Na iVola ni Kawa (Genealogies)

Thought: Yahweh Is Interested In Individuals too.

................... 

Serving For Yom Shlee-shee, Iyar 26, 5771

O ira na luvei Kelevi na taci i Verakame'yili: o Elishamai na nona ulumatua, o koya e a tamai Sifa; 42 ia o ratou na luve i Maresha tagane, na tama i Hevaroni, e bau kina o Korakimi, Tapuhaka, o Kedesha, kei She'ma;  43 ia o She'ma a tamai Rakama, na tamai Yoreke'hama; ia o Yoreke'hama a tamai Shamai. 44 O Ofana, na wati i Kelevi  lailai a tinai Horana, 45 ia o Horana a qai tamai Qosana  46 O ira na luvei Shamai tagane o Ma'ona; o Ma'ona a qai tamai Beiti-Tesura. 47 O ira na luvei Yadai tagane: eratou bau kina o Reqema kei Jotame, o Qeshema kei Peleta kei Efaha vata kei Sha'afa  48 O Ma'aka, e dua na wati i Keileba lailai a tinai Sheberi kei Tirihana.  49 E a tinai Sha'afa talega na tamai Madamana kei Sheva na tamai Makabena, ka tamai Qiva'a; ia a luvei Keileba yalewa o Akesa. 

1 Veigauna (Divrei HaYamim) 2:41-50

Na vosa i Yiremeyahu na luve i Hilikiya, e dua vei ira na kohanimi era tiko mai 'Anatota e na vanua o Biniyamini. 2 O koya a yaco vua na vosa i Yahuwe (YHWH) e na veisiga nei Yoshiyahu na luve i 'Amoni na tui Ya'huda, e na i katinikatolu ni yabaki ni nona veiliutaki vakatui. 3 A yaco talega mai e na gauna i Yo'hoyakimi na luve i Yoshiyahu na tui Ya'huda, me yacova na itinitini ni ikatinikadua ni yabaki i Sidikiyahu na luve i Yoshiyahu na tui Ya'huda; me yacova yani na nodra kau vakabobula na itaukei kei Yerushalayimi e na ikalima ni vula. 4 A qai yaco mai vei au na vosa i Yahuwe (YHWH) ni kaya, 5 Niu se bera ni buli i iko e na kete, au a sa kilai iko oti tu; ia ni o se bera ni sucu mai na katonigone au a sa vakatabui iko oti ka lesi i iko mo nodra parofita na veimatanitu. 6 Au qai kaya, Au vakatakekere vei kemuni i Yahuwe (YHWH) na Kalou (Mighty One), Raica, au sega ni kila. vosa, baleta au se gone ga. 7 Kaya mai vei au o Yahuwe (YHWH), Kakua ni cavuta, Au se gone ga, baleta o iko o na lako i na vanua kece au na talai iko kina; na ka kece au vakarota vei iko o na lai vakasavuya. 8 Kakua ni domobula e kedra maliwa: baleta au sa tiko vata kei iko, meu na vakabulai iko, e kaya o Yahuwe (YHWH).

Jeremaia (Yirmeyahu) 1:4-5

Read The Scriptures (Tanakh) in a Year
Siga (Day)/Blog	Tikinisiga (Date)
151/Blog No. 1291	May 31, 2011.
Reading		Hebrew Date
2 Veigauna (Divrei HaYamim Bet)  1-3		Iyar 27,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Itinitini ni Vuku Vakatamata (The End Wisdom)

Thought: Real Joy Is Never Found Under The Sun.

 ..................

