Vakatavulici Ira Na Lailai (Teach the Young)

Thought: Rejoice In The Words and Commands of Yahweh

 ....................................

Serving For Yom Khah Mee-shee, 22^nd Tishrei, 5771

Vosa vei Moshe o Jiova (Yahweh), ni kaya, 34 Vosa vei ira na luve i Isire’yili, mo kaya vei ira, E na ikatinikalima ni siga ni ikavitu ni vula, o kemuni moni na qarava kina na solevu ni vale tabatabanikau vei Jiova (Yahweh), me vitu na siga. 35 Na imatai ni siga, me qaravi kina e dua na soqoni tabu e na vukumuni; moni kakua ni cakava kina e dua na mataqali cakacaka e na gauna oya.  36 Me vitu na siga na nomuni cabora tiko e tauyadua na isoro kama vei Jiova (Yahweh); ia na ikawalu ni siga me dua tale na soqonitabu e na vukumuni; moni na cabora kina e dua na isoro vakamai e na bukawaqa vei Jiova (Yahweh); moni qai sosoqoni vata, ia moni kakua ni cakava kina e duabulu na cakacaka.  37 Oqo na veisolevu nei Jiova (Yahweh), moni na kacivaka me yaco kina na sosoqoni tabu, ka me dau vakacabori kina na isorokama e na bukawaqa vei Jiova (Yahweh), na isoro kama, na isolisoli laukana kei na isolisoli gunuvi vata kei na imadrali, e na kedra dui gauna lokuci me ra dui caka kina e veisiga;

Vunau Ni Soro (Vayikara) 23:33-37

=50;

Meda na kakua ni vunitaka mai vei ira na noda lalai, e na noda vakaraitaka tiko vei ira na itabagone vou, na veivakamuduotaki vei Jiova (Yahweh) kei na nona kaukaua kei na nona veicakacaka vakasakiti e sa cakava oti. 5 Baleta o koya e a tauyavutaka e dua na lewa vei Ya’akove ka virikotora e dua na lawa e Isire’yili, qai vakarota vei ira na noda qase, me ra dau vakatakila vei ira na nodra itabagone vou: 6 me rawa kina vei ira na itabatamata vou me ra na kila tiko, bau kina o ira na lalai, era na sucu tiko mai muri, mera na tubu mai ka vakatavulica talega vei ira na dui luvedra: 7 Me rawa vei ira me ra na dau tekia ga na nodra inuinui vua na Kalou (Mighty One), me ra kakua kina ni guilecava na cakacaka ni Kalou (Mighty One) ka me ra qai bulamuria tiko na nona ivakaro;

Same (Tehelimi) 78:5-7

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
273	September 30
Reading	Hebrew Date
Yesha’yahu 19-21	Tishrei 22

  May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Parofisai Nei Malakai (Mal’akhi’s Prophecy).

Thoughts: Call The Name Of Yahweh To Guarantee Life

 ........................

Serving For Yom Revee-ee, 21^st Tishrei, 5771

Baleta, raica, sa tadu mai na siga e na tubu kina me vaka na lovo katakata na noqu leva; o ira kece era viavialevu kei ira kece era dau caka ca, era na vaka na tabanisila;  na siga sa roro mai era na vakamai kece kina, e kaya o Jiova ni lewe vuqa (Yahweh Tzva’ot), me kakua ni vo tale tiko na wakadra se na tabadra. 02 Ia, o koya e rerevaka na Yacaqu, e na yaco me matanisiga ni yalododonu e dau cadra vata kei na veivakabulai e na tebenigusuna; oni na qai lako yani ka ladelade e na malaude me vaka na luveni bulumakau mai na qele ni manumanu. 03 Oni na butuki ira sobu na tamata ca; baleta era sa na dravusa kece tu e na qeteqete ni yavamuni; e na siga oya au na cakava kina na veika oqo, e kaya o Jiova ni lewe vuqa (Yahweh Tzva’ot).

