Takosovi Na Wasa Sufa (Crossing The Sea of Suf)

Thought: YHWH Is Always In Control, Many Times We Forget

H

 .....................

Serving For Yom Rishon, Sh’vat 12, 5772

MAI NA TORAA (FROM THE TORAH)

O Yahuwe (YHWH) a vakaukauataka na yalo i Fero na tui Ijipita, a qai vakamuri i ira kina na luve i  Isira'yili; ia o ira na luve i Isira'yili era a sa biubiu oti mai e na qaqa. 9 O ira na kai Ijipita, era a muri i ira tiko ga; oya o ira na ose kecekece kei na qiqinivalu kecekece i Fero, o ira na nona daunivodo ose kei na nona mataivalu, era qai toboki ira ni ra keba toka e na ilesu mai Pi-Hakirota, donui Ba'ali-Zo'foni.

10 ¶ Ni sa toro voleka yani o Fero, era qai rai cake na luve i Isira'yili, era qai  raici ira na kai Ijipita ni ra sa tayabe volekati ira tiko yani; a qai tubu na nodra domobula; era qai masumasu vei Yahuwe (YHWH) o ira na luve i Isira'yili. 11 Era kaya vei Moshe, Baleta beka ni sega na ibulubulu mai Ijipita, o kauti keimami tu mai kina, me keimami mai mate e lekutu? Na cava o kitaka kina vaka oqo vei keimami, mo kauti keimami tani kina mai Ijipita?  12 E sega beka ni vosa oqo keimami a kaya vei iko mai Ijipita, ni keimami a kaya, Mo laivi keimami tiko, me keimami qaravi ira tiko ga na kai Ijipita? Baleta a vinaka cake vei keimami me keimami qaravi ira tiko na kai Ijipita, e ca ga ni keimami mai mate tu e lekutu.13 Kaya o Moshe vei ira na tamata, Ni kakua ni rere, ni wawa mada ga, moni raica na veivueti i Yahuwe (YHWH), e na cakava vei kemuni edaidai; baleta o ira na kai Ijipita oni na raici ira edaidai, oni na sega ni raici ira tale me tawa mudu. 14 O Yahuwe (YHWH) e na vala e na vukumuni, o kemuni moni vakacegu ga.

15 ¶ Kaya o Yahuwe (YHWH) vei Moshe, Na cava oni masulaka tiko mai vei au? Tukuna vei na luve i Isira'yili, me ra toso ga i liu. 16 Ia o iko, mo laveta cake ga ka dusia na wasawasa e na nomu ititoko, mo wasea rua, o ira na luve i Isira'yili era na qai takosova na wasawasa e na qele mamaca.17 Dikeva qo, o au, au na vakaukauataka na vuniyalodra na kai Ijipita, era na muri ira tikoga: ia o au, au na qai rawai Fero, vata kei ira na lewe ni nona mataivalu, na nona qiqinivala kei ira na nona tamata daunivodo ose. 18 O ira na kal Ijipita era na qai kila ni o au o Yahuwe (YHWH), e na gauna au sa rawai Fero kina, vata kei na nona mataivalu, na nona qiqinivala kei ira na nona dau ni vodo ose. 19 Na mala'aka ni Kalou (Mighty One) e liutaka tiko na nodra ilakolako na  Isira'yili, a qai toso me lai muri i ira tiko mai; na duru ni o, a toso mai liu me sa lai toka mai dakudra. 20 Qo me sa lai toka mai na kedra maliwa na kai Ijipita kei na nodra keba na Isira'yili; me kakua kina ni rawa vei ira me ra toso veivolekati e na bogi taucoko oya. 21 O Moshe a qai laveta cake na ligana me dusia na waitui; O Yahuwe )YHWH) a qai tarova na waitui e na dua na cagi kaukaua mai na vuaicake, qai vukica na wasawasa e na bogi taucoko oya me qele mamaca, ni sa tawasea na  wai.  22 O ira na luvei i Isira'yili; era qai siro i loma ni waitui mamaca, ia na wai a qai vaka na lalaga e na yasadra imatau kei na yasadra imawi.

