Thought: What Spirit Do You Have? The Holy Spirit or A Strange Spirit
Serving For The 13th February, 2010
O Eroni a qai laveta cake na ligana vei ira na tamata, qai vakalougatataki ira, oti qai sobu mai ni sa cabora oti na isoro ni valavala ca, na isoro kama, kei na imadrali ni tiko veisaututaki.
23 ¶ O Moshe kei Eroni, rau qai curu ruarua i na nodra valetabu na isoqosoqo, ia ni rau sa curu tani mai, rau qai vakalougatataki ira na tamata: na lagilagi nei Jiova (Yahweh) a qai rairai e na kedra maliwa vei Ira na tamata. 24 A qai caudre mai, e na mata i Jiova (Yahweh) e dua na yame ni bukawaqa ka yameca na isoro kama kei na uro e na dela ni cabocabo ni soro, era qai raica na tamata, era qai cavuta na nodra vakamolimoli, ka lutu sobu me ra cuva tu vakatoboicu.
O Neidaba kei Abaihu, o rau na luve i Eroni, rau qai dui taura na nodrau miqa, biuta e loma na bukawaqa, ka vakatora e loma na sede boi vinaka, rau qai cabora na bukawaqa duatani e na mata i Jiova (Yahweh), ni se sega ni kena gauna, e na dua na kena ivalavala a sega ni vakaroti vei ira. 02 Oti qai lako mai vei mai vei Jiova e dua na bukawaqa, yameci rau, rau mate e na mata i Jiova (Yahweh). 03 Kaya sara vei Eroni ko Moshe, Qo na ka a kaya o Jiova vosataka, ni kaya, Au na vakatabui mai vei ira era toro voleka mai vei au, kau na vakaro korokotaki e matadra kece na tamata. O Eroni a galu tu ga.
Joni, vei ira na isoqosoqo e vitu era tu mai Esia: Na yalololoma me nomuni ka vaka kina na vakacegu maivei Koya (Yahweh) e bula tiko, a dau bula tu, ka sa lako tiko mai; ka vaka kina maivei ira na yalo levitu era toka e na mata ni nona idabedabe vakatui, 05 vata kei Jisu (Yahshua) na Mesaia, na ivakadinadina yalododonu, na isevu ni veivakaturi mai na mate, ka daunivakavulewa vei ira na tui kei vuravura. Vei Koya e lomani keda qai savui keda mai na noda ivalavala ca e na Nona dra o Koya vakataki Koya; 06 ka sa lesi i keda meda tui ka bete Vua na Kalou (Elohim) na Tamana; me Nona tikoga na lagilagi kei na lewa kece sara me tawamudu, Emeni.