04 ¶ Nanuma na ivunau nei Moshe na noqu dauniveiqaravi, au a vakarota vua mai ‘Oreva, me baleti Isireli raraba, vata kei na kena lawa kei na lewa. 05 Raica, au na talai Yilaiya na parofita, yani vei kemuni ni sebera ni yaco na siga vakaitamera, vakadomobula nei Jiova (Yahweh). 06 O koya e na qai lai vagolea na vuniyalodra na tama vei ira na gone lalai,  kei na vuniyalodra na gone lalai  vei ira na tama, niu se bera ni lako yani meu lai samuta na vuravura me rusa.

Mala’akahi (Malakai) 4:1-6.

Na matanisiga e na vukici me butobuto kei  na vula me dra, ni sebera ni yaco mai na siga vakaitamera ka vakadomobula i Jiova (Yahweh). 32 E na yaco dina na gauna, ni o koya e kaciva na yaca i Jiova e na vakabulai. Baleta mai na Ulunivanu o Saiyoni, vata e na yaco tiko na vueti; baleta e na ulunivanua o Saioni vata kei Yeroshalayimi e na yaco kina na veivueti, me vaka sa kaya oti o Jiova (Yahweh) vei ira na vo vo era a kacivi mai vei Jiova (Yahweh).

Yoyili (Joeli) 2:31-32

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
272	September 29
Reading	Hebrew Date
Yesha’yahu 16-18	Tishrei 21

 y the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na iOtioti ni Veivakavoutaki (The Last of The Reform)

Thought: Yahweh is Loving and Long Suffering

 ............................

Serving For Yom Shlee-shee, 20^th Tishrei, 5771

Au sa qai kila ni a sega ni soli vei ira na Liviyimi na kedra iwasewase, au qai kila talega ni ra sa dui dro, o ira na Liviyimi, o ira na daunisere, kei ira na liga ni cakacaka i loma ni vanua.  11 Au a qai vunauci ira na iliuliu, niu taroga vei ira, Na cava e biu carukaica tu kina vaka oqo na vale ni Kalou (Mighty One)? Au sa qai vakasoqoni ira vata, kau vakalesui ira tale i na nodra dui itutu.  12 O ira kece na kawa Yahuda, era qai kauta mai na ikatini ni sila, na waini vou kei na waiwai i na lololo ni iyau, 13 Au qai lesi i ira me ra vakatawa e na lololo ni iyau, oya me wili kina o Shelemeya na kohena kei Sadoka na vunivola, ia mai vei ira na Liviyimi o Pedaya; a qai mai tiko vata kei ira o Hanana na luvei Sakuri, na luvei Matanaya; baleta era a wili ni ra yalodina; era a digitaki tale ga e na wirimadigi me ra mai veiliutaki vei ira na  mataveitacini. 14 Nanuml au, kemuni na noqu Kalou (Mighty One), e na vuku ni ka oqo, ni kakua ni bokoca laivi na noqu caka vinaka au dau cakava me baleta na vale ni noqu Kalou (Mighty One), kei na kena vei cakacaka.

Nekemeya 13:10-14

E se sega ni bau vakarautaka vei keda me veiraurau kei na noda caka ca, se sauma vei keda na noda ivalavala ca; 11 Ia me vaka na kena cere mai dela ni vuravura na lomalagi, e vakakina na vakaitamera na nona yalololoma vei keda eda rerevaki koya. 12 Me vaka na kena yawa na vuicake mai na vuaira, qori na kena yawa e kauta vakayawa kina mai vei keda o koya na noda ivalavala ca. 13 Me vaka e dua na tama e dau lomani ira na luvena, o Jiova (Yahweh) talega e na lomani ira era qaravi koya. 14 Baleta e kila o koya na noda a buli, ka nanuma tu o koya ni da kuvu ni soso.

Same (Tehilimi) 103:10-14

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
271	September 28
Reading	Hebrew Date
Yesha’yahu 13-15	Tishrei 20

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Tora E Kamikamica (The Torah is Sweet).

Thought: Toviyah Like Character Can Spoil A Lot Of Things.

................................. 

