Rekava Kei Na Yamata Vuni (Rechav And The Spies)

Thought: Rechav Obviously Believed That YHWH’s Authority Cannot Be Challenged

 ...............

Serving For Yom Shlishi, Iyar 23, 5772.

(NB. In Counting Days Toward Shavu’ot (Gr:Pentecost), Today Is Day 38 out of 50)

MAI NA NEVI’IMI RISHONIMI (FROM THE NEVI’IM RESHONIM)

O Ye'hoshua na luve i Nani, a qai tala, mai Shitimi e rua na tagane rau sa kila vinaka oti tu na vanua ni kaya vei rau, Drau lai raica mada mai na vanua o Yeriko. Rau mani lako, rau qai lai curu sara e nona vale e dua na yalewa, (dau) saqamua saumi, na yacana o Rekava (Rechav), rau qai lai vakaicili e keya. 2 A qai lai tukuni vua na tui Yeriko na itukutuku, Raica, e rua na tagane, rau a lako mai e na bogi oqo, mai vei ira na luve i  Yisira'yili, me rau mai dikeva vakavuni na vanua. 3 A mani talatala vei Rekava na tui Yeriko, ni kaya, Kauti rau mai i tautuba na tagane rau a curuma na nomu vale e na bogi; baleta rau a lako mai me rau mai dikeva vakavuni na vanua. 4 Ia a sa kauti rau oti na tagane, na yalewa, me lai vunitaki rau, oti qai kaya, Io o rau na tagane rau a lako mai vei au, ia au sega ga ni kila se rau a lako mai vei, e na gauna rau lako mai kina vei au; 5 Ia a qai yaco e na gauna vata a sogo kina na matamata, e na gauna sa butobuto kina, ni rau a biubiu tale kina; au sega ga ni kila se rau sa lako i vei; cemuri rau yani vakatotolo; baleta oni toboki rau dina ga; 6 Ia o koya e a kauti rau cake i na delavuvu ni vale, qai vunitaki rau e na ruku ni ibinibini tidolo ni laino, e a biuti ira tu e na delavuvu. 7 Ia o ira na tamata era a qai vakamuri i rau e na sala vaka i na Yaradani, me yaco e na ivutovuto; ia ni ra sa curu oti i tautuba o ira era vaqarai rau tiko na yamata vuni, era qai sogota na matamata. 8 Ni rau se bera ni davo, sa lako cake tale yani vei rau i na delavuvu o koya; 9 Qai kaya vei rau na tagane, Au kila ni sa solia vei kemuni na vanua qo o Yahuwe (YHWH), ka sa lutuki keimami tiko kina qo na domobula, o ira kece talega era vakaitikotiko e na loma ni  vanua, era sa domobula tu baleti kemuni. 10 Keimami sa rogoca kece na nona a vakamamacataka na wai ni Wasa Sufa e matamuni o Yahuwe (YHWH) e na gauna oni a biubiu kina mai Ijipita; ka vaka kina na ka oni a cakava vei rau na  tui Emori e rua, vei Sikona kei 'Oqa, ni oni a vakarusai rau vakadua. 11 E na gauna keimami rogoca kina na veika oqo, e a waicala vakadua na vuniyalo i keimami, ka sa yali vakadua na vo ni yaloqaqa e bau tiko vei keimami kecekece, baleti kemuni; baleta o Yahuwe (YHWH) na nomuni Kalou (Mighty One) o koya na Kalou (Mighty One) mai lomagalgi e cake, kei na vuravura qo e ra. 12  O koya oqo, mo drau bubului kina vei au (e na yaca) i Yahuwe (YHWH), baleta niu a yalololoma vei kemudrau, o kemudrau talega mo drau na yalololoma vei au kei na matavuvale nei tamaqu, ia mo drau solia vei e dua na kena ivakatakilakila dina; 13 Ni drau na vakabulai tamaqu, tinaqu, o ratou na ganequ, o ratou na taciqu, kei na ka kece keitou taukena, ka mo drau na vueta na neitou bula mai na mate. 14 Rau kaya vua o rau na tagane, Keirau na solia (na neirau bula) me keirau mate e na vukumudou, kevaka o sega ni tukuuna na keirau itukutuku. E na qai yaco e na gauna sa solia kina o Yahuwe (YHWH) na vanua oqo vei keimami, ni keimami na yalololoma vakaidina vei iko. 15 Oti sa qai tukuci rau sobu e na dali mai na katuba leka; baleta na nona vale e sema tu kei na bailalaga ni koro, o koya e vakaitikotiko sara ga e na dela ni bailalaga. 16 E kaya vei rau o koya,  Drau dro vaka i na ulunivanua, de ra qai sotavi kemudrau o ira era vaqarai kemudrau tiko; ia mo drau lai vuni tu mada mai keya me siga tolu; me yacova ga ni ra sa lesu tale mai o ira era vaqarai kemudrau tiko,  drau lesu tale yani e na nomudrau ilakolako. 17 Rau kaya vua o rau na tagane, Keirau na sega ni cala e na vuku ni bubului oqo o sa cakava vei keirau me keirau bubuluitaka;