Serving For Yom Shaynee, Iyar 26, 5771

Nanumi koya e a buli i iko e na gauna o se gone kina, ni sebera ni yaco mai na veisiga ca, ka ni toso voleka tiko mai na veiyabaki o na kaya kina, Sa oti vei au na noqu taleitaka na veika oqori; 2 Ni sebera ni malumu  sobu na bula, na veika totoka e na seyavu, na iyau e na leqa, na dravudravua e na muria mai na vutuniyau. 3 E na veisiga sa na sautaninini kina na yava kei na liga ni sa malumalumu, na bati sa na sega ni mama rawa e dua na ka baleta ni sa vo ga e vica kei na mata sa na buwawa sara yani. 4 Na daliga sa na malumu, na rorogo mada ga ni marama era qaqaqi tiko e na iqaqi sa na rogo lailai sobu, na tagane era na matacake e na tagi ni manumanu vuka; ia na domodra na yalewa era laga sere tiko sa na rogo lailai sobu. 5 E na rerevaka na veika cere o koya, ka na sautaninini ni toso cake tiko e na kena sala, kei na tawatawamoce sa na yacovi koya; na vuni alamodi e na se, ka na tubu na kedra iwiliwili na vodre, na iboi totoka sa na kaburaki ka sa na mudu na veileqaleqa; baleta na tamata e na lako  i na vale ni nona icovi, ia o ira era vakaloloku era na veilakoyaki ga e gaunisala. 6 Nanumi koya ni sebera ni muduki laivi na dali siliva, kavoro na viala koula, kabete na saqa mai na ivurevure, se ramusu na qiqi e na toevu. 7 E na qai lesu na kuvu ni qeie i na qele a kau mai kina; ia na icegu e na qai lesu tale vei Yahuwe (YHWH) o koya e a solia taumada mai.

Dauvunau (Kohelet) 12:1-7

Au na vakamolimoli vei Yahuwe (YHWH), baleta ni sa soli ivakasala mai vei au; na yavu ni noqu vakasama e tuberi au talega e na veibogi.

8 Au sa vakadeitaki Yahuwe (YHWH) me toka ga e mataqu e veigauna kece; baleta ni toka o koya e na ligaqu i matau, au na sega ni yavalati. 9 Qori e mamarau kina na yaloqu, ia na noqu dokai e reki; na  lewequ talega e na vakacegu e na inuinui. 10 Baleta ni oni a sega ni biuta tu na noqu bula mai Sheola; Oni sega talega ni vakadonuya na nomuni Yalosavasava tabu me sotava na vuca. 11 Oni na vakatakila vei au na sala ni bula, au na qai vakasinaiti vakaidina e na marau e tu e matamuni; kei na reki ni qaqa e toka e ligamuni matau.

Same (Kohellim)16:7-11

Read The Scriptures (Tanakh) in a Year
Siga (Day)/Blog	Tikinisiga (Date)
150/Blog No. 1290	May 30, 2011.
Reading		Hebrew Date
1 Veigauna (Divrei HaYamim Alef)  28-29		Iyar 26,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasamataki ni Bula (Thoughts about life).

Thought: Leave Your Problems And Cares In Yahweh’s Hands

 .....................

Serving For Yom Reeshone, Iyar 25, 5771

E dua na ka lasu (vanity) a caka e vuravura; era tu na tamata dodonu, a qai dau yaco vei ira. me vaka era dau cakava o ira na tamata ca; ka tu o ira na tamata ca, o ira e yaco vei ira me  vaka na nodra cakacaka na tamata yalododonu; Au kaya ni ka oqo e ka lasu (vanity) talega. 15 Oti au qai vakacerecerea na marau, baleta ni sega tale ni dua na ka e vinaka cake vua e dua a tamata e ruku ni matanisiga, ia me kana ga ka gunu  me qai mamarau, baleta qori e na dau tiko voli ga kei koya, e na nona cakacaka e veisiga kece ni nona bula e solia vua na Kalou (Mighty One) e na ruku ni matanisiga. 16 Qori au qai vakacakacakataka kina na vuniyaloqu meu kila na vuku, meu vakadeuca na veika e yaco tiko e vuravura; baleta era tu eso e sega ni bau raica na matadra na moce, e na siga kei na bogi. 17 Ia au qai raica na cakacaka kece sara ni Kalou (Mighty One), au qai kilasamataka ni tamata e na sega ni raica rawa na veika era yaco tiko e ruku ni matanisiga; kevaka mada ga me cakacakataka na tamata me vaqara, e na sega ni kunea rawa; o koya e kaya ni vuku, o koy amada ga e na sega ni kunea rawa.

