O Ira Era Keba E Na Vuaira (Those Who Camped In The West).

Thought: Camps Were Arranged, According To The Twelve Tribes, Around The Tabenacle

 .....................

Serving For Yom HaShishi, Adar 15, 5772

MAI NA TORAA (FROM THE TORAH)

E na yasana vaka i na vuaira, e na cecebuya tiko kina na drotini ni nodra keba na mataivalu i Ifira'yimi; e nodra iliuliu o ira na luve i Ifira'yimi o Yilai'shama na luve i 'Amihuda: 19 Na kedra iwiliwili na nona mataivalu e vasagavulu na udolu limanadrau. 20 Era keba taravi koya yani o ira na lewe ni mataqali i Ma'nashe; na nodra iliuliu na luve i Ma'nashe o Qamali'yili na luve i Pa'dazuri:  21 Na iwiliwili ni nodra mataivalu e tolusagavulukarua na udolu ruanadrau. 22 Oti era qai toka tarava yani o ira na  lewe ni mataqali i Biniyamini; na nodra iliuliu na luve i Biniyamini o Avaidana na luve i Qidi'oni: 23 Na kedra iwiliwili na nona mataivalu e tolusagavulukalima na udolu vanadrau.  24 Na kedra iwiliwili taucoko na lewe ni mataivalu kecekece i Ifira'yimi e duanadraukawalu na udolu duanadrau. E na gauna ni tayabe, o ira qo era ikatolu. 25 E na yasana vaka i na vualiku, e na cecebuya tiko kina na drotini ni keba nei Dani; na nodra iliuliu na luve i Dani o 'Aki'eza na luve i 'Amishadai: 26 Na kedra iwiliwili na nona mataivalu e onosagavulukarua na udolu vitunadrau. 27 Era keba taravi ira sara yani o ira na lewe ni mataqali i Asheri; na nodra iliuliu na luve i  Asheri o Paqi'yili na luve i Okirani. 28 Na iwiliwili ni nona mataivalu e vasagavulukadua na udolu limanadrau. 29 Oti era qai taravi ira mai o ira na lewe ni mataqali i Nafitalai; e nodra iliuliu na luve i Nafitalal o Akira na luve i 'Enani; 30 Na iwiliwili ni nona mataivalu e limasagavulukatolu na udolu vanadrau. 31 Na kedra iwiliwili taucoko na lewe ni mataivalu kecekece i Dani e duanadrau limasagavulukavitu na udolu ononadrau. Ni ra sa tayabe, o ira qo era na dau muri taudua vata kei na nodra drotini. 32 Qo na kedra iwiliwili na luve i  Yisira'yili, e na ituvatuva ni nodra dui matavuvale na nodra qase; o ira kece era a wili, e na nodra dui keba vakamataivalu e ononadraukatolu na udolu, limanadrau limasagavulu. 33 Ia o ira na Li'vi'imi kei ira na lewe ni nodra matavuvale na nodra qase, era a sega ni wili vata kei ira na luve i Yisira'yili; me vaka a vakarota o Yahuwe (YHWH) vei Moshe. 34 O ira na luve i Yisira'yili era vakayacora na veika kece a vakarota o Yahuwe (YHWH) vei Moshe; era keba e na ruku ni nodra drotini e na kena ituvatuva, ka ra tayabe tale ga, na tamata yadua, e na kena ituvatuva oqori vakamataqali vata, e na ituvatuva ni nodra matavuvale na nodra qase.

Mai Lekutu (B’midbar) 2:18-34 

NA IVAQA NI BULA (FOOD FOR THE SOUL)

Na ivakarau ni bibi lasulasu e dua vei ira na ka vakasisila vei Yahuwe (YHWH); ia na ivakarau ni bibi dodonu e ka taleitaki vua. 2 ¶ Ni toso mai na viavialevu, e muria mai na madua; ia e tiko kei ira na yalomanoa (meek) na vuku. 3 ¶ Na nodra inuinui na yalododonu e na vakadonui; ia na nodra dokadoka na vakasisila e na vakarusai.

Vosa Vakaibalebale (Mishlei) 11:1-3 

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na vucu ni vuli i Dawide, 2 E na gauna a lai tukuna kina o Do’eqa mai Idomi vei Sha’ula, O Dawide sa yaco e na vale i Akimeleki. 3(1) Na cava mo dokadokataka tiko kina na ca, o iko na tamata qaqa? Na yamemu e navuca ga na veika tawadodonu e veiveisiga me ra sotava o ira era tabucala. 4(2) E vaka na itoro gata e cakacakataka tiko na veivakacalai. 5(3) O domona vakalevu cake na ca mai na vinaka; kei na lasulasu mai na vosa vakadodonu. (Selaa) 6(4) O taleitaki ira era talanoataka na ca kei na gusu e dauveivakaisini. 7(5) O koya oqori e na talaci iko laivi kina na Yahuwe (YHWH) ka na cavuivuvutaki iko mai na nomu itikotiko, mai na nodra vanua na bula. (Selaa)

8(6) ¶ Era qai rai na yalododonu era qai mamarau, era qai vakabauti Yahuwe (YHWH). 9(7) Era na qai kaya, Raica qo na tamata e sega ni dau vakanuinui vei Yahuwe (YHWH); ia e dau vakanuinui ga i na ilevu ni nona iyau ka dau dokadoka baleta na veika e taukena, 10(8) Ia o au, au vaka na vuniolive drokadroka e na vale nei Yahuwe (YHWH); Au sa vakararavi tu vakadua i na yalololoma i Yahuwe (YHWH) me sega ni mudu ka tawamudu. 11(9) Au na vakacaucautaki kemuni me tawamudu, baleta oni sa cakava oti; au na tusanaka na yacamuni e matadra na nomuni digitaki, e na veitabatamata kece sara.

Same (Tehellim) 52:1(0)-11(9) 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
068 Blog No. 1528	March 9, 2012
Reading	Hebrew Date
Na iVakarua (D’varim) 8-10	Adar 15, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.