O Yahuwe Na iTinitini Ni Lewa (YHWH Is The Ultimate Authority)

Thought: Sins Infuriates Yahweh Most Of All.

..................... 

Serving For Yom Reeshone, Tammuz 29, 5771

Me baleti Dameseka (Damascus): Rau sa vakamaduataki kina o Hamata kei Arapade, baleta ni rau rogoca na itukutuku ca; rau qai taqaya; rau  qai yamasamasa me vaka na biau ni waitui, rau qai sega kina ni vakacegu rawa. 24 O Dameseka sa vakagogotaki, qai vuki me dro; na sautanini e a vesuki  koya; na yaluma kei na vutu a manati koya, me vaka e dua na yalewa e taratara. 25 E a vakacacani beka vakacava na korolevu lagilagi, na korolevu ni mamarau! 26 Qori era na bale kina o ira na nona  cauravou e na kena veisaqata, o ira kece na tagane ni ivalu era na vagalui e na siga oya, e kaya o Yahuwe ni lewevuqa (YHWH Tzva’ot). 27 Au na vakawaqaca e dua na yame ni bukawaqa e na veigaunisala kei Dameseka, me na kovuta vakadua na  veivale vakatui nei Beni-Hadada.

Jeremaia (Yirmeyahu) 49: 23-2

Vakatudaliga mai i na noqu vosa i Yahuwe (YHWH) ka vakananuya na noqu vakanananu. 2 Rogoca mada na domo ni noqu tagi, noqu Tui kei na noqu Kalou (Mighty One) baleta vei kemuni au masu tiko yani kina oqo. 3 Na domoqu oni na rogoca e na veimataka i Yahuwe (YHWH); e na veimataka au na vakarautaki au meu raici kemuni. 4 Baleta o kemuni oni sega ni Kalou (Mighty One) dau taleitaka na itovo vakasisila; e na sega talega ni lai tiko vata kei kemuni na ivalavala ca. 5 O ira na dokadoka era na sega ni  mai duri tu vakarairai vei kemuni; baleta ni oni dau sesevaki ira era dau cakacakataka na ivalavala ca. 6 Oni na vakarusai ira era dau cavuta na vosa lasulasu; O Yahuwe (YHWH) e na sega ni ciqomi ira na tamata era dau vakadave dra se dau lawaki ca.

7 ¶ Ia o au, au na lako yani i loma ni nomuni vale, baleta na vakaitamera ni nomuni yalololoma; Au na curu i loma ni nomuni vale meu sokalou e na loma ni nomuni valenisoro tabu. 8 Tuberi au, i Yahuwe (YHWH) e na nomuni yaloniveidokai kei na nomuni  yalododonu; e na vukudra na kequ meca, cakava na nomuni sala me matata e mataqu. 9 Baleta ni sega na lewadodonu e gusudra; e na kune ga na ivalavala ca e lomadra; na nodra itilotilo e vaka na ibulubulu e se dola tu; era dau veivakacalai e na yamedra.10 Totogitaki ira kemuni na Kalou (Mighty One); laiva me ra tacaqe tale e na nodra ivakasala; kolotaki ira laivi baleta na ilevu ni nodra ivalavala dukadukali, baleta ni ra vakacudrui kemuni. 11 Ia laivi ira era dau vakanuinui vei kemuni me ra rekitaki kemuni; me ra vakalagilagitaki kemuni tiko me tawamdu, oti moni qai mai bula tiko e na kedra maliwa; o ira kece era taleitaka na yacamuni me ra na vakaukauataki mai vei kemuni.12 Baleta oni na vakalougatataki ira na yalododonu, i Yahuwe (YHWH); oni sa ukutaki au me vaka e dua na isasabai maqosa vakaoti.

Same (Tehellim) 5: 1-12

Siga (Day)/Blog	Tikinisiga (Date)
211/Blog No. 1351	July 31, 2011.
Reading	Hebrew Date
Same (Tehellim) 62-64	Tammuz 29, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vaqara Vei Yahuwe Na Nomu Vakavoutaki (Seek YHWH For Your Renewal)

Thought: Yahweh Can Refashion or Renew Our Lives

........................ 

