Na Yalololoma I Yahuwe (YHWH’s Compassion)

Thought: Punishment For Yisra’yl Is Limited, Salvation Will Come!

........................ 

Serving For Yom Shlishi, Iyar 20, 5773

(Count The Days Towards Shavu’ot: Today Is Day 31 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Lagasere, o iko na yalewa yava o se bera vakadua ni vakasucuma e dua na gone! Kacabote mai e na seresere, kaila e na mamarau, o iko o se bera ni bau taratara vakadua vua e dua na gone! Baleta na yalewa vakawati e vakadakui e na levu cake na luvena mai vua na yalewa vakawati e bula tiko vata kei watinatagane, e kaya o Yahuwe (YHWH). 2 Vakalevutaka na loma ni nomu valelaca, dedeka me rabalevu na ilatilati ni nomu itikotiko; kakua ni maninitaka, vakabalavutaka yani na nomu dali, tekia vakaukaua na ivakadre ni nomu valelaca; 3 Baleta o iko o na tete yani vaka i na imatau kei na imawi: na nomu kawa era na taukena na veimatanitu, ka tawana  na veikoro era a sa rusa tu. 4 Kakua ni domobula, baleta o iko o na sega ni madua; kakua ni yalolailai, baleta o iko o na sega ni vakarogorogocataki. O na guilecava na nomu a vakamadualaki e na gauna o a se gone [kina], ka sega ni nanuma tale na rogo ca mai na gauna o a yada kina. 5 Baleta o watimutagane a buli i iko, o Yahuwe ni lewevuqa (YHWH-Tzva'ot) na yacana. Na Yalosavasava Ledua i Yisira'yili e nomuni iVakabula. O koya e na vakatokai na Kalou (Mighty One) kei vuravura taucoko.

6 ¶ Baleta o Yahuwe (YHWH) sa kacivi iko lesu tale, me vaka e dua na yalewa vakawati sa biuvakaloloma ka rarawa tu [na vuniyalona]; Na yalewa vakawati e na vakamau e na nona gauna ni goneyalewa e na sega ni rawa ni biu laivi, e kaya na nomu Kalou (Mighty One). 7 Vakalekaleka ga au a vakanadakui iko [kina], ia e na vakaitamera ni noqu yalololoma au sa na tauri iko lesu tale. 8 Au a leva e na dua na gauna lekaleka, au qai tabonaka na mataqu mai vei iko;  ia e na noqu loloma tawamudu au sa na yalovinaka kina vei kemuni, e kaya o Yahuwe (YHWH) na nomuni iVakabula. 9 Vei au qo e tautauvata kei na waluvu nei Noaka. Me vaka ga na noqu a bubului ni na sega vakadua tale ni luvuci vuravura e dua na dobui e tautauvata kei na nei Noaka, qo au sa na bubuluitaka niu na sega vakadua tale ni levaci kemuni se totogitaki kemuni. 10 Baleta na veiulunivanua e rawa ni biubiu kei na veidelana era rawa ni kau laivi; ia na noqu yalololoma e na sega ni biubiu mai vei kemuni, kei na noqu veiyalayalati ni sautu, e na sega ni kau tani, e kaya o Yahuwe (YHWH), o koya e toka vei kemuni na nona yalololoma.

11 ¶ O iko [na korolevu] o a vakacacani e na cava, ka o se sega ni vakacegui, o au, au na tuvana na nomu veivatu [ni nomu yavu] vakamaqosa, ka vakotora na nomu yavu e na vatu-safaia, 12 Au na cakava na nomu katuba leleka me remoremo e na rubi, na nomu matamata e na kirisitali kei na nomu lalaga e na veivatu talei.  13 O ira kece na luvemuni era na  vakatavulici mai vei Yahuwe (YHWH); o ira na nomu lalai e na vakaitamera na nodra kune sautu. 14 E na yalododonu oni na tauyavutaki; me yawa mai na  veivakararawataki, ka sega ni dua na ka mo na taqayataka; me yawa mai na rusa; baleta e na sega ni lako voleka mai vei iko. 15 Ke dua na ilawalawa tovata e buli mo saqati kina, qori e sega ni noqu cakacaka; o koya ga e via bulia na ilawalawa tovata oya, e na bale baleti iko. 16 O au, au a lesi i ira na matai ni kaukamea era dau uvuca na koala ni bukawaqa, me ra bulia na iyaragi e veiraurau kei na nodra inakinaki; o au talega au a lesi ira na dauvakacaca me ra vakacaca. 17 E sega ni dua na iyaragi e buli me na rawai iko rawa. E vale ni veilewai o iko o na vakalasuya na veibeitaki kecekece. O ira na dauniveiqaravi i Yahuwe (YHWH) era na taukena na icovi ni veika kece oqo; na icovi ni nodra yalododonu e vu kece ga maivei au, e kaya o Yahuwe (YHWH).

Yeshayahu (Aisea) 54:1-17

NA IVAQA NI BULA (FOOD FOR THE SOUL)

E na gauna mada ga ni veidredrevaki, e dua na vuniyalo e rawa ni lomabibi tiko; na tavarekireki e rawa ni tini e na vutugu. 14 ¶ O koya o dau liumuri e  vakasinaiti e na nona ivalavala o koya vakataki koya; ia na tamata vinaka e kunea na nona vakacegui mai vua ga o koya vakataki koya.

