Thought: Yahweh Cares For Our Individual Good.
Serving For Yom Reeshone, Adar-Bet 7, 5771
E NA gauna oni lako yani moni lai valuti ira na kemuni meca, oni qai raica na ose kei na qiqi ni ivalu kei ira na tamata ni ra le levu cake mai vei kemuni; moni kakua sara ni domobulataki ira; baleta o Jiova (Yahweh) na nomuni Kalou (Mighty One) e tiko vata kei kemuni, o Koya e a kauti kemuni laivi mai na vanua o Ijipita. 2 E na gauna oni sa toso volekata yani kina na ivalu, na kohena me na qai lako mai, me mai vosa vei ira na tamata, 3 Me qai kaya vei ira, Rogoca qo i Isireli, oni sa toso yani oqo moni lai valuta na kemuni meca e na siga edaidai; me kakua ni taqaya na yalomuni, kakua ni domobula, kakua talega ni sautaninini, se moni domobula e na vukudra; 4 Baleta o Jiova (Yahweh) na nomuni Kalou (Mighty One) e sala tiko vata kei kemuni, o Koya a kauti kemuni tani mai na vanua o Ijipita, o Koya sara ga e na vala kei ira na vulagi e na vukumuni, o koya e na qai vueti kemuni. 5 Oti me ra qai vosa vei ira na tamata o ira na vunivola me ra kaya, O cei vei kemuni e se qai tara ga e dua na vale vou, ka sebera tiko ni vakatabuya? Laivi koya me lesu ka lako tale i nona vale, de qai lai mate e na ivalu, qai lai vakatabuya na nona vale e dua tale na tamata. 6 O cei na tamata e se qai tea oti ga e dua na loga ni vaini, ia e sebera tiko ni qaqia na kena vuata? Laivi koya me lesu, me lako tale i nona vale, de qai lai mate e na ivalu, qai mai qaqia na vuata ni nona vaini e dua tale na tamata. 7 Na tamata cava e tiko, e sa vosaka oti tu e dua na yalewa me watina ia e sebera tiko ni tauri koya? Laivi koya me lesu, me lako tale i nona vale, de qai lai mate e na ivalu, qai tauri koya e dua tale na tagane. 8 Ia o ira na vunivola me ra qai vosa tale vei ira na tamata, me ra taroga, Na tamata cava e tiko e se domobula ka se yalolailai tiko? Laivi koya me lesu me lako tale i nona vale, de na qai lai vakavuna me datuvu talega na yalodra na nona icaba.
I Jiova (Yahweh); oni sa biuta na reki e na uto ni noqu vakasama, vakalevu cake sara mai na gauna e dau levu kina na tubu ni nodra witi, na nodra waini kei na nodra waiwai. 8 E na sautu, ruarua, au na koto sobu oti au qai moce; baleta o kemuni duadua ga i Jiova (Yahweh), oni vu ni vei taqomaki e na noqu bula.
| Read The Scriptures (Tanakh) in a Year | |
| Siga (Day)/Blog | Tikinisiga (Date) |
| 72/Blog No. 1212 | March 13, 2011. |
| Reading | Hebrew Date |
| Adar Bet 7, 5771. | |
| Click The Bible Text To Read It In Gateway In Another Language Or Version | |
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