Serving For Yom Shaynee, Tammuz 28, 5771

Mai na ivakatekivu sara na idabedabe vakatui lagilagi ka cecere, e a neimami vanua ni veitaqomaki.13 O Yahuwe (YHWH) e inuinui nei Isira'yili; ia o ira kece era vakanadakui kemuni era na madua kei ira kece era vakavunene me ra saqati kemuni, e na volai na yacadra e na kuvu ni soso, baleta era vakanadakui Yahuwe (YHWH), na ivurevure ni wai bula. 14 Vakabulai (heal) au, i Yahuwe (YHWH) au na qai bula; vueti au, au na qai vueti;  baleta o kemuni ga au dau vakacaucautaka. 15 Raica, era kaya vei au, Evei na vosa i Yahuwe (YHWH)? Laiva me lako mai qo. 16 Ia o au, au a sega ni vakatalatalataki kemuni moni kauta mai na ca; kau sega talega ni gadreva me dua na tamata e sotava na nona siga ni leqalevu; o kemuni oni kila, na veika e curu mai na tebenigusuqu e toka ga e matamuni. 17 Ni kakua ni mai vakadomobula vei au: ia moni tiko ga vata kei au e na veisiga ni leqaleqa. 18 Laivi ira me ra vakamaduataki, o ira era beitaki au, ia laiva meu kakua ni vakamaduataki; laivi ira me ra vakadrukai; ia laiva meu kakua ni vakadrukai; kauta mai vei ira na nodra siga ni ca, qai vakadrukai ira, me ra vakadrukai vakarua.

Jeremaia (Yirmeyahu) 17:12-18

O Yahuwe (YHWH) e noqu ivakatawa; e na sega na ka me na sega vei au. 2 E cakava o koya meu cegu e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e mataqu e na kedra maliwa na kequ meca; oni lumuta na uluqu e na ilumu,  na noqu bilo sa vuabale. 6 Sa dina ga ni na muri i au na nomuni yalovinaka kei na nomuni yalololoma e veisiga kecekece ni noqu bula;  au sa na lai vakaitikotiko voli ga e na vale nei Yahuwe (YHWH) me tawamudu.

Same (Tehellim) 23:2-3

Siga (Day)/Blog	Tikinisiga (Date)
210/Blog No. 1350	July 30, 2011.
Reading	Hebrew Date
Same (Tehellim) 59-61	Tammuz 28, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Eda Gadreva Na Yalo Savasava (A Clean Heart We Need)

Thought: Find Yahweh, To Solve Our Evil Heart Problems

........................ 

Serving For Yom Ha Shee-shee, Tammuz 27, 5771

I Yahuwe (YHWH) na noqu kaukaua, na noqu dauniveivuke, ka noqu idrodro e na gauna ni leqaleqa; o ira na kai Veimatanitu tani era na lako mai vei kemuni mai na iyalayala kei vuravura, era na qai kaya, E ka dina, na matakau lasulasu era a muria sobu tiko mai o ira na tama i keimami, era sega wale ni dua na ka, ka sega ni kune vei ira e dua na ka yaga. 20 Raica, o ira na tamata era sa bulia tiko na nodra dui kalou, ia qori era sega ni kalou! 21 Qori, raica, au sa na vakaraitaka kina vei ira e na gauna oqo, au vakatakila vei ira na ligaqu kei na noqu kaukaua; era na qai kila ni yacaqu o Yahuwe (YHWH).

Jeremaia (Yirmeyahu) 16: 19-21

NI lomani au i Yahuwe (YHWH) e na nomuni yalololoma: e na vakaitamera ni nomuni yalovinaka ni bokoca laivi na noqu ivalavala ca. 2 Savati au sara vakaoti mai na noqu talatalai dredre, ka quaraka laivi vakadua na noqu ivalavala ca. 3 Au vakadinata na noqu dau talatalaidredre, baleta na noqu ivalavala ca sa matata vinaka tu e mataqu. 4 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa. 5 Baleta raica, au a buli mai na ca (iniquity); ia e na ivalavala ca o tinaqu e a kunekunetaki au. 6 Raica oni gadreva na dina, ia na veika vuni kece me baleta na nomuni vuku oni sa vakatakila vei au. 