Mishlei (Vosa Vakaibalebale) 14:11-12

LOMANI YAHUWE NA NOMU KALOU (LOVE YHWH YOUR MIGHTY ONE

O Yahuwe (YHWH) na tui, laiva na vuravura me reki, laiva na veibaravi e vuqa kei na veiyanuyanu me ra reki. 2 Na o kei na butobuto vavaku e vakavolivoliti koya; na yalododonu kei na vakataulewa dodonu  e yavu ni nona idabedabe vakatui. 3 Na bukawaqa e liu tiko yani vua, me  vakamai ira vakaoti [o ira] na kena meca  era tu vakavolivoliti koya [e na veiyasana]. 4 Na nona yaseyase e vakararamataki vuravura: o vuravura e raica qai  sautaninini. 5 Na veidelana era waicala me vaka na kadrala ni tiko [e matana] o Yahuwe (YHWH), o koya na Sau (Sovereign) kei vuravura taucoko. 6 Na lomalagi e vakatakila na nona yalododonu, o ira na tamata kecekece era raica na nona dokai. 7 O ira kece era qaravi matakau ceuceu, era na vakamaduataki, oya o ira era daudokadokataka na nodra kalou matakau tawayaga. Ni sokalou vua kemuni kece na nona ma'lakahimi.

8 ¶ O Zaiyoni a rogoca qai mamarau i Yahuwe (YHWH); o ira na luveyalewa i Ya'huda era reki, baleta na nomuni lewa. 9 Baleta o kemuni, i Yahuwe (YHWH), o kemuni oni cecere cake sara e delai vuravura raraba; oni cecere cake sara mai vei ira veikalou  (elohim) kecekece. 10 O kemuni oni taleitaki Yahuwe (YHWH), ni cata na [ivalavala] ca! O koya e na dau taqomaki ira tiko na nona dauniveiqaravi yalodina. O koya e vueti ira mai na nodra kaukaua na dau valavala kaukaua.11 Na rarama e kaburaki e na vukudra na yalododonu, kei na reki e vukudra na tu dodonu e vuniyalodra. 12 Rekitaki Yahuwe (YHWH), kemuni na yalododonu; solia na vakamolimoli ni vakananumi [lesu] na nona yalosavasava.

Tehillim (Same) 97:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 221 in 5773 (Total 1948)	April 30, 2013
Reading	Hebrew Date
Y’hoshua (Joshua) 11-12	M #2: Iyar 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValavala Ca (Sins)

Thought: Sins and Transgressions Brings Death To The Creation!

Serving For Yom Sheini, Iyar 19, 5773

(Count The Days Towards Shavu’ot: Today Is Day 30 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O cei e vakabauta na neitou itukutuku? Vei cei e a vakatakilai vua na gauniliga i Yahuwe (YHWH)? 2 Baleta e matana, o koya e a tubu cake me vaka e dua na vunikau gone, ka vaka e dua na wakanikau mai na qele mamaca. E a sega ni bulicaki vinaka ka sega so sara ni saweka na kena irairai; keimami a raici koya, na kena irairai a sega ni lauti (attract) keimami. 3 O ira na tamata era a sevaki koya ka ra tu vakatikitiki maivua, e tamata dau rarawa, ka dau tautauvimate vakalevu. E vaka e dua era dau vukica tani mai vua na matadra o ira na tamata; o koya a dau sevaki; keimami a sega sara ni bau raica e dua na kena yaga.

4 ¶ E ka dina ni o koya a colata na keda mate, na noda vutugu o koya a colata na kena rarawa, ia o keda eda qai  nanuma ni o koya a totogitaki tiko, e na nona cudruvi mai vua na Kalou (Mighty One). 5  Ia o koya e a vakamavoataki e na vuku ni noda cakacala, o koya e a sota rarawa baleta na noda talaidredre; na itotogi e rawa ni vakavinakataki keda vakaoti, e a tau vua; ía e na we ni kena kuita eda mai vakabulai kina. 6 O keda kece, me vaka na sipi, eda a lako sese; eda vuki, o keda yadua, me da dui vakau noda; ia o Yahuwe (YHWH) a qai vakatauca vua na noda caka cala kecekece. 7 E dina ga ni caka vua na ivakarau ca; o koya e a vakamalumalumu ga, ka sega ni bau dolava na gusuna. Me vaka na lami e a kau me lai mokumate, me vaka na sipi e galu tu ga e na mata i koya e na tasia na vutina, o koya e a sega ni dolava na gusuna. 8 Ni oti na nona vesu vakaukaua qai tau na kena itotogi, a qai kau laivi; ia e sega ni dua mai na nona itabatamata a bau vosa kudrukudru, e na nona sa na muduki laivi mai na nodra vanua na bula, e na vuku ni nodra cakaca na noqu tamata; o ira era a dodonu me ra colata na kedra itotogi o ira vakataki ira.

