Buli Kalou Matakau (Creating Idols and Graven Images)

Thought: People Who Create and Worship Graven Images Will Be Ashamed!

 ..................

Serving For Shabbat, [Sixth Month] Elul 25, 5773

 MAI NA NEVI’IMI AKARONIMI (FROM THE NEVI’IM ACHRONIM)

Vakarewataka na drotini e na dela ni bailalaga mai Bavela! Vakaukauataki ira na matayadra!  Lesi i ira na kena ivakatawa me ra vakarau! Vakarautaka na kabavanua! Baleta o Yahuwe (YHWH) e a navuca ka sa vakayacora na veika a yalataka ni na cakava vei ira era bula tiko mai Bavela.13 O kemuni oni vakaitikotiko e vanua  e levu kina na wai, e vakaitamera na [nomuni] iyau, na kemuni itinitini sa roro mai, na nomuni gauna moni muduki laivi kina! 14 O Yahuwe ni lewevuqa (YHWH- Tzva'ot) sa bubului oti e na yacana o koya vakataki koya ni kaya, Au na vakasinaiti iko vei ira na tagane e vaka na vodre na kedra iwiliwili; o ira era na qai laiva na kaikaila ni qaqa e delamuni. 15 O koya a bulia na vuravura (earth) e na nona kaukaua, a vakataudeitaki na vuravura (world) e na nona vuku ni a dedeka na lomalagi e na nona kilaka. 16 Ni vakuru mai o koya, na wai mai lomalagi e vadugu, e vakavuna na o me cabe mai na iyalayala kei vuravura, e cakava na yaseyase me lidi ni tau na  uca, qai yauta mai na cagi, mai na loma ni nona lololo. 17 E na ka oqo, e vakadinadinataki kina ni [tamata kece] era dogadoga, era sega ni kila e dua na ka, o ira kece na matai ni koula era na vakamaduataki e na vuku ni nodra kalou matakau! Na ivakatakarakara era bulia e ka ni ga  veivakacalai, e sega ni dua na icegu [ni bula] e kune vei ira, 18 Era sega ni dua na ka, era ka vakalialia; ni yaco mai na siga ni nodra totogitaki, o ira era na rusa.

Yiremeyahu (Jeremaia) 51:12-18

NA IVAQA NI BULA (FOOD FOR THE SOUL)

Na tamata vucesa e kaya, E dua na laione e tiko e tuba! Au na vakamatei keu lako ituba meu lako i gaunisala.

Mishlei (Vosa Vakaibalebale) 22:13

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Na nodra vucu ni veivakatavulici (maskil) na kawa i Kora'aka; 2(1) Me vaka ni guta na mekila [me gunu] mai na waidrodro, i Yahuwe (YHWH) o au talega au guti kemuni. 3(2) O au, au via gunu maivei kemuni na Kalou bula (living Mighty One)! E na gauna cava beka au rawa ni lako yani kina, meu basika e na mata ni Kalou (Mighty One). 4(3) Na wainimata e kequ kakana e veisiga kei na veibogi; ia e na loma ni siga taucoko, era tarogi au tiko na tamata, Evei na nomu Kalou (Mighty One)? 5(4) Niu nanuma mai, e na gauna e tubu kina e lomaqu na noqu vakasama, niu  a dau lako vata kei ira na lewe vuqa i na vale ni Kalou (Mighty One), e na domo ni reki kei na vakamuduo, mai vei ira na le vuqa era vakananuma tiko na solevu. 6(5) Noqu bula, na cava na vuna o rui loma leqaleqa tiko kina? Na cava o vutugu tiko kina mai lomaqu? Vakanuinui [ga] vua na Kalou (Mighty One), baleta o au, au na vakamuduo vua e na vuku ni veivueti e lako mai vua [ni tiko o koya].

7(6) ¶ Noqu Kalou (Mighty One) niu dau loma leqaleqa vakalevu, au dau nanumi kemuni ga mai na vanua na Yaradani, mai na ulunivanua o Heremoni, ka vakakina mai na delana o Mizari. 8(7) Na titobu e kaciva tiko na titobu, e na vakadomobula na kena rogo bi na nomuni baranisavu, na nomuni waidrodro voravora (surging rapids), kei na nomuni vei biau era sa tubu tiko me ra lomoci au. 9(8) E na loma ni siga, o Yahuwe (YHWH) e na vakarota na nona yalololoma, e na bogi na nona sere e na tiko vata kei au, me vaka e dua na masu vua na Kalou (Mighty One) ni noqu bula. 10(9) Au na kaya vei Yahuwe (YHWH) na noqu uluvatu, Na cava oni sa guilecavi au kina? Na cava meu vakaloloku wavoki voli kina, e na nodra veivakasaurarataki na kequ meca? 11(10) Na nodra veivakalialiai o ira era kequ meca, e vaka sara ga vei au, ni ra qaqia tiko na suiqu, oya e na nodra vakataroga tiko vei au, Evei sara na nomu Kalou (Mighty One)? 12(11) I noqu bula, na cava o sa rui yalolailai tiko kina? Na cava na vuna o vutugu tiko kina mai lomaqu?  Vakanuinui ga vei Yahuwe (YHWH); baleta o au, au na vakamuduo talega [vua], baleta ni o koya e noqu ivakabula ka noqu Kalou (Mighty One).

Tehillim (Same) 42:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.343 in 5773 (Total 2068)	August 31, 2013
Reading	Hebrew Date
Yirmeyahu (Jeremiah) 45-46	M #6: Elul 25, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bavela: Na Bilo Koula (Bavel: The Golden Cup!)

Thought: The Golden Cup, In A Turn Of Events Was Destroyed Utterly!

..................... 

