Rawa Ni Leqa O Isira’yili (Yisra’yl Could Be Destroyed)

Thought: Only YHWH’s Love Is Preserving Yisra’yl and Y’hudah Now

 ..................

Serving For Yom Chamishi, Iyar 18, 5772.

(NB. In Counting Days Toward Shavu’ot (Gr:Pentecost), Today Is Day 33 out of 50)

MAI NA TORAA (FROM THE TORAH

O Yahuwe (YHWH) a qai raica oqori qai cudru, baleta ni ra vakacudrui koya o ira na luvena tagane kei na luvena yalewa. 20 A qai kaya kina o koya, Au na vukica tani na mataqu mai vei ira; raica sara toka na nodra itinitini. O ira qo era saumaki me ra toso vakasukasuka, ka ra kawatamata veilecayaki, e sega ni rawa me ra vakabauti. 21 Era sega ni dina vei au e na nodra (qaravi) ira era sega ni Kalou (Mighty One), ka vakacudrui au e na nona ivalavala tawakilikili (ni qaravi kaloumatakau); qo au na qai vakavuna na nodra  vuvutaki ira  era sega ni noqu tamata; Qo au na vakavuna me ra cudru e na vukuni dua na matanitu sesewa. 22 Baleta e dua na bukawaqa sa caudre e na vuku ni noqu yalokatakata, ka na vakamakama vakadua i na tikina titobu duadua, ka na tilomi vuravura kei na kena tubu, ka vakama yavu na yavu ni vei ulunivanua. 23 Au na binia vei ira na veivakasagai; au na vakayagataka vei ira na noqu gasau (ni dakaititi). 24 Era na vakamalumalumutaki e na viakana, era na tilomi e na veimate ca, era  na musuki sobu e na lauqa waromisa, au na tala vei ira na  manumanu bati lelevu, vakaweli gaga, na manumanu era dau qasi e na maliwa ni kuvunisoso. 25 E tautuba na seleiwau e ravuti ira na gone tagane lalai, na gone yalewa lalai, na gone dramidrami, kei ira na matua ulusikoa, ia e loma e na tubu na domobula.

26 ¶ Au kaya, E vei sara o ira? Au a vakasamata meu bokoca laivi na nodra nanumi mai kedra maliwa na tamata. 27 Au qai vakasamataka ni rawa ni ra na viavialevu o ira na kedra meca, qai cala na nodra vakasama ni ra kaya, O keda ga, na noda kaukaua ga o keda, sega ni kaukaua nei Yahuwe (YHWH) e yaco kina na veika oqo. 28 Baleta o ira na matanitu qo era matanitu dau lecaika, e sega vei ira na yalomatua. 29 Isa ke a tu vei ira na vuku, me ra kilakamasamata na veika oqo, me rawa kina ni ra raitayaloyalotaka rawa na kedra itinitini maimuri. 30 E rawa vakacava vua e dua me cemuria e duanaudolu, se le rua me  cemuria e  tininaudolu me ra dro, vakavo ga kevaka e soli ira i ligadra na kedra meca o Yahuwe (YHWH), oti qai  sogolati ira o Yahuwe (YHWH).  31 Baleta na nodra kaukaua e sega ni tautauvata kei na nona kaukaua na noda Kalou (Mighty One), kevaka mada ga ke ra vakatulewa tiko o ira na keda meca.

Na iVakarua (D’varim) 32:19-31

	Na iVakarua (D’varim) 32:19-31
http://www.biblegateway.com/passage/?search=Deuteronomy%2032:19-3;&version=50;

NA IVAQA NI BULA (FOOD FOR THE SOUL)

Na yalododonu e na vakacerecerea e dua na matanitu; ia na ivalavala ca era rogo ca kina na tamata. 35 ¶ Na veitokoni ni tui e qaraqara vua  na dauniveiqaravi vuku;  e na yalovinaka na tui vua na tamata vuku; ia na vakasisila e na talaci laivi ga mai na nona ivalavala o koya vakataki koya. O koya e dei tiko ni sega na nona ivalavala ca e yalododonu. Na levaleva e vakarusai ira mada ga na tamata vuku.

Vosa Vakaibalebale (Mishlei) 14:34-35

LOMANI YAHUWE NA NOMU KALOU (LOVE YHWH YOUR MIGHTY ONE)

Era a vakacudrui koya talega mai na wai ni veisei, a qai leqa kina o Moshe e na vukudra. 33 Baleta era a vakararawataka na vuniyalona, a qai taucala kina na vosa a rogo mai tebenigusuna.

34 ¶ Era a sega ni vaqeavutaki ira na veimatanitu, me vaka na nona ivakaro o Yahuwe (YHWH) me baleti ira; 35 Ia era a veimaliwai vata kei ira na veimatanitu, ka vulica na nodra cakacaka. 36 Era qai qarava na nodra kalou matakau, qai yaco qori me itatacaqe vei ira. 37 Io, era a cabori ira na luvedra tagane kei na luvedra yalewa vei ira na jimoni, 38 Ka vakadavea na dra tawacala, oya na nodra dra na luvedra tagane kei na luvedra yalewa, era a vakacabora vei ira na kaloumatakau mai Kena’ani; na vanua sa vakadukadukalitaki tu e na dra. 39 Qori era a vakadukadukalitaki kina e na nodra ivalavala, era qai saqamua wavoki e na veika era vakasamataka. 40 Qori a qai tubu kina vei ira na tamata na leva cecekia nei Yahuwe (YHWH), me yaco kina na nona sevaki ira era nona iwasewase vakaitaukei. 41 O koya a qai soli i ira i ligadra na veimatanitu; o ira era sevaki ira era qai mai vakavulewa vei ira. 42 O ira na kedra meca era a vakamalumalumutaki ira, era qai kau me ra lai lewai tu e ruku ni ligadra. 43 A vakavuqa na nona a vueti ira; ia era qai vakacudrui koya e na nodra ivakasala, era qai vakalolovirataki baleta na nodra ivalavala ca. 44 Ia veitalia oqori, e a galeleta ga na nodra vutugu, ka vakatudaliga i na nodra masumasu. 45 E nanuma na nona veiyalayalati ka lomani ira, qai tuberi ira e na vakaitamera ni nona yalololoma. 46 A cakava talega me ra lomani mai vei ira era a colati ira vakabobula. 47 Vakabulai keimami, i Yahuwe na neimami Kalou (Mighty One) vakasoqoni keimami mai na kedra maliwa na veimatanitu, me rawa ni keimami vakamuduo i na yacamuni tabu ka qaqa e na nomuni vakacerecerei. 48 Me vakarokorokotaki o Yahuwe (YHWH) na Kalou (Mighty One) i Yisira'yili me tawamudu ka tawamudu; laivi ira na tamata me ra kaya, Omaini, omaini, Aleluya.

Same (Tehellim) 106:32-48

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 130 o/o 1590	May 10, 2012
Reading	Hebrew Date
M’lakhim Alef (1 Tui) 21-22	Iyar 18, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.