9 ¶ E a soli vua e dua na ibulubulu e na kedra maliwa na ca; e na nona mate e a tiko kei na dua na tamata vutuniyau. E dina ga ni a sega ni bau vakayacora e dua na ivalavala kaukaua, ka sega vakadua ni cavuta e dua na vosa ni veivakacalai. 10 Ia a ka marautaki vei Yahuwe (YHWH) me qaqi i koya e na mate veitauvi; me raica se na cabori koya vakataki koya vaka isoro ni caka cala. Kevaka e cakava, e na qai raici ira na nona kawa; qai vakabalavutaka talega na nona veisiga; e na ligana na gagadre nei Yahuwe (YHWH) sa na qai yaco. 11 Ni sotava oti na veika rarawa oqo, e na qai kunea o koya na vakacegu. E  na nona kila na [momosi kei na isoro], na noqu dauniveiqaravi yalododonu a cakava me le levu era yalododonu;  o koya e a sotava na veivakararawataki e na vuku ni nodra ivalavala ca. 12 O koya oqo au na vakaivotavotataki koya kina e na kedra maliwa na vakaitamera, o koya e na wasea na itoki ni ivalu vata kei ira na qaqa, baleta na nona bole mate qai wiliki vata kina kei ira na dautalaidredre; e na gauna vata a colata tiko kina na nodra ivalavala ca ni lewevuqa, qai dau vakatamamasu kina e vukudra o ira era dautalaidredre.

Yeshayahu (Aisea) 53:1-12

NA IVAQA NI BULA (FOOD FOR THE SOUL)

Na [nona] vale na tawakilikili e na vakarusai; ia na nona valelaca na yalododonu e na serau. 12 ¶ E rawa ni tiko e dua na sala e rairai donu vua e dua na tamata, i na kena itinitini na sala i na mate.

Mishlei (Vosa Vakaibalebale) 14:11-12

LOMANI YAHUWE NA NOMU KALOU (LOVE YHWH YOUR MIGHTY ONE

Lagata vei Yahuwe (YHWH) e dua na sere vou! Lagasere vei Yahuwe (YHWH) i vuravura taucoko. 2 Lagasere vei Yahuwe (YHWH),  vakavinavinakataka na yacana! Vakaraitaka wavoki na nona qaqa e na veiveisiga kece sara. 3 Vakatusa na nona dokai e na kedra maliwa na veivanua, kei na nona mana e kedra maliwa na veimatatamata kecekece. 4 Baleta o Yahuwe (YHWH) e vakaitamera, e dodonu me vakalevu [talega] na nona vakacerecerei; o koya e dodonu me dokai vakalevu cake mai na veikalou (elohim) kece sara. 5 Baleta na nodra kalou (elohim) na veimatatamata era matakau; ia o Yahuwe (YHWH) e a bulia na lomalagi. 6 Na vakarokoroko kei na sau era no e matana: na kaukaua kei na totoka era tu e loma ni nona itikotiko tabu. 7 Solia vei Yahuwe (YHWH) na veika e nona, kemuni na nodra kawa na tamata, solia vei Yahuwe (YHWH) na dokai kei na kaukaua [ni lewa]. 8 Solia vei Yahuwe (YHWH) na vakarokoroko e veiraurau kei na yacana; kauta mai e dua na isoro, mai curu i na nona lomanibai. 9 Sokalou vei Yahuwe (YHWH) e na [nona lagilagi tabu; [ka me] sautaninini e matana, o vuravura raraba.

10 ¶ Tusanaka e na kedra maliwa na  veimatanitu, o Yahuwe (YHWH) na tui!  Na vuravura e vakataudeitaki me kakua  ni yavala. O koya e na vakatulewataki ira na tamata vakadodonu. 11 Laiva na lomalagi me mamarau, laiva na vuravura me reki; laiva na wasawasa me vavadugudugu, vata kei na veika kece era tu kina. 12 Laiva na vanua me malaude, vata kei na veika kece era tu kina. Era na qai lagalaga sere na veivunikau e loma ni veikau; 13 E na mata i Yahuwe (YHWH), baleta o koya sa lako mai me mai vakatulewa e vuravura; o koya e na vakavulewa vakadodonu e vuravura  ka vaka kina vei ira na tamata e na nona yalodina.

Tehillim (Same) 96:1-13

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 220 in 5773 (Total 1947)	April 29, 2013
Reading	Hebrew Date
Y’hoshua (Joshua) 9-10	M #2: Iyar 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Gauna Ni Marau (A Time Of Joy)

Thought: The Salvation of YHWH Will Come, For Those Who Obey!

 ......................