Serving For Yom HaShishi, [Sixth Month] Elul 24, 5773

 MAI NA NEVI’IMI AKARONIMI (FROM THE NEVI’IM ACHRONIM)

O Yahuwe (YHWH) e kaya oqo, Meu saqati Bavela kei ira era vakaitikotiko mai Levi-Kamai, au na vakauqeta [me liwa] e dua na cagilaba e veivakarusai. 2 Meu saqati Bavela, au na talai ira yani na kaitani (zarim), me ra lai taviraki (zeruha) koya, me ra qai biuta tu na nodra vanua me laladidi. Era na tuvaivalutaka vakavolivoliti koya e na siga ni leqaleqa. 3 Laivi ira na daunivana dakaititi me  ra loveca na nona dakaititi, laivi koya me dokadokataka na nona itataqomaki ni saresare; kakua ni vakavotaki ira na nona cauravou; vakarusai ira vakadua na nona mataivalu taucoko. 4 E na nodra vanua na Kasidimi, o ira na vuetaki era na bale, oya o ira era lausua basikati [e na seleiwau] e na kena veisaqata. 5 O Yisira'yili kei Ye'huda era sega ni biu tani mai vua na nodra Kalou (Mighty One) o Yahuwe ni lewevuqa (YHWH-Tzva'ot); ia na nodra vanua [na Kasidimi] e sinai vutuvutu e na nodra cala e na mata i  Koya na Yalosavasava Ledua i Yisira'yili. 6 Dro laivi mai Bavela, laiva na tamata yadua me vueta na nona bula [o koya vakataki koya]! Kakua ni vakarusai baleta na nona cala. Baleta na gauna sa tu oqo, me yaco kina na veisausaumi i Yahuwe (YHWH); o koya e na sausaumi lesu vua, me veirauti vinaka kei koya. 7 O Bavela e a dua na bilo koula e na liga i Yahuwe (YHWH); a qai vakavuna me mateni o vuravura raraba, o ira na veimatanitu era a gunuva na mena waini; qori na vuna era a vakayalia kina na nodra vakasama na veimatanitu. 8 O Bavela sa bale vakasauri. O koya e sa kamusu; qolouvaki koya. Kauta mai na wainimate (balm) me iwali ni nona mavoa; de dua e na rawa ni vakabulai kina. 9 Keimami a segata me vakabulai o Bavela, ia o koya e sa sega ni bula rawa. O koya me sa biu tu ga kina o koya, ia o keda yadua me da dui lesu tale i na noda dui vanua. Baleta na nona vakatulewataki sa yaco i lomalagi (skies), ka yaco sara yani na i o (clouds). 10 O Yahuwe (YHWH) sa kauta mai na noda qaqa. Lako mai meda lai tusanaki i Zaiyoni na veicakacaka i Yahuwe (YHWH) na noda Kalou (Mighty One)! 11 Vagata na gasau [ni dakaititi]!  Vakalewena na bolanigasau! O Yahuwe (YHWH) sa vakauqeta cake na yalona na nodra tui na Midi, baleta o koya e sa nakita me vakarusai Bavela. Oqori na veisausaumi i Yahuwe (YHWH), na nona veisausaumi e na vuku ni nona valetabu.

Yiremeyahu (Jeremaia) 51:1-11

NA IVAQA NI BULA (FOOD FOR THE SOUL)

Kolotaka laivi na dau veibeci, na veiba talega e na kolotaki laivi; na veileti kei na veivakacacana talega e na tinidole. 11 ¶ O  koya e dau lomani ira na  yalosavasava ka dau yalololoma na itautau ni nona vosa mai gusuna, e na yaco me nona icaba na tui. 12 ¶ Na mata i Yahuwe (YHWH) e dau taqomaka [na tamata e levu] na nona  kilaka; ia e na vukica vakaitoboicu na nona inaki e dua e dau veivakaisini;

Mishlei (Vosa Vakaibalebale) 22:10-12

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide. 2(1) E wacava na nodra kalougata o ira  era dau lomani ira era dravudravua! Ni yaco mai na [gauna ni] leqa lelevu, o Yahuwe (YHWH) e na vueti ira. 3(2) O Yahuwe (YHWH) e na taqomaki ira, e na vakabulai ira tiko, ka cakava me ra marau tiko e loma ni vanua. Oni na sega ni soli i ira laivi i na nodra lewa na kedra meca. 4(3) O Yahuwe (YHWH) e na tabei ira tiko e na nodra loga ni tauvimate; e na gauna era koto sobu kina ni ra tauvimate, o koya e na cakava me ra bula [tale mai na kedra mate]. 5(4) Au tukuna, i Yahuwe (YHWH), lomani au! Vakabulai au, baleta au a valavala ca saqati kemuni. 6(5) Na kequ meca e kaya tiko na vosa rogorogo ca me baleti au! E na gauna cava beka e na mate kina o koya, me tababokoci vakadua na yacana? 7(6) Ni ra mai sikovi au, era mai kaya ga na vosa ni veivakalaboci; na  vuniyalodra e na gauna vata oya, e vakasoqona tiko na itukutuku lasu; oti era na qai lako yani me ra lai vakatetea na itukutuku ca. 8(7) O ira kece era sevaki au, era   vakasolokakana vata tiko me baleti au, me ra vakasamataka na veika ca kecega me baleti au. 9(8) E dua na matedewa, e rawa ni kauta mai na mate, sa kabiti koya tu qo, o koya sa na sega tale ni mata cake. 10(9) O koya mada ga na noqu icaba voleka, o koya au dau vakanuinui vua, o koya keirau dau kanakana vata, sa vuki tani me saqati au. 11(10) Ia o kemuni i Yahuwe (YHWH), ni lomani au mai, vakaduri i au tale e yavaqu, meu rawa ni sausaumi lesu vei ira. 12(11) Au na kila ni oni sa marautaki au, kevaka e sega ni mai vakadrukai au na kequ meca. 13(12) Oni tabei au cake, baleta niu tawacala, oni vakataudeitaki au tiko e matamuni me tawamudu. 14(13) Me vakavinavinakataki o Yahuwe (YHWH) na Kalou (Mighty One) i Yisira'yili, mai na gauna makawa tawamudu, i na gauna tawamudu mai muri. Omaini. Omaini.