7 ¶ Vakamiraci au e na taba ni hisopi, au na qai savasava; savati au, au na qai vulavula cake mai na uca cevata. 8 Vakacegui au e na nomuni reki kei na marau; me rawa ni marau tale na yaloqu sa ramusu tu. 9 Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 10 Bulia e lomaqu e dua na vuniyalo savasava, kemuni na Kalou (Mighty One)  ka vakavoutaka na yalodina e lomaqu. 11 Kakua ni botolaki au laivi mai  matamuni; kakua ni kauta laivi mai na  yalomuni tabu (Ruach HaKodesh) mai vei au. 12 Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 14 Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu. 15 I Yahuwe (YHWH), o kemuni, moni dolava na tebenigusuqu, na gusuqu e na qai vakatusa wavoki na nomuni vakacaucautaki. 16 Baleta oni sega ni gadreva na imadrali se marautaka na isorokama. 17 Na isoro vua na Kalou (Yahuwe (YHWH)) na vuniyalo e ramusu ka bibivoro, i Yahuwe (YHWH) oqori oni sega ni cata.

Same (Tehellim) 51:1-17

Siga (Day)/Blog	Tikinisiga (Date)
209/Blog No. 1349	July 29, 2011.
Reading	Hebrew Date
Same (Tehellim) 56-58	Tammuz 27, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Viavialevu Levu Vei Yahuwe E Tawayaga ( Arrogance to Yahweh is Useless )

Thoughts: Arrogance In Front Of Yahweh Does Not Pay

 .........................

Serving For Yom Khah Mee-shee, Tammuz 26, 5771

A qai yaco mai vei Yiremeyahu na vosa  i Yahuwe (YHWH), ni sa vakama oti na tui, na ivola vivigi kei na vosa i Yiremeyahu, a lavetaka o Baruku na vunivola ni kaya, 28 Tinia na nomu tiko vakavuni, taura mai e dua tale na ivola vivigi, mo vola kina na vosa kece a tiko e na imatai ni ivola vivigi, sa vakama oti o Yoyakimi na tui Ya'huda. 29 Oti mo qai kaya vei Yoyakimi na tui Ya'huda, Oqo na ka e kaya o Yahuwe (YHWH); O sa vakama na ivola vivigi, oti mo qai vakamacalataka na vuna o a vola kina, me rawa ni tukuni kina, Na tui Bavelab e na lako dina mai me mai vakacacana na qele qo ka vaqeyavutaka mai kina na  tamata kei na manumanu?  30 O koya qo e kaya kina o Yahuwe (YHWH) me baleti Yoyakimi na tui Ya'huda; O koya, sa na sega ni dua na nona kawa me na dabe e na idabedabe vakatui nei Davide; na yagona mate  e na kolotaki laivi e na siga, i na todra ni siga katakata kei na tegucevata batabata e na bogi. 31 Au sa na totogitaki koya kei ira na luvena vata kei ira na nona dauniveiqaravi e na vuku ni nodra ivalavala ca; oti au na qai kauta mai vei ira vata kei ira na itaukei kei Yerusalayimi kei ira na tagane mai Ya'huda na ka ca kece au sa kaya oti me baleti ira; baleta ni ra a sega  ni vakatudaliga i na domoqu. 32 Sa qai taura e dua tale na ivola vivigi o Yiremeyahu, solia vei Baruku na luve i Neriyahu, na vunivola, me volavola kina ni wiligusutaka tiko vua na vosa kece era a volai tu e na ivola a vakama e na bukawaqa o Yoyakimi na tui Ya'huda; ka vakakuria e na vuqa tale na vosa era tautauvata ga.

