Na Veivakatavulici (Learning)

Thought: Success, Is Due To Yahweh’s Mercy Not Human Worthiness

 .......................

Serving For Yom Reeshone, Adar-Bet 1, 5771

Na ivakaro kece au vakarota tiko vei kemuni edai, moni dau vakamuria ka cakava me rawa ni tubu na kemuni iwiliwili, moni qai rawa kina ni curu moni lai taukena na vanua a bubuluitaka o Jiova (Yahweh) vei ira na tamamuni.  2 Moni dau nanuma tiko na sala kece  a kauti kemuni kina o Jiova (Yahweh) na nomuni Kalou (Mighty One) e loma ni veikauloa, e na yabaki vasagavulu sa sivi yani oqo, me vakayalomalumutaki kemuni, me vakatovolei kemuni, ka me kila na veika e tiko e vuniyalomuni, se oni na muria na nona ivakaro se sega. 3 E a qai vakayalomalumutaki kemuni, vakararawataki kemuni moni walokai, ka vakani kemuni e na mana, e dua na ka oni sega ni kila ka ra sega talega ni kila o ira na tamamuni; me rawa kina ni oni kilakasamataka ni tamata e na sega ni bula e na madrai duaduaga; ia e na veika kece sara e cavuti mai na gusu i Jiova.  4 Na nomuni isulu a sega ni madra, oni a sega vakadua ni yali na ivava mai yavamuni, e na loma ni vasagavulu na yabaki sa sivi oqo.  5 E dodonu moni kila e lomamuni, ni tautauvata ga na nona vakatavulici luvena e dua na tamata, o Jiova (Yahweh) talega na nomuni Kalou (Mighty One) e na vakatavulici kemuni vaka kina.  6 O koya oya e dodonu kina moni dau vakamuria na ivakaro i Jiova (Yahweh) na nomuni Kalou (Mighty One), moni lako tiko e na nona sala ka moni dau rerevaki koya.  7 Baleta o Jiova (Yahweh) na nomuni Kalou (Mighty One) sa kauti kemuni mai i na dua na vanua vinaka, e dua na vanua e vakauciwai ka vakamata ni wai kei na veivanua titobu e ivurevure ni wai ni veibucabuca kei na veiulunivanua; 8 E dua na vanua ni witi kei na parile, kei na veiveivaini kei na veilolo kei na pomekaraneti; na vanua ni veiolive, na waiwai kei na hani;

Na iVakarua (D’varim) 8:1-8

E ka dina ni nona yalovinaka o Jiova (Yahweh) e na sega ni mudu kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina.

Lele i Jeremaia (Eikhah) 3: 22-23 

Read The Scriptures (Tanakh) in a Year
Siga (Day)/Blog	Tikinisiga (Date)
66/Blog No. 1206	March 7, 211.
Reading	Hebrew Date
Na iVakarua (D’varim) 3-4	Adar Bet 1,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.