Tehillim (Same) 41:1-14

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.342 in 5773 (Total 2067)	August 30, 2013
Reading	Hebrew Date
Yirmeyahu (Jeremiah) 43-44	M #6: Elul 24, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tini Dole Na Bolei YHWH (Challenging YHWH Came To Nothing)

Thought: YHWH Saw To The Utter Destruction Of Bavel

 ......................

Serving For Yom Chamishi, [Sixth Month] Elul 23, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqori e kaya kina o Yahuwe ni lewevuqa (YHWH-Tzva'ot): O ira na tamata ni Yisira'yili era sa vakararawataki tu, ka vakakina o ira na tamata ni Ye'huda. O ira era a vesuki ira era se tauri ira matua tikoga; era sega ni via laivi ira me ra lako. 34 Ia na nodra ivakabula e kaukaua; o Yahuwe ni lewevuqa (YHWH-Tzva'ot) na yacana. O koya e na valataka vakavinaka na nodra ile, me rawa ni solia na vakacegu i na vanua, ia na tiko yavavala vei ira era tiko mai Bavela. 35 O Yahuwe e kaya, E dua na seleiwau sa lili toka e deladra na Kasidimi, ka  vaka kina vei ira era vakaitikotiko mai Bavela, e deladra na nodra iliuliu kei ira na nodra qaeqase (sage). 36 E dua na seleiwau sa lili toka e deladra na dau rai matanilagi lasulasu, o ira era na  yaco me ra lialia. E dua na seleiwau sa lili toka e deladra na nona bati; o ira era na vakarogocataki 37 E dua na seleiwau e lili toka e deladra na nodra ose, kei na nodra qiqinivala, kei ira kece na yasa era tu e na kedra maliwa; o ira era na yaco me ra vaka na yalewa. E dua na seleiwau e lili toka e na dela ni nodra iyau, qori era na butakoci. 38 E dua na lauqa e lili toka e dela ni nona wai, qori era na maca vakadua. Baleta qo e dua na vanua ni kalou matakau; era dau lialia vei ira na nodra ka vakadomobula oqo era [taukena]. 39 O koya oqo era na mai vakaitikotiko kina e keya na pusikila (wildcats) kei na jakele (jackals), na ositiriki tale ga era na mai vakaitikotiko kina. Sa na sega tale vakadua ni tawani vei ira na tamata. E na sega talega ni tawani mai na dua na itabatamata i na dua tale na itabatamata;  40 Me vaka na gauna a vuaviritaki rau kina o So'doma kei 'Amora kei na veikoro wavolivolita na Kalou (Mighty One), e kaya o Yahuwe (YHWH). E sega ni dua e na lai vakacokotaki tale e keya, e sega ni dua na tamata e na lai bula  tale vakadua e keya. 41 Raica! E dua na matatamata era na  lako mai na vualiku; e dua na matanitu levu, ka le levu na tui era na yavalati mai na iyalayala yawa duadua kei vuravura: 42 Era na vakaiyaragi mai e na dakaititi kei na moto; era veivakalolomataki, ka sega vei ira na loloma; na kedra rorogo e vaka na vavakurukuru ni wasawasa, ni ra sa vodoka tiko mai na nodra ose. O ira na nodra tagane [qaqa] era na mai tuvaivalutaki kemuni, kemuni na luveyalewa i Bavela. 43 Na tui Bavela sa rogoca oti na kedra itukutuku; sa lili damele sobu na ligana e na nuiqawaqawa. Na yaluma sa tarai koya, kei na vutugu, me vaka e dua na yalewa sa taratara tiko.  44 E na tautauvata kei na dua na laione sa yaqa cake tiko mai na veikau era tutubu tu e na batini Yaradani me mai saqata e dua na itikotiko kaukaua; e na dua na tikinigauna totolo, au na cemuri koya laivi, ka lesia me mai vakavulewa kina, o koya ga au digitaka.  Baleta o cei tale e vakataki au? O cei e na rawa ni mai cakava meu vakamacala [e na ka au sa cakava]? O cei na ivakatawa ni sipi e na rawa ni mai tucake e mataqu? 45 Oqo moni rogoca kina na inakinaki i   Yahuwe (YHWH), e sa navuca tu me saqati Bavela kina, kei na itinitini ni ka e na rawata o koya ni sa saqata oti na nodra vanua na Kasidimi; na qelenisipi lailai duadua era na yarataki ira laivi; na nodra bai ni sipi o ira vakataki ira era na kidroa e na vukudra. 46 E na irogo ni kena sa rawai o  Bavela na vuravura e na uneune; na nodra tagi e na lai voqa e na loma ni veimatanitu kece sara.

Yiremeyahu (Jeremaia) 50:33-46

NA IVAQA NI BULA (FOOD FOR THE SOUL)

O koya e tea na ivalavala tawadodonu e na tamusuka na leqa, ia na ititoko ni nona leva e na sega ni yaga. 9 ¶ O koya e dauloma soli vakayauyau e na kalougata; baleta ni wasea na kena [kakana] vata kei ira na dravudravua.