Serving For Yom Shaynee, 19^th Tishrei, 5771

Ia ni sebera oqori, o Yiliyasivi na kohena a qai lako mai, qai mai tara e keya me nona, e dua na lomanibai levu, 05 e na tikina era a dau biu tu kina na imadrali laukana, na drega ni fereqenisede, kei na vokete era dau tawani tu kina na ikatini ni sila, na waini kei na waiwai e vakaroti me dau soli vei ira na Liviyimi (Levite) kei ira na daunisere, na ivakatawa ni katuba kei na isolisoli me baleti ira na kohanimi. 06 Ia e na gauna a yaco tiko kina na veika oqo, o yau, au a se sega ni tiko mai Yerushalayimi: baleta e na ikatolusagavulu ka rua ni yabaki nei Arataka’shasata na tui Bavela, ni oti toka e vica na siga, au sa qai kerea meu sereki, maivua na tui; 07 Oti au qai lako mai i Yerushalayimi, au qai mai kila na ca a cakava o Yiliyasivi e na vuku i Tovaiya, ni a vakarautaka e dua na loqi e  lomanibai ni vale ni Kalou (Yahweh). 08 Qori a vakararawataki au sara vakalevu; au mani kolokolo laivi na iyaya ni lomanivale nei Tovaiya i gaunisala levu, e taudaku ni lomanibai. 09 Oti au qai vakarota; era qai lai samaka na lomanibai; era qai kauta lesu i keya na iyaya ni vale ni Kalou (Yahweh), na imadrali laukana kei na drega ni fereqisede. 10 ¶ Au sa qai kila ni a sega ni soli vei ira na Liviyimi na kedra iwasewase, au qai kila tale ga ni ra sa dui dro, o ira na Liviyimi, o ira na daunisere, kei ira na liga ni cakacaka, e lomanivanua.

Nekemeya 13:4-9.

Olei au rui domona na nomuni Tora (lawa). E dau we we ni noqu vakanananu e veisiga taucoko. 98 E vakavuna meu vuku cake mai vei ira na kequ meca, baleta niu dau bula muria na nomuni lawa (mitzvot). 99 E solia vei au meu yalomatua cake vei ira na noqu ivakavuvuli; baleta na nomuni dina e iusutu tiko ni noqu vakanananu. 100 Au kila e levu cake na ka mai vei ira na qase, baleta niu bula muria tiko na nomuni ivakaro. 101 Au dau tarova na yavaqu mai na veisala vakasisila kece, me rawa niu bula muria ga na nomuni lewa. 102 Au na sega ni lako vakatikitiki mai na nomuni lewa; baleta ni oni a vakatavulica vei au.103 Olei na kamikamica na nomuni vosa ni tovolei, io, e kamikamica cake sara mai na hani e na lomanigusu 104 Au sa vakananuya vinaka tu na nomuni ivakaro; o koya qori au dau cata kina na nodra ivalavala ni veidabui o ira era itovo vakasisila.

Same 119:97-104.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
270	September 27
Reading	Hebrew Date
Yesha’yahu  10-12	Tishrei 19

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Leqa Ni Talaidredre (The Problem with Disobedience)

Thought: Commit Yourself To Serve Yahweh With Undivided Attention

 ............................

