Na Veisau E Gadrevi (Changes We Need)

Thought: After the Passover, Changes Must Take Place.

....................................................

Serving For The 30^th June, 2009

Ia ni sa oti na veika kece oqo, o ira kece na kai Isireli era a tiko, era qai lako i na veikoro e Jiutia, era qai lai vorolaka vakamatailalai na veimatakau, era taya sobu na ivakatakarakara ni leopadi, ka basuraka na veitikina cecere kei na icabocabo-ni soro, e kune mai Jiutia kei Benijamini ka vaka kina mai Ifireimi kei Manasa, me yacova ni ra sa vakarusai ira kece vakadua. Oti era sa qai lesu na Isireli; na tamata yadua i na nona dui iwasewase; era qai dui curu e na sautu i na nodra dui korolevu. 02 Oti sa qai lesia o Hesekaia na nodra dui gauna ni cakacaka na veimatabete kei na Livai, e na nodra dui iwasewase, na tamata yadua i na nona itavi, o ira na bete kei ira na Lival me ra vakacabo isorokama kei na isoro ni sautu; me ra qarava na cabori ni vakavinavinaka kei na vakamuduo e na matamata ni vale i Jiova (Yahweh). 03 Na tui a qai solia mai na nona iyau, na bulumakau me cabori vakaisorokama e na veimataka kei na veiyakavi, na isorokama ni veisiga ni vakacecegu kei na vula vou, vata kei na veisolevu lokuci, me vaka era volai tu e na lawa i Jiova (Yahweh). 04 Oti qai vakaroti ira talega na tamata era tiko mai Jerusalemi me ra cau e na kedra ivotavota na bete kei na Livai, me rawa ni ra cuqena na na lawa i Jiova (Yahweh).

2 Veigauna 31:1-4

Me tekivu qo lako yani, kemuni na noqu daulomani, baleta ni oni a dau talatalai rawarawa e veiveigauna, sega walega niu tiko kei kemuni, ia vakalevu cake niu sega ni tiko, cakacakataka na nomuni dui vueti I na bula, e na yalo ni veidokai kei na rere. 13 Baleta ni Kalou (Elohim) e akauqeti tiko vei kemuni na yalo moni via cakacakataka na veika vivinaka, oni dau gadreva moni cakava.

Filipai 2:12-13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
181.	June 30	Job 19-20	Acts 9: 23-43

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Kune Tale Na Lakosivia. (Discovering The Passover)

Thought: Sins Maybe Forgiven, But We Must Take It Seriously Not To Re-Offend

.....................................................

Serving For The 29^th June, 2009

Era a tiko tale o ira na lewe ni isoqosoqo taucoko me ra marautaka me vitu tale na siga; era a qai solevutaka na siga vitu tarava e na reki; 24 baleta o Hesekaia na tui Jiutia a solia vei ira na lewe ni isoqosoqo e vitu na udolu na bulumakau digitaki, lelevu ka lalai, ka solia talega vei ira na lewe ni isoqosoqo e Isireli e dua na udolu na bulumakau tagane digitaki kei na tini na udolu na sipi; e le levu vei ira na bete era a qai vakasavasavataki ira vakataki ira. 25 O ira kece na lewe ni isoqosoqo e Jiutia, vata kei ira na bete kei na Livai, vata kei na lewe ni isoqosoqo taucoko era a lako mai Isireli, vata kei ira na tavuki era a lako mai na vanua o Isireli, kei ira era tiko mai Jiutia, era a mamarau. 26 A ka levu na reki e Jerusalemi: baleta mai na gauna sara i Solomoni, na luve i Tevita na tui Isireli, a sa sega tu ni yaco e dua na ka vakaoqo e Jerusalami. 27 Era qai tucake o ira na bete kei ira na Livai, era qai vosavakalougatataki ira na tamata e Isireli; a qai rogoca na domodra o Jiova (Yahweh), na nodra masu a qai basika cake i na nona itikotiko tabu mai lomalagi.

2 Veigauna 30:23-27

Kevaka eda kaya ni sega na noda ivalavala ca, eda vakaisini keda tikoga vakataki keda, baleta na dina e sega vei keda. 09 Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece.