Dauvunau (Kohelet) 8: 14-17 

Mata cake, i Yahuwe (YHWH), e na dela ni Nomuni leva, yavavala moni saqata na nodra leva na kequ meca,  cakava me qaqarauni e na vuku ni nomuni lewa oni sa vakarota. 7 Laivi na nodra isoqosoqo na tamata  me ra toso vakavolivoliti kemuni; e na vukudra lesu mai i na nomuni itikotiko cecere.  8 O Yahuwe (YHWH) e na vakatulewa vei ira na tamata; vakalewai au i Yahuwe (YHWH) e na yavu ni dodonu vata kei yavu ni dina e tiko vei au.9 Isa, laiva na nodra ca o ira era dau ivalavala kaukaua me tini dole;  vakaduria na  yalododonu, kemuni oni dau vakadeuca na vuniyalo kei na bula.

10 Kemuni na Kalou (Mighty One) o kemuni oni dau vueti ira e dau dodonu na vuniyalodra, kemuni na Kalou (Mighty One)  yalododonu, ni vukei au.

Same (Tehellim) 7:6-10

Read The Scriptures (Tanakh) in a Year
Siga (Day)/Blog	Tikinisiga (Date)
149/Blog No. 1289	May 29, 2011.
Reading		Hebrew Date
1 Veigauna (Divrei HaYamim Alef)  26-27		Iyar 25,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veilecayaki Ni Bula (Contradictions in Life).

Thought: Confusion Is When Our Lives Do Not Revolve Around Yahweh

 .................

Serving For Shabbat, Iyar 24, 5771

Na ka era a tu mai liu, era na tu talega mai muri; na veika a dau caka mai liu, e na caka talega mai muri: e sega ga ni dua na ka me vou e na ruku ni matanisiga, 10 O koya e vosa me kaya “Raica, qo e ka vou, e dodonu me kila ni a se tiko sara mai liu, mai na veigauna sa siviti keda oti. 11 E sega ni vakananumi lesu na veitabatamata sa sivi; e na sega talega ni vakananumi na itabatamata era sa tadu tiko mai vata kei ira era na muri i ira mai.

12 ¶ O au na Dauvunau au tui Isira'yili mai Yerushalayimi. 13 Au a solia na vuniyaloqu  meu vaqara ka vakadeuca e na vuku, na veika e vakayacori tiko e ruku ni lomalagi; meda vakaogai kina, qori e dua na cakacaka dredre a solia na Kalou (Mighty One) vei ira na luve ni tamata. 14 Au sa raica na cakacaka kece e vakayacori tiko e ruku ni matanisiga; ia raica, era maumau wale kece tu ga, ka vu ni veivakararawataki i na yalo. 15 Na veika era veilecayaki tu e na sega ni vakadodonutaki rawa; o koya e lailai na nona kilaka e na sega ni vakarautaki vua. 16 Au dau veinanuyaka e lomaqu, niu kaya, Raica, au sa yaco meu vakaitamera,  ka ni levu cake vei au na vuku, mai vei ira kece era a liu mai vei au i Yerushalayimi; io, na vuniyaloqu sa sotava e levu na ivakaraitaki ni vuku kei na kilaka. 17 Au a solia na vuniyaloqu meu kila na vuku, na ivosavosa ni dina kei na yalomatua; ia au qai kilakasamataka ni ka kece oqo era vu ga ni veivakararawataki i na yalo 18 Baleta e na vakaitamera ni vuku e levu kina na rarawa, ia o koya e vakalevutaka na kilaka, e vakalevutaka ga na vutugu.

