Na iValavala Ca Nei Jeropoama (The Sins of Jeroboam).

Serving For The 31st August, 2008

Oti a qai vakabaitaki Sekemi e na veidelana mai Ifereimi o Jeropoama, oti qai vakaitikotiko voli mai keya. Mai keya, a qai lako me lai tarai Penueli cake. 26 E a qai tubu na vakasama e loma i Je­ropoama, “Na matanitu e na lesu tale i na mataqali i Tevita. 27 Kevaka era lako tiko na tamata oqo, me ra lai vaka­cabo i soro e na valenisoro i Tevita mai Jerusale­mi, e na rawa ni vuki tale na lomadra vua na nodra turaga o Reopoama na tui Jiutia. Era na vakama­tei au, era qai vuki tale vei Reopoama na tui Jiuta. 28 Ni sa vaqara ivakasala oti, sa qai bulia e rua na luveni bulumakau koula. E kaya sara vei ira na tamata, “Sa rui dredre vei kemuni moni dau lako cake tiko i Jerusale­mi. Ia qo na nomuni Kalou (elohim), kemuni na kai Isireli, o koya e a kauti kemuni laivi mai Ijipita.” 29 E a vakaduria e dua mai Peceli o koya, ka vakaduria na kena ikarua mai Tani. 30 Ia na ka oqo a qai yaco me ivalavala ca; o ira na tamata era a lako sara vakayawa i Tani, me ra lai sokalou i na kena mai keya. 31 O Jeropoama a qai tara na vei valenisoro e na veitikina cecere, ka lesia na bete maivei ira na veimataqali tamata, e dina ga ni ra sega ni lewe ni kawa nei Livai.
I Tui 12: 25-31.

Oqo na ivalavala ca ni vale nei Jeropoama, a qai vakavuna na nona lutu laivi kei na nona vakarusai mai na dela i vuravura.
I Tui 13:34.




Also Read If Possible (Wilika Talega Ke Rawa)
Exodus 32; 2 King 10:16-31; 23:1-15; 2 Chronicles 11:14-16;

Acts 17:15-31; 1 Corinthians 6:9-10

Tawase Rua na Matanitu (Kingdom Split Into Two.)

Serving for the 29th August, 2008

Ia na gauna a tui voli kina mai Jerusalemi vei ira na kai Isireli o Solomoni, e vasagavulu na yabaki. 43 Oti qai cegu yani vata kei ira na tamana, ka bulu tiko mai na korolevu i Tevita na tamana. O Reopoama na luvena a qai sosomitaki koya.
I Tui 11: 42-43.

A qai lako i Sekemi o Reopoama, baleta o ira na kai Isireli era a lako kece i keya, me ra lai buli i koya kina me tui.
I Tui 12:1.

Era qai talatala me lai lako mai o koya. O Jeropoama kei ira kece na lewe ni yavusa Isireli taucoko, era qai kaya vei Repoama, 04 “O tamamuni a vakabibitaka na nei­mami icolacola, ia qo, o kemuni moni vakamamada­taka na cakacaka kaukaua kei na icolacola bibi e a solia vei keimami o koya; keimami na qai qaravi kemuni.” 05 Sa qai kaya vei ira o koya, “Ni lako mada me tolu na siga, oti moni qai lesu tale mai vei au.” Era sa mani lako na tamata.
I Tui 12:3-5.

A qai vosa vakaukaua vei ira na tamata na tui. A vakanadakuya na nodra ivakasala na qase. 14 E a vakamuria ga na nodra ivakasala na cauravou ni kaya, “O tamaqu a vakabibitaka na nomuni icolacola; ia o au, au na vakabibitaka cake tale. O tamaqu a kuitataki kemuni e na dali, ia o au, au na kuitataki kemuni e na dali vakavotona.”
I Tui 12:13-14.

Ia ni ra sa raica o ira kai Isireli ni sa sega ni via rogoci ira na tui, era sa mani kaya vua na tui o ira na tamata, “Na cava beka na neimami i wasewase vei Tevita? E dua beka na neimami ivotavota vua na luve i Jese? Ni lesu vua na nomuni kalou (elohim) i Isireli! Qai raica ga na nomu vale i Tevita!” Era sa mani dui lesu i nodra veivale o ira na kai Isireli.
I Tui 12: 16.

A qai yaco ni ra rogoca o ira na kai Isireli ni sa lesu mai o Jeropoama, ni ra a talatala vua me lai kacivi mai o koya i na matabose, era qai buli i koya me nodra tui na Isireli. A sega tale ni dua e muria na vale nei Tevita, vakavo ga na mataqali i Jiuta.
I Tui 12: 20.

Also Read If Possible (Wilika Talega Ke Rawa)
1 Kings 11:26-40; 2 Chronicles 9:29 – 10:19;
Proverbs 15:1

Na iValavala Ca Nei Solomoni (The Sins of King Solomon)

Serving for the 29th August, 2008

Ia o tui Solomoni e a domona e levu tale na yalewa duikaikai; wili kina na luvei Fero kei ira na yalewa ni Moape, Amonaiti, Etomaiti, Saitoni, kei Hitaiti. 02 Qo o ira na kai veimatani­tu tani, e a vosa baleti ira na TURAGA (Yahweh) vei ira na lsire­li ni kaya, “Moni kakua ni lakovi ira, o ira talega me ra kakua ni lako mai vei kemuni, baleta era na vukica dina na vuniyalomuni moni muria na nodra vei kalou (elohim).” Ia o Solomoni e a kabiti ira toka ga e na ilevu ni nona dodomo.
- I Tui 11:1-2.


A qai yaco ni sa qase mai o Solomoni, ni ra a qai vukica na vuniyalona o ira na watina, me sa golevi ira na vei kalou (elohim) tani: qori a qai luluqa vakadua kina na vuniyalona, ka sa tini sega ni dodonu kina vakaoti vua na TURAGA (Yahweh) na nona Kalou (Elohim), me vaka a dau dodonu vakaoti mai vuniyalona taucoko o Tevita na tamana.
I Tui 11: 4


A qai cudruvi Solomoni vakalevu na TURAGA (Yahweh), baleta na saumaki ni vuniyalona mai vua TURAGA (Yahweh) na nodra Kalou (Elohim) na Isireli, o koya e a rairai vakarua vua; 10 a qai vakaroti Solomoni kina o koya, e na vuku sara ga ni ka oqo, me kakua ni muri i ira na kalou (elohim) tani, ia a sega ni bau galeleta o koya na ivakaro ni TURAGA (Yahweh). 11 Sa mani kaya na TURAGA (Yahweh) vei Solomoni, “Baleta ni sa mai vaka tu oqo na nomu itovo, e na nomu sa sega ni muria na noqu veiyalayalati kei na noqu ilesilesi au a vakarota vei iko, au sa na kaliraka maivei iko na matanitu, ka solia vei ira na nomu dauniveqaravi. 12 Ia, e na vuku i Tevita na tamamu, au na sega mada ni cakava oqori e na gauna o se bula tiko kina; au na qai kaliraka ga mai na liga i luvemu tagane. 13 Au na sega talega ni kaliraka na matani­tu taucoko mai vua, ia au na solia vua e dua ga na mataqali, e na vuku i Tevita na noqu dauniveiqaravi, vata kei na vuku ni vanua o Je­rusalemi, baleta qori na noqu digidigi o au.
I Tui 11: 9-13.