1 Joni 1:8-9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
180.	June 29	Job 16-18	Acts 9:1-22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veiliutaki Nei Hesekaia. (Hezekiah Leadership)

Thought: Always live by Yahweh’s Commandments, it pays!

...........................................

Serving For The 27^th June, 2009

Ia e na ikatolu ni yabaki nei Hosia na luve i Ela na tui Isireli, o Hesekaia na luve i Eihasa na tui Jiutia a se qai tekivu me veiliutaki vakatui. 02 E a yabaki ruasagavulukalima tiko o koya e na gauna a tekivu veiliutaki kina vakatui; a qai tui tiko mai Jerusalemi me ruasagavulukaciwa na yabaki. Na yaca i tinana o Ahi, na luve i Sakaraia. 03 E a dau vakayacora o koya na ka e dodonu e na mata i Jiova (Yahweh), me vaka a dau cakava o Tevita na tamana.

2 Tui 18:1-3

E a dau vakanuinui vakatabakidua o koya vei Jiova (Yahweh) na nodra Kalou (Elohim) na Isireli, ka sega tale ni dua me tautauvata kei koya e na kedra maliwa na tui Jiutia e muri, se dua vei ira era e a liu mai vua. 06 E a kabi kaukaua tiko o koya vei Jiova (Yahweh); ka sega ni bau vuki tani mai na nona vakamuri i koya, e na nona dau bula muria na nona ivakaro taucoko me vaka a vakarota o Jiova (Yahweh) vei Mosese.

2 Tui 18:5-6

Me vakadonuya mada o Jiova (Yahweh) na gagadre ni yalomu ka vakayacora kecega na nomu ivakasala. 05 Keimami na vakalagilagitaki e na nomuni veivueti, e na yaca ni nomuni Kalou keimami na vakacerecerei; Me vakayacora na nomuni vakatakekere taucoko o Jiova (Yahweh).

Same 20:4-5

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
179.	June 28	Job 13-15	Acts 8:26-40

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakayagataki Asiria o Jiova (Yahweh Used The Assyrian)

Thought: Yahweh May Use Anyone To Prune Purify Those He Love.

...................................................

Serving For The 27^th June, 2009

Oti qai kaya tale vei au o Jiova (Yahweh), Taura e dua na vivivi pepa levu qai vola kina vakamatata me vakatotolotaki na veivesu ka me volai tu na ilevu ni itoki vakaivalu; 02 Au qai kauti ira vata mai na ivakadinadina yalodina me ra mai taura na iwiliwili, o Uraia na bete kei Sakaraia na luve i Berakaia. 03 Oti au qai lako vua na parofita yalewa; a qai kunekune o koya ka vakasucuma e dua na luvenatagane. Sa qai kaya vei au o Jiova (Yahweh), Vakatoka me yacana o Mesaribi-shabeyotakibi-basi; vakatotolotaka nodra kau laivi na kaivesu, ka vakatotolotaka na kau laivi ni itoki ni ivalu. 04 Ni sebera ni kila na tagi na gone, o tamaqu kei tinaqu, na iyau mai Damasikasi kei na itoki ni ivalu mai Samaria era sa na kau laivi e na mata ni tui Asiria.

Aisea 8:1-4

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika mai kina o Jisu (Yahshua) na Mesaia;

1 Pita 1:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
178.	June 27	Job 10-12	Acts 8:1-25

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Mesaia Sa Lako Mai (The Messiah’s Coming)

Thoughts: The Coming of the Messiah is Predicted in the Scriptures

........................................