Mishlei (Vosa Vakaibalebale) 22:8-9

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu, E dua na same i Dawide. 2(1) Au waraki Yahuwe (YHWH) tiko e na yalovosota; me yacova ni vuki maivei au o koya, me rogoca na noqu tagitagi. 3(2) A vueti au cake mai na ikeli vakadomobula, ka vaka kina mai na veidabibi ni rusa, qai vakaduria na yavaqu e na dela ni uluvatu, me vakadeitaka na itutu ni yavaqu. 4(3) E biuta e dua na serevou e gusuqu o koya, e dua na sere ni vakavinavinaka vua na noda Kalou (Mighty One). E le levu era na raica yani, era qai kurabui, era qai biuta na nodra inuinui vei Yahuwe (YHWH). 5(4) E wacava na nona kalougata na tamata e vakanuinui vei Yahuwe (YHWH), qai sega [kina] ni rai vei koya e qaciqacia; se vei ira era vakanuinui i na veika lasutaki. 6(5) E vakaitamera na cakacaka oni sa vakayacora tiko vei keimami i Yahuwe (YHWH) neimami Kalou (Mighty One)!  Na nomuni mana kei na nomuni vakasama me baleti keimami; e sega ni dua e rawa ni vakatautauvatataki kina vata kei kemuni! Au na tusanaki ira kece; ia sa rui levu tale na ka me tusanaki! 7(6) ¶ Na isoro kei na imadrali oni sega ni vinakata; na isorokama kei na isoro ni valavala ca oni sega ni vakarota; 8(7) Ia oti au qai kaya, Qo o au! O au au sa lako tiko mai! E na ivola vivigi, e volai tu kina [na veika] me baleti au. 9(8) Na vakayacori ni nomuni gagadre, kemuni na Kalou (Mighty One), e ka ni noqu marau; na nomuni Toraa e toka sara ga mai na vuniyaloqu sara e loma. 10(9) Au sa tusanaka tiko na veika e dodonu e na loma ni isoqosoqo levu; au sega ni tarova na tebenigusuqu i Yahuwe (YHWH), me vaka oni kila [vinaka]. 11(10) Au a sega ni vunitaka na nomuni yalododonu e vuniyaloqu; ia au tusanaka na nomuni yalodina kei na nomuni veivakabulai; au sega ni tabonaka na nomuni loloma kei na nomuni dina mai vei ira na lewe ni  isoqosoqo levu.

12(11) ¶ I Yahuwe (YHWH) kakua ni bureitaka vei au na nomuni yalovinaka [tau malumu]. Laiva na nomuni yalovinaka kei na nomuni dina me maroroi i au tikotikoga. 13(12) Baleta na ca era vakavolivoliti au tu, e sega ni wili rawa; na noqu ivalavala ca e kovuti i au, au sa sega mada ga ni rai rawa; era levu cake mai na wiliwili ni drauniuluqu e uluqu, qori sa vakavuna meu yalo lailai. 14(13) Ni yalovinaka, i Yahuwe (YHWH), ni mai vueti au! I Yahuwe (YHWH) vakatotolo mada, moni vukei au. 15(14) Me yaco mada ga, vei ira era via taviraki i au tani, me ra rogo ca ka vakalolovirataki. 16(15) Me yaco mada ga vei ira era dau vakalialiai i au ni ra kaya Aha! Aha, na kidroa ni ra sa vakamaduataki. 17(16) Ia, me yaco mada ga vei ira kece era vaqarai kemuni tiko, na mamarau, me ra kunea na reki vei kemuni. Me yaco mada ga vei ira era taleitaka na nomuni veivueti me ra dau kaya e veigauna kece,  O Yahuwe (YHWH) e vakaitamera ka lagilagi! 18(17) Ia o au, au dravudravua ka levu na noqu gagadre; me nanumi au mada ga o Yahuwe (YHWH)! O kemuni na noqu dauniveivukei ka noqu dauniveivueti; noqu Kalou (Mighty One) kakua ni  vakaberabera.

Tehillim (Same) 40:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.341 in 5773 (Total 2066)	August 29, 2013
Reading	Hebrew Date
Yirmeyahu (Jeremiah) 41-42	M #6: Elul 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bolei Yahuwe O Bavela (Bavel Challenged YHWH)

Thought: YHWH Is The Creator and Ruler Of All, Challenging Him Is Foolhardy

 ........................

Serving For Yom R’vi’ii, [Sixth Month] Elul 22, 5773

 MAI NA NEVI’IMI AKARONIMI (FROM THE NEVI’IM ACHRONIM)

Saqata na vanua i Meratayimi; kabaa vata kei ira era vakaitikotiko mai Pe'koda. Vakaoti ira, vakawabokotaki ira vakadua; cakava na veika kece au sa vakarota vei kemuni, e kaya o Yahuwe (YHWH). 22 Na rorogo ni ivalu sa rogo e loma ni vanua; [e dua] na veivakarusai levu! 23 E a rawai vakacava na ituki kei vuravura raraba ka sa davo kakaseresere no ka  kamusu tu?  Sa na yaco me ivakaraitaki ni domobula vakaitamera vei ira na veimatanitu o Bavela! 24 Au a viria e dua na tudai ka toboki iko i Bavela, ni o sebera ni kila. O a kune o qai tobo, baleta o a bolei   Yahuwe (YHWH). 25 O Yahuwe (YHWH) sa dolava na nona vale ni iyaragi; qai talaucaka mai na iyaragi ni nona leva cecekia;  baleta na Sau o Yahuwe ni lewevuqa (Sovereign YHWH-Tzva'ot), e tiko na cakacaka me na cakava e na loma ni nodra vanua na Kasidimi. 26 Valuti koya mai na veiyasana! Dolava na nona lololo ni witi! Bini i koya cake me vaka e dua na ibinibini witi; vakarusai koya vakadua; kakua ni vakavotaka e dua na ka! 27 Vakamatei ira kece na nona bulumakau tagane! Laivi ira me ra kau sobu me ra lai mokumate! Na leqalevu e na yaco vei ira! Baleta na nodra siga sa yaco mai, na gauna e dodonu me ra na totogitaki kina.