Also Read If Possible (Wilika Talega Ke Rawa)
Deuteronomy 7: Ezra 9-10, Nehemiah 13:23-27;
1 Corinthians 7:39; 2 Corinthians 6:14-16.

Na Nona Vosa Vakaibalebale na Qasenivuli. (A Parable: The Teacher)

Serving for the 28th August, 2008

E lerua e vinaka cake mai na le dua, baleta e daumaka cake na ka e rawa mai na nodrau cakacaka 10 baleta ke rau bale, e dua vei rau e na laveti kena isa cake koya. Ia e vakaloloma na tamata e tiko taudua, baleta ke lutu e sega ni tiko e dua tale me vukei koya cake! 11 Dua tale, ke rua rau davo vata no, rau na va katakatataki rau vakataki rau, Ia e na katakata rawa vakacava koya e tiko taudua, 12 E dina ni rawa ni rawai e dua na tamata, ia ke rau lerua, rau na rawa ni sabai rau vakataki rau, E dua na dali turaitolu, e na sega ni cagutu rawarawa.
-Dauvunau 4:9-12.

A sega walega ni vuku na Dau­vunau, e a vakasavuya sara ga na kilaka vei na tamata. E a vakasamataka vakabibi, vaqaqa, oti qai tuvana e na kena ituvatuva, e vuqa na vosa vakaibalebale. 10 Na Dauvunau a vaqara sara ga me kunea na kena vosa rakorako, ia na vosa sa qai vola era dodonu ka dina. 11 Na nodra vosa na vuku e vaka na ititoko, kei na isoqoni ni nodra ivosavosa era vaka na ivako e tuki ka lobo vinaka – ia e a solia mai e dua ga na ivakatawa ni sipi. 12 Ia qarauna vinaka i luvequ, na veika e mai kedra ikuri. E na kena volai e vuqa na ivola e na sega ni dua na kena itinitini; ia na vuli e na vakaoca yago. 13 Ia laiva meda rogoca mada na itinitini ni veika kece; Rerevaka na Kalou (Elohim) ka muria na Nona ivunau, Baleta oqori na itavi taucoko ni tamata. 14 Baleta na Kalou (Elohim) e na kauta cake mai na cakacaka kece me lewai, Bau kina na veika vuni kecekece, Veitalia na kena vinaka, se na kena ca.
-Dauvunau 12: 9-14.



Also Read If Possible (Wilika Talega Ke Rawa)
I Samuel 20:24-42; Psalms 37; 1 Corinthians 4-5;
Revelation 20:11-15, Proverbs 17:17; 27: 6, 10

Na Vuku ni Dauvunau (The Wisdom of the Preacher)

Serving for the 27th August, 2008

O au, na Dauvunau, au a tui Isi­reli mai Jerusalemi. 13 Au a solia na yaloqu meu vakadikeva ka vaqara na kilaka e na veika kece e caka tiko e ruku ni lomalagi. Na icolacola bibi oqo e vakotora koto mai na Kalou (Elohim) me vakayacora na luve ni tamata: 14 Au sa raica tiko mai na veika kece sa vakayacora tiko e na ruku ni matanisiga; au qai raica ni veika kece oqori era sega ni vakaibalebale, e cemuri wale tiko ga na cagi.
Dauvunau 1:12-14.

Na veika kece e tu ga na kena dui gauna; sa tu ga na gauna me ra dui yaco kina na vei inakinaki e ruku ni lomalagi: 02 na gauna ni vakasucu kei na gauna ni mate: na gauna ni teitei kei na gauna me tamusuki kina na veika a tei 03 na gauna ni veivakamatei kei na gauna ni veivakabulai; na gauna ni basubasu sobu kei na gauna ni taratara cake, 04 na gauna ni tagi kei na gauna ni dredre; na gauna ni vakaloloku, kei na gauna ni veimeketi, 05 na gauna ni yanaraki vatu, kei na gauna sosoqoni vatu, na gauna ni veimokoti kei na gauna me kua kina na veimokoti, 06 na gauna ni tautauri kei na gauna meda vakayalia kina, na gauna ni mamaroroi kei na gauna ni vakasabusabu, 07 na gauna ni dresudresu, kei na gauna ni botabotani, na gauna ni tiko vagagalu kei na gauna ni vosavosa, 08 na gauna ni veilomani kei na gauna ni veisevaki; na gauna ni veivaluvaluti kei na gauna ni bula sautu.
Dauvunau 3:1-8.

Also Read If Possible (Wilika Talega Ke Rawa)
Ecclesiates 1:1-11; Gaatians 4:4-5; 6:8-9; 1 Timothy 2:3-6;
1 Peter 5:5-6

Tara na Vale ni Kalou o Solomoni (Solomon Builds the Temple of Yahweh)

Serving for the 26th August, 2008

Oti sa qai talai ira na nona dauniveiqaravi vei Solomoni, o Hairami na tui Taia, ni sa lumuti me tui o Solomoni, baleta e rogoca ni ra sa lumuti koya me tui e na loma ni vale nei tamana; o Hairami a dau itokani vinaka nei Tevita. 02 A qai vakauitukutuku lesu vei Hairami, o Solomoni ni kaya: 03 “O na kila vinaka, ni o Tevita na tamaqu a sega ni tara rawa e dua na vale e na yaca ni TURAGA (Yahweh) na nona Kalou (Elohim) baleta na i levu ni valu, a dau valuti kina mai na veiyasana kecega, me yacova sara ni sa qai biuti ira na kena meca i na ruku ni qeteqete ni yavana na TURAGA (Yahweh). 04 Ia qo, na TURAGA (Yahweh) na noqu Kalou (Elohim) sa solia vei au na vakacegu mai na veiyasana; ka sa sega na meca ka oti na veileqa lelevu. 05 Raica sa noqu inaki meu sa tara e dua na vale e na vuku ni yaca ni TURAGA (Yahweh) na noqu Kalou (Elohim), me vaka a kaya na TURAGA (Yahweh) vei Tevita na tamaqu, e na nona kaya, ‘Na luve­mu tagane, o koya au na vakatikora e na nomu idabedabe vakatui e na nomu loma ni vale, koya e na qai tara e dua na vale e na vuku ni Yacaqu.’ 06 “O koya oqori mo vakarota kina me ta mai eso na vunisitari mai Lepanoni; o ira na noqu tamata era na qai cakacaka vata kei ira na nomu tamata, o au, au na qai sauma vei iko na kedra isau na nomu tamata, oya na kedra isau cava ga o lavaka. O sa na kila vinaka tu ni sega ni dua vei ira na noqu tamata e kila vinaka na ta kau me vakataki ira na kai Saitoni.” 07 A qai yaco ni rogoca o Hairami na itukutuku nei Solomoni, ni a marau sara vakalevu, qai kaya kina, “Me vakavinavinakataki na TURAGA (Yahweh) e na siga edai, baleta sa solia vei Tevita me dua na luvena vuku, me mai vakavulewa vei ira na kawatamata levu oqo.”
1 Tui 5:1-7.