Dauvunau (Kohelet) 1:9-18

Laga sere vua, seretaka na same vua: veitukutukunitaka na nona cakacaka  veivakurabuitaki kece sara. 3 Dau dokadokataka ga  e na yacana  vakaitamera; Laiva me mamarau na vuniyalodra o ira era vakasaqarai Yahuwe (YHWH). 4 Vakasaqarai Yahuwe (YHWH) mo  kaukaua, vakasaqara na matana me tawamudu. 5 Nanuma na nona cakacaka  veivakurabuitaki e cakava o koya; na nona cakacaka mana kei na lewa e tau mai gusuna; 6 Isa o kemuni na kawa i Avarahama na nona dauniveiqaravi; o kemuni na luve i Ya'akove na nona digitaka. 7 O koya o Yahuwe (YHWH) na noda Kalou (Mighty One); na nona lewa sa roboti vuravura taucoko.

Same (Tehellim) 105:2-7

Read The Scriptures (Tanakh) in a Year
Siga (Day)/Blog	Tikinisiga (Date)
148/Blog No. 1288	May 28, 2011.
Reading		Hebrew Date
1 Veigauna (Divrei HaYamim Alef)  23-25		Iyar 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Malumalumu Nei Tui Sholomo (King Shlomo’s Weaknesses)

Thought: Wisdom and Understanding Are Found In Yahweh

 ....................

Serving For Yom Ha Shee-shee, Iyar 23, 5771

IA o Tui Sholomo e a domona tu e levu sara na yalewa mai veivanua tani, bau kina na  luve i Fero yalewa, o ira na nodra yalewa na Amoni na Mo’avi, na Edomi, na Saidoni, kei na Hiti; 2 Oya o ira mai na veivanua sara ga a vosa kina vei ira na luvei Isira'yili o Yahuwe (YHWH) ni kaya, Kakua ni veiwaki kei ira; o ira talega me ra kakua ni veiwaki kei kemuni, de ra na qai vukica laivi na vuniyalomuni moni galeleti ira na nodra dui kalou (elohim); ia o Sholomo a kabiti ira tiko ga e na nona dodomo. 3 O koya e a vitunadrau taucoko na watina, na ranadi ka tolunadrau na watina lalai (concubine); o ira na watina era a qai vukica tani na vuniyalona. 4 A qai yaco ni sa qase cake o Sholomo, ni ra a vukica na vuniyalona o ira na watina me muri i ira na kalou (elohim) tani; na vuniyalona a sega ni dodonu vei Yahuwe (YHWH) na nona Kalou (Mighty One); me vaka na yalo i Davide na tamana. 5 O Sholomo a muri i Eshatoreta na nodra kalouyalewa na Saidoni, ka muri i Ke’mosha na nodra kalou (elohim) na Mo’ave kei Milikami na nodra kalou (elohim) na ‘Amoni.  6 O Sholomo a vakayacora na itovo ca e na mata i Yahuwe (YHWH), ka sega ni muri i Yahuwe (YHWH) vakatabakidua, me vaka a dau cakava o Davide na tamana,

I Tui (M’lakhim Alef) 11:1-6

LUVEQU tagane, kakua ni guilecava na noqu lawa; ia laivi na vuniyalomu me  me bula muria tiko na noqu noqu ivakaro; 2 Baleta na ibalavu ni siga kei na bula dede era na vakaikuritaka vei iko;  3 Kei na sautu, na yalololoma, kei na dina era na sega ni vakanadakui iko, bukia toka e domomu; volai ira sobu e na papa ni vuniyalomu;  4 Oti mo qai kunea na yalovinaka, na loloma kei na kilaka e na mata ni Kalou (Mighty One) ka vaka kina vei ira na tamata. 5 Vakanuinui vei Yahuwe (YHWH) e na vuniyalomu taucoko, kakua ni nuitaka na nomu vuku o iko vakataki. 6 E na nomu ivalavala kece sara, vakarokorokotaki koya, o Koya e na qai dusimaka vei iko na sala mo bula muria.

Vakaibalebale (Mishlei) 3:1-6

Read The Scriptures (Tanakh) in a Year
Siga (Day)/Blog	Tikinisiga (Date)
147/Blog No. 1287	May 27, 2011.
Reading		Hebrew Date
1 Veigauna (Divrei HaYamim Alef)  20-22		Iyar 23,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vosa Vakaibalebale (Proverbs).

Thoughts: The Honest Love You, Even If They Appear To Hurt You

 .......................

