Thought: How Do You Use The Power That Yahweh Gives You, Carefully or Otherwise?
....................................
Serving For
Sa qai lako i Tipesi o Apimeleki, qai lai keba vakaivalu ka kabai Tipesi, qai kovea. 51 Ia a dua na valecere kaukaua e tiko e lomanikoro; i keya era a qai dro kina, o ira na tagane kei ira na yalewa kei ira kece na iliuliu ni korolevu, era qai sogoti ira tu kina, ka kaba cake i na dela ni valecere. 52 O Apimeleki a toso ga me yacova na valecere, me lai vala kina, qai toso sara i na katubalevu ni valecere, me vakama e na bukawaqa. 53 E dua na yalewa a qai viritaka mai e dua na tiki ni vatu ni varo sila i na ulu i Apimeleki qai voroka na nona iqavokavoka. 54 E kaciva sara vakatotolo na cauravou e dau icolacola ni nona iyaragi, qai kaya vua, Ucuna mai na nomu iseleiwau, mo vakamatei au, de qa1 kainaki e na vukuqu, O koya a vakamatei koya e dua na yalewa. Sa mani sua basikati koya na cauravou, qai mate kina o koya. 55 Ia ni ra raica na tagane ni Isireli ni sa mate o Apimeleki, era sa mani dui lesu kece tale na tamata i na nodra dui itikotiko. 56 Qori a sauma lesu kina o Jiova (Yahweh) na ivalavala nei Apimeleki, e a cakava vei tamana, ni a vakamatei ira na tacina le vitusagavulu; 57 Na nodra ivalavala kece na kai Shekeme e a tauca na Kalou (Elohim) e na dui uludra; qai yacovi ira na vatovato nei Jotame na luve i Neido-peali.
O koya oya, au vinakata kina mo dau vakayavalata na isolisoli ni loloma ni Kalou (Elohim) e tiko vei iko, mai na gauna au a tabaki iko kina e na ligaqu. 07 Baleta na Kalou (Elohim) a sega ni solia vei keda na yalo ravarava, ia na yalo ga e doudou kei na yalo ni loloma kei na yalo ni lewa matau.
