Vesu Baleta ni Muri I Yahuwe (Imprisoned For Following YHWH)

Thought: Following Yahweh Is Challenging, First Discard Idols

 .....................

Serving For Shabbat, Tishrei 17, 5772

Qori era a qai rogoci Yiremeyahu kina ni cavuta na vosa, o ira na kohanimi, o  ira na parofita vakailasu kei ira na tamata kecekece e na loma ni vale nei Yahuwe (YHWH). 8 Ia a qai yaco, ni sa tinia o Yiremeyahu na vosa kece a vakarota vua o Yahuwe (YHWH) me mai vakasavuya vei ira na tamata kecekece, era qai vesuki koya o ira na kohanimi, o ira na parofita, o ira na tamata kecekece, era qai kaya, 9 O koya oqo sa na biu me vakamatei, baleta ni mai parofisai tiko e na yaca i Yahuwe (YHWH), me kaya, Na vale qo e na tautauvata kei Shailo, kei na korolevu oqo e na laladidi, ka sa na sega na kena ivakatawa. O ira na tamata kece era a qai soqo vata me ra saqati Yiremeyahu e na loma ni vale i Yahuwe (YHWH). 10 Ni ra sa rogoca na ka oqo o ira na ravouvou ni Ya'huda, era qai lako cake mai na vale ni tui i na vale i Yahuwe (YHWH), era qai lai tiko sobu e na icurucuru ni matamata vou ni vale i Yahuwe (YHWH). 11 Era sa qai vosa o ira na kohanimi, kei na parofita vakailasu vei ira na ravouvou vata kei ira na tamata kece, ni ra kaya, Na tamata qo sa dodonu me totogimate; baleta sa mai parofisai saqata tiko na koro qo, me vaka oni sa rogoca oti e daligamuni. 12 A qai vosa o Yiremeyahu vei ira kece na ravouvou kei ira na tamata kecekece, ni kaya, O Yahuwe (YHWH) e a talai au dina mai, meu mai parofisai saqata na vale qo vata kei na korolevu qo, e na vosa kece oni sa rogoca oti. 13 O koya oya moni veisautaka kina na nomuni itovo e na gauna qo, ka vaka kina na nomuni ivukivuki, moni bulamuria na domo i Yahuwe (YHWH) na nomuni  Kalou (Mighty One); qori ga e na qai tarova kina o Yahuwe (YHWH) na ca sa vakatulewataka oti me baleti kemuni. 14 Ia o au, raica, au sa tu qo e ligamuni; ni cakava sara vei au na ka oni nanuma ni dodonu ka kilikili vei kemuni. 15 Ia moni kila tiko, kevaka oni biuti au meu vakamatei, oni sa na kauta mai vei kemuni moni colata na dra tawacala, ka vaka kina i na korolevu qo, kei ira kece na kena ivakatawa; baleta e ka dina ga ni o Yahuwe (YHWH) a talai au mai vei kemuni, meu mai kaya vei kemuni na vosa kece qo e daligamuni.

Jeremaia (Yirmeyahu) 26:7- 15

Ni o kunea na hani, kania sara na kena ilevu ia me veirauti ga kei iko, de o qai vakasinaiti kina o qai luaraka tale.

Vosa Vakaibalebale (Mishlei) 25:16

Ciqomi keimami tale, kemuni na Kalou (Mighty One) na neimami ivakabula, cakava me tinidole na nomuni cudru me baleti keimami. 5 Kakua ni cudruvi keimami tiko me tawamudu; kakua ni katona tiko na nomuni leva vei ira e na veitabatamata. 6 Ciqomi keimami ka vakabulabulataki keimami, me ra reki tale o ira na nomuni tamata? 7 Vakaraitaka vei keimami na nomuni loloma, i Yahuwe (YHWH), vakadonuya vei keimami na nomuni veivakabulai.

8 ¶ Keimami na rogoca na veika e na kaya o Yahuwe (YHWH) na neimami Kalou (Mighty One); baleta o koya e na cavuta na vosa ni sautu vei ira na nona tamata kei ira na nona digitaki, me ra kakua ni vuki lesu i na vosa lialia. 9 E ka dina ni sa voleka mai vei ira era rerevaki koya na veivakabulai; laiva na nona dokai me tiko e na loma ni noda vanua.10 Na yalololoma kei na dina rau na sota vata, na yalododonu kei na sautu rau na veireguci.11 Na dina e na vure mai vuravura; na yalododonu e na rai sobu mai lomalagi. 12 Io, o Yahuwe (YHWH) e na solia na nona vinaka; na vanua e na vuataka na kena vuata. 13 Na yalododonu e na lako yani i matana o koya; e na tauyavutaka na nona sala e dela ni vuravura.

Same (Tehellim) 85:4-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
287/Blog No. 1428	October 15, 2011.
Reading	Hebrew Date
Isaiah (Yesha’yahu) 56-58	Tishrei 17, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.