Thought: Rechav’am Led A Corrupt Kingdom Of Y’hudah, Through Idolatry
...................
Serving For Shabbat,
Cheshvan 4, 5773
MAI NA
NEVI’IMI RISHONIMI (FROM THE NEVI’IM RESHONIM)
O
Rekava'ama na luvetagane i Sholomo a veiliutaki vakatui e Ya'huda. O Rekava'ama
a yabaki vasagavulukadua e na gauna a tekivu kina me veiliutaki vakatui, qai
veiliutaki tiko vakatui me tinikavitu na yabaki mai Yerushalayimi na korolevu a
digitaka o Yahuwe (YHWH) mai na veimataqali i Yisira'yili, me vakatikora kina
na yacana. Na yaca i tinana o Na'amaa, e dua na yalewa ni 'Amoni. 22 O ira na
Ya'huda era a vakayacora na ivalavala ca e na mata i Yahuwe (YHWH); era qai
vakacudrui koya e na veika kece era a dau vakayacora o tamadra, ka vaka kina e
na ivalavala ca era a dau vakayacora o ira vakataki ira. 23 Baleta ni ra a tara
talega na nodra veitikina cecere, kei na ivakananumi kei na kalou matakau e na
veidelana kece kei na ruku ni veikau drokadroka. 24 Era a tu talega e loma ni
vanua o ira era dau veiyacovi vakamataqali vata (sodomites); era qai dau vakayacora na vei ivalavala
velavela e kune e na veivanua e a vakarusai ira o Yahuwe (YHWH) ni ra se bera
yani o ira na luve i Yisira'yili. 25 A qai yaco e na ikalima ni yabaki i Tui
Rekava'ama, ni a kabai Yerushalaymi kina o Shisake na tui Ijipita: 26 E a kauta
laivi na iyau ni loma ni vale i Yahuwe (YHWH), kei na iyau ni loma ni vale ni tui;
e yauta laivi mada na isasabai koula e a lewa o Sholomo me buli. 27 O Tui
Rekava'ama a qai bulia me kedra isosomi, na isasabai barasa, oti qai solia i
ligana na nodra iliuliu na matayadra era dau yadrava na katuba levu ni nona
vale na tui. 28 A qai dau yaco, e na gauna kece me dau curu kina na tui i loma
ni vale i Yahuwe (YHWH), o ira na yadra era na dau kauta tiko yani, ia era na
vakasuka tale mai i na nodra loqi na yadra. 29 Na vo ni cakacaka i Rekava'ama,
kei na veika kece a cakava o koya, raica ni ra volai tu e na ivola ni nodra
veigauna na tui Ya'huda? 30 A dau yaco tu ga na veivaluvaluti e na kedrau
maliwa o Rekava'ama kei Yarovo'ama e na veisiga kecekece ni nodrau veiliutaki
vakatui. 31 O Rekava'ama a qai mocelutu vata kei ira na tamana; oti qai bulu
mai na korolevu i Dawide. Na yaca i tinana o Na'amaa, na marama ni 'Amoni. A
qai buli me veiliutaki vakatui o 'Avaiyama na luvena tagane me kena isosomi.
NA IVAQA NI BULA (FOOD FOR THE SOUL)
Me
vaka na wai liliwa vua e dua na bula (soul) e karamaca, e vaka kina na
itukutuku vinaka mai na dua na vanua yawa. 26 ¶ E vaka e dua na waivure sa sogo
laivi se na toevu wai dukadukali, e vaka kina na tamata yalododonu ni lutu sobu
e na mata ni tamata ca. 27 ¶ E sega ni vinaka ni laukana vakasivia na hani, ka
sega talega vaka kina ni vinaka ni da vaqara meda vaqoroqoroi vakalevu o keda
vakataki keda.
LOMANI YAHUWE NA NOMU KALOU (LOVE YHWH YOUR MIGHTY ONE
Na
nomuni idabedabe vakatui e na tara e na yalododonu kei na lewa; na loloma kei
na dina e na vakaliuci e matamuni.
16(15)
¶ Era kalougata o ira na tamata era kilakasamataka na nomuni dokai, era na bula
muria, i Yahuwe (YHWH), na rarama ni kemuni iserau. 17(16) E na yacamuni era na
mamarau e na veisiga kece sara; e na nomuni yalododonu era na vakacerecerei.
18(17) Baleta o kemuni na iukuuku ni neimami kaukaua; e na vukumuni na neimami
itataqomaki (horn) e na vakacerecerei. 19(18) Baleta o Yahuwe (YHWH) e noda
inuinui, o koya na Ledua Tabu i Isira’yili na noda tui.
20(19)
¶ Oni qai vosa e na raivotu vei ira na nona yalododonu, ni kaya o koya, Au sa
soli veivuke vua e dua na tamata; au sa vakacerecerea e dua e digitaki mai vei
ira na tamata. 21(20) Au sa kunei i Dawide na noqu dauniveiqaravi; e na noqu
waiwai tabu au sa lumuti koya. 22(21) Na ligaqu (hand) sa vukei koya; na
gauniligaqu (arm) talega sa vakaukauataki koya. 23(22) Na meca e na sega ni
rawai koya rawa, se vakaleqai koya o ira na luvena o koya e dau ivakarau
kaukaua. 24(23) Au na vakarusai ira na kena meca e matana, ka vakaleqai ira era
cati koya. 25(24) Ia na noqu yalodina kei na yalololoma e na dau tiko vata kei
koya, e na vuku ni yacaqu na nona vue (horn) na vakacerecerei. 26(25) Au na vakatikora
na ligana e loma ni wasawasa kei na ligana imatau e na vei uciwai. 27(26) E na
tagi cake mai vei au o koya, O kemuni na tamaqu, na noqu Kalou (Mighty One), na
noqu ivakabula vakaitamera. 28(27) Au na qisi i koya me noqu ulumatua, kau na
vakacerecerei koya e deladra na vei tui kei vuravura. 29(28) Na noqu yalololoma
au na maroroya tiko me nona ka tawa mudu, na noqu veiyalayalati e na toka dei
vata kei koya. 30(29) O ira na nona kawa au na
vakataudeitaki ira me kakua ni mudu, na nona idabedabe vakatui me vaka
na veisiga mai lomalagi. 31(30) O ira na luvena talega, kevaka era vakanadakuya
na noqu lawa ka sega ni bula muria na noqu lewa; 32(31) Kevaka era qai
vakacacana na noqu ilesilesi, ka sega ni vakabauta na noqu ivakaro; 33(32) Qori
au na qai taleva kina na nodra talatalaidredre e na iwaro, kei na nodra ivalavala
ca e na kuita. 34(33) Ia veitalia ga, na noqu yalololoma, au na sega ga ni
kauta laivi taucoko maivua, se vakavuna na noqu yalodina me guce. 35(34) Au na
sega talega ni vakanadakuya na noqu veiyalayalati se veisautaka na veika sa
cavuti oti mai tebenigusuqu. 36(35) E na dua na gauna au a bubului kina e na
noqu yalododonu vei Dawide, kau na sega ni lasu. 37(36) Na nona kawa o koya era
na veirawai tiko me tawamudu, na nona idabedabe vakatui e na vaka na matanisiga
e mataqu. 38(37) E na vakataudeitaki me tawamudu me vaka na vula, ka vaka na
ivakadinadina yalodina mai lomalagi.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 293 o/o 1753
|
October
20, 2012
|
|
Reading
|
Hebrew
Date
|
|
M #8:
Cheshvan 4, 5773
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