Serving For Yom Rishone, Iyar 18, 5773

(Count The Days Towards Shavu’ot: Today Is Day 29 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Yadra! Yadra, Zaiyoni! Tokara mai o iko vakataki iko na nomu kaukaua! Vakaisulu mai e na nomu isulu totoka, i Yerushalayimi, na koro tabu! Baleta o ira na tawateve kei ira na tawasavasava era sa na sega tale ni curu yani vei iko. Tekivu oqo sa na sega tale ni ra curu yani vei iko; o ira na tabuteve kei ira era sega ni savasava. 2 Kureitaka laivi na kuvu ni soso! Tucake! Vakatikori [vakatui] i Yerushalayimi; Sereka na sinucodo e [lili toka] e domomu o iko na luveyalewa bobula mai Zaiyoni! 3 Baleta e kaya vakaoqo o Yahuwe (YHWH): O a volitaki e na isau e sega ni dua na ka, o na voli lesu tale ga e na isau e sega ni dua na ka. 4 Ka ni a kaya vakaoqo o Yahuwe na Kalou (YHWH Mighty One), E na dua na gauna mai liu era a lako sobu kina i Ijipita o ira na noqu tamata, me ra lai tu yasa tu kina, kei ira na Ashuru era vakasaurarataki ira wale tu ga [ni sega na vuna]. 5 Ia qo, na cava beka meu na cakava  eke, e taroga o Yahuwe (YHWH), ni ra a kau laivi vakaukaua na noqu tamata ni sega na vuna? O ira era a vakasaurarataki ira, era sa vutugu tiko, e kaya o Yahuwe (YHWH), [kei] na yacaqu sa dau vakalialiai tiko e veiveisiga. 6 O koya oqo era na kila kina na yacaqu o ira na noqu tamata; o koya oqo era na kila kina e na siga oya, ni o au ga, o koya e a kaya, Raica o au qo. 7 E wacava na kena totoka vakaoti e na ulunivanua, na yavana o koya e kauta mai na itukutuku vinaka; o koya e kacivaka mai na sautu; ni kauta tiko mai na itukutuku ni veika vivinaka, me kacivaka na veivueti qai tukuna vei Zaiyoni, Na nomu Kalou (Mighty One) e veiliutaki tiko vakatui! 8 Rogoca! O ira na nomuni ivakatawa era sa laveta cake tiko na domodra, [ni ra] kailavaka vata tiko na reki.  Baleta era sa na raica, e na matanavotu ni lesu tiko mai i Zaiyoni, o Yahuwe (YHWH). 9 Tabalaka mai na tavarekireki!  Lagalaga sere vata, o kemuni na veivanua vakacacani mai Yerushalayimi! Baleta o Yahuwe (YHWH) sa vakacegui ira na nona tamata; o koya e sa vueti Yerushalayimi! 10 O Yahuwe (YHWH) sa vakaraitaka mai na gauniligana tabu, e matadra na veimatanitu kece sara; ia o ira kece e na iyalayala kei vuravura era na raica, na veivueti ni noda Kalou (Mighty One). 11 Biubiu! Biubiu! Biubiu mai keri! Kakua ni tara e dua na ka e sega ni savasava!  Lako tani mai loma qori,   moni savasava [tikoga]; o kemuni oni colata tiko na iyaya ni valetabu i Yahuwe (YHWH). 12 E sega ni vinakati moni biubiu vaqunaquna; e sega ni vinakati moni na dro, baleta o Yahuwe (YHWH) e na liu tiko vei kemuni, o koya na Kalou (Mighty One) i Yisira'yili e na toso muri i kemuni tale tiko ga mai. 13 Raica ni na rawata vinaka na noqu dauniveiqaravi! O koya e na laveti cake ka vakacerecerei, ka na dokai vakalevu sara. 14 Me vaka ga ni le levu era kidroataki koya, baleta na nona a rui rairai  carukaica, ka sa sega mada ga ni vaka na tamata, na kena ibulibuli, sa sega tale ni vakataka e dua na tagane, 15 Ia qo o koya e na vakurabuitaki ira e vuqa na veimatanitu; e na vukuna o koya, o ira na tui era sa na galu ga. Baleta era sa na raica na veika e a sega ni tukuni vei ira, era na kilakasamataka na veika era a se bera vakadua ni  bau rogoca.

Yeshayahu (Aisea) 52:1-15

NA IVAQA NI BULA (FOOD FOR THE SOUL)

Na isoro ni ivalavala ca e vakalialiai ira ga na sesewa; ia e na kedra maliwa na tudodonu, e na yaca ni veisaututaki.10 ¶ Na vuniyalo e kila vinaka tu na rarawa e sota kaya tiko, ka sega ni dua na tani e rawa ni wasea vata kaya na marau.

Mishlei (Vosa Vakaibalebale) 14:9-10

LOMANI YAHUWE NA NOMU KALOU (LOVE YHWH YOUR MIGHTY ONE

Lako mai, laiva meda mai lagasere vei Yahuwe (YHWH)! Laiva meda mai kaila e na marau vua na Uluvatu ni noda vakabulai! 2 Lako mai meda mai rairai e matana e na vakavinavinaka, laiva mai vakarogoya na rorogo ni reki vua e na noda mai kaila e na marau vua e na sere ni vakavinavinaka. 3 Baleta o Yahuwe (YHWH), [o koya] na Kalou (Mighty One) vakaitamera, ka tui vakaitamera cake vei ira na veikalou (elohim) kece sara. 4 O koya e taura tiko e ligana na veiyavu titobu kei vuravura; na doka ni veiulunivanua talega e nona o koya. 5 Na wasawasa e nona, o koya e a bulia: na ligana talega a bulia na vanua mamaca. 6 Lako mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya na noda Kalou (Mighty One), o keda eda tamata ni nona bai ni vakanamanumanu, na sipi eda dau qaravi mai vua. 8 Kakua ni vakaukauataka na vuniyalomuni, me vaka oni a cakava mai  Mi'rivaa, me vaka oni a cakava e na siga oya mai na vanua dravuisiga o Masaa, 9 E na gauna era a vakatovolei au kina o ira na tamamuni;  era qai bolei au, e dina ga ni ra sa raica oti na noqu cakacaka.10 E vasagavulu na yabaki na noqu a rarawataki ira tiko na itabatamata oya; au kaya, Qo e dua na matatamata e dau lako sese na vuniyalodra; era sega tikoga ni kila na ivalavala ni noqu dau vakayacora na ka.11 O koya oya au qai bubuluitaka kina e na noqu leva, ni ra na sega [vakadua] ni curu i na noqu vakacegu.