Also Read If Possible (Wilika Talega Ke Rawa)
1 King 5-9; 2 Chronicles 2-8; Psalms 127; Matthew 12:1-6;

John 2:13-21; Ephesian 2:11-22

Vosa Vakatautauvata: Veivutuni Na Gone Dauvakaunona (The Prodigal Guy Repents)

Serving for the 25th August, 2008

“Ia o tamana e kaya ga vei ira na dauniveiqaravi, ‘Kauta mai na isulu vinaka duadua vaka­sulumi koya kina, daramaka e dua na mama e ligana kei na ivava e yavana; 23 ‘Oti qai kauta mai ka mokuta na bulu­makau levulevu vinaka meda kanavata mada meda reki; 24 “baleta na luvequ qo, a sa mate, ia sa bula tale, a sa yali ia sa kune tale.’ Sa qai tekivu me ra mamarau. 25 “Ia o luvena ulumatua a tiko mai na iteitei. Ni lesu tiko mai me sa toso voleka i vale, a qai rogoca na domo ni nodra seresere e le levu . 26 “E kaciva sara e dua vei ira na gone qai taroga se cava na ibalebale ni veika oqo? 27 “E kaya vua o koya, “Na tacimuni sa lesu mai, ia o tamamuni sa mokuta na bulumakau levulevu baleta sa lesu bula mai e na bula vinaka.’ 28 “Ia qai levataka qori o koya, qai sega ni via curu i loma. Sa mani lakovi koya i tuba o tamana, me lai masuti koya. 29 “Sauma o koya ni kaya vei tamana. ‘Raica, na veiveiyabaki au dau veiqaravi tiko kina vei iko; au se sega vakadua ni vorata na nomu lewa, ia oni se sega vakadua ni solia vei au e dua na luve ni me, meu rawa mada ga ni bau vakayaco soqo ni marau vata kei ira na noqu icaba. 30 “Ia ni qai yaco ga mai na luvemu qo, o koya a lai vakasabusabutaka na nomu iyau vei ira na saqamua, o sa vakamatea sara e dua na bulumakau levulevu e na vukuna.’ 31 “Ia qai kaya vua o koya, ‘Luvequ, o iko o dau tiko vata voli ga kei au, na ka kece au taukena e nomu. 32 “E dodonu ga me daru vakayaco soqo ni marau, me daru marau, baleta na tacimu qo sa mate, ia sa bula tale; sa yali, sa qai kune tale.’”
Luke 15:22-32.



Also Read If Possible (Wilika Talega Ke Rawa)
Isaiah 55:6-7; Matthew 18:12-14; Colossians 1:1-14;

1 Peter 2:24-25

Vosa Vakatautauvata: Veivutuni Na Gone Dauvakaunona (Parable: The Prodigal Guy)

Serving for the 24th August, 2008

Oti qai kaya o Jisu (Yahshua), “E dua na tagane, e rua na luvena tagane.” 12 “O koya e gone vei rau, a qai kaya vei tamana, ‘Tamaqu, solia mai vei au na iwasewase ni iyau ni nomu vale, e na tau vei au.’ Sa mani solia vua na iwase ni nona iyau. 13 “Ni oti e vica na siga, sa kumuna vata na ka e nona o koya na gone, lako yani i na dua na vanua yawa, qai lai vakamaumautaka na nona iyau e na bula vakasabusabu. 14 “Ia ni sa vakayagataka oti kece na veika era tu vua, a qai yaco e dua na lauqa waromisa e na vanua oya; qai telkivu me tarai koya na dravudravua. 15 “A mani lako o koya me lai tiko vua e dua na itaukei ni vanua oya, qai dau talai koya i na nona lomanibai me dau lai vakana vuaka. 16 “A dau garova me vakasinaita na ketena e na qa ni pinikaropi e dau kedra na vuaka, ia e sega ni dua e solia vua. 17 “Ia ni sa kilai yalona o koya, sa qai kaya, ‘E vica vata tu na tamata cakacaka saumi nei tamaqu e dau rauti ira na kedra madrai ka vo tale, ia o au, au sa voleka tu qo ni mate e na viakana. 18 ‘Au na cavutu, meu lako vei tamaqu, au qai kaya vua, “Tamaqu, au sa valavala ca mai lomalagi vei kemuni talega, 19 “ka sa sega ni kilikili meu wili tikoga vakaluvemuni. Wiliki au meu vaka e dua vei ira na nomu tamata cakacaka saumi.”’ 20 “Sa qai cavutu, me lako vei tamana. Ia ni se tu mai vakayawa, sa raici koya yani o tamana qai tuburi koya na yalololoma, oti qai cici, qai lai mokoti koya ka regulaki koya. 21 “Ia o luvena a qai kaya vua, ‘Tamaqu, au sa valavala ca i lomalagi, au sa valavala ca talega e matamuni, sa sega ni kilikili meu wili tikoga vakaluvemuni!’
Luke 15:11-21.



Also Read If Possible (Wilika Talega Ke Rawa)
2 Chronicles 7:13-14; Proverbs 17:6, 21; Hosea 6:1-3; Act 3:19-20

Vosa Vakatautauvata: A Yali Sa Qai Kune Tale (Parable: Lost and Found Again)

Serving for the 24th August, 2008

Oti oya o ira era dau kumuni ivakacavacava vata kei ira na tamata ivalavala ca era qai toro voleka Vua, me ra rogoci Koya. 02 Ia o ira na Farisi kei ira na vunivola era qai vosa kudrukudru ni ra kaya, “O Koya e ciqomi ira na tamata ivalavala ca qai kana vata kei ira.” 03 E mani tukuna vei ira na vosa vakatautauvata oqo vei o Jisu (Yashua) ni kaya: 04 “O cei e na kemuni maliwa, e taukena e duanadrau na sipi, qai vakayalia e dua­bulu, e na sega ni biuti ira tu na ciwasagavulukaciwa e loma ni vanua, me lakova na duabulu e yali tiko me yacova ni sa kunea? 05 “Ni sa kunea, e na ilevu ga ni nona marau e na colata kina i na usouso ni tabana. 06 “Ia ni sa yaco i vale, e na kacivi ira na nona icaba kei ira na wekana vakaitikotiko, qai kaya vei ira, ‘Mai marau mada vata kei au, baleta au sa kunea tale na noqu sipi a yali tu!” 07 “Au kaya vei kemuni ni tautauvata qori, na ilevu ni mamarau e na yaco mai lomalagi e na vukuni duabulu na tamata ivalavala ca e veivutuni, mai na vo ni ciwasagavulukaciwa na tamata yalododonu e sega ni vinakati me ra veivutuni. 08 “Se o cei na yalewa, e taukena e tini na tiki ni siliva, ia qai vakayalia e duabau, e na sega ni waqaca na icina, taviraka na loma ni vale, qai vaqaqara vaka­yalomatua me yacova ni sa kunea? 09 “Ia ni sa kunea o koya, e na kacivi ira vata na nona itau vata kei ira na wekana vakaitiko­tiko qai kaya, ‘Ni mai marau vata kei au, baleta au sa kunea tale na tikini siliva au a vakayalia!’ 10 “Au kaya vei kemuni, e vaka oqori na marau e na yaco e na kedra maliwa na agilosi ni Kalou (Elohim) e na vuku ni dua na tamata ivalavala ca e veivutuni.”
Luke 15:1-10.