Serving For Yom Khah Mee-Shee, Iyar 22, 5771

KAKUA ni navuca na inakinaki ca, e na nona itikotiko ni yalododonu;  kakua ni vakacacana na nona tikina ni vakavakacegu: 16 Baleta na tamata yalododonu ni bale vakavitu, e na matacake tikoga: ia o ira na tamata ca era na lutu i na itovo ca.

17 Kakua ni reki ni bale na kemu meca; laiva me kakua ni marau na vuniyalomu ni sa talaraki laivi; 18 De qai raica o Yahuwe (YHWH), qai sega ni marautaka, oti qai vukica laivi na nona cudru mai vua.

19 Kakua ni didivaki ira na daucakaca; kakua ni vuvutaki ira era itovo vakasisila;

20 Baleta e na sega ni dua na nodra  gauna mai muri o ira na tamata ivalavala ca; na icina ni tamata ivalavala ca e na boko laivi.

21 I luvequtagane, rerevaki Yahuwe (YHWH), dau soli ivakasala momona; kakua ni galele vei ira era lialia:

22 Baleta na nodra leqa e na yaco mai vakasauri; o cei e kila na itinitini ni nona veitabayabaki?

Vakaibalebale (Mishlei) 24:15-22

E vinaka cake vua e dua na tamata me galeleta na veivosataki ni tamata vuku, mai na nona rogoca na nodra sere na lialia.

Dauvunau (Kohelet) 7:5

KAKUA ni viavia vuku e matamu o iko vakataki iko, rerevaki Yahuwe (YHWH) ka saumaki tani mai na ivalavala vakasisila. 8 E na ka ni bula i na lewemu, ka waibula (marrow) i  na suimu. 9 Dokai Yahuwe (YHWH) e na nomu iyau kei na isevu ni nomu vuata kece sara.10 Qori e na qai tawa vinaka kina na nomu lololo, kei na nomu iqaqi ni waini e na vuable e na wainivou.11 I luvequ tagane, kakua ni cata na  veikuitataki nei Yahuwe (YHWH); kakua ni cauocataka na nona veivakatavulici. 12 Baleta o koya e lomana o Yahuwe (YHWH) e na vakadodonutaka, me vaka e dua na tama, e vakadodonutaki luvena tagane.

13 E kalougata na tamata e kunea na vuku,kei na luve ni tamata e kunea na yalomatua: 14 Baleta na veika e volia e vinaka  cake mai na ivoli rawa mai na siliva ka na kena tubu mai na koula dina.

Vakaibalebale (Mishlei) 3:7-14

Read The Scriptures (Tanakh) in a Year
Siga (Day)/Blog	Tikinisiga (Date)
146/Blog No. 1286	May 26, 2011.
Reading		Hebrew Date
1 Veigauna (Divrei HaYamim Alef)  17-19		Iyar 22,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVosavosa Vuku. (Wise Sayings)

Thoughts: Trust Yahweh First And Foremost.

................. 

Serving For Yom Revee-ee, Iyar 21, 5771

NA YACA rogo vinaka e yaga vakalevu cake mai na iyau vakaitamera, kei na veitokoni e na yalololoma  mai na siliva kei na koula,

2 O rau na vutuniyau kei na dravudravua rau na sota, o Yahuwe (YHWH) a buli i rau ruarua.

3 Na tamata yalomatua ni raica  e dua na tamata ca ni kanakuita, e na  vuli vakalevu sara mai kina.

4 Na vatuka ni yalomalumu, na rerevaki i Yahuwe (YHWH), vata kei na iyau, na dokai kei na bula.

5 Na tudai kei na icori e kune e na veisala veve; O koya e qarauna na nona bula (soul) e na tu vakayawa sara mai mai kina.

6 Vakavulica cake na gone e na sala e dodonu me na bula muria; baleta e na gauna sa qase cake kina e na sega ni gole tani mai kina.

7 Na vutuniyau e na qai lewai mai vei ira na dravudravua; na dauniveiqaravi  e na soli dinau vua a dau soli dinau tu vua mai liu.