Na Lako Yani (Sh’mot) 14:8-22

NA IVAQA NI BULA (FOOD FOR THE SOUL)

Baleta mai na katubaleka ni nona vale, ka vaka kina mai na kena varadalili (balcony) e dau rai yani i tuba. 7 A qai raica o koya e dua na cauravou, e raica e na kedra maliwa na cauravou,  kei ira era sega so ni yalomatua,  8 Ni ra tavali tiko e gaunisala voleka i na tutu ni nona vale, 9 E dromu na siga, sa qai yakavi bogi,  sa qai bogi, butobuto ka loaloa; 10 Ia, raica, ni a curu mai ituba e dua na yalewa, e vakaisulu tu mai e na isulu ni saqamua, me mai sota kei na dua vei ira, e dua na yalewa e dau vakawaicalataka na vuniyalodra na cauravou. 11 O koya e dau talatalaidredre, e dau veivakayarayarataki; na yavana e sega ni tiko dei e nona vale; 12 O koya e na dau veilakoyaki voli ga e tautuba, e dau sikova na veisaqata ni gaunisala, qai wawa tu e na veitutu ni gaunisala. 13 Sa qai toboki koya, reguci koya qai kaya vua, e na matana doudou, 14 E na siga oqo au sa cabora oti kina na madrali ni tiko veilomani, kau sa vakayacora na noqu bubului: 15 O koya oya au lako mai kina meu mai tavaki iko, meu mai vaqarai iko, ia qo au sa kunei iko. 16 Au sa vakarautaka tu na noqu loga e na dela ni ibe ni valagi; kau sa ubiu tu e na lineni matailalai ni Ijipita.  17 Au sa vakaboivinakataka na noqu loga e na dreganimuru, e na alovira kei na sinamoni. 18 Lako mai, laiva me daru mai vakaceguya sara na nodaru dodomo me yacova na mataka; laiva me daru mai veimokomoko e na nodaru gagano. 19 Baleta na watiqutagane e sega ni tiko qo e vale, ka ni se lako vakayawa  tu e na dua na ilakolako o koya: 20 Qori e kauta tu o koya e dua na taga ilavo levu, ka na dede sara e na qai lesu tale mai i vale, ni sa cila levu tale tu na vula. 21 E na vuqa sara na vosa kamikamica e a vakacalai koya kina, e na vosa veicavilaki ni tebenigusuna e a vakasaurarataki koya kina. 22 A qai muri i koya me vaka e dua na gone lailai, ka vaka e dua na bulumakau sa kau tiko me lai vakamatei, me vaka e dua na lialia e kau tiko me lai totogitaki; 23 Se vaka e dua diatagane sa cokai na yatena e na gasau ni dakaititi; se dua na manumanu vuka e vaqunaquna tiko me lai coko e na tudai, ka sega ni kila ni sa kau tiko i na nona mate.

Vosa Vakaibalebale (Mishlei) 7:6-23

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI  Dawide. Kauta mai vei Yahuwe (YHWH) na luve ni sipi tagane; kauta mai vei Yahuwe (YHWH) na vakarokoroko kei na qaqa. 2 Solia vei Yahuwe (YHWH) na vakarokoroko e veiraurau kei na yacana; sokalou vei Yahuwe (YHWH) e na buturara ni nona valenisoro tabu. 3 Na domo i Yahuwe (YHWH) e voqa tiko mai dela ni wai; na Kalou (Mighty One) ni vakarokoroko, e vadugu mai me vaka na kurukuru; o Yahuwe (YHWH) e toka e na veidela ni wai; 4 Na domo i Yahuwe (YHWH) e kaukaua, na domo i Yahuwe (YHWH) e sinai vutuvutu e na lagilagi vakaturaga. 5 Na domo i Yahuwe (YHWH) e musuka na sitari: io, o Yahuwe (YHWH) e musuka na sitari ni Li’vanoni; 6 E cakava tale ga vei ira me ra ladelade vaka na luve ni bulumakau; ia o  Li’vanoni kei Siriyoni, me vaka na luve ni okisi (ox). 7 Na domo i Yahuwe (YHWH) e wasea na yameyame ni bukawaqa. 8 Na domo i Yahuwe (YHWH) e kurea na veivanualiwa; O Yahuwe (YHWH) e kurea na vanua dravuisiga mai Kadesha. 9 Na domo i Yahuwe (YHWH) e vakavuna me ra sautaninini na mekila, e cavuivuvutaka na veikauloa, ia e na loma ni nona valenisoro na veika kece era talanoataka na nona lagilagi.10 O Yahuwe (YHWH) e dabe vakatui tiko e na dela ni waluvu; io, o Yahuwe (YHWH) e dabe vakatui toka me Tui ka sega ni mudu. 11 O Yahuwe (YHWH) e na solia na kaukaua vei ira na nona tamata; o Yahuwe (YHWH) e na vakalougatataki ira na nona tamata e na sautu.

Same (Tehellim) 29:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
036 Blog No. 1496	February 5, 2012.
Reading	Hebrew Date
Na iLakolako (Sh’mot) 37-38	Sh’vat 12, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.