Also Read If Possible (Wilika Talega Ke Rawa)
Psalms 119:169-176; Matthew 18:12-14;
Luke 9:22-26; 19:1-10

Na Vosa Vakatautauvata: Na Matanitu (Parable: The Kingdom of Elohim)

Serving for the 22nd August, 2008

E tukuna tale vei ira e dua na vosa vakatautauvata ni kaya, “Na matanitu vakalomalagi e tautauvata kei na dua na soreni musita, e a kauta e dua na tamata me lai tea e na nona iteitei, 32 “qo na soreni itei lailai duadua vei ira na soreni itei; ia ni sa bula, e na tubu levu cake mai na kau draudrau tale eso; qai yaco me dua na vunikau, ka rawa kina vei ira na manumanu vuka ni macawalala me ra mai vakasova e veitabana.” 33 E dua tale na vosa vakatautauvata a kaya vei ira o Koya, “Na matanitu vakalomalagi e tautauvata kei na leveni, a taura e dua na yalewa qai wakia vata kei na tolu na ivakarau na falawa me yacova ni sa vakalevenitaka kece vakadua.
Maciu 13:31-33

“Dua tale; na matanitu vakalomalagi e vaka na iyau a vunitaki tu e na dua na bucabuca, oti qai kunea ka vunitaka e dua na tamata; e na ilevu ni nona marau, a qai volitaka kina na ka kece e taukena me volia na bucabuca oya. 45 Dua tale, na matanitu vakalomalagi e vaka e dua na dauveivoli, e a vaqara tiko na mataniciva vinaka, 46 ia ni sa kunea o koya e dua na mataniciva sau levu, e a qai lako me lai volitaka na ka kece e tu vua, oti me qai mai volia. 47 Dua tale; na matanitu vakalomalagi, e vaka na lawaniqoli a kolotaki i waitui, era qai coko mai kina na ika e na kena veiveimataqali, 48 ia, ni sa sinai, sa qai yavi i matasawa era qai toka sobu me ra veiwaseyaka; na kena vinaka era a soqona e na dua na bola, ia na kena ca era kolo laivi. 49 E na vaka kina na ivakataotioti kei vuravura. O ira na agilosi era na lako yani, me ra qai wasei ira tani na ca mai vei ira na yalododonu, 50 era qai kolotaki ira i loma ni lovo bukawaqa: e na qai yaco kina na qoqolou kei na vakasequruquru bati.”
Maciu 13: 44-50

Also Read If Possible (Wilika Talega Ke Rawa)
Psalm 45:6; Mark 1:1-15; 4:30-32; Luke 13:18-19

Vosa Vakatautauvata: Na iVakamacala ni Sore ni iTei Kaburaki (Sowing the Seed Explained)

Serving for the 21st August, 2008

“Qo na vosa vakatautauvata: Na sore ni itei, qori na Vosa ni Kalou (Elohim). 12 “O ira e batinisala, oya o ira era rogoca, ia qai lako mai na meca qai mai kauta laivi na vosa mai vuniyalodra, me ra kakua kina ni vakabauta, de ra qai vakabulai. 13 “O ira e na veivatu; oya o ira era rogoca, era qai ciqoma na vosa e na marau; ia e sega tu na wakadra, era qai vakabauta ga vakalekaleka, ia e na gauna ni vakatovolei era qai lutu laivi. 14 “Ia o ira era qera e loga ni veikauvaka­votona, qori o ira ni ra sa rogoca na vosa, era qai kidomoki ira vakataki ira e na lomaocaoca, e na iyau kei na kocokoco vakavuravura, qai vakavuna me sega na vuadra. 15 “Ia o ira era qera e na qele bulabula; qori o ira era rogoca na vosa e na yalosavasava kei na yalovinaka, era qai vakamuria ka vuataka na vuata e na yalovosota. 16 “E sega ni dua na tamata, ni waqaca oti na icina, e na ubia e na dua na beseni se vunitaka e ruku ni loga; ia e na biuta e na itutu ni icina, me rawa vei ira era curu yani me ra raica na kena rarama. 17 “E sega ni dua na ka e ubi tu, e na sega ni cegai laivi na kena iubi; ka sega ni dua na ka e tawamacala tu, e na sega ni kilai, me vakaraitaki mai vakararama. 18 “Qarauna na iwalewale ni nomuni vakarorogo; baleta o koya e tu vua, e na soli vakalevu tale yani vua; ia o koya e sega vua, na ka mada ga e nanuma ni tu vua e na kau laivi mai vua.”
Luke 8: 11-18.




Also Read If Possible (Wilika Talega Ke Rawa)
Proverbs 11:30; Matthew 13:18-23; Mark 4:13-25; John 15:1-17;

Galatians 6:7-10

Vosa Vakatautauvata: Na Sore ni iTei E Veivanua. (Parables: Sowing Seeds on Different Locations)

Serving for the 20th August, 2008

Ia ni ra sa soqoni vata yani Vua na tamata mai na veikoro lelevu kecekece, a qai vosa e na vosa vakatautauvata o Koya 05 “E dua na dauteitei a lai kaburaka na sore ni nona itei. Ia ni sa kakaburaki tiko, eso era a qera e bati ni gaunisala; era mani buturaki sobu, ka so era kania na manumanu vuka. 06 Eso era qera e na veivatu, ia ni ra kadre cake mai, era qai malai sobu tale baleta ni rui lailai na suasua. 07 Eso era qera e na veikauvakavotona; ia era qai tubu cake kei na kauvakavotona ka kidomoki ira. 08 Ia eso era a qeqera e na dela ni qele vinaka ka bulabula; era qai tubu cake ka vuavuai drau.” Ni kaya oti na veika oqori, qai kaya tale e na domo levu, “O koya e vakadaligana me vakarorogo kina, laivi koya me rogoca!” 09 Eratou tarogi Koya na Nona tisai­peli, “Na cava na vosa vakatautauvata oqo?” 10 Sauma o Koya, “O kemudou sa vakadonui mo dou kila na veika vuni me baleta na matanitu ni Kalou (Elohim); ia vei ira na kena vo, e vinakati me tukuni vei ira e na vosa vakatau­tauvata; me rawa kina; ‘ni ra raica ia era qai sega ni kilakasamataka, ni ra rogoca ia era qai sega ni vakasamataka.’
Luke 8:4-10.




