Thought: Yahweh Blesses A Cheerful Giver
Serving For Yom Shlee-shee, Adar-Alef 4, 5771
Era biubiu mai na mata i Moshe o ira kece sara na lewe ni isoqosoqo taucoko ni luve i Isira’yili. 21 Era lako mai, o ira kece era lomasoli mai vuniyalodra kei ira kece era vakauqeti mai vakayalo me ra yalosoli, era qai kauta mai na isolisoli vei Jiova (Yahweh) me baleta na cakacaka ni valetabu ni soqosoqo, na iyaya kece era vakayagataki kina kei na isulu tabu. 22 Era lako mai, ruarua na tagane kei na yalewa, o ira kece sara era yalosoli, me ra kauta mai na qato, na sau, na mama, kei na itaube, kei na veimataqali iyaya koula; o ira kece na tamata era biuta vakatikitiki na isolisoli koula era kauta mai oqo vei Jiova (Yahweh). 23 O ira kece na tamata e kune vei ira na isulu karakarawa, lokaloka kei na kulakula, kei na lineni matailalai, na vutinime, kei na kuli ni sipi tagane damudamu, kei na kuli karakarawa kata, qori era yauta mai. 24 O ira kece sara era biuta vakatikitiki tu e dua na isolisoli siliva kei na barasa era a kauta mai vakaisolisoli vei Jiova (Yahweh); o ira na tamata e tu vei ira na kau shitimi e na yaga e na cakacaka ni veiqaravi, era kauta tale ga mai. 25 O ira na yalewa era kenadau, era a talitali e ligadra, era qai kauta na veika era talia, ruarua na karakarawa kei na lokaloka vata kei na i sulu kulakula kei na lineni matailalai. 26 O ira na yalewa era kenadau ka nodra gagadre dina, era talia mai vakamaqosa na vuti ni me. 27 O ira na ravouvou, era kauta mai na vatu onikisa kei na vatutalei me vonoti e na efoti kei na iubi ni saresare; 28 vata kei na ivakaboi totoka, na waiwai ni icina, kei na waiwai ni veilumuluti, kei na isaluaki ni kau boi vinaka me vakamai. 29 O ira na luve i Isira’yili era a kauta na isolisoli e na lomasoli vei Jiova (Yahweh) oya; o ira kece na tagane kei na yalewa era yalosoli era a kauta mai na iyaya me vakayagataki e na cakacaka kece sara, a vakarota o Jiova (Yahweh) me na cakava o Moshe.
Moni marautaka na solevu ni madrai sega ni vakaleveni (oya moni kania na madrai e sega ni vakaleveni me vitu na siga, qori au sa vakarota oti vei kemuni, e na kena gauna lokuci e na vula o Avivi baleta e na vula o Avivi, oni a biubiu kina mai na vanua o Ijipita) ia moni kakua ni basika mai e na liga lala;
| Read The Scriptures (Tanakh) in a Year | |
| Siga (Day)/Blog | Tikinisiga (Date) |
| 039/Blog No. 1179 | February 8, 2011. |
| Reading | Hebrew Date |
| Adar Alef 4, 5771. | |
| Click The Bible Text To Read It In Gateway In Another Language Or Version | |
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