Jeremaia (Yirmeyahu) 36:27-31

Vei keimuni i Yahuwe (YHWH) keimami vakavinavinaka; vei kemuni, keimami solia na neimami vakamuduo ka kaciva na yacamuni; 2 Keimami na tusanaka na nomuni cakacaka veivakurabuitaki; e na qai yaco mai na gauna au na vakataulewa kina vakadodonu. 3 O vuravura kei ira kece era vakaitikotiko kina era na qai vakamalumalutaki; oni sa lesi i ira na kena tamata. 4 Oni kaya vei ira na lialia, Ni kakua ni vakayacora na ivalavala lialia, vata kei ira na ca, Kakua ni laveta i cake na nomuni  ileu;  5 Kakua ni laveta na ileu i cake, kakua ni vosa e na domoqa.

6 ¶ Na isasabai e sega ni lako mai na vuaira se na vuaicake se mai na veiulunivanua dravuisiga 7 Baleta o Yahuwe (YHWH) ga e kena daunilewa; e na biuta sobu e dua, ka vakaduria cake e dua tale. 8 Baleta e na liga i Yahuwe (YHWH) e toka kina e dua na bilo, e sinai tu e na   waini e waki tu kei na kena kosa; e na qai veisoliyaka mai vua e dua, kivua e dua tale; e ka dina ni o ira kece na dukadukali kei vuravura era na gunu mai na kosa oya. 9 Ia au na bula tiko me tawamudu; au na seretaka na vakavinavinaka vua na Kalou (Mighty One) i Ya’akove.10 Na nodra ileu kece na dukadukali era na musu laivi; ia na nodra ileu na yalododonu, era na vakacerecerei.

Same (Tehellim) 75: 1-10

Siga (Day)/Blog	Tikinisiga (Date)
208/Blog No. 1348	July 28, 2011.
Reading	Hebrew Date
Same (Tehellim) 53-55	Tammuz 26, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iSolisoli nei Jiova (Yahweh’s gifts)

Thought: Yahweh Gives Us Wisdom and Understanding;

 .....................

Serving For Yom Revee-ee, Tammuz 25, 5771

Ia o iratou na le va na gone tagane oqo, na Kalou (Mighty One) a solia vei iratou na kilaka kei na yalomatua me baleta na ivola kecekece kei na vuku; o Dani'yili a qai tiko talega vua na kilaka me baleta na raivotu kei na tadra 18 Ni sa cava na veisiga a vakatura na tui, a qai kauti ira yani, na nodra iliuliu na Iunuku i na mata i tui Ne'vukadanesa. 19 A qai vosa vei ira na tui; qai kunea o koya ni sega ni dua vei ira, e tautauvata kei Dani'yili, Hananaya, Misha'yili kei Asaraya; qori ratou a lai duri kina e na mata ni tui. 20 E na veika me baleta na vuku kei na yalomatua, e a vakataroga vei iratou na tui, a qai kunea kina o koya ni vakatinitaki na ilevu na ka eratou kila ni ratou vakatauvatani kei ira kece na daucakamana kei ira na dauraimata ni lomalagi, era tiko e na loma ni nona matanitu taucoko. 21 O Dani'yili a qai cakacaka tiko me yacova sara na imatai ni yabaki nei tui Koreshi.

Taniela (Dani’yl) 1: 17-21

Ia e vu sara tiko beka mai vei na vuku? E tiko beka evei na vanua ni yalomatua? 21 E vunitaki dina tiko mai matadra na veika bula, ka tabonaki maivei ira na manumanu vuka ni macawalala. 22 O rusa kei mate rau a kaya, Keirau sa rogoca oti na kena ivakamacala e daligai keirau. 23 Na Kalou (Mighty One) duadua ga e kila na kena gaunisala, ka kila o Koya na kena vanua. 24 Baleta o koya e yaco vakadua i na iyalayala kei vuravura na veiyasana e dau dikeva, ka raica talega na veiyasana kece sara e ruku i lomalagi, 25 O koya e bulia e dua na bibi me baleta na cagi, qai veiwaseyaka vakaivakarau. 26 E bulia na lawa me baleta na uca, kei na sala ni yaseyase kei na kurukuru, 27 Oti qai raica, ka tusanaka; o koya  talega a qai vakarautaka, io, qai vakadeuca talega. 28 Vua na tamata e kaya o Koya, Raica, na dokai nei Jiova (Yahweh), oqori na vuku; ia na vakanadakui ni ivalavala  ca; qori na yalomatua.