Serving For The 26^th June, 2009

O ira na tamata era a dau lako tu e na butobuto era sa raica na rarama levu; o ira era vakaitikotiko e na vanua ni yalayala ni mate vei ira e na cila na rarama. 03 Oni sa vakalewelevutaki ira na tamata, ka vakaikuritaka na nodra marau; era na mamarau e matamuni me vakataki ira era marautaka na tatamusuki ka vakataki ira talega na tagane ni ra wasea tiko na itoki ni ivalu. 04 Baleta oni sa musuka laivi na ivua ni nodra icolacola, na ivua e na usouso ni domodra kei nona ititoko i koya e dau vakasaurarataki ira, me vaka e na veisiga mai Midiani. 05 Na vosa kece e rogo e na kauta mai na domobula kei na isulu era na qiluci e na dra; ia qo e na vakayagataki kece e na vakamakama me i utu ni bukawaqa. 06 Baleta vei keda e na sucu e dua na gone, vei keda e dua na gonetagane e na soli mai; na matanitu e na vakacolati e tabana; ka na vakatokai me yacana o Dauniveituberi Veivakurabuitaki, o Koya Ka Levu, na Kalou (Elohim) tawamudu, Na Tui ni Sautu.

Aisea 9:2-6

Sa tiko talega vei keitou e dua na vosa dina ni parofisai; e vinaka vei kemuni moni raica oqori me ka ni veituberi, me vaka ni oni dau rai i na icina e rama tiko e na butobuto, me yacova ni sa kida na mataka, me cila na matanisiga e vuniyalomuni; 20 ia moni kila taumada, ni sega ni dau vakamatatataki kece sara e na kedra ivola na vosa ni parofisai. 21 Baleta na parofisai a sega ga ni vu mai na inaki ni tamata, ia mai vei ira ga na tamata vakatabui ni Kalou (Yahweh) era dau vosa ga ni tosoi ira na Yalo Tabu.

2 Pita 1:19-21

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
177.	June 26	Job 7-9	Acts 7:44-60

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Nei Maika. (Micah’s Message)

Thought: Follow Yahweh, Through The Leadership He Originally Set Up

………………………………………………….

Serving For The 25^th June, 2009

O ira na noqu tamata era sa tu cake me ra vaka na daubutako, me ra saqata tale na nodra sautu o ira vakataki ira; oni drudruga laivi na kuli mai vei ira na dravudravua, moni kauta laivi na nodra inuinui; oni qai sureta mai na veivaluvaluti. 09 O ira na yalewa ni Noqu tamata oni cemuri ira mai na nodra dui vale totoka; mai vei ira na luvedra, oni sa kauta laivi na lagilagi me tawa mudu. 10 Mata cake ka lako laivi; baleta qo e sega ni vanua ni nomuni vakacegu; baleta na dukadukali e na kauta mai na rusa; na rusa e mosimosi vakaoti. 11 Ni dua na tamata, e veilakoyaki voli e na yalo lasulasu e veivakacalai, ka luvuci tu e na waini kei na mateni; o koya oqori e cakava tiko baleta na vutugu ni itabatamata oqo.

12 ¶ Au na vakasoqoni kemuni vata dina, I Jekope, o kemuni kece; Au na kauti kemuni dina vata mai moni mai tu vata kei ira na vo vo ni kawa Isireli; Au na maroroi ira tiko me vaka na sipi era sa leqa tiko, ka vaka na qele ni sipi e na loma ni nodra bai, sa taqomaki tu mai vei ira na daubutako.

Micah 2:8-12

Moni bula vakatotomuria na Kalou (Elohim), me vakataki ira na gone lalai daulomani. 02 Toso tiko e na loloma, me vaka ni dau lomani keda na Mesaia, a qai soli i Koya kina vakataki Koya e na vukuda, me dua na isolisoli ka imadrali Vua na Kalou (Elohim); e dua na isoro boi kamica.

Efeso 5:1-2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
176.	June 25	Job 4-6	Acts 7:20-43

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Nei Aisea. (Isaiah’s Message)

Thought: Keep Looking Out For Yahweh To See Him

...............................................................