28 Rogoca na domodra o ira era dro tiko, o ira era veidroyaki tiko mai na vanua o Bavela, era lako tiko mai, me ra mai tusanaka vakamatata i Zaiyoni na veisausaumi i Yahuwe (YHWH) na noda Kalou (Mighty One), na veisausaumi e na vukuni nona vale tabu! 29 Kacivi ira vata na dau ni vanataki dakaititi me ra mai saqati Bavela, o ira kece sa love tu na nodra dakaititi. Tuvaivalutaki koya mai na veiyasana, laiva me kakua ni dua e drobula. Sauma lesu vua, me veiraurau kei na nona ivalavala me vaka a cakava o koya, cakava tale yani vua. Baleta o koya  a vakalialiai Yahuwe (YHWH) na Yalosavasava Ledua i Yisira'yili. 30 O koya oqo era na bale kina o ira na  nona cauravou e na nona veirara lelevu,   na vuna talega era na vagalui kina o ira na nodra bati e na siga oya, e kaya o   Yahuwe (YHWH). 31 Raica, o au, daru sa veimecaki, kei  iko o dau qaciqacia, e kaya na Sau o Yahuwe ni lewevuqa (Sovereign YHWH -Tzva'ot). Na nomu siga sa yaco mai, na gauna mo sa na totogitaki kina. 32 Na [vanua] qaciqacia e na tacaqe  qai bale, ia e sega ni dua me na tabei koya cake tale. Au na vakama na nona veikoro lelevu,  e na qai tiloma na veika kece era tu wavolivoliti koya.

Yiremeyahu (Jeremaia) 50:21-32

NA IVAQA NI BULA (FOOD FOR THE SOUL)

Na vutuniyau e na lewai ira na dravudravua; ia na dau dinau e na bobula vua e dausoli dinau.

Mishlei (Vosa Vakaibalebale) 22:7

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Buli e na kena ivalavala vei Ye'dutuni. E dua na same i Dawide. 2(1) Au kaya, au sa na qarauna na noqu ivalavala, meu kakua ni valavala ca e na yamequ; au na tabonaka na gusuqu, e na gauna kece e duri mai kina e mataqu o ira na ca. 3(2) Au a galu [tu ga], au qai sega ni kaya e dua na ka, sega mada ga na ka vinaka; ia [qori] e vakatubura cake tiko ga na noqu rarawa. 4(3) Na utoqu a qai tubu na kena katakata e lomaqu; e na veigauna kece au vakasamataka kina, na bukawaqa a caudre tiko. 5(4) Cakava meu kila, i Yahuwe (YHWH), na cava e na dodonu me kequ itinitini, na cava na ibalebale [ni tukuni] ni vakaiwiliwili na nomu veisiga;  laiva meu kila se mataqali ibulibuli vakacava sara mada o au, e na toso ni gauna. 6(5) O kemuni oni sa yalana toka na noqu veisiga me vaka na ibalavu ni qeteqete ni ligaqu (hand breath); vei kemuni, na ibalavu ni noqu bula e sega ni dua na ka. Io, [na kabula] kecekece, veitalia ke tudei sara tu vakacava, e vaka tikoga na cagi ni liwa. Selaa. 7(6) Na tamata bula e veitosoyaki tu ga vaka na iyaloyalo (shadow), na nodra sasaga [kaukaua] e na tini ga me sega ni dua na ka. E kumuna vata tiko na nodra iyau, ia era sega tiko mada ga ni kila se o cei e na qai marautaka na kena yaga.

8(7) ¶ Ia qo, i Yahuwe (YHWH) na cava tale beka au waraka tiko? O kemuni ga na noqu inuinui. 9(8) Vueti au mai na noqu talatalaidredre taucoko sara; kakua ni vakatara meu vakasewasewani mai vei ira era lialia. 10(9) Au galu tu ga, au sogota tiko ga na gusuqu, baleta o kemuni ga oni a cakava. 11(10) Tarova na nomuni tauca tiko vei au na kequ kuita; Na bibi ni nomuni ivacu sa vakagogotaki au sobu tiko. 12(11) E na veitotogitaki oni vakatavulici ira tiko na tamata e na vukuni nodra cala; me vaka e dua na bebe, oni vakarusa na veika e cakava me ra totoka kina; io [na tamata] kecekece era vaka tu ga ni liwa na cagi. 13(12) Rogoca na noqu masu, i Yahuwe (YHWH), vakatudaliga i na noqu tagi; kakua ni vakadidi e na wainimataqu; baleta vata kei kemuni, o au, au dua ga na vulagi e tavali tiko, me vakataki ira ga na noqu itubutubu [kece]. 14(13) Rai tani mai vei au, meu rawa ni dredre tale, ni se bera niu biubiu, meu sa oti vakadua.

Tehillim (Same) 39:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.340 in 5773 (Total 2065)	August 28, 2013
Reading	Hebrew Date
Yirmeyahu (Jeremiah) 39-40	M #6: Elul 22, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Oti O Bavela. (After Bavel)

Thought: United Yisra’yl/Y’hudah Will Be Forgiven By YHWH And Returned!

..................... 