Tehillim (Same) 95:1-11

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 219 in 5773 (Total 1946)	April 28, 2013
Reading	Hebrew Date
Y’hoshua (Joshua) 7-8	M #2: Iyar 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Vakanadakui O Yahuwe (When We Turn Our Back On YHWH)

Thought: If We Are Part Of A Covenant With YHWH, Never Break It!

 ...................

Serving For Shabbat, Iyar 17, 5773

(Count The Days Towards Shavu’ot: Today Is Day 28 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Yadra! Yadra! Tucake vakadodonu I Yerushalayimi! Mai na liga i Yahuwe (YHWH) oni a gunu mai na bilo ni nona leva katakata; oni a gunuva me yaco i sara i na kena kosa e na boto ni bilo ni kasou. 18 Sa sega ni dua me tuberi koya, e na kedra maliwa na luvetagane (sons) a vakasucumi ira. E sega sara ga ni dua vei ira na luvena e mai tubera na ligana.19 E rua na leqa lelevu oqo sa yacovi iko; ia o cei me na vakaloloku e na vukumu? Na veikove kei na rusa, na lauqa kei na seleiwau; o cei au na rawa ni vakayagata meu vakacegui iko kina?  20 O ira na luvemu era sa davo gogo no e na veitutu ni gaunisala, me vaka na  anitilope sa coko tu e na dua na lawalawa; era sa vakasinaiti e na leva cecekia i Yahuwe (YHWH), na nona veivosataki na nomuni Kalou (Mighty One). 21 O koya oya, yalovinaka rogoca oqo e na dela ni nomuni vakararawataki; o kemuni oni sa mateni tu, ia e sega ni mai na waini; 22 Oqo na ka e kaya na nomuni Sau o  Yahuwe (Sovereign YHWH), na nomuni Kalou (Mighty One) o koya e dau tutaka na nodra ile na nona tamata; Qo au sa kauta tani mai ligamuni na  bilo e vu ni mateni, na joke ni noqu leva cecekia. Oni sa na sega ni gunuva tale. 23 O au, au na biuta i ligadra o ira era dau vakararawataki kemuni, o ira era a kaya vei kemuni, Cuva sobu me keimami rawa ni butulaki kemuni; oti oni qai koto sobu me kabi i na dela ni qele na dakumuni; me vaka na gaunisala me ra taubale kina o ira.

Yeshayahu (Aisea) 51:12-16

NA IVAQA NI BULA (FOOD FOR THE SOUL)

Tiko ga vakayawa mai vua na lialia, baleta o na sega ni rogoca e dua na vosa yaga mai vua. 8 ¶ Na nona vuku na yalomatua e kila rawa kina na gaunisala e muria tiko; ia na nona itovo lialia na sesewa e na kauti koya vakatani.

Mishlei (Vosa Vakaibalebale) 14:7-8

LOMANI YAHUWE NA NOMU KALOU (LOVE YHWH YOUR MIGHTY ONE

E wacava na nona marau na tamata oni  vakadodonutaka i Ya (Yah), o koya oni a vakatavulica mai na Toraa, 13 Moni qai solia vua na vakacegu mai na veisiga ni rarawa, me yacova ni sa keli e dua na qara e na vukudra o ira era ivalavala vakasisila! 14 Baleta o Yahuwe (YHWH) e na sega ni biuti ira [vakasakasaka] na nona tamata, e na sega ni vakanadakuya na nona ivotavota. 15 Na lewa dodonu e na yaco tale me ivalavala dodonu; o ira kece era tu dodonu era na bula muria. 16 O cei e na vakaliuca na noqu ile, me saqati ira na vakasisila? O cei e na  tutaka e na vukuqu me saqati ira na daucaka ca. 17 Ke a sega ni vukei au o Yahuwe (YHWH), keu a sa lai vakaitikotiko e na nodra vanua na vagagalu. 18 E na gauna au a kaya [kina], Na yavaqu sa tidara tiko; na nomuni loloma i Yahuwe (YHWH) a mai tabei au cake. 19 E na gauna e vakaitamera kina na nuiqawaqawa e vuniyaloqu, na nomuni veivakacegui e vakamarautaki au cake. 20 E rawa beka vei ira na daunilewa tawadodonu me ra to mai kei kemuni, oya o ira era dauvakavulewa ca e na yaca ni lawa? 21 Era dau tovata mai me ra saqati ira na yalododonu, ka beitaki ira na tawacala me ra vakamatei. 22 Ia o Yahuwe (YHWH) sa yaco me noqu itataqomaki kaukaua; na noqu Kalou (Mighty One) sa yaco me noqu uluvatu ni veitaqomaki. 23 O koya e sausaumi lesu vei ira, me veiraurau kei na nodra cala; o koya e na muduki ira laivi e na nodra ivalavala ca ga o ira vakataki ira; o Yahuwe (YHWH) na noda Kalou (Mighty One) e na muduki ira laivi.

Tehillim (Same) 94:12-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 218 in 5773 (Total 1945)	April 27, 2013
Reading	Hebrew Date
Y’hoshua (Joshua) 5-6	M #2: Iyar 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Noda Vuravura (Our World)

Thought: YHWH The Powerful Will Renew The Heavens And The World

..................... 

