Na Kusima Mai Lekutu (Hunger For Flesh In The Wilderness).

Thought: YHWH’s Power Demonstrated Again In The Supply Of Quail

 ..........................

Serving For Yom Sheini Adar 25, 5772

MAI NA TORAA (FROM THE TORAH)

Ia o Moshe ni lai rogoca na nodra tagitagi na tamata e na nodra dui veimataqali, na tamata yadua e na mata ni katuba ni nodra dui vei valelaca; a qai baci vakatubura vakalevu na leva i Yahuwe (YHWH); o Moshe talega a rarawataka vakalevu. 11 Kaya o Moshe vei Yahuwe (YHWH), Noqu Kalou (Mighty One), na cava beka oni vakavuna tiko kina me rarawa na nomuni dauniveiqaravi? Na cava beka au sega tiko kina ni kunea na yalololoma e matamuni, oni vakotora tiko kina na  icolacola bi me baleti ira na tamata kece oqo vei au? 12 O au beka au a kunekunetaki ira na tamata kece oqo? Se o au beka au a vakatuburi ira kece, moni tukuna kina vei au, Keveti ira tiko e lomaseremu, me vaka e dua na tama e keveta tiko e dua na gone dramidrami, i na vanua oni a bubuluitaka vei ira na tamadra? 13 Evei beka au na kunea kina na lewe ni manumanu, meu solia vei ira kece na tamata oqo? Era sa tagi tiko me ra kudruvaka vei au, e na nodra kaya, Solia vei keimami na lewe ni manumanu me keimami kania. 14 Au na sega ni rawa ni colati ira tiko na tamata oqo vakataki au, baleta na icolacola e rui bibi vei au. 15 Kevaka moni cakacaka tiko vata kei au vakaoqo, ia vakamatei au sara ga e na gauna qo, kevaka au sa kunea na yalololoma e matamuni; meu kakua kina ni raica na noqu vakaloloma.

16 ¶ Kaya o Yahuwe (YHWH) vei Moshe, Soqoni ira mai vei au e vitusagavulu vei ira na matua ni Yisira'yili, o ira o kila ni ra turaga bale kei ira era nodra vunivola; kauti ira  mai i na valelaca ni veitavaki, ka vakarautaki ira me ra mai sotavi au. 17 Au na siro yani meu lai vosa vei kemuni e keya; au na vakavuna me tawase mai vei iko eso na yalo e tiko vei iko, au na qai vakavuna me sobuti ira; qori era na qai wasea kina vata kei iko na nodra icolacola na tamata oqo, vata kei iko, mo kakua kina ni colata duadua tiko. 18 Kaya o Moshe vei ira  na tamata, Moni vakasavasavataki kemuni me baleta na siga ni mataka, nimataka  oni sa na kana lewe ni manumanu kina; oni sa tagitagi e na mata i Yahuwe (YHWH) e na nomuni kaya, O cei e na solia vei keimami na lewe nimanumanu me keimami kania? Keimami a tu vinaka tu ga mai Ijipita; qori sa na solia kina vei kemuni na lewe ni manumanu o Yahuwe (YHWH), ia moni na kania sara. 19 Oni na sega ni kana ga e na dua se rua na siga, se tini na siga se ruasagavulu na siga; 20 Qo oni na kania tiko me dua taucoko na vula, me yacova ni sa babasika mai ucumuni, mo ni sa vakasisilataka tale, baleta o kemga keimami biuti Ijipita mai kina? 21 A mani taro o Moshe e na mata i Yahuwe (YHWH), O ira na tamata, au tiko ena kedra maliwa, era le ononadrau na udolu taucoko era taubale tiko qo vata kei au; ia o kemuni oni sa kaya qo, Au na solia vei ira na lewe ni manumanu me ra na kania tiko me dua taucoko na vula. 22 Me ra sa vakamatei taucoko beka na qelenisipi kei na qelenibulumakau me rauti ira? Se me rasa lai qolivi mai na ika taucoko e wasawasa me rauti ira? 23 Kaya o Yahuwe (YHWH) vei Moshe, E vakaevei, na kaukaua beka i Yahuwe e vakaiyalayala? Nikua o na qai raica kina se na yaco dina beka na noqu vosa se sega?

Mai Lekutu (B’midbar) 11:10-23 

NA IVAQA NI BULA (FOOD FOR THE SOUL)

Na tamata vakasisila e na cakava na cakacaka vakalawaki ca: ia o koya e kaburaka na yalododonu sa tiko na nona icovi vinaka. 19 ¶ Na gonetagane e susugi e na yalododonu e na bula balavu; ia o koya vakasaqara na ca, e vakasaqara ga na nona mate o koya vakataki koya.

Vosa Vakaibalebale (Mishlei) 11:18-19 

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Buli e na kena ivalavala vei Ye'dutuni. E dua na Same i Dawide. 2(1) Na noqu bula (soul) e waraki Yahuwe (YHWH), mai vua na noqu vueti e na lako mai. 3(2) O koya duadua ga na noqu Kalou (Mighty One) ka noqu ivakabula; o koya e noqu isasabai vakaitamera, au na sega vakadua ni yavalati. 4(3) E na vakacava na kena dede na nomuni vakarerea tiko e dua na tamata ni oni se bera ni vakamatei koya? O na vaka mai e dua na lalaga sa kasura tiko se na bai sa tu tataivatia.5(4) Baleta o nanuma mo dreti koya sobu mai na nona itutu cecere; o dau taleitaka na lasulasu; o dau veivakalougatataki e na gusumu, ia o qai dau ru ru e vuniyalomu. 5 Na noqu bula e waraki Yahuwe (YHWH) baleta na noqu vueti e lako mai vua. 6 O koya duadua ga na noqu Kalou  (Mighty One) ka noqu ivakabula: o koya e noqu itataqomaki; au na sega ni  yavalati. 7 Vei Yahuwe (YHWH) e kune na noqu bula kei na noqu dokai; O Yahuwe (YHWH) e noqu kaukaua, e noqu isasabai ka noqu inuinui.

8 ¶ Vakanuinui vua e veigauna kece; kemuni na tamata, Ni sovara na vuniyalomuni e matana: o Yahuwe (YHWH) e itataqomaki vei keda kece.  9 E ka dina ni o ira na tamata dauveidabui era vaka na cawa; ni ra biu e na ivakarau, era na kune ni ra sega ni taucoko. 10 Kakua ni vakanuinui i na veivakasaurarataki, kakua ni dokadokataka na butabutako; ni toso cake na iyau, kakua ni laiva na vuniyalomu me marautaka. 11 O Yahuwe (YHWH) sa kaya oti oqo vakadua; au sa rogoca oti vakarua; na lewa e taukena o Yahuwe (YHWH). 12 O kemuni talega, i Yahuwe (YHWH) oni itaukei ni yalololoma; baleta ni oni vakarautaka vei ira na tamata kecekece me veiraurau ga kei na nodra dui cakacaka.

Same (Tehellim) 62:1(0)-13(12) 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 078 o/o 1538	March 19, 2012
Reading	Hebrew Date
Na iVakarua (D’varim) 33-34	Adar 25, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.