Thought: Yahweh Will Dwell In Our Midst Before World Trouble Can Resolve
Serving For The 1st September, 2009
E muri a qai kauti au mai i na matamata e vakanamata tu vaka i na Vuaicake. 02 Ia raica, na lagilagi ni Kalou (Elohim) i Isireli e a rairai mai na yasana vaka i na Vuaicake; na domona a vaka na domo ni waidrodro e vuqa, ka ramase tu na vuravura e na iserau ni nona lagilagi. 03 Na raivotu au raica e tautavata kei na raivotu au a raica e na gauna au a lako mai kina meu mai kacivaka na vakarusai ni korolevu, ka tautauvata kei na raivotu au a raica e na bati ni uciwai o Kebara; au qai lutu sobu vakatoboicu. 04 Ia na lagilagi i Jiova (Yahweh) a qai cila basika i loma ni Valenisoro, mai na na matamata e vakanamata tu vaka i na vuaicake. 05 Sa qai tuberi au cake na yalo qai kauti au mai i loma ni loqi tabu dredre, ia raica ni sa vakasinaita tu na loma ni valenisoro na lagilagi i Jiova (Yahweh) 06 Au qai rogoca e dua ni vosa tiko vei e loma ni valenisoro, ia na tamata oya a sa duri tu e yasaqu.
07 ¶ Sa qai kaya vei au o koya, Luve ni tamata, oqo na vanua ni noqu i dabedabe vakatui kei na vanua ni qeteqete ni yavaqu, na vanua au vakaitikotiko kina e na kedra maliwa na luve i Isireli me tawamudu; ia na vanua o Isireli sa na sega ni vakacacani tale vakadua; sega ni o ira se o ira na nodra tui, e na vukuni ni nodra dauveidauci, se e na yagodra mate na nodra tui kei na nodra matakau. 08 Baleta era a dau tara tu na nodra matamata e na yasa ni noqu matamata, na ilago ni nodra katuba e na yasa ni ilago ni noqu katuba, sa qai toka e dua na lalaga e na keirau maliwa o au vata kei ira; ia era a vakacacana mada ga na Yacaqu tabu e na valavala vakasisila era a kitaka: qori au qai mokuti ira kina e na noqu cudru. 09 Ia laiva me ra biuta laiva na nodra dauveidauci kei na yagomate ni nodra tui me kau yawa mai mataqu, Au na qai tiko vata kei ira e na kedra maliwa me tawa mudu.
De oni sega ni kila tiko ni yagomuni e nona valenisoro na Yalo Tabu sa tiko e lomamuni, ni a soli vei kemuni mai vua na Kalou (Yahweh); o kemuni oni sega ni taukeni kemuni vakataki kemuni? 20 Oni sa voli oti e na dua na isau; ka sa dodonu moni vakarokorokotaka na Kalou (Elohim) e yagomuni kei na yalomuni baleta e rau nona na Kalou (Elohim).
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 244 | September 1 | Psalms 148-150 | 1 Corinthians 11:16:34 |