Jope (Iyov) 28: 20-28

Na nona ivakaro kece sara era tudei ka ra vakayacori e na yalododonu kei na dina. 9 E sa tala mai na bula o koya vei ira na nona tamata: na nona veiyalayalati e na nanumi tu me tawamudu; e savasava ka dau vakarokorokotaki na yacana. 10 Na rerevaki i Yahuwe (YHWH) e ivakatekivu ni vuku; na yalomatua dina e tiko vei ira kece era vakayacora na nona ivakaro: na nona vakamudotaki  e na tudei tu me tawamudu.

Same (Tehellim) 111: 8-10

Siga (Day)/Blog	Tikinisiga (Date)
207/Blog No. 1347	July 27, 2011.
Reading	Hebrew Date
Same (Tehellim) 50-52	Tammuz 25, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Ni Talaidredre (Disciplined for Indiscipline)

Thought: Our Discipline Show To Us What Is Wrong

......................... 

Serving For Yom Shlee Shee, Tammuz 24, 5771

A qai yaco e na ikava ni yabaki nei Yo'hoyakimi na luve i Yoshiyahu na tui Ya'huda, ni a yaco mai na nona vosa vei Yiremeyahu (Yirmeyahu), o Yahuwe (YHWH), ni kaya, 2 Taura e dua na ivivivi ivola, ka vola kina na vosa kece au sa tukuna oti vei iko me baleti Isira'yili kei Ya'huda kei na veimatanitu kece sara, mai na siga au a vosa kina vei iko, mai na gauna i Yoshiyahu me yacova mai na siga oqo. 3 De dua era sa rogoca oti na vale i Ya'huda na veika ca au sa nakita tiko meu na cakava vei ira; me rawa kina ni ra saumaki kece sara mai na nodra ivalavala ca; meu qai bokoca kina na nodra talatalaidredre kei na nodra ivalavala ca. 4 O Yiremeyahu a qai kacivi Baruku na luve i Neriyahu; o Baruku a qai vola sobu ni wiligusutaka tiko vua o Yiremeyahu (Yirmeyahu), na vosa kece a kaya vua o Yahuwe (YHWH), e na dua na ivivivi ivola 5 A qai vakaroti Baruku o Yiremeyahu (Yirmeyahu), ni kaya, Au sa sogolati tu; au na  sega ni curu rawa i na vale i Yahuwe (YHWH);  6 O koya oqori mo lako kina mo lai wilika na ivola vivigi, me vaka o a vola niu wiligusutaka tiko vei iko, mai na vosa i Yahuwe (YHWH) vei ira na tamata e na vale i Yahuwe (YHWH) e na siga ni lolo; o iko talega mo na wilika vei ira na tamata mai Ya'huda, era na lako mai, mai na nodra veikoro. 7 De dua era na qai vakacabora na masumasu e na mata i Yahuwe (YHWH), me ra qai saumaki laivi mai na nodra dui ivalavala ca; me rawa kina vei Yahuwe (YHWH) me tarova na ca sa lewa oti tu me ra na totogitaki kina; baleta e ka vakaitamera na cudru kei na leva sa cavuta oti o koya me na yaco vei ira na tamata oqo.

Jeremaia (Yirmeyahu) 36:1-7.

Kakua ni botolaki au laivi mai  matamuni; kakua ni kauta laivi mai na  yalomuni tabu (Ruach HaKodesh) mai vei au. 12 Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 14 Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu. 15 I Yahuwe (YHWH), o kemuni, moni dolava na tebenigusuqu, na gusuqu e na qai vakatusa wavoki na nomuni vakacaucautaki. 16 Baleta oni sega ni gadreva na imadrali se marautaka na isorokama. 17 Na isoro vua na Kalou (Yahuwe (YHWH)) na vuniyalo e ramusu ka bibivoro, i Yahuwe (YHWH) oqori oni sega ni cata. 18 Caka vinaka e na nomuni yalololoma vei Saiyoni; tara tale na bailalaga mai Yerushalayimi. 19 Oqori oni na qai mamarau kina e na isoro ni yalododonu, oya na isoro kama; era na qai cabora kina na veimataqali iloloma soliwale eso e na nomuni cabocabo ni isoro.