Serving For Yom Shlishi, [Sixth Month] Elul 21, 5773

 MAI NA NEVI’IMI AKARONIMI (FROM THE NEVI’IM ACHRONIM)

Baleta o kemuni oni a marau,  baleta oni a reki vakalevu, oni qai kovea na noqu ivotavota, oni ladelade me vaka na luve ni bulumakau e loga veico, ka tagi vaka na ose tagane; 12 O ira na tinamuni era na madua sara vakalevu, o koya e a vakasucumi kemuni e na vakarogocataki. Qo o koya! Na otioti vei ira na veimatanitu, e dua na vanua dravuisiga, mamaca ka  laladidi. 13 Baleta na leva waromisa i Yahuwe (YHWH), e sega ni dua e na bula tale   e keya. [Na vanua] kece sara vakadua sa na laladidi. O ira kece era lako siviti Bavela era na vakalukalu e na nodra kidroataka, na [waromisa] ni leqa kece sa sotava tu. 14 Tuvaivalu wavoliti Bavela mai; o kemuni kece sa love tu na nomuni dakaititi, vanalaki koya, kua ni vakamaninitaka na gasau [ni dakaititi]; baleta o koya e a vakayacora na ivalavala ca vei Yahuwe (YHWH). 15 Mai na veiysana kecekece, kailavaka mai na tagi ni ivalu moni saqati koya! Qo, o koya e sa na soro! Na nona yavu sa na caqera, kei na nona lalaga sa na basuraki sobu, baleta qori na veisausaumi mai vei Yahuwe (YHWH).  Sausaumi lesu vua e na vukumu! Me vaka a cakava o koya; cakava tale yani vua. 16 Muduki ira laivi na daukabukaburaki mai Bavela, kei ira na dautatamusuki vata kei na nodra iseletakelo (sickle) e na gauna ni tatamusuki. Baleta na taqayataki ni seleiwau ni veivakarusai, o ira yadua era na gole lesu vei ira na nodra dui tamata e na nodra dui vanua.  17 O Yisira'yili e dua na luvenisipi lako sese; e a cemuri laivi vei ira na laione. Na imatai me a tilomi ira o koya na tui Ashuru; qai iotioti me musuka na nona sui o Ne'vukadreza oqo, na tui Bavela. 18 O koya oqori e kaya kina vakaoqo O Yahuwe ni lewevuqa (YHWH-Tzva'ot)  na Kalou (Mighty One) i Yisira'yili, Au na totogitaka na tui Bavela vata kei na nona vanua, me vaka au a totogitaka na tui Ashuru. 19 Au na kauti Yisira'yili lesu mai i na nona ikanakana, me na mai kana tale e Karameli kei Bashana e na veidelana i Ifirayimi vata kei Qili'adi, me yacova ni sa mamau vinaka. 20 E na veisiga oya, e na gauna oya, e kaya o Yahuwe (YHWH), na cala i Yisira'yili e na qaqai, e na qai sega ni kune [e dua]; ka vaka kina na cala i Ye'huda, ia era na sega talega ni kune; baleta au na vosoti ira, na vo vo au vakavotaki ira tu.

Yiremeyahu (Jeremaia) 50:11-20

NA IVAQA NI BULA (FOOD FOR THE SOUL)

Na kauvakavotona kei na tudai e na vakadredretaka na [nodra] sala na qaciqacia; o koya e vakamareqeta na nona bula e na tu vakayawa sara mai kina. 6 ¶ Vakatavulica cake na gone e na sala [e dodonu] me na bula muria; baleta e na gauna e qase cake kina, o koya e na sega ni gole tani mai kina.

Mishlei (Vosa Vakaibalebale) 22:5-6

LOMANI YAHUWE NA NOMU KALOU (LOVE YHWH YOUR MIGHTY ONE

O ira era vaqara tiko mai na noqu bula, era viria na kequ tudai, o ira era vaqara tiko mai me ra vakamavoataki au, era kaya tiko ni na yaco na leqa, ka vakasamataka tiko na veivakacalai e na loma ni siga taucoko. 14(13) Ia o au, au sa vaka e dua na tamata didivara, au sega ni rogoca; ka vaka na galu, au sega ni kaya e dua na vosa. 15(14) Io, au sa vaka e dua na tamata  e sega ni vakatudaliga rawa, ka sega ni kune e gusuna na isasabai. 16(15) Baleta e tikoga vei kemuni i Yahuwe (YHWH), na noqu inuinui. Oni na tama mai i  Yahuwe (YHWH) na noqu Kalou (Mighty One). 17(16) Au kaya, Kakua ni vakalaivi ira me ra dredrevaki au se qaciqacia me ra saqati au ke sikidara [e dua] na yavaqu. 18(17) Baleta au sa voleka ni lutu,  na vuvutu e tu vei au era tu ga qo e yagoqu. 19(18) Au vakadinadinataka na noqu caka ca, au rui nuiqawaqawa e na vuku ni noqu ivalavala ca. 20(19) Ia o ira na kequ meca era bula vinaka tiko, o ira era sevaki au vakatawadodonu e toso cake tiko ga na kedra iwiliwili. 21(20) Ia baleta ni ra dau veisosomitaka na vinaka e na ca, o ira era qai saqati au, baleta niu dau vakasaqara na vinaka. 22(21) Kakua ni vakanadakui au, i Yahuwe (YHWH)!  Isa, noqu Kalou (Mighty One) kakua ni tu vakayawa mai vei au. 23(22) Lako mai vakatotolo moni mai vukei au, i Yahuwe (YHWH) na noqu ivakabula!

Tehillim (Same) 38:13-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.339 in 5773 (Total 2064)	August 27, 2013
Reading	Hebrew Date
Yirmeyahu (Jeremiah) 37-38	M #6: Elul 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bavela Nodra Vanua Na Kasidimi (Bavel, Land Of The Kasdim)

Thought: YHWH Punishes The Kasdim Of Bavel For Yisra’yl’s Sake!

......................... 