Serving For Yom Reeshone, 18^th Tishrei, 5771

Ia qo, kemuni na neimami Kalou (Mighty One), cecere, kaukaua ka Kalou (Mighty One) savasava, o koya e dau maroroya na veiyalayalati kei na dina; laiva me kakua ni vunitaki mai matamuni na veika dredre sa yaco tiko vei keimami, vei ira na neimami tui, vei ira na neimami ravouvou, vei ira na neimami kohanimi kei ira na neimami parofita, vei ira na tama i keimami, ka vaka kina vei ira na tamata kecekece, me tekivu mai na nona veisiga na nodra tui na kai Asiria, me yacova mai na siga nikua 33 Ia veitalia ga, o kemuni oni dodonu tiko ga e na veika kece sa yaco tiko qo vei keimami; baleta ni donu ga na ka oni a cakava; o keimami ga kemuni a caka ca. 34 E sega ni dua na neimami tui, se ravouvou, se kohanimi, se tama i keimami e bau talairawarawa mada ga i na nomuni lawa se vakatudaliga e daligadra i na nomuni ivakaro kei na nomuni ilesilesi; qori oni rawa kina ni vakadinadinataka na veika baleti ira. 35 Era a besetaka na nomuni matanitu, kei na veivakalougatataki levu oni a solia vei ira, kei na vanua vinaka ka bulabula oni a solia vei ira; era sega ni qaravi kemuni ka sega talega ni saumaki mai na nodra ivalavala ca. 36 Qori keimami se veiqaravi tu ga kina me yacova mai na siga nikua; ia na qele oni a solia vei ira na tama i keimami me keimami dau kania na kena vuata, kei na kena veika vivinaka; raica keimami se bobula tikoga e loma. 37 Na kena vuata era dau mai kauta o ira na tui oni a lesi ira me ra mai lewai keimami baleta na neimami ivalavala ca; qo era sa dau lewa talega na yago i keimami ka lewai ira na neimami bulumakau,  me vakatau ga e na nodra gagadre, ka keimami se bula tu ga qo e na dredre.

Nekemeya 9:32-37.

O Jiova (Yahweh) e vinaka, e dau ni veivuke vakaitamera e na siga ni leqaleqa; ka kilai ira era dau vakanuinui vua.

Neikamu (Neumi) 1:7

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
269	September 26
Reading	Hebrew Date
Yesha’yahu (Isaiah) 7-9	Tishrei 18

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Wiliki Na Lawa. (The Law Is Read)

Thoughts:  Remember Yahweh’s Roles In Your Past.

.................................. 

Serving For Shabbat, 17^th Tishrei, 5771

Era qai soqoni vata vakataki ira o ira na tamata kecekece, me vaka beka ni ra le dua ga na tamata, e gaunisala levu donuya na matamata ni wai; era qai kaya vei Esera na vunivola (Na qasenivuli ni lawa), me kauta mai na ivola ni lawa nei Mosese, e a vakarota o Jiova (Yahweh) vei ira na Isireyili. 02  O Esera na kohena a qai kauta mai na ivola ni lawa e matadra na lewe ni soqosoqo, ruarua vei ira na tagane kei ira na yalewa vata kei ira kece era na vakarorogo era qai kila, e na imatai ni siga ni ikavitu ni vula. 03 A qai wilika na ivola e gaunisala levu  e na mata ni matamata ni wai, mai na mataka me yacova na sigalevu, e matadra na tagane kei na yalewa kei ira era rawa ni vakarorogo; na daligadra na tamata e a vakatudaliga me ra rogoca na ivola ni lawa.  04 A qai tu o Esera na vunivola (na qasnivuli ni lawa) e na vatavata kau, era a tara me na mai duri tu kina ni vosa; ka ratou duri tu e yasana o Matitiya, o Shema, o Hanaya, o Uraiya, o Hilikaya vata kei Ma’aseiya e ligana imatau, ia e na ligana i mawi o Padaya, Misayili, o Malakiya, o Hashuma, o Hasavaya, o Sakaraya vata kei Mesulame. 05 Dolava na ivola ni lawa e matadra na tamata kecekece (baleta ni a tu mai deladra na tamata o koya) ia ni sa dolava, o ira kece na tamata era qai tucake:06 Sa qai vakavinavinakataki Jiova (Yahweh) na Kalou (Mighty One) levu o Esera. Era qai sauma na tamata kece Omaini, Omaini ka laveta cake na ligadra; era tekiduru ka vakarokoroko vei Jiova (Yahweh) ni ra cuvari sobu tu i na qele na uludra.

Nekemeya 8:1-6.

Na ka oqo au dau vakananuma lesu e lomaqu, au vakanuinui tu kina oqo vua na Kalou (Mighty One). 22 E ka dina ni nona yalovinaka o Jiova (Yahweh) e na sega vakadua ni mudu, kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina. 24 O Jiova (Yahweh) e na noqu ivotavota e kaya na yaloqu, qori au na vakanuinui ga kina vua. 25 O Jiova (Yahweh) e vinaka vei ira era waraki koya kei na bula e vakasaqarai koya.

