Na Kalougata I Yahuwe (YHWH’s Blessings)

Thought: Total And Devoted Obedience To YHWH Will Bring Blessings.

................. 

Serving For Yom Shlishi, Iyar 9, 5772

(NB. In Counting Days Toward Shavu’ot (Gr:Pentecost), Today Is Day 24 out of 50)

MAI NA TORAA (FROM THE TORAH

IA kevaka o ni na vakarorogo vakaidina i na vosa i Yahuwe (YHWH) na nomuni Kalou (Mighty One), mo ni vakamuria  ka cakava na nona ivakaro kece sara au vakarota tiko vei kemuni edaidai, e na qai laveti kemuni cake o Yahuwe (YHWH) na nomuni Kalou (Mighty One) mo ni uasivi cake mai vei ira kece na veimatanitu e vuravura; 2 Kevaka oni vakarorogo tiko i na vosa i Yahuwe (YHWH) na nomuni Kalou (Mighty One), na kalougata kece oqo, e na tarai kemuni, me mana tiko vei kemuni. 3 Oni na kalougata e na korolevu, ka kalougata talega e na loma ni nomuni vanua. 4 Oni na kalougata e na vua ni yagomuni kei na vuata ni nomuni vanua, na nodra vakavakasucu na nomuni manumanu, me tubu na nomuni qeleni bulumakau kei na nomuni qeleni sipi. 5 Oni na kalougata e na sova ni kemuni madrai kei na nomuni beseni ni balibali (falawa). 6 Oni na kalougata ni oni curu mai, oni na kalougata talega ni oni curu yani i tuba. 7 O Yahuwe (YHWH) e na vakavuna vei ira na kemuni meca era tu mai me ra valuti kemuni, me ra soro ka vakadrukai e matamuni; era na toso mai mera mai valuti kemuni e na dua ga na sala, ia era na veidroyaki e na vitu na sala. 8 O Yahuwe (YHWH) e na vakarota moni kalougata e na nomuni lololo, kei na veika kece oni vakacakcakataka kina na ligamuni moni cakava; e na qai vakalougatataki kemuni talega e na  qele, e a solia vei kemuni o Yahuwe (YHWH) na nomuni Kalou (Mighty One). 9 O Yahuwe (YHWH) e na vakadeitaki kemuni moni tamata vakatabui vua, me vaka a bubuluitaka vei kemuni, kevaka oni bula muria na ivakaro taucoko nei Yahuwe (YHWH) na nomuni Kalou (Mighty One) moni lako muria tiko na nona sala. 10 O ira kece na tamata e vuravura era na raica ni oni sa dau kacivi e na yaca i Yahuwe (YHWH); era na  qai dau  domobulataki kemuni. 11 O Yahuwe (YHWH) e na vakaiyautaki kemuni e na veika vivinaka, e na vua ni yagomuni, e na vakaluveni ni nomuni manumanu kei na vuata ni nomuni iteitei, e na vanua a bubuluitaka o Yahuwe (YHWH) vei ira na nomuni qase me na solia vei kemuni. 12 O Yahuwe (YHWH) e na dolava vei kemuni na nona lololo ni veika vinaka, na lomalagi, me solia vei kemuni e na nona vakatauca na uca i na nomuni vanua e na kena gauna dodonu, e na  vakalougatataka na cakacaka kece ni ligamuni; oni na soli dinau vei ira e vuqa na matanitu, ia oni na sega ni dinau; oni na vakavulewa e na vuqa na veimatanitu, ia o ira era na sega ni mai vakavulewa vei kemuni. 13 O Yahuwe (YHWH) e na lesi i kemuni moni uludra, moni kakua ni buidra; oni na dau toka ga e cake, oni na sega ni lai toka mai ra; kevaka moni galeleta na ivakaro (mitzvot) i Yahuwe (YHWH) na nomuni Kalou (Mighty One) au sa vakarota tiko vei kemuni e na siga edai, mo ni vakamuria ka vakayacora. 14 O kemuni moni kakua ni vuki tani mai na dua ga vei ira na ivakaro (mitzvot) au vakarota tiko vei kemuni e na siga edai, i na imatau, se i na imawi, o kemuni moni kakua ni vakamuria na nodra kalou na kaitani se moni qaravi ira.

Na iVakarua (D’varim) 28:1-14

NA IVAQA NI BULA (FOOD FOR THE SOUL)

Na tamata yalowai e vakabauta na vosa kece ga; ia na yalomatua e vakadeuca taumada na duidui ni ka vinaka mai na ka ca. 16 ¶ Na tamata vuku e qaqarauni, ka vuki tani mai na ca; ia na lialia e vakasegata e na yalo ni vakasausa.