8 O koya e tea na ivalavala ca, e na tamusuka na  veidabui: na ititoko ni nona leva e na ramusu.

9 O koya e dau mata lomasoli, e na kalougata; baleta ni wasea na kena madrai vata kei ira na dravudravua.

10 Vakarusa na ivalavala ca, biuta laivi na veileti kei na veivakacacani, de ra na qai dabe e na isoqosoqo era qai vakadiloi ira kece sara era tiko.

11 O Yahuwe (YHWH) e lomani koya e  yalosavasava mai vuniyalona ka dau yalololoma e na gusudra o ira na nona icaba na tui.

12 Na mata i Yahuwe (YHWH) e dau taqomaka na kilaka ka vakarusa na vosavosa veivakaisini

Vakaibalebale (Mishlei) 22:6-12

Na nona marau e dua na tamata e kune votu mai na vosa ni gusuna; ia o koya e vosa e na kena gauna dodonu,  e ka levu na kena vinaka vua.

Vakaibalebale (Mishlei) 15:23

Read The Scriptures (Tanakh) in a Year
Siga (Day)/Blog	Tikinisiga (Date)
145/Blog No. 1285	May 25, 2011.
Reading		Hebrew Date
1 Veigauna (Divrei HaYamim Alef)  14-16		Iyar 21,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Good Conduct (Na iTovo Vinaka)

Thought: Pride And Deceit Cause Human Failure

 ..................

Serving For Yom Shlee-shee, Iyar 20, 5771

E na yalololoma kei na dina, na  ivalavala ca era na vakasavasavataki; na  nona rerevaki o Yahuwe (YHWH) e na vakavuna vei ira na tamata me ra biuta na ivalavala vakasisila.

7 Ni bula muria na inaki nei Yahuwe (YHWH) na nona ivalavala e dua na tamata, o ira mada ga na kena meca e na saumi ira o koya.

8 E vinaka cake ni lailai wale ia  e na yalododonu, mai na tatamusuki vakaitamera e caka vakatawadodonu.

9 Na vuniyalo ni tamata e navuca na nona sala, ia o Yahuwe (YHWH) e na dusimaka na nona tosotoso.

10 Na lewa nei Yahuwe (YHWH) ni toka e na tebenigusu ni tui: na gusuna e na sega ni cala ni vakatulewa.

11 Na bibi ni dua na lewa dodonu, e nei Yahuwe (YHWH): na nona cakacaka bibi e na dau dodonu ga.

12 O ira na tui era vakayacora na itovo ca era vakasisila; baleta na itutu vakatui e dau vakayavutaki e na yalododonu

13 Na tebenigusuna na tamata yalododonu e ka ni marau vua na tui; ka na taleitaka na vosa ni yalododonu;

14 Na leva ni tui e vaka na dau kauitukutuku ni mate; ia na tamata vuku e na vakamalumutaka.

Vakaibalebale (Mishlei)16:6-14 

Na rogorogo ca e na liu, ni sebera na rusa, ia na dokadoka e na liu ni sebera na leqa.

Vakaibalebale (Mishlei)16:18

Kemuni na Kalou (Mighty One) e na nomuni yalololoma kei na yalovinaka 11 Vakavotaki ira mera ivakaraitaki vei ira na bula, de ra qai guileca o ira na noqu tamata; cemuri ira e na nomuni kaukaua; ka vakamalumalumutaki ira sobu; i Yahuwe (YHWH) o kemuni na noqu inuinui. 12 Baleta na ivalavala ca ni gusudra kei na vosa ni tebenigusudra, laiva me ra kau laivi e na nodra qaciqacia; baleta na veirukaki kei na lasulasu e dau cavuta na gusudra.

Same (Tehellim) 59:9-14

Read The Scriptures (Tanakh) in a Year
Siga (Day)/Blog	Tikinisiga (Date)
144/Blog No. 1284	May 24, 2011.
Reading		Hebrew Date
1 Veigauna (Divrei HaYamim Alef)  11-13		Iyar 20,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.