Leqa Ni Vakaturi Lawa (Problem With Law Making)

Thought: YHWH Will Not Stand The Ill Treament Of The Weak

 ....................

Serving For Yom Sheini, Shevat 10, 5773

MAI NA NEVI’IMI AKARONIMI (FROM THE NEVI’IM ACHARONIM)

Na leqa levu era na sotava o ira era dau vakatura na lawa tawadodonu, ka vola na lawa ni vakavulewa e veivakasaurarataki, 2 Me kauta laivi mai vei ira era sa vakadravudravuataki tu na veika e dodonu, era qai kovea mai vei ira na noqu tamata na nodra dodonu, me ra kovea na nodra iyau na yada ka butakoci ira era luveniyali! 3 Na cava beka oni na cakava rawa e na siga ni veitotogitaki, ni sa yaco mai na leqalelevu mai na veivanua yawa? Oni na qai dro beka vei cei, moni kunea na veivuke? E vei oni na lai biuta tu kina na nomuni iyau, 4 Moni kakua kina ni lai roso tu e na kedra maliwa na kaivesu, se bale e na kedra maliwa na vakamatei? Ni oti mada ga na veika kece oqo, na nona leva e se sega ga ni saumaki laivi, na ligana a se dodo cake tu ga.

5 ¶ I Ashuru, na ititoko e na mai ivakaraitaki ni noqu leva!  Na iwau era taura tiko e ligadra, qori na noqu cudru waqawaqa. 6 Au talai koya tiko yani me lai saqata e dua na matanitu dauveivakaisini; au sa solia vua na itavi me lai saqati ira na kawa tamata au sa levaci ira tiko, me ra lai kauta na itoki ni ivalu, me ra qai butakoci ira ka  buturaki ira sobu me vaka na veidabibi e na veisaqata.  7 Ia o koya, e sega ni kilakasamata oqori, na vuniyalona talega e sega ni nanuma vakakina; e toka ga e lomana me veivakacacani ka vakarusai ira vakadua, na veimatanitu, e sega ni vica wale. 8 Baleta [na nodra Tui] e kaya, Era sega beka ni tui taucoko o ira na noqu komada? 9 A sega beka ni vakararawataki o Kalano me vakataki Kaka'mishi? O Hamata me vakataki Arapadi? O Shomorono me vakataki Dameseke? 10 Me vaka ni taraa na ligaqu na veimatanitu era vakalou lasu, ka levu cake kina na matakau ceuceu mai na kena era kune mai Yerushalayimi kei Shomorono; 11 E vakaevei au na sega beka niu cakava e Shomorono kei na nona kalou matakau; na ka vata au a cakava vei Yerushalayimi kei na [nona] ivakatakarakara? 12 O koya oya, e na qai yaco, e na gauna sa vakaotia kina o Yahuwe (YHWH) na nona veivakarusai kecekece mai na ulunivanua o Zaiyoni vata kei Yerushalayimi, au na qai totogitaka na tui Ashuru, e na vukuni ni qaciqacia e vura tiko mai vuniyalona dokadoka, kei na nona vakaraitaka tiko na matana viavialevu. 13 Baleta o koya e a kaya, E na kaukaua ga ni ligaqu, kei na noqu vuku au rawata kina na veika oqo, baleta talega na noqu yalomatua; au sa bokoca laivi kina na nodra iyalayala na qele na veimatanitu, au sa kovea na nodra iyau me baleta na nodra gauna mai muri, ia me vaka e dua na tamata vakaitamera, au sa vakamalumalumutaki ira na kena ivakatawa. 14 Na ligaqu, sa kunea me vaka e dua na sova ni manumanu, na nodra iyau na tamata; ia me vaka e dua e kumuna na yaloka sa guliecavi tu; au sa kumuni vuravura taucoko, ia e sega ni dua e bau yavalata na tabana [ni vuka], ka sega sara ga ni dua e dolava na gusuna me sokii cake mai

Yeshayahu (Aisea) 10:1-14

NA IVAQA NI BULA (FOOD FOR THE SOUL)

Na ivakatekivu ni vuku qo; rawata taumada mai na vuku! Ia e na nomu rawata taumada tiko mai, rawata talega mai na raiyawa!  O koya oya mo rawata mai kina na vuku; qai vakayagataka na ka kece e tu vei iko mo rawata mai kina na yalomatua. 8 Vakamareqeti koya [vuku], o koya e na qai vakacerecerei iko; mokoti koya, o koya e na qai kauta mai vei iko na dokai; 9 O koya e na biuta e ulumu e dua na isalusalu ni loloma, ka tokara e ulumu e dua na salavakatui ni dokai.10 Rogoca, i luvequtagane, ciqoma  na veika au kaya tiko; e na qai levu na yabaki ni nomu bula.