Lele I Yeremeyahu 3:21-22

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
268	September 25
Reading	Hebrew Date
Yeshu’yahu (Isaiah) 4-6	Tishrei 17

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Oti na Veivakavoutaki (Rebuilding Completed)

Thought: Through To The End Only Praise Yahweh

 ................................

Serving For Yom Hah Shee-shee, 16^th Tishrei, 5771

Ia ni sa tara oti na bailalaga, sa duri tu na duru ni isogo ka sa coba oti na kena isogo; ka ra sa lesi oti o ira na dauniveiqaravi kei na ira na Liviyimi (Levite), 02 au qai solia na noqu ivakaro vua na taciqu o Hanani kei Hananaia na kovana  ni vale ni tui vata kei Yerushalayimi: baleta o koya e tamata dodonu ka dau rerevaka na Kalou (Mighty One) ka dau vuli laivi mai na ca.  03 Au qai kaya vei rau, Kakua ni laiva na matamata e Yerushalayimi me dau dola me yacova ni sa cadra vinaka na matanisiga ka cila vinaka sara; ia ni se cila tu ga na matanisiga, laiva me ra sa dau sogota na matamata, ka laiva me lokataki dei; qai lesia na yadra mai vei ira kece na lewe ni korolevu o Yerushalayimi, na tamata kece me ra veivuketaka na yadra, ia me ra yadra tu ga veitaudonui kei na nodra dui vale. 04 Na korolevu e levu ka raba; ia era se le lailai ga na tamata era tiko kina, kei na nodra dui veivale era se bera ni dui tara vakaoti.

Nekemeya 7:1-3.

Vakavinavinakataki Jiova (Yahweh). Vakavinavinakataka na Kalou (Mighty One) e na loma ni nona itikotiko tabu; Vakavinavinakataki koya e na macawa ni nona kaukaua. 02 Vakavinavinakataki koya e na vukuni cakacaka lelevu a cakava: Vakavinavinakataki koya e na daumaka ni nona cecekia. 03 Vakavinavinakataki koya e na voqa ni domo ni biukila: vakavinavinakataki koya e na soliteri kei na api. 04 Vakavinavinakataki koya e na tibereli kei na ivakatagibitu vata kei na rogo kamica ni ivakatagi vakawa ni qiriqiri. 05 Vakavinavinakataki koya e na simibali rogo levu; vakavinavinakataki koya e na lagasere ni lewevuqa. 06  Laiva na veika kece vakaicegu me ra vakavinavinakataki Jiova (Yahweh). Haleluya!

Psalm 150:1-6

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
267	September 24
Reading	Hebrew Date
Yeshayahu (Isaiah) 1-3	Tishrei 16

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Tara Tale na Bailalaga. (Rebuilding the Wall)

Thought: Societal In-fighting Breaks Family Bonds

................................. 

Serving For Yom Khah Mee-shee, 15^th Tishrei, 5771

Ia ni sa rogoca o Sanibalata ni keimami sa tara tiko na bailalaga, e a qai yalorarawa kina ka yalokatakata vakalevu, qai mani vakalialiai ira na kawa Yahuda. 02 A vosa o koya e matadra na wekana kei ira na lewe ni mataivalu ni Shomoroni (Samaria) ni kaya, Na cava mada era cakava tiko na kawa Yahuda? Era sa dokadoka tiko; ia laiva sara me ra vakacaboisoro ka kana e na siga era na laveta kina na veivatu oqo mai na ibinibini benu era a vakamai   03 O Tovaiya na Amoni a duri tu e yasana, qai kaya, Veitalia na veika era tara tiko, au kila kevaka me kabata e dua na fokisi, e na vakasurataka vakadua na nodra bailalaga vatu. 04 Rogoca kemuni na neimami Kalou (Mighty One), keimami sa vakasewasewani; ni vukica lesu na nodra veivakacacani i uludra, ka soli i ira me ra vakasasataki e na vanua ni nodra vakabobulataki: 05 Kakua ni vosota na nodra cakacala, kakua talega ni laiva na nodra ivalavala ca me bokoci laivi mai matamuni: baleta ni ra sa veivakacudrui tiko, ka ra sa saqata tiko na tara lalaga  keimami vakayacora tiko. 06 Ia o keimami, keimami na tara tikoga na bailalaga; o ira na tamata era sa tara tiko; na bailalaga sa oti tu vakaveimama; baleta o ira na tamata era sa nakita sara ga mai vuniyalodra me ra cakacaka.