Serving For the 24^th June, 2009

E na yabaki a mate kina o Tui Usaia au a raici Jiova (Yahweh Sabbaoth) ni dabe tiko e na nona idabedabe vakatui, cecere ka laveti cake, ia na nona itini yara a robota vakadua tu na valenisoro. 02 E cake vua, eratou duri tu mai kina serafimi; eratou tauyaono na tabadratou ni vuka; e rua e tabonaka na matana, e rua e tabonaka na yavana, ka rua e dau vuka kina. 03 Era qai veikacivi tiko ni ra kaya, E savasava, e savasava, e savasava o Jiova ni lewe vuqa (Yahweh Sabbaoth of hosts); o vuravura taucoko sa vakasinaiti tu e na kena iserau. 04 Na duru ni katuba a qai yavavala e na domo i koya e kaci tiko, qai vakasinaiti na loma ni vale e na kubou. 05 ¶ Au qai kaya, Au sa leqa, au sa madua, baleta niu tamata tebenigusu qeleqelewa, kau bula tiko e na kedra maliwa na tamata tebenigusu qeleqelewa, baleta na mataqu sa raica na Tui, o Jiova ni lewe vuqa (Yahwseh of hosts). 06 Sa qai vuka mai vei au e dua vei ira na serafimi, ka taura tiko mai e ligana na qilaiso ni koala waqawaqa, e a kauta mai e na iqamu mai na icabocabo ni soro. 07 Oti qai tara na gusuqu, qai kaya vei au, Raica qo sa tara na tebenigusumu; na nomu caka ca sa kau laivi, na nornu ivalavala ca sa vosoti.

Aisea 6:1-7

O au, au na rai ga vei Jiova (Yahweh); Au na waraki na Kalou (Elohim) na noqu iVakabula; Na Kalou (Elohim) e na rogoci au.

Maika 7:7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
175.	June 24	Job 1-3	Acts 7:1-19

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Nodra iValavala Ca Na Tui Isireli. (The Sins of the Kings of Israel)

The Source Of Israel’s Sin To This Day, Was King Jeroboam Turning Away From Yahweh.

...................................................

Serving for the 23^rd June, 2009

E na ikatolusagavulukawalu ni yabaki nei Usaia na tui Jiutia, o Sakaraia na luvei Jeroboama tagane e a veiliutaki kina vakatui vei ira na Isireli, mai Samaria, ia me ono ga na vula; 09 E a dau cakava na veika vakasisila e na mata i Jiova (Yahweh) o koya, me vaka ga a dau cakava o tamana; e a sega ni saumaki laivi mai na ivalavala ca nei Jeroboama na luvei Nebati, o koya e a vakavuna na ivalavala ca nei Isireli. 10 O Shalumi na luvei Jabesha tagane a qai bukiveretaki koya, mokuti koya e matadra na tamata ka vakamatei koya; oti qai taura na itutu ni veiliutaki vakatui, me sosomitaki koya. 11 Na vo ni veika a cakava o Sakaraia, raica, era sa volai tu e na iVola ni nodra veigauna na tui e Isireli. 12 Qori a vakayacori kina na vosa i Jiova (Yahweh) e a tukuna vei Jehu, ni kaya, O ira na luvemu tagane era na dabeca na idabedabe vakatui e Isireli me yacova na ikava ni itabatamata. A sa yaco vakakina.

2 Tui 15:8-12

Baleta e sega ni o koya e vakadonui koya vakataki koya e na wili, ia o koya ga e vakadonuya na Turaga (Sovereign).

2 Korinica 18:18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
174.	June 23	Esther 7-8	Acts 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Nei Emosi (Amos’ Message)

Thought: Is Our Individual Living Standard aliened to Yahweh’s Standard.
............................................
Serving For The 22nd June, 2009

Rogoca na vosa oqo au na kauta cake mai, baleti kemuni, io, e dua na lele, me baleta na vale i Isireli. 02 Na goneyalewa tabutagane mai Isireli sa bale; ka sa biu me davo tu ga e na dela ni qele, baleta e sega ni dua me vakaduri i koya cake tale. 03 Qo e kaya o Jiova (Yahweh) na Kalou (Elohim), Na korolevu era a lako mai kina e duanaudolu na tagane, era na vo ga kina e duanadrau na tagane; na koro era lako mai kina e duanadrau na tagane; era na vo ga kina e tini na tagane, e loma ni vale i Isireli. 04 Qo e kaya o Jiova (Yahweh) vei ira e na vale i Isireli: Vaqarai Au oni na qai bula; 05 Ia kakua ni vaqarai Pece-ela se curu i Qiliqela, se takosovi Bia-shiba: Baleta o Qiliqela e na kau dina vakabobula; ia o Pece-ela, e na yaco me tinidole. 06 Vaqarai Jiova (Yahweh) oni na qai bula; De qai caudre mai o Koya me vaka na yame ni bukawaqa e loma ni vale i Josefa, qai tilomi Pece-ela, baleta ni sega ni dua me bokoca laivi.