Mishlei (Vosa Vakaibalebale) 4:7-10

LOMANI YAHUWE NA NOMU KALOU (LOVE YHWH YOUR MIGHTY ONE

Qai la la na drekeniwai, na yavu kei vuravura era a votu ni oni vunauca i Yahuwe (YHWH), ni cabolo mai na icegu mai na qara ni ucumuni. 17(16) E a talatala mai cake o koya, e tarai au qai dreti au cake mai na wai titobu; 18(17) E vueti au o koya, mai vei ira na kequ meca qaqa, mai vei ira era cati au, baleta era kaukaua cake mai vei au. 19(18) Era saqati au mai e na siga ni noqu leqalevu, ia o Yahuwe (YHWH) a veitokoni mai vei au. 20(19) A qai kauti au mai o koya i na dua na vanua galala, e a vueti au, baleta ni kune marau e na vukuqu.

21(20) ¶ O Yahuwe (YHWH) a vakaicovitaki au, e na vuku ni noqu dau dodonu; e sausaumi lesu mai vei au baleta ni savasava tu na ligaqu. 22(21) Baleta au dau bula muria na sala i Yahuwe (YHWH), au sega ni bau caka ca e na noqu vakanadakuya na noqu Kalou (Mighty One). 23(22) Baleta na nona lewa kecekece era tu e mataqu, au sega ni yawaka na nona ilesilesi mai vei au. 24(23) Au a savasava mai vuniyaloqu, vata kei koya, ka taqomaki au mai na noqu ivalavala ca. 25(24) Qori a qai vakaicovitaki au kina o Yahuwe (YHWH) me veiraurau kei na noqu ivalavala dodonu, me veiraurau kei na savasava ni ligaqu e na nona rai. 26(25) E na kedra maliwa na dau yalololoma, o kemuni oni dau yalololoma sara vakaoti; vata kei na dua na tamata yalodina, o kemuni oni dau yalodina.  27(26) Vata kei ira era savasava, o kemuni oni savasava; ia vei ira era yaloveve, o kemuni oni na lawaki ca. 28(27) Vei ira na tamata era rarawa o kemuni oni na veivueti; ia vei ira era qaciqacia o kemuni oni na veivakalolovirataki. 29(28) Baleta o kemuni i Yahuwe (YHWH) oni waqaca na noqu icina; i Yahuwe (YHWH) noqu Kalou (Mighty One) oni vakararamataka na noqu butobuto. 30(29) vata kei kemuni, au rawa ni cici basikata e dua na mataivalu ni tamata, vata kei kemuni na noqu Kalou (Mighty One) au rawa ni ladeva e dua na (bai) lalaga. 31(30) Ia me baleta na Kalou (Mighty One), na nona sala e daumaka vakaoti, na vosa i Yahuwe (YHWH) sa vakatovolei oti e na bukawaqa; e taqomaki ira kece era kunea na nodra vakarurugi mai vua. 32(31) Se o cei tale na Kalou (Mighty One) vakavo ga o Yahuwe (YHWH)?  O cei na uluvatu, vakavo ga na noda Kalou (Mighty One). 33(32) O Yahuwe (Yah) sara ga a vauca na toloqu e na kaukaua, e cakava me dodonu na noqu sala. 34(33) E cakava meu totolo, ka yava dei me vaka na dia, e rawa kina vei au me tu e na noqu tikina cecere. 35(34) E vakatavulica na ligaqu e na ivalu me yacova ni sa rawa ni loveca e dua na dakaititi barasa na ligaqu. 36(35) Oni solia vei au na nomuni isasabai, oqori na veivueti; na ligamuni imatau e tabei au cake, na nomuni yalomalumu e vakavuna vei au meu vakaitamera.

Tehillim (Same) 18:16-36

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 127 in 5773 (Total 1863)	January 21, 2013
Reading	Hebrew Date
B’resheet ( Vakatekivu) 3-4	M #11: Shevat 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.