni vakacecegu (Shabbat). 25 Me ra kakua ni tiko e na nona somate e dua na
tamata mate, de ra qai vakadukadukalitaki ira vakataki ira; vakavo ga o tamana, o tinana, o luvena
tagane, o luvena yalewa, o tacina, o ganena ke se tabutagane ka se bera vakadua
ni vakawati, de lakolako era na qai
vakadukadukalitaki ira ga kina. 26 Ke dua na kohena e sa
vakadukadukalitaki , o koya me wilika e na vukuna o koya vakataki koya e vitu
na siga, oti sa na qai savasava tale. 27
E na siga e curu tale kina o koya i na loqi ni veitaqomaki, i na
lomanibai e loma, me lai veiqaravi kina e loma ni loqi ni veitaqomaki, o koya
me na cabora taumada na isoro ni nona ivalavala ca, e kaya o Yahuwe na Sau
(Sovereign YHWH).
Na
tamata vutuniyau e vuku e matana ga o koya vakataki koya, ia na tamata
dravudravua yalomatua e na qai vakadodonutaki koya.
HEH
33
¶ Vakatavulici au, i Yahuwe (YHWH) e na iwalewale ni nomuni ivakaro; au na qai
bula muri i ira tiko me yacova na ivakataotioti 34 Solia vei au na kilaka au na
qai bula muria na nomuni Tora; io au na vakamuria tiko e na vuniyaloqu
taucoko; 35 ¶ Cakava meu toso tiko e na
sala ni nomuni veilawa; baleta oqori au na taleitaka vakalevu, 36 Ulia na
vuniyaloqu i na nomuni vosa ka sega i na vei itukuni buli. 37 ¶ Vukica tani na
mataqu meu kakua ni raica na veika
lasulasu; baleta na vei lewa era vinaka. 38 ¶ Vaqaqacotaka na nomuni vosa vua
na nomuni dauniveiqaravi e dau rerevaki kemuni tikoga. 39 ¶ Vagolea tani na
noqu vakacacani; baleta na nomuni vei lewa era vinaka. 40 ¶ Raica, au dau
gadreva na nomuni ivakavuvuli: vakabulabulataki au e na nomuni yalododonu.
VAV
41
¶ Laiva na nomuni yalololoma me lako
talega mai vei au, i Yahuwe (YHWH), oya na nomuni veivakabulai, me vaka na
nomuni vosa. 42 Me qai tiko kina na sala meu veisa vosa kina koya e
vakaucacataki au; baleta niu vakararavi i na nomuni vosa. 43 ¶ Kakua ni laiva
na vosa ni nomuni dina me takali mai gusuqu; baleta sa vakanuinui tiko i na
nomuni lewa. 44 Qori au na bula muria tiko kina na nomuni Tora e veiveigauna me
tawamudu ka sega ni mudu. 45 ¶ Au na toso tiko e na galala baleta ni talei tiko
vei au na nomuni ivakaro. 46 Au na vosa vakadodonu e matadra na tui, kau na
sega ni madua.47 Au na dau vakananuya na nomuni lawa, au na dau taleitaka. 48
Na ligaqu talega e na laveliga e na vuku ni nomuni ivakaro au dau taleitaka; au
na vakananuya na nomuni lawa; au na vakaitikotiko e na nomuni vakabauta.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
327 Blog
No. 1467
|
November
23, 2011.
|
|
Reading
|
Hebrew
Date
|
|
Cheshvan
26, 5772
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