Same (Tehellim) 51: 11-19

Siga (Day)/Blog	Tikinisiga (Date)
206/Blog No. 1346	July 26, 2011.
Reading	Hebrew Date
Same (Tehellim) 47-49	Tammuz 24, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Nei Apakuki (Habakuk’s Message)

Thought: Yahweh Thinks Differently From Us, That Is Normal.

 ........................

Serving For Yom Shaynee, Tammuz 23, 5771

Au na tu vakarau tu e na noqu  tikina, ka vakatawa toka, e na dela ni valecere vatu, meu vakaraica se cava e na kaya mai vei au, kei na cava meu na sauma lesu vua me baleta na kequ itotogi. 2 Sauma mai vei au o Yahuwe (YHWH) ni kaya Vola na raivotu e na papa ni volavola ka vakarawarawataka me rawa ni kila vinaka o koya e wilika. 3 Baleta na raivotu qo e na yaco e na kena gauna lokuci; e na yaco dina e na ivakataotioti ni gauna, e na sega ni lasu; ia kevaka e bera, kakua ni yalototolo, baleta e na yaco dina mai, e na sega ni bera; 4 Baleta na yalona e sega ni taleitaka na itovo ca; ia na tamata yalododonu e dau bula e na vakabauta. 5  Na tamata qaciqacia ka kocokoco e na sega ni cegu na yalona, baleta sa vakarabailevutaka na gagadre me vakataki She’ola; ia me vaka na mate,  e sega ni veiraurau kei koya na ka, e na qai vakasoqoni ira vata mai vua na tamata kecekece, ka rawai ira mai vua na veimatanitu.  6 O ira kece qo, era na sega beka ni bulia e dua na vosa vakatautauvata me saqati kina o koya kei na vosa vakaibalebale me vakadiloi kina o koya me ra kaya, ‘Na leqa levu me yaco vua e soqona ka binia vata me nona na veika e sega ni nona! E na vakacava na kena dede na nona vakavodoka tiko me nona na iyau vakavuravura? 7 Raica. era na tu mai vakasauri o ira era na kati i iko, ka vakayadrati ira era na mai vakatubuleqa vei iko, o qai yaco mo nodra itoki vakaivalu.

Apakuki (Havakuk) 2:1-7

Raica, au sa solia i iko mo dua na ivakadinadina  vei ira na veimatanitu, e dua na daunivakavulewa ka iliuliu vei ira na veimatanitu 5 Mo na kacivi ira na veimatanitu o sega ni lilai ira; na veimatanitu era a sega ni kilai iko, era na cici mai vei iko, e na vuku i Yahuwe (YHWH) na nomu Kalou (Mighty One); baleta talega na Yalosavasava (Kodesh) i Isira'yili; baleta o koya sa lesi i iko.

6 ¶ Vakasaqarai Yahuwe (YHWH) ni se kune rawa; ia ni o sa kune i koya, kaci sara vua ni se toka voleka: 7 Laiva na tamata ivalavala ca me vakanadakuya na nona ivakara, kei na tamata vakasisila na nona vakasama; laivi koya me lesu vei Yahuwe (YHWH), baleta o koya e na yalololoma vua, ka vaka kina vua na noda Kalou (Mighty One) baleta o koya e na veivosoti sara vakalevu. 8 Na noqu vakasama e sega ni tautauvata kei na nomuni vakasama, na noqu ivakarau talega e sega  ni tautauvata kei na nomuni ivakarau, e kaya o Yahuwe (YHWH). 9 Me vaka na cere cake ni lomalagi mai na vuravura, e vakakina na cere ni noqu ivakarau mai na nomuni ivakarau, kei na noqu vakasama mai na nomuni vakasama

Aisea (Yesha’yahu) 55: 4-9

Siga (Day)/Blog	Tikinisiga (Date)
205/Blog No. 1345	July 25, 2011.
Reading	Hebrew Date
Same (Tehellim) 44-46	Tammuz 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakatakilakila ni Bulumakau (The Sign of the Ox Yoke)

Thought: Yahweh Is The Boss He Does As He Pleases

 ......................