Also Read If Possible (Wilika Talega Ke Rawa)
Psalms 126; Proverbs 11:18-21; Hosea 10:12-13;

Matthew 13:1-17; Mark 4:1-12

Na Vosa Vakaibalebale i Solomoni (The Proverbs of King Solomon)

Serving for the 19th August, 2008

Na vosa vakaibalebale nei Solomoni na luvei Tevita, na tui Isireli: 02 Kevaka me kilai na vuku kei na veivakaroti; Kevaka me kilakasamataki na vosa ni yalomatua, 03 Kevaka me ciqomi na veivakaroti ni vuku, lewadodonu, vakataulewa, kei na veivakatautauvatataki 04 Kevaka me soli na yalomatua vei ira era yalowai, na kilaka kei na vakasama vakayalomatua vei ira na itabagone; 05 Na tamata vuku e na vakatudaliga, ka vakalevutaka na vuli; ia na tamata yalomatua e na vakasaqara na ivakasala vuku 06 Kevaka me kilai na vosa vakaibalebale kei na kena ibalebale; na nodra vosa na vuku kei na nodra ivosavosa vuni. Na noda rerevaka na TURAGA (Yahweh), e ivakatekivu ni kilaka; ia o ira na lialia, era sa catacataimate na vuku kei na veivakaroti.

Vakaibalebale 1:1-7.

Ia ni ra sa osodrigi tu na tamata, sa qai tekivu me kaya o Koya, “Na itabatamata ca oqo e vaqara e dua na ivakatakilakila, ia e na sega ni soli e dua na ivakatakilakila vakavo na nona ivaka­takilakila na Parofita o Jona. 30 “Me ni o Jona a ivakatakilakila vei ira na kai Ninive, e vaka talega kina na Luve ni Tamata vei ira na itabatamata oqo. 31 “Na ranadi mai na Ceva, e na vakaturi e na siga ni lewa, vata kei ira na tamata mai na itabagauna qo ia e na qai vakacacani ira, baleta o koya e a lako vakayawa mai na ibili kei vuravura me mai rogoca na vuku nei Solomoni; ia raica ni dua e cecere cake vei Solomoni sa tiko oqo eke.
Luke 11:29-31.




Also Read If Possible (Wilika Talega Ke Rawa)
2 Chronicles 9:1-2; Proverbs 10:1; 25:1; Song of Solomon 1-8;

Jonah 3; 1 Corinthians 12:1-11

Na Vuku nei Solomoni (Solomon’s Wisdom)

Serving for the 18th August, 2008

O ira na kai Jiutia kei na kai Isireli era le levu; ka ni tautauvata kei na mata ni nuku e mata­sawa na kedra ilevu, era kana, gunu, ka vakayaco marau. 21 Ia o Solomoni e a vakavulewa tiko e na veimatanitu kece, me tekivu mai na uciwai me yaco i na nodra vanua na kai Filisitia, qai kauta vakadua i na vei Solomoni e na nona bula taucoko.
I Tui 4:20-21.

Na Kalou (Elohim) a solia vakayauyau vei Solomoni na vuku kei na yalomatua vata kei na dua na kilaka rabailevu e sega ni vakarautaki rawa, me vaka na mataninuku e matasawa. 30 Na vuku nei Solomoni, e a uasivita na nodra vuku na tamata mai vuaicake, ka uasivita talega na vuku kece mai Ijipita. 31 E a vuku cake o koya mai vei ira na tamata kecekece; bau kina o Icani na Eserahaiti vata kei Emani, Kalikola, kei Tarita, o ratou na luvei Maholi. Na kena irogorogo e a tete i na veimatanitu kecekece e na yasayasa oya. 32 E cavuta o koya e tolunaudolu na vosa vakaibalebale, na nona sere e duanaudolukalima. 33 E vakamacalataka o koya na veimataqali kau me tekivu mai na sitari ni Lepanoni ka yaco sara na isopi era dau tutubu tu e lalaga; e vakatavulica talega na manumanu yavaiva, na manumanu dauvuka, na manumanu dauqasi kei na ika. 34 Na tamata mai na veimatanitu era dau lako mai me ra mai rogoca na vuku nei Solomo­ni, ni ra talai mai vei ira na tui kei vuravura era sa bau rogoca na itukutuku ni nona vuku.
I Tui 4: 29-34.





Also Read If Possible (Wilika Talega Ke Rawa)
1 King 10:1-13; Psalms 72; Proverbs 13:10; 16:16; 23:23;

Matthew 12:38-42.

Kerea na Vuku o Solomoni (King Solomon Asked For Wisdom)

Serving for the 17th August, 2008

Mai Kipione, e na dua na bogi, e a rairai vei Solomoni, na TURAGA (Yahweh), e na dua na tadra, qai kaya vua na Kalou (Elohim), “Kerekere mai! Na cava meu solia vei iko.”
I Tui 3:5.


“Ia oqo, kemuni na TURAGA (Yahweh) na noqu Kalou (Elohim), oni sa lesia na nomuni dauniveiqaravi me tui, meu isosomi kei Tevita na tamaqu, ia o au, au se gone lailai wale; kau sega ni kila na kena icakacakaka keu lako yani se lako mai. 08 Na nomuni dauniveiqaravi sa tiko qo e na kedra maliwa na tamata oni a digitaka, e dua na ibinibini tamata le levu, era sa rui lewe levu me ra wiliki yadudua, se tauri na kedra iwiliwili. 09 Ni solia mai vua na nomuni dauniveiqaravi, na vuku kei na yalomatua, me rawa ni vakavulewa vei ira na nomuni tamata, ka me rawa talega ni kila me wasea na dodonu mai na cala; baleta o cei beka e na rawa ni vakavulewa vei ira na nomuni tamata lewe vuqa oqo?” 10 A talei vua na Turaga (Yahweh) na nona kerea na ka oqo o Solomo­ni. 11 Sa mani kaya na Kalou (Elohim) vua, “Baleta na nomu kerea na ka oqo, ka sega ni kerea me nomu na bula balavu; se kerea na iyau me nomu, se kerea me ra na nodra bula na kemu meca; ia o qai kerea ga na vuku, mo rawa ni veiliutaki vakadodonu. Au sa na cakava na ka o kerea vei au. 12 Raica au sa na solia vei iko e dua na vunivakasama vuku ka yalomatua; me kakua ni dua mai liu me tautauvata kei iko, ka na sega talega ni dua e basika cake mai muri me na tautauvata kei iko. 13 Kau sa na solia talega vei iko na veika o a sega ni kerea – oya na iyau, kei na dokai – qo me na yaco kina ni na sega tale ni dua na tui drau na tautauvata e na dela ni nomu gauna. 14 Ia kevaka mo qai muria na noqu sala, ka talai rawarawa i na noqu ivunau, kei na noqu ivakaro, me vaka a cakava o Tevita na tamamu, au sa na solia talega vei iko bula balavu.”
I Tui 3: 7-14.