Serving For Yom HaShishi, Iyar 16, 5773

(Count The Days Towards Shavu’ot: Today Is Day 27 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O au, io o au, o koya e a vakacegui kemuni! Na cava o taqayataki ira kina na tamata, o ira e dodonu me ra na mate; [mo rerevaki ira] na tamata o ira era na malai laiva me vaka na co? 13 Oni sa guilecavi Yahuwe (YHWH) [o koya] e a buli i kemuni, o koya a dedeka na lomalagi, ka vakotora na yavu kei vuravura. Ia oni qai domobula tiko e loma ni veiveisiga kecekece, e na vuku ni nodra dau leva o ira era dau veivakasaurarataki ni ra vakavakarau me ra veivakarusai!  Ia evei sara mada na nodra domobula o ira era dau veivakasaurarataki? 14 O ira na bobula era sa na voleka sara ni sereki; o koya e na sega ni mate me lako sobu i She'ola; e sega, na ivurevure ni kena kakana sa na vakataudeitaki.15 Baleta o au o Yahuwe (YHWH) na nomuni Kalou (Mighty One), o koya e dau vakaseuta na wasawasa, o koya e cakava me vavadugudugu na veibiau; o Yahuwe ni lewevuqa (YHWH-Tzva'ot) na yacaqu. 16 Au sa biuta na noqu vosa i gusumu, ka ubi i iko e na iyaloyalo ni ligaqu, [meu] rawa ni tea vou na veilomalagi, vakotora vou na yavu kei vuravura, meu qai kaya vei  Zaiyoni, O kemuni oni noqu tamata.

Yeshayahu (Aisea) 51:12-16

NA IVAQA NI BULA (FOOD FOR THE SOUL)

Na ivakadinadina yalodina e na sega ni lasu; ia na ivakadinadina lasulasu e na kaya na ka lasu e na nona icegu taucoko. 6 ¶ Na tamata dau veibeci e na vaqara na vuku, e na dela ni vakarairai; ia na kilaka e lako mai vakarawarawa vua na dua e kune vua na yalomatua.

Mishlei (Vosa Vakaibalebale) 14:5-6

LOMANI YAHUWE NA NOMU KALOU (LOVE YHWH YOUR MIGHTY ONE

O Yahuwe (YHWH) e veiliutaki tiko vakatui, e daramaka toka na nona Sau (Sovereignty); O Yahuwe (YHWH), e vakasulumi ka oro tu e na nona kaukaua; na vuravura talega sa vakatikori dei, sa na sega kina ni yavalati. 2 Na nomuni idabedabe vakatui a se duri makawa sara mai liu; o kemuni oni vura mai na tawamudu. 3 I Yahuwe (YHWH), na titobu sa tubu cake tiko, na titobu sa laveta cake tiko na domona, na titobu sa laveta cake tiko na nona veibiau seuseua. 4 O Yahuwe (YHWH) mai cake e kaukaua vakaoti cake sara mai na domo ni wai e vuqa, io, mai na veibiau lelevu ni veiwasawasa. 5 Na nomuni ivakavuvuli era donu vinaka vakaoti; na yalosavasava e veiraurau kei na nomuni vale i Yahuwe (YHWH), e na veitabagauna kece era se roro tiko mai.

Tehillim (Same) 93:1-5

Kemuni na Kalou (Mighty One) ni veisausaumi, i Yahuwe (YHWH)! Kemuni na Kalou (Mighty One) ni veisausaumi basika mai! 2 Vakatakilai kemuni mai ni o kemuni na daunilewa kei vuravura! Veisausaumi lesu vei ira na viavialevu me veiraurau kei ira! 3 E na vakacava  na kena dede vei ira era ca, i Yahuwe (YHWH); e na vakacava na kena dede na nodra qaqa tiko o ira na qaciqacia? 4 Era sovaraka tiko mai na vosa ni veibeci, ka ra ia tikoga na nodra vosa vakadokadoka, o ira kece na daucaka ca oqo. 5 Era bikai ira na nomuni tamata, i Yahuwe (YHWH) era vakasaurarataki ira na nomuni ivotavota. 6 Era vakamatei ira na yada kei ira na vulagi, ka labati ira [na luveniyali] e sega na tamadra. 7 Ia era qai kaya, O Yahuwe (YHWH) e sega ni rai [tiko mai], na Kalou (Mighty One) i Ya'akove e na sega ni galele mai. 8 Galele mai o kemuni vakataki kemuni, o kemuni na sesewa e na kedra maliwa na tamata! Kemuni na lialia, e na gauna cava oni na qai yalomatua kina? 9 O koya beka e a tokara na daliga, e  sega ni rogo [rawa]? O koya beka e a bulia na mata, e sega beka ni rai [rawa]? 10 O koya beka e dau vunauci ira na veimatanitu, e sega ni vakadodonutaki ira [rawa]? O koya beka na ivakavuvuli ni kawa tamata e na sega beka ni kila? 11 O Yahuwe (YHWH) e kila vinaka tu ni vakasama ni tamata e vaka wale e dua na bati ni cagi.

Tehillim (Same) 94:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 217 in 5773 (Total 1944)	April 26, 2013
Reading	Hebrew Date
Y’hoshua (Joshua) 3-4	M #2: Iyar 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Bula E Tiko Vei Yahuwe (Life Is With YHWH)

Thought: YHWH The Sole Source Of Life, Pay Attention To His Torah

................... 

