Thought: YHWH Is Not Impressed With Adultery And Idolatry In The
World
Serving
For Yom Shaynee, Kishlev 9, 5772
Na vosa nei Yahuwe (YHWH) a yaco
vei Hoshea na luvei Bi'eri, e na gauna nei Uziya kei Yotame kei Akaza kei
Yi'kisikiya, o iratou na tui Ya'huda kei na gauna nei Yerovo'ama na luve i
Yoashi, na tui Isira'yili.
2 ¶ Na itekivu ni
vosa i Yahuwe (YHWH) e a yaco mai vei
Hoshea, e a kaya o Yahuwe (YHWH) vei Hoshea; Lako, lai taura me watimu e dua na
yalewa saqamua, vata kei ira na lalai ni saqamua; baleta na vanua, e na
vakayacora vakasivia na itovo ni saqamua e na nodra vuki laivi maivei Yahuwe (YHWH). 3 A mani lako, qai lai
tauri Qomeri na luvei Divilayimi; o koya a qai kunekune ka vakasucuma vua e dua
na luvena tagane. 4 Kaya vua o Yahuwe (YHWH), Vakatoka me yacana o
Yishi're'eli; baleta, e na dua na gauna lekaleka mai qo, au na sauma kina na
dave ni dra nei Yishi're'eli vei ratou na mataqali nei Yehu; au na qai vakavuna
me tinidole na matanitu ni vale i Isira'yili. 5 Io e na qai yaco dina e na siga
oya niu na musulaka na dakaititi nei Isira'yili e na buca o Yishi're'eli. 6 Oti
qai baci kunekune tale o koya, qai vakasucuma e dua na luvena yalewa. Kaya vua
o Yahuwe (YHWH), Vakatoka me yacana o
Lo-Rukama (sega ni lomani); baleta sa na oti vakadua na noqu yalololoma vei ira
e na vale nei Isira'yili; io, au na vakavuna me na kau laivi vakabobula. 7 Ia
au na yalololoma tikoga vei ira e na vale nei Ya'huda, Au na vakabulai ira e na
liga i Yahuwe (YHWH) na nodra Kalou (Mighty One); era na sega ni vueti e na
dakaititi se na seleiwau se e na ivalu se e na ose se vei ira na dauvodo ose.
8 ¶ E na gauna sa kali oti kina o
Lo-Rukama, a qai baci kunekune tale o koya, qai vakasucuma e dua na
luvenatagane. 9 Kaya vei au o Yahuwe (YHWH), Vakatoka me yacana o Lo-Ami (sega
ni noqu tamata); Baleta o kemuni, oni sega ni Noqu tamata, au na sega ni nomuni
Kalou (Mighty One). 10 Ia na kedra iwiliwili na gonelalai i Isira'yili, e na vaka na mataninuku e waitui;
e na sega ni vakarautaki rawa se wili rawa; oti e na qai yaco e na vanua e a
tukuni kina vei ira, Oni sa sega ni Noqu tamata; e keya e na tukuni tale kina
vei ira, O kemuni, oni luvena tagane na Kalou bula (Living Mighty One). 11
O ira na luvei Ya’huda kei ira na luvei Isira'yili, era na qai sosoqoni vata,
era qai lesia vata e dua na imadamada; era na qai lako cake mai na vanua,
baleta ni vakaitamera na siga nei Yishi're'eli.
Na tamata e vosa veicavilaki
baleta na wekana vakaitikotiko, e viria tiko e dua na lawa me na coko kina na
yavana. 6 ¶ E dua na tamata ca e na coko ga e na nona ivalavala vakasisila; ia
na tamata yalododonu e na lagasere ga ka mamarau. 7 ¶ E dua na tamata
yalododonu e na vakananuya na nodra ituvaki ni dravudravua; ia na tamata ca e
sega na nona kilaka, me kauwai kina. 8 ¶ O ira na tamata dauveivakalialiai era
na vakavuna na kena kama yavu e dua na korolevu e na bukawaqa; ia o ira na
tamata vuku era na vukica laivi na leva cecekia.
Ke a sega mada ni o Yahuwe (YHWH)
e mai tu e na noda yasana, e na rawa beka ni mai kaya vaka oqo o Isira'yili, 2
Ke a sega beka ni totaki keda o Yahuwe (YHWH), ni ra tu cake mai vakaivalu
me ra saqati keda o ira na tamata, 3 Ke ra a tilomi keda bulabula beka, ni tubu
mai na nodra yalokatakatataki keda, 4 Ke ra a lomoci keda beka e loma ni wai,
na uciwai ke drodro vakadua e delada; 5 Ke a lomoci keda vakadua na wai levu.
6 ¶ Me vakacaucautaki o
Yahuwe (YHWH), o koya ka ni a sega ni soli i keda me da vakasasataki e na
batidra. 7 Na noda bula (soul) sa dro rawa, me vaka na manumanu vuka mai
na nodra tudai na daubiri dai; na dai sa kamusu, eda sa vueti. 8 Na noda
ivukevuke e tiko e na yaca i Yahuwe (YHWH) o koya e a buli i lomalagi kei
vuravura.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
339 Blog No. 1433
|
December 5, 2011.
|
|
Reading
|
Hebrew Date
|
|
Kishlev 9, 5772
|
|
|
Click The Bible Text To
Read It In Gateway In Another Language Or Version
|
|
