Wasewasei na Qele (Distribution of the Land)

Thought: Yahweh Is The Ultimate Authority

 .....................................

Serving For Yom Ha Shee-shee, Elul 3, 5771

KENA ikuri, ni o sa wasewasea na qele moni dui taukena, mo na qai wasea vakatikitiki tiko e dua na tikina me nei Yahuwe (YHWH), mo qai vakatabuya e dua na tikiniqele; na kena balavu me na ruasagavulukalima na udolu na gasau (reeds) kei na kena raba me tininaudolu na gasau. E na tabu vakadua na veitikini qele kece e loma ni kena iyalayala e veiyasana. 2 E na tikina qo, me biu vakatikitiki tiko na yasana tabu e limanadrau na kena ibalavu, ka limanadrau na kena raba; oya me tautauvata na yasana taucoko, me qai vo toka e limasagavulu na kiubiti me galala tiko wavokita na veiyasana. 3 E na kena ivakarau qo, mo qai vakarautaka e dua na tikina me ruasagavulukalima na kena balavu ka tininaudolu na kiubiti na kena raba; e loma qori e na tiko kina na tikina tabu vakaoti. 4 Ia na iwasewase vakatabui me na nona na kohena e na mai veiqaravi tiko e loma ni vale tabu nei Yahuwe (YHWH), o koya e na tiko voleka ga me veiqaravi vei Yahuwe (YHWH); na qele qori me na tiko kina na nodra veivale vata kei na tikina tabu ni vale tabu. 5 Me na tiko talega e dua na macawa, ruasagavulukalima na gasau na kena balavu ka tininaudolu na kena raba, me na nodra na Li’vi’imi era veiqaravi tiko e valenisoro; me ruasagavulu ka lima taucoko na vale. 6 Na tikina me tiko kina na korolevu me limanaudolu na kena raba, ka ruasagavulukalima na kena balavu, qori me toka volekata na yasana e toka kina na valetabu; oqori me na nodra kece na matavuvale i Isira'yili.

Isikeli (Yechezk’yl) 45:1-6

Era kalougata o ira kece era rerevaki Yahuwe (YHWH); ka bula muria na nona ivalavala. 2 Baleta o na kania na cakacaka ni ligamu: o na dau mamarau, e na vinaka vakaoti vei iko. 3 O watimu e na vaka e dua na vaini  vuavuaivinaka e na yasa ni nomu vale: o ira na luvemu era na vaka na vuni olive, era tubu vakavolivolita na nomu teveli; 4 Raica, e na kalougata vakaoqori na tamata e rerevaki Yahuwe (YHWH). 5 O Yahuwe (YHWH) e  na vakalougatataki iko mai Saiyoni; o iko o na raica na vinaka kei Yerushalayimi e na veisiga kece sara o bula tiko kina. 6 Io o na raica na luvedra na luvemu kei na sautu mai Isira'yili!

Same (Tehellim) 128:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
244/Blog No. 1384	September 2, 2011.
Reading	Hebrew Date
Vakaibalebale (Mishlei) 1-2	Elul 3, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.