Also Read If Possible (Wilika Talega Ke Rawa)
1 King 3:16-28; 2 Chronicles 1:1-13; Proverbs 1-4; 8:10-21;

James 1:5- 8

Lesi i Solomoni me Tui, o Tevita (King David Appoints Solomon To be King)

Ni sa toro voleka mai na gauna me sa mate kina o Tevita; 02 e a solia na lewa vei Solomoni na luvena ni kaya; “Au sa na muria na sala e muria tiko o vuravura taucoko; mo kaukaua, ka vakaraitaka ni o dua na tagane, 03 ka mo vakamuria na cava ga e vinakata na TURAGA (Yahweh) na nomu Kalou (Elohim); muria na nona sala, mo vakayacora na nona lawa kei na nona ivakaro, na nona ivunau kei na nona ivakadinadina o koya, me vaka era volai tu e na ivunau nei Mosese, me rawa ni o vakavutuniyautaki e na veika kece o cakava, se na vanua cava ga o nanuma mo lako kina: 04 me qai vakayacora kina na TURAGA (Yahweh) na nona vosa ni yalayala vei au ni a kaya: “Kevaka era raica vinaka na itovo ni nodra bula o ira na nomu kawa, me ra muria e na yalodina, e mataqu, e lomadra taucoko kei na nodra bula taucoko, e na sega vakadua ni dreve me dua na tamata e na dabeca na idabedabe vakatui e Isireli.
1 Tui 2:1-4.



Sa mani dabeca na idabedabe vakatui ni TURAGA (Yahweh) o Solomoni, me sosomitaki Tevita na tamana. E a veivakavutuniyautaki o koya; e a vakamuri i koya vakaoti o Isireli taucoko. 24 O ira kece na ravouvou, o ira kece na tamata rogo, ka vaka kina o ira kece na vo ni luvei tui Tevita tagane, era a solia na nodra veitokoni vei Solomoni na Tui. 25 Na TURAGA (Yahweh) e a vakacerecerei Solomoni vakalevu sara e matadra na kai Isireli, ka solia vua na iukuuku vakaturaga e cecekia, e dua na ka a sebera ni bau yaco vua e dua tale na tui e Isireli era liu mai vua.
1 Veigauna 29:23-25.



Vakararavi vua na TURAGA (Yahweh) e na vuniyalomu taucoko, kakua ni vakanuinui e na nomu kilaka o iko vakataki iko; 06 e na veika kecekece o dau cakava, vakaliuci koya, o koya, e na qai dusimaka na sala mo dau muria.
Vakaibalebale 3:5-6.



Also Read If Possible (Wilika Talega Ke Rawa)
2 Samuel 7; 1 Kings 1; 1 Chronicles 17:23-29; Matthew 1:1-6; Luke 12: 22-31

Na Masu ni Veivutuni nei Tevita (King David’s Prayer of Repentance)

Serving for the 15th August, 2008

E na vukuna na Dau ni Sere. Na Same i Tevita. E na gauna a lai raici koya kina o Nacani na Paro­fita ni dauci Vaciseva oti o Tui Tevita.

Ni vosoti au mai, Kemuni na Kalou (Elohim), e na yavu ni nomuni loloma tawa yalani; kei na yavu ni nomuni yalololoma e vakaitamera, bokoca laivi na noqu ivalavala ca. 02 Savui au vakavinaka mai na noqu dukadukali, ka vakasavasavataki au mai na noqu ivalavala ca. 03 Baleta au sa kilakasamataka na noqu talatalaidredre; na noqu ivalavala ca sa votu levu tu oqo e mataqu. 04 E saqati kemuni, o kemuni duadua ga na noqu ivalavala ca, niu a cakava na ivakarau vakasisila oqo e matamuni: qo sa qai vakadinadinataka na nomu dodonu, e na gauna oni dau vosa kina ka vakaraitaka ni dau donu vinaka na nomuni lewa. 05 E dina ga ni a se bini tu na noqu ivalavala ca mai na gauna au a se qai sucu kina, a se bini sara tu mai na gauna e qai kunekunetaki au kina o tinaqu. 06 E dina ni oni vinakata, me vakayavutaki na dina mai na vuniyalo, o ni sa vakatavulica vei au na vuku mai loma sara. 07 Vakasavasavataki au e na taba ni isopi, au na qai savasava; savati au, au na qai vulavula cake mai na uca cevata. 08 Laivi au meu rogoca na reki kei na mamarau; laiva me marau na suiqu oni a vurulaka. 09 Tabonaka na matamuni mai na noqu ivalavala ca, bokoca laivi na noqu dukadukali kecekece sara. 10 Bulia e lomaqu na yalo e savasava vakaoti, Kemuni na Kalou (Elohim), ka vakavoutaka na yalodei e lomaqu. 11 Kakua ni kolotaki au laivi mai na kemuni iserau; se kauta lesu na nomuni Yalo Tabu mai vei au. 12 Solia lesu mai vei au na marau ni nomuni veivueti vakadonuya vei au na yalorawarawa, me tokoni au. 13 Au na qai vakatavulica na nomuni sala vei ira na tamata ivalavala ca; me ra tavuki lesu yani vei kemuni, o ira era dau valavala ca.
Same 51: 1-13

Also Read If Possible (Wilika Talega Ke Rawa)
2 Samuel 12; Psalms 32; Isaiah 40:28-31;

Habakuk 3:2; Titus 3:3-7

Navuca Na Mate Nei Uraia o Tevita (King David Plots To Kill Uriah).

Serving For The 14th August, 2008

A qai yaco e na mataka lailai, ni a vola o Tevita e dua na ivola vei Joape, qai solia vei Uraia me kauta vua. 15 E na ivola, e vaqo na ka a vola, “Biuti Uraia e na iyatu e liu e na vanua e kaukaua tiko kina na veivala. Oti moni qai vakasuka mai na vanua e toka kina o koya, me rawa ni moku mate.” 16 Ia ni sa vakadikeva oti na korolevu o Joape, sa qai biuti Uraia e na vanua e kila o koya ni ra vala tiko kina o ira kece na tamata qaqa. 17 Ia ni ra sa curu mai na tagane ni koro me ra mai valuti Joape, era a qai mani bale kina eso na tamata i Tevita; ka mate talega kina o Uraia na Hitaiti.
2 Samuela 11:14-17

Ni sa lai rogoca na wati i Uraia ni sa mate o watina o Uraia, e a qai lolositaki koya. 27 Ia ni sa oti na gauna ni vakaloloku, e qai talatala o Tevita me lai kau mai i nona vale o koya, me sa mai watina, a qai vakasucuma vua e dua na luvena tagane. Ia na ka a cakava qo o Tevita e a rarawataka vakalevu na TURAGA (Yahweh).
2 Samuela 11:26-27

E kaya o Tevita vei Nacani, “Au sa cala e na mata ni TURAGA (Yahweh).” Sauma o Nacani, “Na TURAGA (Yahweh) sa kauta laivi na nomu ivala­vala ca. O sa na sega ni mate. 14 Ia baleta na ka o cakava qo, sa lai vakavuna vei ira na meca ni TURAGA (Yahweh) me ra vakaraitaka na nodra veibeci cecekia, na luvemu tagane e se qai sucu ga oqo vei iko, sa na mate.
2 Samuela 12:13-14


Baleta e isau ni ivalavala ca na mate; ia na Nona iloloma soli wale na Kalou (Elohim), na bula tawamudu e na vukui Jisu Karisito (Yahshua Messiah) na noda Turaga (Master).
Roma 6:23



Also Read If Possible (Wilika Talega Ke Rawa)
Numbers 32:23; 2 Samuel 12: 15-25; Proverbs 26:27;

Mathew 1:1-6; Hebrews 13:4.