Serving For Yom Reeshone, Tammuz 22, 5771

E na itekivu ni nona veiliutaki  vakatui o Sidikiyahu na luvei Yoshiyahu na tui Ya'huda, a qai yaco mai kina na vosa oqo vei Yiremeyahu, maivei Yahuwe (YHWH) ni kaya, 2 Oqo na ka e kaya vei au o Yahuwe (YHWH); Cakava eso na nomu ivua kei na ivesu, qai vakataqara e domomu, 3 Oti qai vakauti ira vei iratou na tui Idomi, na tui Mo'avi, na nodra tui na 'Amoni, na tui Tasora kei na tui Saidoni, e na ligadra na dau kauitukutuku era lako tiko mai i Yerusalayimi vei Sidikiyahu na tui Ya'huda; 4 ka vakaroti ira me ra lai kaya vei ira na nodra turaga (master), Oqo na ka e kaya o Yahuwe ni lewe vuqa (YHWH Tzva’ot), na nodra Kalou (Mighty One) na Isire’yili; Oqo na ka moni kaya vei ira na nomuni vei turaga eso; 5 O au, au a buli i vuravura kei na tamata kei na manumanu era tu e na dela ni vanua, e na noqu kaukaua levu kei na ligaqu ni veidodoyaki, kau a solia sara vei ira era rairai dodonu vei au. 6 Ia qo au sa solia na qele kece oqo i na liga i Nevukadanesa na tui Bavela, na noqu dauniveiqaravi, me lai yaga vua;  kau sa solia talega vua na manumanu me ra na yaga talega vua. 7 Na veimatanitu kecekece era na veiqaravi vua vata kei ira na luvena  kei ira na luve i luvedra, me yacova sara ni sa yaco mai na nodra duigauna na vanua oya; e levu na veimatanitu kei na tui cecere era na veiqaravi vua. 8 Ia na vanua kei na matanitu ena bese ni qaravi Nevukadanesa na tui Bavela, ka bese ni cuva me vakataqara e domodra na ivua nei tui Bavela, au na totogitaka na vanua oya e na seleiwau kei na dravuisiga kei na matedewa, e kaya o Yahuwe (YHWH) me yacova sara niu sa soli i ira i ligana.

Jeremaia (Yirmeyahu) 27:1-8

Reki tiko vei Yahuwe (YHWH), o kemuni oni  yalododonu; baleta na vakamuduo e kilikili vei ira era dau tu dodonu. 2 Vakamuduo vei Yahuwe (YHWH) e na api kei na qita; lagata na nomu vakamuduo vata kei na api wa tini. 3 Seretaka vua e dua na sere vou; Qiriqiri toka vakamaqosa me rawa ni rogo kamikamica.  4 Na vosa i Yahuwe (YHWH) e donu;  na nona cakacaka kece a vakayacori e na dina. 5 E taleitaka o koya na yalododonu kei na vakatulewa; o vuravura e sinai vutuvutu tu e na vinaka nei Yahuwe (YHWH). 6 E na vosa i Yahuwe (YHWH) era a buli kina na vuravura; o ira kece na kena itaukei e na icegu ni gusuna. 7 Na wai ni wasawasa e a vakasoqoni ira vata o koya me vaka e dua na binibini tavaya-leca ni wai; qai vakatikora na kena titobu e na kena lololo. 8 Laivi vuravura taucoko me rerevaki Yahuwe (YHWH); laivi ira na ivakatawa kece kei vuravura me ra vakarokoroko e na vukuna; 9 Baleta ni vosa o koya qai vakayacori, e a vakarota era qai tu dei. 10 O Yahuwe (YHWH) e cakava me tini dole na bosebose ni veimatanitu; o Yahuwe (YHWH) e vakatawayagataka na nodra vakanananu na tamata.11 Ia na lewa i Yahuwe (YHWH) e tu me tawamudu; na vakasama ni vuniyalona e kovuta na veitabatamata kece sara.

