Thought: YHWH
Rescued Yisra’yl From Egypt, But They Soon Ignored Him!
.........................
Serving For Yom
Chamishi, Sivan 14, 5773
MAI NA NEVI’IMI
AKARONIMI FROM THE NEVI’IM ACHARONIM)
Na
vosa i Yahuwe (YHWH) a yaco mai vei au; 2 Lako lai kailavaka e na daliga i
Yerushalayimi ni oqo na ka e kaya o Yahuwe (YHWH); Au nanuma vinaka tu na nomu
veitokoni e na gauna o se gone kina, [e na gauna o se] yalewavou kina, na nomu dau taleitaki au, na
nomu a vakamuri i au voli e na loma ni vanua liwa, e na loma ni dua na vanua a
se bera tu ni teivaki. 3 O Yisira’yili e a wase tani me nei Yahuwe (YHWH), na
isevu mai na nona tatamusuki; o ira kece era
tilomi koya era na wili me ra cala; na leqa levu e na lutuki ira, e kaya
o Yahuwe (YHWH). 4 Rogoca mada na vosa i Yahuwe (YHWH), kemuni e na matavuvale
i Ya'akove, kei kemuni kece na lewe ni veimatavuvale i Yisira'yili. 5 Oqo na veika e kaya o Yahuwe
(YHWH); Na cala cava beka era a kunea vei au o ira na nomuni itubutubu, era qai
lako sese kina vakayawa sara mai vei au, qai vakavuna me ra vakamuria na veika
e sega ni dua na ka, qai vakavuna me ra sega kina ni dua na ka o ira vakataki
ira? 6 Era sega mada ga ni taroga; Evei beka o Yahuwe (YHWH), o koya e a kauti
keda cake mai na vanua o Ijipita, o koya e a tuberi keda mai na loma ni vanua
dravuisiga, ka curuma mai na vanua tawayaga ka maumau, na vanua mate e kune ga
kina na iyaloyalo ni mate, na vanua e sega ni dua na tamata e na takosova ka
sega ni dua na tamata sa bai lai vakaitikotiko kina. 7 Ia au a kauti kemuni i
na dua na vanua bulabula, moni rawa ni marautaka na kena vuata kei na kena
vinaka; ia e na gauna ga oni curuma kina, oni qai vakadukadukalitaka na noqu vanua,
oni qai cakava na noqu ivotavota me vakasisila. 8 O ira na kohanimi era sega ni
taroga, Evei beka o Yahuwe (YHWH)? O ira era qarava na Toraa era sega ni kilai
au; o ira talega na nodra ivakatawa na tamata era vakabebe saqati au; o ira na
parofita era parofisai e na [yaca] i Ba'ala, era qai tadolova na veika e sega
ni dua na kedra yaga. 9 O koya oqo au tokoruataka tiko kina na noqu kisi ni
veisaqa vei kemuni, e kaya o Yahuwe (YHWH); kau tusanaka talega meu saqati ira
kina na makubumuni. 10 Takoso mada i na nodra veibaravi na
Kiti'imi, qai raica; talatala i Kedaa, qai vakadikeva matua; raica mada se dua
na ka vakaoqo a sa bau yaco oti [mada] vakadua; 11 Sa bau dua beka na matanitu
e veisautaka na nodra veikalou (elohim) ia na nodra o ira era sega mada ga ni
Kalou (Mighty One)? Ia o ira na noqu tamata era sa veisautaka na vu ni nodra
dokai vata kei na dua na ka e tawayaga. 12 Moni domobulataka na veika oqo, o
kemuni mai na veilomalagi! Ririkotaka e na domobula cecekia, e kaya o Yahuwe
(YHWH)! 13 Baleta o ira na noqu tamata era sa vakayacora e rua na [ka] ca; era
sa vakanadakui au, na ivurevure ni wai [ni] bula, era qai kelia na nodra
ikeliwai, na ikeliwai cicila, e sega ni rawa ni tawana na wai!
NA IVAQA NI BULA (FOOD FOR THE SOUL)
O
Yahuwe (YHWH) e tu yawa sara mai vei ira era vakasisila; ia o koya e rogoca na
nodra masu na yalododonu. 30 E dua na raikivi mamarau e kauta mai na reki i na
vuniyalo, ia na itukutuku vinaka e
vakabulabulataka na sui.
LOMANI YAHUWE NA NOMU KALOU (LOVE YHWH YOUR MIGHTY ONE
Haleluya! Kemuni na Dauniveiqaravi i
Yahuwe (YHWH) solia na vakamuduo! Solia
na vakamuduo i na yaca i Yahuwe (YHWH)! 2 Laiva na yaca i Yahuwe (YHWH) me
vakarokorokotaki mai na gauna oqo ka toso yani me tawamudu. 3 Mai na cadra ni
siga me yacova na dromu ni siga, na yaca i Yahuwe (YHWH) me vaqoroqoroi tikoga.
4 O Yahuwe (YHWH) e cecere cake vei ira na veimatanitu, na nona dokai e cecere
cake tale yani i dela ni lomalagi. 5 O cei e tautauvata kei Yahuwe (YHWH) o
koya na noda Kalou (Mighty One), o Koya e dabe tiko mai cake, 6 Ni
vakayalomalumalumutaki koya me raici lomalagi vata kei vuravura, 7 O koya e
vueti ira na dravudravua mai na kuvu ni soso, e laveti ira era gadreva na
veivuke mai na isovasova ni benu; 8 Me rawa ni solia vua e dua na nona
itikotiko e na kedra maliwa na ravouvou, e na kedra maliwa na nodra ravouvou na
nona tamata. 9 O koya e vakavuna na yalewa yava, me vakaitikotiko e vale e na
mamarau me vaka e dua na tina vei ira lalai.
Haleluya!
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 244 in 5773 (Total 1970)
|
May 23, 2013
|
|
Reading
|
Hebrew Date
|
|
M #3:Sivan 14, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