Serving For Yom Sheini, [Sixth Month] Elul 20, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa a kaya o  Yahuwe (YHWH) me baleti Bavela, oya me baleta na nodra vanua  na  Kasidimi, a mai vakasavuya o Yiremeyahu na parofita; 2 Tusanaka vei ira na veimatanitu ka  vakarogoya! Vakarewataka e dua na kena drotini; vakarogoya, kakua ni vunitaka! Kaya: O Bavela sa vesu, o  Bela sa vakamaduataki, o Me'rodaka sa vakarogorogocataki, o ira na nona ivakatakarakara era sa vakamaduataki, na nona veikaloumatakau (idols) era sa vakaogorogocataki. 3 Baleta mai na vualiku e dua na matanitu sa tayabe tiko mai me mai saqati koya ka vakalaladiditaka na nona vanua. E sega ni dua e na vakaitikotiko e keya; ruarua na tamata kei na manumanu, era sa biubiu oti me ra dro. 4 E na veisiga oya, e na gauna oya, e  kaya o Yahuwe (YHWH), O ira na tamata ni Yisira'yili era na lako mai, [o ira] vata kei ira na tamata ni Ye'huda. Era na tagitagi tiko mai e na nodra ilakolako e gaunisala, e na nodra vaqarai i Yahuwe (YHWH) na nodra Kalou (Mighty One).  5 Era na vakataroga mai na sala i Zaiyoni; era qai vakanamata kina, era qai kaya, Lako mai, mai duavata kei   Yahuwe (YHWH) e na dua na veiyalayalati tawamudu, e na sega vakadua ni guilecavi. 6 O ira na noqu tamata era [dua] na  qelenisipi lako sese tu. O ira na nodra ivakatawa [ni sipi] era a vakavuna na nodra lako sese, ni ra a sereki ira me ra tasa e na veiulunivanua. Ia ni ra veitosoyaki tiko mai na veiulunivanua i na veidelana, era qai guilecava na sala i na nodra itikotiko. 7 O ira yadua era kunei ira, era a tilomi ira. O ira na kedra meca era kaya, Keimami sega ni cala; baleta o ira ga era a valavala ca saqati Yahuwe (YHWH), na icegucegu ni lewa dodonu;  io, era saqati Yahuwe (YHWH) na nodra inuinui o ira na nodra itubutubu. 8 Dro laivi mai Bavela! Biuta na nodra vanua na Kasidimi! Ni vakataki ira na metagane era liutaki ira tiko na qelenimanumanu;

9 ¶ Baleta, au na vakaseuta ka kauta mai me mai saqati Bavela e dua na isoso matanitu tovata lelevu mai na veivanua e na vualiku. Era na mai tuvaivalutaki koya, mai keya o koya e na qai tauri, Na nodra gasau ni dakititi e tautauvata kei ira na bati dau  veivakamatei; e sega ni dua e na lesu lala. 10 Na nodra vanua na Kasidimi e na kovei; o ira kece era kovea e na veirauti kei ira na kedra iwasewase, e kaya o Yahuwe (YHWH).

Yiremeyahu (Jeremaia) 50:1-10

NA IVAQA NI BULA (FOOD FOR THE SOUL)

Na vutuniyau kei na dravudravua e rau tautauvata e na ka oqo, o Yahuwe (YHWH) a buli i rau ruarua.3 ¶ Na yalomatua ni raica ni toso tiko mai na leqa, e na vuni; ia o koya e [lecaika] e na toso ga yani, qai sauma na kena itotogi. 4 ¶ Na vatuka ni yalomalumalumu, oya na rerevaki i Yahuwe (YHWH) vata kei na iyau, na dokai kei na bula.

Mishlei (Vosa Vakaibalebale) 22:2-4

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide; Nakiti me ka dau nanumi tiko. 2(1) I Yahuwe (YHWH), kakua ni totogitaki au e na gauna oni leva tu kina, se kuitataki au e na dela ni nomuni cudru waqawaqa. 3(2) Baleta na nomuni gasau (ni dakaititi) e na coba basikati au sara vakatitobu, kei na ligamuni e na tabaki au sobu, 4(3) Na nomuni yalokatakata e sega ni vakavotaka e dua na tikiqu me se toka dei; na noqu ivalavala ca sa cakava na yagoqu taucoko me tauvimate; 5(4) Baleta na noqu ivalavala vakasisila sa tubu sivia na noqu iqavokavoka me dua na icolacola bibi, e na rui bibi vei au;  6(5) E toka qo vei au e dua na mavoa bona e sa kakana tiko, baleta na noqu lialia. 7(6) Au sa cuva sobu tu ga, meu kalobi tu vakadua; au veitosoyaki tiko e na rarawa bibi, e loma ni siga taucoko. 8(7) Baleta na lomaqu sa kama tiko e  na kequ matetaka, na yagoqu taucoko sa tauvimate tu. 9(8) Au sa nunu, ka dasila tu vakaoti; Na vuturi ni vuniyaloqu sa vakavuna meu vutugu tiko e na domolevu. 10(9) I Yahuwe (YHWH) na noqu gagadre kece e kilai vinaka tu vei kemuni, na noqu vutugu e sega ni vunitaki [rawa] mai vei kemuni. 11(10) Na utoqu sa cegudi tiko, na noqu kaukaua sa yali, na rarama e yaloka ni mataqu sa biuti au. 12(11) O ira na noqu icaba kei ira na noqu veikilai era sa tu vakatikitiki mai na kequ mate; o ira mada ga era a dau volekati au era sa duri tu ga mai vakayawa.

Tehillim (Same) 38:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.338 in 5773 (Total 2063)	August 26, 2013
Reading	Hebrew Date
Yirmeyahu (Jeremiah) 35-36	M #6: Elul 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Leqa O Kedaa (Kedah In Trouble)

Thought: YHWH Is The Ruler Of Every Nation He Decrees Their End And Existenance!

 .........................

