Thought: Hizkiyahu’s Life Extended By
Fifteen Years, After Prayer
.....................
Serving For Yom Chamishi Tevet 7, 5773
MAI NA NEVI’IMI RISHONIMI (FROM THE NEVI’IM
RESHONIM)
E NA veisiga oya, e a
tauvi mate tiko kina o Hizikiyahu me sa mate. A lai sikovi koya o Yesha’yahu na
parofita, na luve i Amozi, qai kaya vua, Vakasavasavataka na veika e na nomu
vale; baleta o iko o sa vakarau mate, o sa na sega tale ni bula. 2 A mani vuki
me vakanamata i lalaga o Hizikiyahu, qai masu vei Yahuwe (YHWH) ni kaya, 3 Au
masuti kemuni i Yahuwe (YHWH), moni nanuma mada na noqu dau bula muria na
nomuni dina, e na yalo savasava, kau dau cakava na veika e donu e matamuni; oti
qai rubica na tagi vakaciriloloma o Hizikiyahu. 4 Ia ni sebera ni yacova na
macawa e lomanibai o Yesha'yahu, sa yaco tale mai vua na vosa i Yahuwe (YHWH)
ni kaya; 5 Lesu tale, lai tukuna vei Hizikiyahu, na nodra tui na noqu tamata,
Oqo na ka e kaya o Yahuwe (YHWH) na Kalou (Mighty One) i Dawide na tamamu, Au
sa rogoca na nomu masu, au sa raica na wainimatamu; Raica au sa na vakabulai
iko; e na ikatolu ni siga o iko mo na lako cake i na vale i Yahuwe (YHWH); 6 Au
sa na vakaikuritaka na nomu veisiga e na tinikalima na yabaki; au sa na vueti
iko kei na koro oqo, mai ligana na tui Ashuru; au na qai sabaya tiko na
korolevu oqo, e na vukuqu ga o au, vata kei na vuku ni noqu dauniveiqaravi o
Davide. 7 Kaya o Yesha'yahu, Laivi ira me ra taura e dua na keke vuanilolo, me
ra qai buluta kina na mata ni bo, o koya e na qai vakabulai. 8 Kaya o Hizikiyahu
vei Yesha'yahu, Na cava na ivakatakilakila ni na vakabulai i au o Yahuwe
(YHWH), kau na lako cake tale kina i na vale i na Yahuwe (YHWH) e na ikatolu ni
siga? 9 Kaya o Yesha'yahu, Oqo na ivakadinadina vei iko maivei Yahuwe (YHWH),
ni na cakava o Yahuwe (YHWH) na veika kece sa kaya oti o koya, na iyaloyalo me
toso e liu e na tini na diqiri, se me toso lesu e na tini na diqiri? 10 Sauma o
Hizikiyahu, E ka rawarawa wale me toso i liu na iyaloyalo e na tini na diqiri,
sega, biuta na iyaloyalo me vuki qai toso lesu e na tini na diqiri. 11 Masu o
Yesha’yahu na parofita vei Yahuwe (YHWH), o koya a qai vakasuka lesu na
iyaloyalo me tini na diqiri, me vaka a laurai votu e na ivakarau ni matanisiga
nei Aka’aza.
NA IVAQA NI BULA (FOOD FOR THE SOUL)
E dua na tamata kanalevu
(gluttonous) e tolu tiko na luvenayalewa daulomani. E tolu tiko na ka e na sega
ni vakacegui rawa; io e va e na sega vakadua ni kaya: Qo sa rauta: 16 O
She’ola; na katonigone yava; na qele e sega ni vakasuasuai e na wai; kei na
bukawaqa, qori era na sega ni kaya, Qori
sa rauta.
LOMANI YAHUWE NA NOMU KALOU (LOVE YHWH YOUR MIGHTY ONE
E na vukuna na iliuliu. E
dua na Same i Dawide. I Yahuwe (YHWH), oni a vakadeuci au, oni sa kilai au. 2
Oni kila na noqu toka sobu kei na noqu tu cake, oni kila na yavu ni noqu
vakasama mai cake. 3 Oni kila na noqu itovo kei na noqu gaunisala, oni kila
vakaoti na noqu ivalavala taucoko. 4 Baleta ke tiko na veivakacalai e yamequ,
raica i Yahuwe (YHWH) oni kila vinaka tu vakaoti. 5 Mai na ivakatekivu i na ivakataotioti, oni
kilai au, i Yahuwe (YHWH) baleta oni a buli i au ka vakotora na ligamuni vei
au. 6 Na kilaka vakaoqori e rui talei vei au; e cecere; au na sega ni tadolova
rawa.
7 ¶ Evei beka au rawa ni dro kina
mai na yalomuni? Se evei beka au rawa ni dro kina meu vuni mai matamuni? 8 Keu
cabe cake i lomalagi, o kemuni oni tiko mai keya; keu siro sobu i She'ola,
raica, o kemuni oni tiko talega mai keya. 9 Kevaka meu laveta na tabaqu me
vakataki ira na ikeli, meu lai vakaitikotiko e na mua yawa duadua ni wasawasa,
10 E keya mada ga na ligamuni e na lai tuberi au, kei na ligamuni imatau e na
vakadeitaki au.11 Kevaka meu kaya, E dina ni butobuto e na ubi i au; ia na bogi
mada ga e na rarama wavolivolita na mataqu. 12 Na butobuto e sega ni butobuto
vei kemuni; na bogi e ramase tu vei kemuni me vaka na siga, na rarama kei na
butobuto e rau tautauvata vei kemuni. 13 O Kemuni oni a bulia na utoqu; oni a
ciqomi au mai na kete i tinaqu. 14 Au na vakavinavinakataki kemuni; baleta na
veika veikurabuitaki oni sa cakava oti, e totoka na we ni nomuni cakacaka; na
veika oqo sa kila vinaka tu na yaloqu. 15 Na veika au taukena era sega ni
vunitaki mai vei kemuni, niu a caka vakavuni ka cakacakataki e ruku ni vuravura
lolovira duadua. 16 Na matamuni e na raica na veika au taukena, ia au sega ni
daumaka vakaoti; e na nomuni ivola, na veika kece oqo era volai tu kina, ni se
bera mai na siga kei na tamata me buli mai.
17 ¶ E vakamareqeti vei au na
nomuni yalololoma vei au, i Yahuwe (YHWH)! E ka vakaitamera na kena iwiliwili.
18 Kevaka meu wilika, na kena vei ira e daumaka vakaoti, e na levu cake na
kedra iwiliwili mai na mataninuku; niu yadra cake, au se tiko ga vata kei
kemuni. 19 E ka dina ni oni na vakamatei ira era dau valavala ca, kemuni na
Kalou (Mighty One); moni lako laivi kina mai vei au, o kemuni oni dau vakadavedra.
20 Baleta era dau vosavakacacataki kemuni era qai kovea vakailowa na nomuni
korolevu. 21 Au cati ira, i Yahuwe (YHWH), o ira era cati kemuni; au sevaki ira
kecekece era veimecaki kei kemuni. 22 Au cati ira e na veicati e dina vakaoti;
au wiliki ira me ra kequ meca. 23 Vakadeuci au, kemuni na Kalou (Mighty One)
moni kila na vuniyaloqu; vakatovolei au, moni kila na noqu itovo. 24 Raica ke
tiko na noqu ivalavala vakasisila, tuberi au i na sala ni bula tawamudu.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 354 o/o 1814
|
December 20, 2012
|
|
Reading
|
Hebrew Date
|
|
M #9: Tevet 7, 5773
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