Dauci Vaciseva o Tevita (King David Committed Adultery With Bathsheba)

Serving for the 13th August, 2008

A qai yaco e na vula itubutubu, na gauna era dau lai vala kina na tui, ni a talai Joape o Tevi­ta, vata kei ira kece na nona tagane na tui, kei ira kece talega na mataivalu ni Isireli. Era a qai vakacacani ira na Amonaiti, ka buku na druadrua mai Rapaa. Ia o Tevita a tiko voli ga mai Jerusale­mi. 02 A qai yaco e na dua na yakavi, ni matacake mai na nona imocemoce o Tevita, ni a lai veilakoyaki voli e na dela ni vale ni tui. Mai dela ni vale, e a raica o koya ni sisili tiko e dua na yalewa. Na yalewa qo e totoka vakaoti ni raica na mata. 03 Sa mani tala e dua o Tevita me lai vaqaqai koya mada mai. E kaya sara na tagane, “E sega beka ni o Vaciseva ga oqo, na luve i Iliami, na wati i Uraia na Hitaiti?” 04 Oti sa qai tala tale eso na daunivakau itukutuku o Tevita, me ra lai kauti koya mai. E a lako mai vua o koya, a qai moce vata kei koya o Tevita. (A se qai vakasavasava­taki koya oti ga mai na nona mate ni vula.) Oti qai lesu tale i nona vale. 05 A mani kunekune na yalewa, qai vakauitukutuku lesu vei Tevita me kaya, “Au sa bukete.“ 06 Sa mani vakau itukutuku vei Joape o Tevita, “Talai Uraia na Hitaiti mada mai vei au” Sa talai koya sara vei Tevita o Joape. 07 Ni yaco yani vua o Uraia, e a vakatarogi koya ga o Tevita, se sa vakaevei tiko o Joape, vakatarogi ira na tamata, ka vakataroga talega se sa vakaevei tiko na ivalu. 08 Oti qai kaya vei Uraia o Tevita, “Lako sobu i nomu vale, mo lai savuya na yavamu.” Sa biuta sara mai na vale ni tui o Uraia, qai kau muri i koya yani e dua na kakana levu maivua na tui. 09 Ia o Uraia vata kei ira na dauniveiqaravi ni nona turaga, a qai lai moce ga e na matamata ni lomanibai ni vale ni tui, ka sega ni lako sobu i na nona vale.
2 Samuela 11:1-9

Also Read If Possible (Wilika Talega Ke Rawa)
Deuteronomy 5:18; Job 31:1; Psalm 119:9-16;
Proverbs 5-6; 1 Corinthians 6:9-11

E Noqu iVakatawa na TURAGA. (Yahweh Is My Shepherd)

Serving for the 12th August, 2008

E Dua Na Same i Tevita
Na TURAGA (Yahweh) e Noqu iVakatawa, e sega na ka me na sega vei au. 02 E vakavuna o Koya meu davo sobu e na veivanua veico drokadroka, e tuberi au o koya e na bati ni wai e tu malua, 03 e vakabulabulataka tale na yaloqu o koya. E tuberi au e na sala ni yalododonu o koya e na vukuni Yacana. 04 Io, e dina ga niu lako kosova tiko na buca ni yaloyalo ni mate, Au na sega ni rerevaka na ca, baleta oni tiko vata kei au; Na nomuni moto, kei na nomuni ititoko, e vakacegui au. 05 Oni vakarautaka e dua na teveli e mataqu, ni ra tiko na kequ meca, Oni lumuta na uluqu e na ilumu, ka sa vuabale na noqu bilo. 06 E na muri i au dina ga na yalovinaka kei na yalololoma e veisiga kece ni noqu bula, Au sa na vakaitikotiko ga e na vale ni TURAGA (Yahweh), me tawamudu.
Same 23:1-6

“O au na ivakatawa ni sipi vinaka. Na ivakatawa ni sipi vinaka e na solia na nona bula e vukudra na sipi.”
Joni 10:11




Also Read If Possible (Wilika Talega Ke Rawa)
Isaiah 40:10-11; Micah 5:2-5; Hebrews 13:20-21;
1 Peter 2:21-25; Revelation 7:15-17

Veiyalayalati kei Tevita na Kalou (Yahweh’s Covenant with King David).

Serving for the 11th August, 2008

A qai yaco ni dabe tiko e na nona vale na tui, ni a solia vua na TURAGA (Yahweh) na bula vakacegu mai vei ira kece na kena meca era tu vakavolivoliti koya, 02 ni a kaya na Tui vei Nacani na parofita, “Raica mada, qo au sa mai bula tiko e na vale sitari (cedar), ia na kato ni veiyalayalati ni Kalou (Elohim) e se tiko ga e na loma ni valelaca.” 03 Sauma o Nacani vua na tui, “Lako, lai cakava na cava ga e tiko e na nomu vakasama, baleta na TURAGA (Yahweh) sa tiko vata kei iko. 04 A qai yaco e na bogi oya ni a yaco mai na vosa ni TURAGA (Yahweh) vei Nacani, ni kaya:
II Samuela 7:1-4



“Mo vosa vua na noqu dauniveiqaravi o Tevita, ‘Oqo na ka e kaya TURAGA Cecere (Yahweh of Hosts): ‘Au a kauti iko mai na bai ni manumanu, mai na nomu dau vakamuria na qele ni sipi, mo mai vakavulewa vei ira na noqu tamata na Isireli. 09 Au sa dau tiko vata kei iko e na veivanua kece o lako kina, kau dau muduki ira laivi na kemu meca kecega mai matamu, kau sa vakaro­goya me rogo levu na yacamu, me tautauvata na yacadra na tamata rogo levu e vuravura.
II Samuela 7:8-9


“’Au vakaduri i ira na Dauveilewai me ra qaravi ira na noqu tamata na Isireli, kau solia vei ira na vakacegu mai vei ira na kedra meca. Na TURAGA (Yahweh) sa tukuna mai qo vei iko, ni na tauyavutaka na TURAGA (Yahweh) e dua na nomu kawa kei na dua na nomu matavuvale: 12 Ni sa oti na nomu gauna, mo sa lai moce vata kei ira na nomu qase, au na qai vakatubura e dua na nomu kawa me sosomitaki iko, e dua e a bula sara ga mai na lewe ni yagomu, au na qai vakataudeitaka vua na nona matanitu. 13 O koya ga e na qai tara e dua na vale e na vuku ni yacaqu, kau na vakataudei­taka na idabedabe vakatui ni nona matanitu me tawa mudu. 14 Au na tamana o koya ia o koya e na luvequ. Kevaka e cakava e dua na ka ca o koya, au na totogitaki koya e na kuita vakatamata, e na sala ni veikuitataki vei ira na luve ni tamata. 15 Ia na noqu yalololoma e na sega ni kau tani mai vua, me vaka na noqu a kauta tani mai vei Saula, o koya au a vakasivoya mo qai sosomitaka. 16 Na nomu kawa, kei na nomu matanitu, e na akataudeitaka me tawamudu e matamu; ia na nomu idabedabe vakatui sa na vakataudeitaka me tawa mudu.”’
2 Samuela 7: 11-16