Serving For Yom Rishon, [Sixth Month] Elul 19, 5773

 MAI NA NEVI’IMI AKARONIMI (FROM THE NEVI’IM ACHRONIM)

E na vuku i Kedaa, kei na veimatanitu ni Hazoa, e a samuta o Ne'vukadreza na tui Bavela, e kaya o Yahuwe (YHWH): Cavu tu! Tayabe lai saqati Kedaa!  Kovea [na veika e nodra] na tamata mai na tokalau!  29  Era na kovea na nodra valelaca kei na nodra qelenisipi, na ilati ni valelaca  kei na veika kece e nodra; na nodra kameli talega era na kovea me nodra, qai kailavaka vei ira, Na vakadomobula e na veiyasana kece sara. 30 Dro! Biuta na nomuni veivale! Lai vunitaki kemuni sara vakavinaka, o kemuni o ni vakaitikotiko e Hazori, e kaya o Yahuwe (YHWH); baleta o Ne'vukadreza na tui Bavela sa navuca tiko e dua na inakinaki me saqati kemuni kina; o koya e sa bulia e dua na kena ivalavala me saqati kemuni  kina. 31 Matacake! Tayabe yani moni saqata e dua na matanitu e vakawelewele tiko, ka bula tiko e na vakacegu, e kaya o Yahuwe (YHWH). E sega ruarua vei ira na matamata kei na kena ivakadei; era bula duadua sara tu ga vakataki ira. 32 Na nodra kameli, era na yaco me ra  itoki ni ivalu; na vakataimera ni nodra manumanu yavaiva (cattle) era na  tokitaki. Au na ceburaki ira laivi i na matanicagi o ira kecekece e sa toro tu na yasa ni uludra; mai na veiyasana kecekece, au na kauta mai vei ira na nodra leqa, e kaya o Yahuwe (YHWH).  33 O Hazori, sa na yaco me vanua era vakaitikotiko kina na jakele, ka sa na laladidi tu me sega ni mudu; e na sega vakadua ni dua e na lai vakaitikotiko e keya; e sega ni dua na tamata e na lai bula tale kina.

Yiremeyahu (Jeremaia) 49:28-33

NA IVAQA NI BULA (FOOD FOR THE SOUL)

Digitaka cake na rogo vinaka mai na vutuniyau, kei na dokai mai na siliva kei na koula.

Mishlei (Vosa Vakaibalebale) 22:1

LOMANI YAHUWE NA NOMU KALOU (LOVE YHWH YOUR MIGHTY ONE

Na tamata ca e na dinau ia qai sega ni sauma lesu, ia na yalododonu e dau yalosolisoli ka dausolisoli. 22 Baleta o ira era vakalougatataki maivei Yahuwe (YHWH) era na taukena na vanua; ia o ira era vatonaki mai vua, era na muduki laivi. 23 O Yahuwe (YHWH) e na vakasalataka na tamata e na nona ikalawa, ka na marautaka na nona itosotoso. 24 O koya e na rawa ni bale, ia e na sega ni dokoulu i liu, baleta o Yahuwe (YHWH) e na tauri koya tiko e ligana. 25 Au a gone, ia qo au sa qase; ia au se bera vakadua ni raica e dua na tamata yalododonu me biuvakaloloma, se me ra dau kere kakana o ira na nodra kawa. 26 E na loma ni siga taucoko o koya e na dau yalosoli, ka dau soli dinau; o ira na nona kawa era na vakalougatataki. 27 Kevaka mo vuki laivi mai na ca; qai daucakavinaka; o iko o na bula vakacegu (safely) tu me tawamudu, 28 Baleta o Yahuwe (YHWH) e taleitaka na lewavakatautauvata, ka na sega ni vakanadakui ira era nona yalododonu;  era na taqomaki me tawamudu; ia o ira na nodra kawa na daucaka ca, era na muduki laivi. 29 O ira na yalododonu era na taukena vakaiwasewase na vanua, era na qai dau tawana tu me tawamudu. 30 Na gusudra na yalododonu e na dau cavuta na vosa vuku, na yamena e na vosa e na lewa vakatautauvata. 31 Na Toraa ni Kalou (Mighty One) e tiko e vuniyalona; e sega ni dua na nona ikalawa e na butu cala; 32 Na daucakaca e na wanonova tiko ga na yalododonu, me vaqara tiko e dua na gauna e rawa ni vakamatei koya kina. 33 O Yahuwe (YHWH) e na sega ni biuti koya i na nona kaukaua se vakatara me vakacacani ke veilewaitaki.

34 ¶ Biuta na nomu inuinui vei Yahuwe (YHWH), bula muria tiko ga na nona sala, o koya e na qai vakaturi iko mo taukena vakaitaukei na vanua. E na gauna era sa muduki laivi kina o ira na  daucakaca, o iko o na raica. 35 Au sa raici ira oti na daucakaca ni ra vakayagataka na kaukaua vakaitamera, me ra vakatetaba tu me vaka na vunikau e loma ni vanua e taukena. 36 Ia niu lai tavali lesu mai, o koya sa sega tale ni laurai e keya; au vaqarai koya, ia o koya sa sega ni kune rawa tale. 37 Vakadikeva na tamata savasava, vakasamataki ira na tu dodonu; baleta na tamata daubula sautu e na [levu] na nona kawa. 38 Ia o ira era dau talatalaidredre era na  vakarusai; o ira na nona kawa na ca era na muduki laivi. 39 O Yahuwe (YHWH) sara ga, o koya e na vueti ira na yalododonu; o koya e nodra valecere kaukaua (stronghold) e na gauna ni tiko leqaleqa. 40 O Yahuwe (YHWH) e na vukei ira ka vueti ira; e na vueti ira mai vei ira era daucakaca ka vakabulai ira; baleta ni ra dau vakararavi tu yani vua.

Tehillim (Same) 37:21-40

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.337 in 5773 (Total 2062)	August 25, 2013
Reading	Hebrew Date
Yirmeyahu (Jeremiah) 33-34	M #6: Elul 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.