Nekemeya 4:1-6

Raica, na kena vinaka kei na kena totoka, ni ra mai vakaitikotiko vata e na yalovata na mataveitacini. 02 E tautauvata kei na ilumu vakamareqeti e na ulu kei na kumi oya na kumi i Aharoni, ni sa drodro sobu e domona i na kola ni nona kote; 03 Me vaka na tegu mai Heremoni ni lutu e na ulunivanua mai Saiyoni; baleta e keya e a vakarota kina na nona veivakalougataki o Jiova (Yahweh), oya na bula e tawamudu.

Same 133:1-3

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
266	September 23
Reading	Hebrew Date
Song of Shlomo 6-8	Tishrei 15

Personal Note: The Festival of Sukkot falls on  this day 15^th Tishrei 5771 or Thursday 23^rd September, 2010.  (We kept this day in Nadi)

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Masu Nei Nekemeya (Prayer of Nechemyah)

Thought: Praying To Yahweh Is Important For It Works

 ...................................

Serving For Yom Revee-ee, 14^th Tishrei, 5771

Na vosa nei Nekeme’ya na luve i Hakalaya tagane. A qai yaco e na vula o Kanuna (Kislev), e na ikaruasagavulu ni yabaki ni noqu tiko voli e na valenitui mai Shushani,   02  ni a lako mai vei au o Hanani, e dua vei ira na taciqu, oya o koya kei na so tale na tagane mai Yahuda; au qai tarogi ira me baleti ira na vo vo vei ira era a kauvakavesu mai Yahuda; vata kei na koro o Yerushalayimi.  03 O ira na tamata au a tarogi ira era qai kaya vei au, O ira na tagane era a drobula mai na veivakabobulataki, raica era sa tiko tale qo mai na korolevu, ia  era tiko vakaca ka tiko vakaloloma; na bai lalaga mai Yerushalayimi e a kasura, kei na kena matamata e a kama e na bukawaqa. 04 Niu rogoca na itukutuku qo, au qai dabe sobu, au qai tagi ka vakaloloku tu me vica vata na siga; au qai lolo ka masumasu talega vua na Kalou (Mighty One) ni lomalagi.

05 ¶ Au kaya, Au masuti kemuni, i Jiova na Kalou (Yahweh Mighty One) ni lomalagi, na Kalou (Mighty One) cecere, vakaitamera daudokai, o koya e  maroroya na dina kei na loloma me nodra o ira era lomani koya ka dau vakayacora na nona ivakaro;

Nekemeya 1:5-10

O Jiova e yalololoma ka dauloma soli, e berabera na nona vakacudrui ia vakaitamera ga vua na yalololorna. 09 E sega ni dau veivunauci e veigauna: ka sega talega ni katona voli nona leva me tawa mudu. 10 E se sega ni bau vakarautaka vei keda me veiraurau kei na noda caka ca, se sauma vei keda na noda ivalavala ca; 11 Ia me vaka na kena cere me dela ni vuravura na lomalagi, e vakakina na vakaitamera na yalololoma vei keda eda era rerevaki koya.

Same 103:8-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
265	September 22
Reading	Hebrew Date
Song of Shlomo 4-5	Tishrei 14

Personal Note: The Festival of Sukkot falls on Khah Mee-shee,  the 15^th Tishrei 5771 or Thursday 23^rd September, 2010. 

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.
Books