Serving For Yom Chamishi, Iyar 15, 5773

(Count The Days Towards Shavu’ot: Today Is Day 26 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Rogoci au, kemuni oni vaqara tiko na lewadodonu, o kemuni oni qarai Yahuwe (YHWH) tiko; vakasamataka na uluvatu oni a ceu mai kina, kei na [iqaqinivatu] oni a keli mai kina. 2 Vakasamataki Avarahama na tamamuni vata kei Sera o koya e a vakasucumi kemuni; baleta au na kacivi koya e na gauna a se dua voli ga kina, au qai vakalougatataki koya, ka cakavi koya me lewe levu. 3 Baleta o Yahuwe e na vakacegui i  Zaiyoni; e na vakaceguya na nona veiyasana era sa rusa tu, ka cakava na nona veivanua dravuisiga me tautauvata kei 'Ideni, kei na nona Aravaa me vaka na iteitei i Yahuwe (YHWH). Na reki kei na mamarau e na tiko mai keya, na vakavinavinaka kei na rorogo ni ivakatagi (music)!

4 ¶ Kauwai mada mai vei au, kemuni na noqu tamata! Kemuni na vanua, vakatudaliga mai vei au! Baleta na Toraa e na lako yani mai vei au; au na vakacegui ira e na noqu lewadodonu, me vaka e dua na rarama vei ira na veimatatamata. 5 Na noqu yalododonu sa roro mai, na noqu veivueti sa toso yani, na gauniligaqu e na vakatulewataki ira na veimatatamata. O ira e na veibaravi era sa biuta tiko na nodra inuinui vei au, me ra nuitaka na gauniligaqu. 6 Laveta cake na matamuni i lomalagi (sky), qai raica na vuravura e ra. Na lomalagi e na takali laivi me vaka na kubou, na vuravura e na madra me vaka na isulu. O ira era vakatikotiko kina era na mate me vaka na lago; ia na noqu veivueti e na tawamudu kei na noqu lewadodonu e na sega ni tinidole;  7 Vakarorogo mai vei au, o kemuni oni kila na lewadodonu, o kemuni na tamata e tiko e vuniyalomuni na noqu Toraa; kakua ni taqayataka na nodra veivakalialia na tamata, kakua ni  yalolailai e na nodra veivakacacani. 8 Baleta na sarasara (moth) e na kani i ira vakadua me vaka na isulu, na baca (worm) e na kani ira me vaka na isulu vutinisipi; ia na noqu lewadodonu e na    sega ni mudu kei na noqu veivueti e na taraa na veitabatamata kecekece.

9 ¶ Yadra! Yadra!  Gauniliga i Yahuwe (YHWH), vakasulumi iko vakataki iko e na kaukaua; Yadra me vaka na veisiga makawa, me vaka na veitabatamata mai na veigauna makawa! E sega beka ni o kemuni oni a tatalaki Rahava vaka matailalai, o iko o a coka na gata levu (monster) ni wasawasa? 10 E sega beka ni o  kemuni oni a vakamamacataka na waitui, me maca na wai mai na veitikina titobu; oni qai vukica na dreke ni wai titobu me gaunisala vei ira na vueti, me ra muria. 11 O ira era a vueti mai vei Yahuwe (YHWH) era na lesu mai, era na lagalaga sere mai i Zaiyoni: na mamarau tawamudu e na toka mai  uludra. Era sa rawata mai na reki kei na marau, na rarawa kei na vutugu sa na dro tani.

Yeshayahu (Aisea) 51:1-11

NA IVAQA NI BULA (FOOD FOR THE SOUL)

Mai na gusu ni lialia e kune kina na qaciqacia; ia na tebenigusu ni tamata vuku e na taqomaki ira [vakataki ira]. 4 ¶ E na vanua e sega kina na okisi na lomanibai e savasava; ia e levu ni ka e na rawa e na kaukaua ni dua ni okisi (ox).

Mishlei (Vosa Vakaibalebale) 14:3-4

LOMANI YAHUWE NA NOMU KALOU (LOVE YHWH YOUR MIGHTY ONE

E dua na Same; e dua na sere ni Siga ni Vakacecegu. 2(1) E ka vinaka ni soli na vakamolimoli vei Yahuwe (YHWH) ka lagati na vakavinavinaka i na yacamuni i Yahuwe na Kalou kaukaua (YHWH Ylyon), 3(2) Me vakaraitaki e na mataka lailai na nomuni yalovinaka kei na nomuni yalodina e na veiveibogi, 4(3) E na ivakatagi na qita wa tini,  vata kei na soliteri; ka vaka kina na hapi rogo vakaciriloloma. 5(4) Baleta o kemuni i Yahuwe (YHWH) na veika oni cakava e vakamarautaki au; au kunea na reki e na veika e bulia na ligamuni. 6(5) E wacava na vakaitamera ni nomuni cakacaka i Yahuwe (YHWH)! E wacava na titobu ni nomuni vakasama! 7(6) Na tamata yalowai e na sega ni kila rawa; o ira na sesewa e na sega ni vakasamataka rawa. 8(7) ¶ Baleta ni ra na tutubu vaka na co o ira na ca, ka ra vutuniyau o ira kece era dau caka ca; qori e yaco tiko me rawa ni ra na qai vakawabokotaki vakadua; 9(8) Ia o kemuni i Yahuwe (YHWH), oni na vakacerecerei me sega ni mudu.10(9) Baleta o ira na kemuni meca i Yahuwe (YHWH), o ira na kemuni meca era na rusa; o ira kece era dau cakacakataka na ca era na ceburaki laivi: 10) Ia oni qai solia vei au na kaukaua ni bulumakau kila; oni lumuti au e na waiwai ni olive waki vou. 12(11) Na mataqu talega e na matalau ni raica ni ra rusa na kequ meca, na daligaqu e na reki ni ra sa bale o ira era kequ meca. 13(12) O ira na yalododonu era na bulabula  me vaka na vuni niuniu; era na tubu me vaka na vuni sitari mai Li’vanoni. 14(13) O ira era teivaki e na loma ni vale i Yahuwe (YHWH), era na tubu bulabula e na lomanibai ni noda Kalou (Mighty One).15(14) Ni ra sa qase cake mada ga, era na kaukaua vinaka tu ga, sinai tu ga na kena dra (sap) ka vuavuai vinaka tu ga, 16(15) Me vakaraitaki tiko kina ni o Yahuwe (YHWH) e tu dodonu, na noqu Uluvatu, e sega ni kune vua e dua na cala.