Emosi 5:1-6

E kalougata na tamata e vorata na veitemaki; baleta ni sa vakatovolei, e na ciqoma na isalavakatui ni bula, sa yalataka oti na Turaga (Yahweh) vei ira era lomani Koya.
Jemesa (Jekope) 1:12









Read The Bible in a Year (Wilika Na iVola Tabu E Na Dua na Yabaki).
Siga (Day) : 173

Tikinisiga (Date) : June 22, 2009

Mataka (Morning) : Esther 4-6

Yakavi (Evening) : Acts 5:17-42



May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Parofita O Jona (The Prophet Jonah)

Thought: Trust Yahweh At All Times Do Not Harbour Doubts About Him
.............................................
Serving For The 21st June, 2009

Sa qai masu o Jona e mata i Jiova (Yahweh) na nona Kalou (Elohim) mai na loma ni kete ni ika ni kaya; 02 Au tagi vei Jiova (Yahweh) e na dela ni noqu leqa, qai rogoci au mai o koya; mai na tikina titobu mai Sheola au qolou e na tagi, oni qai rogoca na domoqu. 03 Baleta oni a kolotaki au i na wasa titobu, i na uto ni wasaliwa; na ualuvu era a kui vakavolivoliti au; na ualuvu a qai ubi i au, na nomuni ua kece kei na biau era qai lomoci au. 04 Oti au qai kaya ‘Au sa kolotaki laivi mai matamuni; ia qo au sa na raica tale na nomuni vale tabu. 05 Na wai era luvuci au, me tara sara ga na yaloqu; na wai titobu e sogolaki au, na uluqu a qai vakotori sobu e na soqulu ni wasaliwa. 06 Au dromu sobu i na yavu ni veiulu-nivanua; na vuravura a qai soqota vei au na kena ilatilati me tawa mudu: ia oni qai vueta cake mai na noqu bula mai na rusa, i Jiova (Yahweh) na noqu Kalou (Elohim). 07 Ni sa ciba na noqu bula e lomaqu, Au a qai nanumi Jiova (Yahweh). sa qai cabe yani na noqu masu vei Kemuni, e loma ni nomuni vale tabu.
Jona 2: 1-7.

Kevaka au vunautaka na itukutuku vinaka e na sega ni dua na ka meu dokadokataka baleta ni noqu ilesilesi; io na leqa levu e na noqu kevaka au sega ni vunautaka na itukutuku vinaka.
I Korinica 9:16








Read The Bible in a Year (Wilika Na iVola Tabu E Na Dua na Yabaki).
Siga (Day) : 172

Tikinisiga (Date) June 21, 2009

Mataka (Morning) : Esther 1-3

Yakavi (Evening) : Acts 5:1-16


May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakatakila Na Loloma o Hosea (Hosea Demonstrate Love)

Thought: In The Face Of Unfaithfulness, Yahweh Told Hosea Is Demonstrate True
...........................................
Serving For the 20th June, 2009

