Thought: By Following Gods and Elohim, Yisra’yl Turned Away From YHWH
..................
Serving For Yom Sheini, Iyar 15,
5772
(NB. In Counting
Days Toward Shavu’ot (Gr:Pentecost), Today Is Day 30 out of 50)
MAI NA TORAA (FROM THE TORAH
O
Moshe a qai lako yani qai lai kaya na veivosa kece oqo vei Yisira'yili taucoko.
2 E kaya vei ira, O au, au sa yabaki duanadrauruasagavulu e na siga oqo; Au sa
sega ni rawa ni veicuruyaki i tuba se i
loma; ka sa tukuna oti vei au o Yahuwe (YHWH), O iko o na sega ni kosova na
Yaradani. 3 O Yahuwe (YHWH) na nomuni
Kalou (Mighty One), e na liu vei kemuni, io o koya e na vakarusai ira na vei
matanitu era tu oqo e matamuni; o Ye'hoshua e na liutaki kemuni, me vaka e tukuna mai o Yahuwe (YHWH).
4 O Yahuwe (YHWH) e na cakava vei ira me vaka a cakava vei Sikona kei 'Oqa, na
nodra tui na Emori, kei na nodrau vanua a vakarusa o koya. 5 Ia o Yahuwe (YHWH)
e na soli ira vei kemuni, moni na cakava vei ira me vaka na ivakaro taucoko au
sa vakarota oti vei kemuni. 6 Tu vakaukaua ka yaloqaqa tiko, kakua ni domobula
se sautaninini e matadra; baleta e lako tiko kei kemuni o Yahuwe (YHWH) na
nomuni Kalou (Mighty One) ka na sega ni biuti kemuni se vuki tani mai vei
kemuni. 7 Sa qai kacivi Ye'hoshua o Moshe, qai
kaya vua e matadra na Yisira'yili taucoko, Mo kaukaua ka qaqa; o sa na
lako tiko kei ira na tamata oqo i na vanua a bubului kina o Yahuwe (YHWH) vei
ira nodra qase me solia vei ira, ia o iko mo na cakava vei ira me ra lai
taukena. 8 O Yahuwe (YHWH) ga, e na
liutaki iko, o koya e na tiko vata kei iko, o koya e na sega ni
vakaweleweletaki iko, se vakanadakui iko; kakua sara ni taqaya se yalolailai.
9
¶ O Moshe a vola na ivola ni lawa oqo
(Torah), qai solia vei Ira na kohanimi kei ira na luve i Livai, era dau colata
na kato ni veiyalayalati i Yahuwe (YHWH), vata kei ira talega na matua kecekece
ni Yisira'yili, 10 O Moshe a qai vakaroti ira ni kaya, E na icavacava ni
veiyavitu na yabaki, e na gauna lokuci
me yabaki ni veisereki, donuya na gauna ni Solevu ni Valetabatabanikau
(Sukkot), 11 E na gauna era lako mai kina na
Yisira'yili me ra mai rairai e na mata i Yahuwe (YHWH) na nomuni Kalou
(Mighty One) e na vanua sa digitaka oti
o koya, o kemuni moni na wilika kina na Toraa vei ira kece na
Yisira'yili me ra rogoca. 12 Vakasoqoni ira vata na tamata, na tagane, na
yalewa, na lalai kei ira na vulagi era tu yasa tu e na loma ni nomuni korolevu,
me rawa ni mai rogoca, vulica ka rerevaki Yahuwe (YHWH) na nomuni Kalou (Mighty
One) me ra vakamuria ka vakayacora na vosa ni Toraa; 13 (Me rawa kina) ni ra
rogoca o ira na luvedra era se sega ni kila, me ra rogoca ka vulica me ra
rerevaki Yahuwe (YHWH) na nomuni Kalou (Mighty One), e na gauna kece oni bula
tiko kina e na vanua, oni takosova tiko kina qo na Yaradani, moni lai taukena.
14
¶ O Yahuwe (YHWH), a qai kaya vei Moshe, Raica, sa roro mai na gauna e dodonu
mo sa na mate kina; kacivi Ye'hoshua, mo drau lai vakaraitaki kemudrau e na
valelaca ni veitavaki, meu rawa ni vakatauca vua na nona ilesilesi. Rau mani
lako o Moshe kei Ye'hoshua, rau qai lai vakaraitaki rau e na valelaca ni
veitavaki. 15 A rairai talega o Yahuwe
(YHWH) e na Valetabu e na dua na duru o; na duru o a mai tu e na e na dela ni
katuba ni Valetabu. 16 Kaya o Yahuwe (YHWH) vei Moshe, Raica, o sa na lai moce
vata kei ira na tamamu; o ira na tamata oqo era na cavutu me ra lako sese me ra
muria na veikalou (elohim) tani na lewe ni vanua oqo, era lako tiko kina qo me
ra lai vakaitikotiko e na kedra maliwa; era na vakanadakui au, ka basuka na
noqu veidinadinati au a vakaduria vata kei ira. 17 Na noqu leva e na qai caudre
vei ira e na siga oya, au na qai vakanadakui ira, au na vukica tani na mataqu
mai vei ira, era na qai tilomi ni sa levu na veika ca kei na leqaleqa e sauti
ira; era na qai kaya e na siga oya, E sega beka ni lutuki keda tiko na
veileqaleqa oqo, baleta na noda Kalou (Mighty One) sa sega ni tiko e na keda
maliwa? 18 Au na vuki tani dina mai vei
ira e na siga oya, baleta ga na ilevu ni
ka vakasisila era sa cakava tiko, e na nodra sa lako sese tiko me ra muria na
veikalou (elohim) tani.
NA IVAQA NI BULA (FOOD FOR THE SOUL)
Na
nona lagilagi e dua na tui, e kune votu e na iwiliwili ni tamata era rokovi
koya; ia ke ra le lailai o ira era vakamuria e dua na ravouvou, qori e nona
irusarusa. 29 ¶ O koya e berabera na nona vakacudrui e vakaitamera vua na yalomatua,
ia o koya e dau totolo na nona yalokatakata e vakaitamera na nona lialia.
LOMANI YAHUWE NA NOMU KALOU (LOVE YHWH YOUR MIGHTY ONE)
A
kauti ira tani talega mai ni ra sa katoa tu e na siliva kei na koula; e sega tale ni dua na nona tamata, me
malumalumu e na kedra maliwa na nodra veimataqali. 38 O Ijipita taucoko a marau
ni ra sa biubiu mai; baleta a sa kovuti ira tu na nodra domobulataki ira. 39 E
dedeka na o me vakarurugi ira, kei na bukawaqa me vakararamataki ira e na bogi.
40 Na tamata era a kerekere, qai kauta mai vei ira na toa ni veikau (quail) ka
vakamamautaki ira e na madrai ni lomalagi. 41 Ni voroka na uluvatu o koya, a
qai coka mai kina na wai; e a drodro na wai i na veivanua dravuisiga; 42 Baleta
a nanuma o koya na nona yalayala tabu vei Avarahama na nona dauniveiqaravi. 43
E a kauti ira yani na nona tamata e na reki, kei ira na nona cauravou e na
mamarau; 44 Qai solia vei ira, na kedra qele na veimatanitu; era qai
taukena na nodra cakacaka na tamata me
nodra iwasewase. 45 Me ra na bulamuria na nona ivakaro, ka taqomaka na nona
lawa. Vakamuduo vei Yahuwe (YHWH).
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 127 o/o 1587
|
May 7,
2012
|
|
Reading
|
Hebrew
Date
|
|
Iyar
15, 5772
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
