Thought: Services Done In The Name Of YHWH
Must Never Be Abused
...............
Serving For
Yom Yom Shlishi, Tammuz 20, 5772
MAI NA NEVI’IMI RISHONIMI (FROM THE NEVI’IM RESHONIM)
Oti rau sa qai lesu i Ramaa i na
nona vale, o Yilaikana kei watina o Hena.
Na gonetagame o She'mu'yili, a sa veiqaravi tiko vei Yahuwe (YHWH) e na
mata i Yilai na kohena. 12 Ia o rau na luvetagane i Yilai e rau tamata itovo
lolovira; o rau, rau sega ni kilai Yahuwe (YHWH). 13 Sa dau nodrau i tovo tudei
vaka kohanimi me rau dau taura vakaveitalia na isolisoli lavaki me kedra na
kohanimi, mai vei ira kece era mai vakacabo isoro; rau a bulia e na vukudrau na icula mata i
tolu; e na lako mai na nodra
dauniveiqaravi na kohena, e na gauna e se buebue tiko kina na kuro lewe ni
manumanu, ka kauta tiko mai na icula mata i tolu e ligana; 14 O koya e na qai cokataka i loma ni kuro,
tavuteke, kurolevu, se kuro ni toka wai; ia na lewe ni manumanu kece ga e kauta
cake mai; qori na o rau na kohanimi rau na kauta me kedrau. Qori rau dau cakava
vei ira kece na lewe ni veimataqali era lako yani i Shailo.15 E dau yaco talega
ni se bera ni vakamai na isoro, e na lako mai na nodra dauniveiqaravi na
kohanimi, e na qai mai kaya vei ira na tamata era vakacabo isoro tiko, Solia
mai na lewe ni manumanu me lai tavusaa me kena na kohena, baleta au na sega ni
taura na lewe ni manumanu saqa mai vei iko, (au na taura ga na) kena e se
droka. 16 Ke mani kaya na tamata oya, Me cabo mada ga e liu na isoro edai, oti
mo qai taura na kena ilevu ga o via taura; e na qai kaya o koya, Sega, solia
mai vei au e na gauna qo, ke sega, au na taura vakaukaua. 17 Qori a tubu
vakaitamera kina na nodrau ivalavala ca na cauravou, e na mata i Yahuwe (YHWH);
baleta ni rau dau vakarautaka na itovo viavialevu vei ira na tamata era mai
vakaicabo isoro vei Yahuwe (YHWH). 18 Ia
na gonetagane lailai o She'mu'yili sa
tekivu me cakava na nona itavi e na mata i Yahuwe (YHWH), ka dau tokara toka na
nona efoti lineni. 19 O tinana e dau cula na nona kote lailai, qai dau kauta
vua e na veiyabaki, e na gauna me dau lako cake mai kina kei watina, me mai
cabora na isoro ni nona bubului. 20 O Yilai a qai dau vakalougatataki rau o
Yilaikana kei watina ni kaya, O Yahuwe (YHWH) me na qai solia vei kemudrau e
vica tale na luvemudrau mai vua na yalewa oqo, me isosomi ni luvena sa solia
vaka isolisoli vei Yahuwe (YHWH). Oti rau qai lesu i nodrau vale. 21 O Yahuwe (YHWH) a qai vakalougatataki
Hena, oti qai kunekune o koya ka vakasucuma e tolu na luvena tagane kei na rua
na luvena yalewa. Ia na gonetagane o She'mu'yili, a tubu cake e na mata i
Yahuwe (YHWH).
NA IVAQA NI BULA (FOOD FOR THE SOUL)
Na dravudravua e dau vosa malua;
ia na vutuniyau e dau kaya na veika lelevu. 24 Era tu na icaba era icaba ga; ia
e tiko na icaba e kabi voleka cake sara mai na mataveitacini.
LOMANI YAHUWE NA NOMU KALOU (LOVE YHWH YOUR MIGHTY ONE)
E na vukuna na iliuliu. Na sere
mai na gauna makawa (gittit). E dua na Same i Dawide. 2(1) I Yahuwe (YHWH) na
neimami Sau (Sovereign), e wacava na daumaka vakaoti ni yacamuni e vuravura
raraba! Oni tekia na nomuni lagilagai
mai lomalagi. 3(2) Mai na gusudra na cauravou kei na gone dramidrami, oni
vakadeitaka na kemuni irogorogo e na vukudra o ira na kemuni meca, me rawa ni oni
vakarusai ira na meca kei ira era dau veisausaumitaki ca (avenger).
4(3) ¶ O lomalagi era a raica na
cakacaka ni qaqalo ni ligamuni, na vula kei na kalokalo, o ira oni a lesi i
ira; 5(4) Na cava sara mada na tamata (gogo), oni dau kauwaitaki koya kina vakalevu?
Se na luve ni tamata (buli mai na qele) moni dau vakamareqeti koya tiko kina?
6(5) Baleta ni oni a buli i koya me lolovira sobu mai vei ira na mala’akimi,
oni qai daramaka vua na dokai kei na vakarokoroko. 7(6) Oni a buli i koya me
lewa na cakacaka ni qaqalo ni ligamuni; Oni a biuta talega na veika kece e na
ruku ni yavana, 8(7) Na sipi kece kei na bulumakau, io, na manumanu kila ni
veikauloa; 9(8) Na manumanu vuka ni
macala lala kei na ika ni waitui, era dau qalova na vei gaunisala ni wasaliwa.
10(9) I Yahuwe (YHWH) na neimami Sau (Sovereign) e wacava na daumaka
vakaoti ni yacamuni e vuravura raraba!
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 191 o/o 1651
|
July 10, 2012
|
|
Reading
|
Hebrew Date
|
|
Tammuz 20, 5772
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
