Thought: YHWH Is Doing The Needful, That We Might Change.
Serving For Yom
Shaynee, Chesvan 10, 5772
Raica,
o ira kece era dau taurivaka na vosa vakaibalebale era na cavuta na vosa
vakaibalebale qo mo saqati kina, e na nodra kaya, Me vakataki tinana e vaka
kina o luvenayalewa. 45 O iko o luvei tinamu; o koya e a
biuta na watinatagane kei ira na loga luvena; o iko o tacidra na yalewa era
biuti watidratagane kei ira na luvedra; na tinamu e yalewa ni Hiti ia o tamamu
e dua na Emori. 46 Na tuakamu
yalewa o Shomorono, o koya e vakaitikotiko e na ligamu imawi vata kei ira na
luvenayalewa; ia na tacimu yalewa e vakaitikotiko e na ligamu imatau, o So'doma
vata kei ira na luvena yalewa. 47 Ia o iko o sega ni muria na nodra
ilakolako, o sega talega ni cakava na nodra itovo vakasisila; ia e na dua na
gauna lekaleka wale o sa yaco mo cacalaivi mai vei ira e na nodra ivalavala. 48 Me vaka niu bula tiko, e kaya o
Yahuwe na Sau (Sovereign YHWH), O So'doma na tacimu kei ira na luvena yalewa
era se bera ni bau cakava na veika o sa cakava o iko vata kei ira na loga
luvemu yalewa. 49 Raica, oqo na cala nei So'doma na
tacimu qaciqacia; o koya vata kei ira na luvena yalewa e a levu na kedra
kakana, era qai bula maleka, ia e a sega ga ni vukei ira na dravudravua kei ira
era gadreva na veivuke. 50 Era a viavialevu, era qai
vakayacora na itovo vakasisila e mataqu; ia niu raica oqori vei ira, au a qai
kauti ira laivi. 51 O Shomorono
e se sega talega ni bau cakava e veimama na nomu ivalavala ca; ia o iko o sa
qai vakalevutaka cake sara na nomu ivalavala vakasisila o dau cakava. 52 O
iko o na vorata na madua levu baleta o sa siviti rau na tacimu yalewa e na nomu
ivalavala ca, ka ni o sa vakadukadukaitaki iko vakataki iko, vakalevu cake sara
mai vei rau; o rau, rau yalododonu cake sara mai vei iko; o iko o na kidroa
talega ni o colata na nomu madua baleta o rau na tacimu yalewa rau yalododonu
cake mai vei iko. 53 Au na kauta lesu mai na nodrau
kauvakavesu, na kauvakavesu nei So'doma kei ira na luvena yalewa kei na kau
vakavesu nei Shomorono vata kei ira na luvena yalewa; oti au na vakavuna na
nodra kauvakavesu o ira na kemu vo vo me ra colati e na kedra maliwa, 54 Mo rawa ni luvuci e na madua mo qai
kidroa tu baleta na veika kece o a vakayacora mo vakavurea na noqu cudru. 55 Ia ni sa vakatikori lesu o So'doma
na tacimu kei ira na luvena yalewa, i na nodra itokatoka mai liu, oti qai
vakatikori lesu i na nona itokatoka mai liu na tacimu o Shomorono kei ira na
luvena yalewa, o sa na qai vakatikori
lesu o iko kei ira na luvemu yalewa e na nomu itokatoka mai liu. 56 Baleta o So'doma a sega ni dua na
vosa vakaibalebale e gusumu, e na veisiga ni nomu viavialevu, 57 Ni se bera ni vakavotui cake na
nomu vakasisila, me vaka e na gauna era a vakarogocataki tiko kina o ira na
goneyalewa ni Idomi, e na gauna era a dau sevaki koya tu kina o ira na
goneyalewa ni Pe'leshetimi, era tiko wavolivoliti koya: 58 Qo
o sa qai colata na nomu itovo velavela kei na nomu ivalavala ca, e kaya o
Yahuwe na Sau (Sovereign YHWH). 59
Baleta a vakaoqo na ka e kaya o Yahuwe na Sau (Sovereign YHWH); Au na
vakarautaka vei iko me veiraurau kei na veika o sa cakava, baleta ni o a beca
na noqu bubului o qai bokoca na noqu veiyalayalati.
Na
tamata sa mamau vinaka tu e na cata na qanihani; ia vua e dua na tamata walokai,
e dua mada ga na ka gaga e kamikamica. 8 ¶ Me vaka na manumanu vakatabana e
vuka sese mai na nona sova, e vaka kina na tamata e cemuri mai na nona
itikotiko. 9 ¶ Me vaka ni vakamarautaka na vuniyalo na ilumu kei na sedeboi, e
vaka kina na kamikamica na nona ivakasala momona na nona itokani e dua na
tamata.
Ia
a totolo wale na nodra guilecava na nodra Kalou (Mighty One); era a sega ni
vakabauta na nona veituberi, 14 Era a garogaro vakasivia mai lekutu, era qai
vakatovolea na Kalou (Mighty One) e na loma ni vanua dravuisiga. 15 E a
vakadonuya vei ira na nodra kerekere; e a solia vei ira vakayauyau. 16 Era a
nakicataki Moshe e na loma ni keba vata kei Aharoni talega na digitaki nei
Yahuwe (YHWH). 17 E a dalaga na vuravura qai tikomi Daitana ka buluta na ilawalawa
nei Avirami 18 E a uturi mai e dua na bukawaqa e na nodra isoqosoqo, na yame ni
bukawaqa a qai vakamai ira na vakasisila 19 Era a bulia e dua na luve ni bulumakau mai
Horeva, ka sokalou vua na matakau buli. 20 Qori era qai vukica kina na noqu
dokai, me vaka e dua na okisi dau kana co. 21 Era a guilecava na nodra Kalou
(Mighty One) na nodra ivakabula, o koya a cakava na veika lelevu mai Ijipita,
22 Na veika talei e na vanua kei Hame, kei na veika vakadomobula e na bati ni
Wasawasa o Sufa (Sea of Suf) 23 Qori a qai kaya kina ni na vakarusai ira
vakadua, ia qori ke a yaco dina, kevaka me a sega ni mai vakamamasu e matana, e
na vuku ni leqa o Moshe, me vukica laivi na nona leva. 24 Io, era a cata na
vanua talei, ka ra sega ni vakabauta na nona vosa, 25 Era vosa kudrukudru e
loma ni nodra valelaca, era qai sega ni rogoca na domo i Yahuwe (YHWH). 26 Qori
a qai laveta cake kina na ligana me veibiuyaki ira e na kedra maliwa na
veimatanitu. 27 Ka me ceburaki ira
talega na nodra kawa e na kedra maliwa na veimatanitu, me vakayali i ira tu
yani e veivanua. 28 Era a sokalou i na ivakatakarakara i Ba’ala-Pe’ora, ka ra
kania na imadrali e cabo e na vukudra na mate. 29 Qori era a vakacudrui koya
kina e na nodra ivukivuki; era vakacudrui koya e na nodra kaloumatakau, a qai
kovuti ira mai vakasauri na mate vakasisila veitauvi 30 A qai tu o Pinikase me
vakatakekere, qori qai tinidole kina na mate veitauvi. 31 Qori a wili vua me
dua na qaqa vei ira na veitabatamata me tawamudu.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
311 Blog
No. 1451
|
November
7, 2011.
|
|
Reading
|
Hebrew Date
|
|
Cheshvan
10, 5772
|
|
|
Click
The Bible Text To Read It In Gateway In Another Language Or Version
|
|