Oti qai kaya vei au o Jiova (Yahweh), Lako tale, lai veidomoni kei na dua na yalewa sa matau tu vua me dau caka ca, e dua e dau veidauci, me vaka ni dau lomani ira na luve i Isireli o Jiova (Yahweh), e dina ga ni ra sa vuki tani me ra tosovi ira na kalou (elohim) tani ka dau taleitaka na keke vakavuanikau. 02 Au sa mani voli i koya me mai noqu, e na isau e tinikalima na tikinisiliva kei na dua veimama na homeri na parile. 03 Au kaya sara vua, O iko o sa na mai tiko vata kei au mo watiqu e na vica vata na siga; mo kakua ni saqamua tale tiko se veidauci kei na dua tale na tagane; o au talega au na cakava vaka kina e na vukumu. 04 Baleta o ira na luve i Isireli era sa na bula tiko me vica vata na siga, ni sa sega na nodra tui, sega na nodra daunivakavulewa, sega na nodra isoro, sega na nodra icabocabo ni soro, ka sega ni dua me dara na efoti, ni vakama tiko na isoro boi. 05 E muri, o ira na luve i Isireli era na qai lesu mai, ni ra sa vaqarai Jiova (Yahweh) na nodra Kalou (Elohim) vata kei Tevita na nodra Tui; era sa na qai kilai Jiova (Yahweh) kei na Nona loloma, e na veitabagauna mai muri.
Hosea 3:1-5.

Na loloma e dau vosovosota vakadede ka dau yaloyalovinaka; na loloma e sega ni dauvuvu; na loloma e sega ni dau vakarairai ka sega ni dau dokadoka;
1 Korinica 13: 4

…. e colata na veika kece, e vakabauta na veika kece, e nuitaka na veika kece, ka vorata na veika kece. 08 Na loloma e sega ni tinidole; ia ke mani tu na parofisai, qori era na cala, ke tu na veimataqali vosavosa, qori e na takali, ke tu na kilaka qori e na seyavu.
1 Korinica 13: 7-8.





Read The Bible in a Year (Wilika Na iVola Tabu E Na Dua na Yabaki).
Siga (Day) : 171

Tikinisiga (Date) June 20, 2009

Mataka (Morning) : Nehemiah 12-13

Yakavi (Evening) : Acts 4:23-27



May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Jiutia Kei Isireli (Judah and Israel).

Thought: Consider The Elisha’s Case, That A Man Was Revived Just By Touching His Bones
..........................................
Serving For The 19th June, 2009

Sa qai mate o Ilaisa, era qai buluti koya. E na yabaki sara ga oya era a valuta kina na vanua e dua na ilala ni Moabaiti. 21 A qai yaco ni ra buluta tiko e dua na tamata ni ra a raica e dua na ilala meca; era mani biuti koya ga e na ibulubulu nei Ilaisa: ia ni sa tukuci sobu me tara na sui nei Ilaisa, e a qai bula tale ka duri cake sara e yavana. 22 Ia na tui Aramea o Hasaeli e a vakadredretaka tiko ga na bula vei Isireli, e na dela ni gauna kece sara i Jehoahasa. 23 Ia a yalololoma vei ira o Jiova (Yahweh), ka kauwaitaki ira, qai vuki lesu vei ira baleta ga na nona veidinadinati vata kei Ebarahama kei Isake kei Jekove, qai sega kina ni via vakarusai ira, ka sega tale ga ni cemuri ira mai matana. 24 A mani mate o Hasaeli na tui Aramea; qai sosomitaki koya me tui na luvena tagane o Bara-hadada. 25 O Jehoasa na luve i Jehoahasi, a qai taura tale mai vei Bara-hadada na luve i Hasaeli, na veikoro a kovea o koya mai vei Jehoahasi na tamana e na ivalu. E vakatolu na nona vakadrukai koya o Jehoasa, qai rawata lesu mai na veikoro vei Isirei..
2 Tui 13:20-25.

Ia ke bula tiko e vuniyalomuni na Yalona o Koya e a vakatura na noda Turaga o Jisu (Master Yahshua) na Mesaia mai na mate; o Koya e a vakatura na Mesaia mai na mate, e na qai solia talega na bula i na yagomuni vakaiyalayala, e na kaukaua ni Yalo sa vakaitikotiko e vuniyalomuni.
Roma 8:11.








Read The Bible in a Year (Wilika Na iVola Tabu E Na Dua na Yabaki).
Siga (Day) 170

Tikinisiga (Date) : June 19, 2009

Mataka (Morning) : Nehemiah 9-11

Yakavi (Evening) : Acts 4:1-22


May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).