Tehillim (Same) 92:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 216 in 5773 (Total 1943)	April 25, 2013
Reading	Hebrew Date
Y’hoshua (Joshua) 1-2	M #2: Iyar 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veitaqomaki I Yahuwe (YHWH’s Protection)

Thought: YHWH Protects Those Who Fear Him And Call His Name

.................. 

Serving For Yom R’vi’ii, Iyar 14, 5773

(Count The Days Towards Shavu’ot: Today Is Day 25 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O cei e tiko e na kemuni maliwa e vakarokorokotaki Yahuwe (YHWH)? O cei e dau bulamuria? E na gauna mada ga e veitosoyaki kina e na butobuto, ni sega na rarama, [o koya] e na toka dei ga e na irogorogo kei Yahuwe (YHWH), ka vakanuinui tiko ga vua na nona Kalou (Mighty One). 11 Ia o kemuni kece oni vakawaqa buka tiko; ka vakaiyaragitaki kemuni tiko e na bukawaqa;  lako, taubale mada e na [loma ni] yameyame ni nomuni dui bukawaqa, e na maliwa ni bukawaqa oni a vakawaqaca! Mai na ligaqu, na leqa oqo e waraki kemuni tiko; oni na koto sobu e na vutugu.

Yeshayahu (Aisea) 50:10-11

NA IVAQA NI BULA (FOOD FOR THE SOUL)

NA yalewa vuku e tara cake na nona vale; ia na lialia e na basuka sobu e na ligana sara ga o koya vakataki koya. 2 ¶ Na tamata e dau vakarautaka na i valavala dodonu e na vakarokorokotaki Yahuwe (YHWH): ia o koya e veve na nona ivalavala e beci koya.

Mishlei (Vosa Vakaibalebale) 43:1-2

LOMANI YAHUWE NA NOMU KALOU (LOVE YHWH YOUR MIGHTY ONE

O KOYA e bula tiko e na veitaqomaki nei Yahuwe (Ylyon) e na bula tiko e na ruku ni iyaloyalo nei koya na Kaukaua (Shaddai), 2 O koya e tukuna vei Yahuwe (YHWH), Noqu idrodro! Noqu isasabai! Noqu Kalou (Mighty One); vua o au, au vakanuinui! 3 E ka dina ni o koya e na vueti iko mai na nona tudai na daubiri dai, ka vaka kina mai na veileqa lelevu. 4 E na vakarurugi iko e na lawena, e na ruku ni tabana o na kunea na vakarurugi; na nona dina e dua na sasabai. 5 O na sega ni domobulataka na vakadomobula ni bogi, se na gasau [ni dakaititi] era veivukayaki tu e na siga; 6 Se na mate ca e dau tete e na butobuto; se na matedewa e vakavu leqa e na sigalevu tutu. 7 E udolu era rawa ni veibaleyaki e yasamu, e tininaudolu e ligamu imatau; ia e na sega ga ni toro volekati iko [yani]. 8 Na matamu ga mo dolava tiko, o na qai raica na kedra itotogitaki na tamata ivalavala ca.

9 ¶ Baleta ni o sa cakavi Yahuwe (YHWH) o koya e Cecere Sara, o koya e noqu inuinui; me nomu itikotiko. 10 E sega ni dua na ka vakadomobula e na yacovi iko, e sega talega ni dua na leqa levu e na toro volekata mai na nomu valelaca; 11 Baleta o koya e na vakaroti ira na nona mala’akimi, me ra maroroi iko e na nomu ilakolako kece sara. 12 Era na tabei iko cake e na ligadra, me kakua ni tavutu na yavamu e na dua na vatu.13 O na butuki ira sobu na laione gone kei na gata o na butuka sobu e na ruku ni yavamu.14 Baleta ni taleitaki au o koya, o au, au na vueti koya: baleta ni kila na yacaqu o koya, o au, au na taqomaki koya. 15 O koya e na kacivi au [mai], au na tama yani vua. Au na tiko vata kei koya e na gauna e tiko leqaleqa kina o koya. Au na vueti koya, au na qai kauta mai vua na lagilagi;16 Au na vakacegui koya e na bula balavu, ka vakaraitaka vua na noqu veivakabulai.

Tehillim (Same) 91:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 215 in 5773 (Total 1942)	April 24, 2013
Reading	Hebrew Date
D’varim (Na iVakarua) 33-34	M #2: Iyar 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.