Same (Tehellim) 33:1-11

Siga (Day)/Blog	Tikinisiga (Date)
204/Blog No. 1344	July 24, 2011.
Reading	Hebrew Date
Same (Tehellim) 41-43	Tammuz 22, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dua Tale Na iTukutuku ( Another Message)

Thought: Idolatry Defies YHWH The Creator; A Sure Source of Sin.

........................ 

Serving For Shabbat, Tammuz 21, 5771

O Yahuwe (YHWH) a bulia na vuravura e na nona kaukaua; a tauyavutaka na vuravura e na nona vuku, ka dedeka na lomalagi e na nona kilaka: 13 E vakavuna me kudru na rorogo ni wai mai lomalagi, qai vakavuna o koya me cabe cake mai na o mai na mua yawa kei vuravura; e bulia na yaseyase me lidi kei na tau ni uca, ka vakavurea   na cagi mai na nona vale ni iyau. 14 Na tamata kece era dau vukivuki vakalialia baleta na lailai ni kilaka; o ira kece era dau cakacakataka na koula era sa madua baleta na ivakatarakara era dui bulia; baleta na ivakatakarakara ceu era ka ni veivakacalai, e sega na icegu e kune e lomadra.15 Era vu ni dokadoka, era cakacaka ni veivakalialiai: e na gauna era sa na mai sikovi kina me ra totogi era na qai  rusa.16 Na iwasewase nei Ya'akove e sega ni tautauvata kei ira; baleta o koya e a buli i vuravura e nodra iwasewase, o ira na Isira'yili era dua na nona  ivotavota; o Yahuwe ni lewe vuqa (YHWH Tzva’ot) na yacana.

 Jeremaia (Yirmeyahu) 10:12-16.

Sa qai vosa o Yahuwe (YHWH) me tukuna na vosa kece oqo, ni kaya, 2 O au o Yahuwe (YHWH) na nomuni Kalou (Mighty One), o koya e a kauti kemuni laivi mai na vanua o Ijipita, mai na vale ni veivakabobulataki. 3 Moni kakua ni vaKalou (elohim), vakavo duadua ga vei au.4 Moni kakua ni bulia moni qarava e dua na matakau ceuceu; se dua na ivakatakarakara ni dua ga na ka e tu mai lomalagi e cake se tu e vuravura e ra se tu e wasawasa e ruku i vuravura. 5 Moni kakua ni sokalou vei ira, se qaravi ira: baleta o au, o Yahuwe (YHWH) au nomuni Kalou (Mighty One), au Kalou (Mighty One) gugumatua, au dau sikova na nodra cakaca na tama vei ira na luvedra, me yacova na ikatolu se ikava ni tabatamata vei ira era dau cati au; 6 ia au na vakaraitaka na yalololoma  vei ira e udolu na itabatamata, vei ira era dau lomani au, ka bula muria na noqu ivakaro.

Lako Yani (Sh’mot) 20:1-6.

Ni lomani au i Yahuwe (YHWH) e na nomuni yalololoma: e na vakaitamera ni nomuni yalovinaka ni bokoca laivi na noqu ivalavala ca. 2 Savati au sara vakaoti mai na noqu talatalai dredre, ka quaraka laivi vakadua na noqu ivalavala ca. 3 Au vakadinata na noqu dau talatalaidredre, baleta na noqu ivalavala ca sa matata vinaka tu e mataqu. 4 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa.

Same (Tehellim) 51: 1-4

Siga (Day)/Blog	Tikinisiga (Date)
204/Blog No. 1344	July 23, 2011.
Reading	Hebrew Date
Same (Tehellim) 38-40	Tammuz 21, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.