Vosa Vakaibalebale (Mishlei) 14:15-16

LOMANI YAHUWE NA NOMU KALOU (LOVE YHWH YOUR MIGHTY ONE)

NA nona masu e dua e bikai tu e na rarawa, e na vuku ni nona malumalumu, ni sovara tiko na nona vutugu vei Yahuwe (YHWH). 2(1) Rogoca na noqu masu i Yahuwe (YHWH), laiva na noqu tagi me rogo yani vei kemuni. 3(2) Kakua ni vukica laiva mai vei au na matamuni, e na siga au leqa tu kina; Vakatudaliga mai vei au e na siga au kaci yani kina, sauma mai vei au vaqunaquna. 4(3) Baleta na noqu veisiga sa tilomi me vaka na kubou, kei na suiqi sa vulavula me vaka era vakamai. 5(4) Na vuniyaloqu sa moku ka sa malai me vaka na co; au sa guilecava kina meu kania na qau madrai. 6(5) Baleta na domo ni noqu vutugu, na suiqu sa kabita na kuliqu. 7(6) Au sa tautauvata kei na pelikani ni veikau; Au sa vaka na lulu ni vanua dravuisiga. 8(7) Au sa kureitaki me vaka na separo ni toka duadua e na delavuvu ni vale. 9(8) Na kequ meca era vakasewasewani au e na siga taucoko; o ira era a dau vakasakititaki au, era sa bubului me ra saqati au. 10(9) Au sa kania na dravusa me vaka na madrai, ka veiwakitaka na mequ gunu e na tagitagi, 11(10) Baleta na nomuni rarawa kei na nomuni leva; ka ni oni a laveti au cake, oni qai kolotaki au sobu. 12(11) Na noqu veisiga e vaka na yaloyalo (shadow) e vakatatiki; au sa malai me vaka na co.13(12) ¶ Ia o kemuni, i Yahuwe (YHWH) oni na bula tiko me tawamudu; oni na nanumi vei ira na veitabatamata kece.14(13) Matacake moni lomani Zaiyoni: ka ni sa kena gauna me lomani kina o koya.15(14) O ira na nomu italai era rekitaka na kena veivatu, ka ra taleitaka na kena kuvu ni soso.16(15) O ira na tabulotu era na qarava na yaca i Yahuwe (YHWH) kei ira na tui kei vuravura na nomuni lagilagi. 17(16) O Yahuwe (YHWH) ni sa tarai Saiyoni cake, e na qai rairai mai e na nona lagilagi; 18(17) E na  galeleta na nodra masu na vakaloloma, e na sega ni beca na nodra masu. 19(18) Qo e na volai e na vukudra na itabatamata maimuri; o ira na tamata era na buli era vakamuduo vei Yahuwe (YHWH). 20(19) Baleta sa rai sobu mai o koya, mai na dela ni Nona yasana tabu; Mai lomalagi, o Yahuwe (YHWH) e na raici vuravura; 21(20) Me rogoca na nodra kudru na kaivesu, ka sereki ira era lewai me ra totogimate; 22(21) Me tusanaki na yaca i Yahuwe (YHWH) ka vakacerecerei mai Yerushalayimi; 23(22) Ni ra sa soqo vata o ira na tamata kei na veimatanitu, me ra sa qaravi Yahuwe (YHWH)

24(23) ¶ Baleta era vakamalumalumutaka na noqu kaukaua e vuravura; ka ra sa kaya vei au na lekaleka ni noqu veisiga. 25(24) Isa noqu Kalou (Mighty One), kakua ni kauti au laivi e na veimama ni noqu bula; na nomuni veiyabaki sa yacova na itabatamata kecega. 16(25) Mai liu oni a vakotora na yavu kei  vuravura: na lomalagi e cakacaka ni ligamuni. 27(26) Era na rusa, ia o kemuni oni bula tiko ga; io o ira kece era na madra yani me vaka na isulu, me vaka na sote era na yavu yani; 28(27) O kemuni oni tautavata tu ga, na nomuni veiyabaki e sega na kena itinitini. 29(28) Na luvedra o ira na Nomuni dauniveiqaravi e na toso tikoga, kei ira na nodra kawa era na vakadeitaki e matamuni.

Same (Tehellim) 102:1(0)-29(28)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 121 o/o 1581	May 1, 2012
Reading	Hebrew Date
M’lakhim Alef (1 Tui) 1-2	Iyar 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.