18 Raica ni keimarni sa lako mai i na loma ni vanua, o iko mo vesuka tiko na dali ni vulovulo damudamu oqo, e na katuba leka o na tukuci keirau sobu kina; o iko mo na qai kauti iratou mai o tamamu, o tinamu, o ira na ganemu kei ira kece na lewe ni matavuvale i tamamu eke vei iko. 19 E na yaco, ni o koya ga e curu i tautuba mai na katuba ni nomu vale me lako i gaunisala, na nona dra sa na toka ga e uluna o koya vakataki koya, o keirau sa na sega kina na neirau cala; ia o koya ga e tiko vata kei iko e loma ni nomu vale, na nona dra e na toka ga e ulu i keirau, e na neirau na kena cala ke dua na tamata e vakamavoataki koya. 20 Ia kevaka o tukutukutaka na ka oqo; ia keirau sa na sere mai na bubului oqo, o sa cakava me keirau bubuluitaka. 21 Kaya vei rau o koya, Me vaka ga na nomudrau vosa, sa na yaco vakakina.  Oti sa qai vakatalai rau laivi, rau sa qai biubiu; sa qai bukia na dali damudamu e na katuba leka.

Josua (Ye’hoshua) 2:1-21

NA IVAQA NI BULA (FOOD FOR THE SOUL)

O She’ola (na ibulubulu) kei na rusa e rau tadola tu (vakamatata) e na mata i Yahuwe (YHWH): sa qai wacava na nona kila vinaka sara na vuniyalodra (vuni) na tamata?

Vosa Vakaibalebale (Mishlei) 15:8-10

LOMANI YAHUWE NA NOMU KALOU (LOVE YHWH YOUR MIGHTY ONE)

HALELUYA! (se Vakavinavinaka vei Yahuwe (YHWH)). Au na vakavinavinaka vei Yahuwe (YHWH) e na vuniyaloqu taucoko, e na nodra soqo na yalododonu, ka vaka kina e na loma ni isoqosoqo. 2 Na cakacaka i Yahuwe (YHWH) era ka levu, era dau vakasaqara o ira era kunea ni talei vei ira. 3 Na nona cakacaka e vakaturaga ka dau qoroi; na nona yalododonu e tudei me tawamudu. 4 E cakava na nona cakacaka talei me na dau nanumi: o Yahuwe (YHWH) e dau loloma ka sinai e na veikauwaitaki. 5 E solia na kakana vei ira era dau rerevaki koya; ka dau vakananuya tiko ga na nona veiyalayalati.

6 ¶ O koya e sa vakatakila oti vei ira na nona tamata na kaukaua ni nona cakacaka, me rawa ni na solia vei ira me nodra ivotavota na veimatanitu. 7 Na cakacaka ni ligana era dina ka dodonu, era na tudei tu me tawamudu ka sega ni mudu; 8 Na nona ivakaro kece sara era tudei ka ra dau vakayacori e na yalododonu kei na dina. 9 O koya e sa tala na bula vei ira na nona tamata: na nona veiyalayalati e na nanumi tu me tawamudu; e dau dokai ka dau vakarokorokotaki na yacana. 10 Na vakarokorokotaki i Yahuwe (YHWH) e ivakatekivu ni vuku; na yalomatua dina e tiko vei ira kece era vakayacora na nona ivakaro: na nona dokai e na tudei me tawamudu.

Same (Tehellim) 111:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 135 o/o 1595	May 15, 2012
Reading	Hebrew Date
M’lakhim Bet (2 Tui) 12-14	Iyar 23, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.