Also Read If Possible (Wilika Talega Ke Rawa)
I Chronicles 17; Psalms 2:89; Jeremiah 33:14-26;
Romans 1-1-4

Na Nodratou mate o Saula kei Ratou na Luvena (The Death of Saul and His Sons)

Serving for the 10th August, 2008

O ira na kai Filisitia era a qai valuti ira na Isireli; era sa mani dro o ira na kai Isireli, ka levu vei ira era a vakamatei e na ulunivanua o Kilipoa. 02 Era a vakamuri i Saula tiko ga kei ratou na luvena tagane o ira na kai Filisitia, era qai mani vakamatei ratou kina o Jonacani, o Epinatapi vata kei Malikisua, o ratou na luvei Saula tagane. 03 Sa qai kaukaua ga na ivalu wavolivoliti Saula, ia ni ra sa toboki koya o ira na daunivanadakaititi era qai vakamavoataki koya. 04 E kaya sara o Saula vei koya e dau colata na nona iyaragi, “Ucuna mai na nomu iseleiwau, ka suaki au mai kina, de ra qai lako mai o ira na tamata tawateve qo era qai mai vakalialiai au. Ia o koya e dau colata na nona iyaragi, a qai sega ni via cakava, baleta na ilevu ni nona domobula. Sa mani taura e dua na iseleiwau o Saula, qai lutu me davoca na yamena me suaki koya ga kina vakataki koya. 05 Ia ni raica o koya e dau colata na nona iyaragi, ni sa mate o Saula, sa mani davoca talega vaka kina na yame ni iselei­wau, qai mate kina. 06 Eratou sa mani mate o Saula, vata kei iratou na luvena tagane tolutolu, ka mate yani kina vakadua na nona kawa. 07 Ni ra sa raica o ira na tagane ni Isireli era tiko e na buca, ni sa dro na mataivalu ka sa mate o Saula kei iratou na luvena tagane, era sa mani biu­ta na nodra koro, me ra dro talega. Era mani toki mai na kai Filisitia, me ra sa mai tawana.
I Veigauna 10:1-7


A qai mate o Saula baleta na nona ivalavala ca, ni a saqata na TURAGA (Yahweh); qai saqata talega na vosa ni TURAGA (Yahweh), ka sega ni bau muria; oti qai lai vaqara ivakasala mai vei ira na yalovelavela; 14 ka sega ni bau taro ivakasala ga mai vua na TURAGA (Yahweh), a qai mani vakamatei koya kina, qai solia na matanitu vei Tevita na luve i Jese tagane.
I Veigauna 10: 13-14







Also Read If Possible (Wilika Talega Ke Rawa)
1 Samuel 28: 30-31; 2 Samuel 1; 16:15-17:23;
Matthew 27:1-5; Act 16:22-28

Vakadikevi Tevita Matua o Saula (Saul Watched King David)

Serving For The 9th August,2008

Ni sa veitalanoa oti kei Saula o Tevita, rau qai yalovata o Jonacani vata kei Tevita, ka sa lomani koya me vaka ga ni lomani koya vakataki koya, o Jonacani. 02 Me tekivu talega mai na siga oya, e a kauti Tevita o Saula, ka sega ni solia vua me lesu i na vale nei tamana. 03 Ia o Jonacani a cakava e dua na veiyalayalati vata kei Tevita, baleta na nona lomani koya me vaka ni lomani koya vakataki koya. 04 E a luvata na kote a dara tiko, o Jonacani, qai solia vei Tevita, vata kei na nona isulu, na nona seleiwau mada ga, na nona dakaititi vata kei na nona beleti. 05 Na ka kecega a solia vei Tevita, o Saula, me cakava, e dau cakava vakavuku o koya, sa mani lesi i koya o Saula me veiliutaki e na mataivalu. Qo era a taleitaka na tamata, ka vaka kina o ira na dauniveiqaravi nei Saula. 06 Ni ra sa lesu tiko i nodra dui veivale na tamata, ni vakamatea oti mai na kai Filisitia o Tevita, era a qai lako mai na goneyalewa mai na veikoro kecekece mai Isireli, me ra mai tavaki Saula na Tui, e na seresere kei na veimeketi, vata kei na sere ni mamarau, na ivakatagi teborini vata kei na api. 07 Ni ra sa meke tiko, era qai lagata tiko: “Sa ravuti ira na nona udolu o Saula, Ia o Tevita na nona tini na udolu.” 08 E a yalokatakata o Saula; na qaqani sere oqo a rui mosimosi vua. “Era vakacaucautaki Tevita e na tini na udolu,” e vakasamataka o koya, “ia vei au e na udolu walega. Na cava levu tale sa vo me na taura o koya, ia na matanitu sara ga?” 09 Me tekivu mai na siga oya, o Saula a sa dau vakadikevi Tevita matua.
I Samuela 18:1-9





Also Read If Possible (Wilika Talega Ke Rawa)
PROVERBS 27:4; ACT 5:12-19; 7:9-10; ROMANS 13:12-14;

2 CORINTHIANS 11:2, GALATIANS 5:19-20.

Vakadikevi Tevita Matua o Tui Saula (King Saul Carefully Watched David)

Serving For the 8th August, 2008

Ni sa veitalanoa oti kei Saula o Tevita, rau sa qai yalovata o Jonacani vata kei Tevita, ka sa lomani koya me vaka ga ni lomani koya vakataki koya, o Jonacani. 02 Me tekivu talega mai na siga oya, e a kauti Tevita o Saula, ka sega ni solia vua me lesu i na vale nei tamana. 03 Ia o Jonacani a cakava e dua na veiyalayalati vata kei Tevita, baleta na nona lomani koya me vaka ni lomani koya vakataki koya. 04 E a luvata na kote a dara tiko, o Jonacani, qai solia vei Tevita, vata kei na nona isulu, na nona seleiwau mada ga, na nona dakaititi vata kei na nona beleti. 05 Na ka kecega a solia vei Tevita, o Saula, me cakava, e dau cakava vakavuku o koya, sa mani lesi i koya o Saula me veiliutaki e na mataivalu. Qo era a taleitaka na tamata, ka vaka kina o ira na dauniveiqaravi nei Saula. 06 Ni ra sa lesu tiko i nodra dui veivale na tamata, ni vakamatea oti mai na kai Filisitia o Tevita, era a qai lako mai na goneyalewa mai na veikoro kecekece mai Isireli, me ra mai tavaki Saula na Tui, e na seresere kei na veimeketi, vata kei na sere ni mamarau, na ivakatagi teborini vata kei na api. 07 Ni ra sa meke tiko, era qai lagata tiko: “Sa ravuti ira na nona udolu o Saula, Ia o Tevita na nona tini na udolu.” 08 E a yalokatakata o Saula; na qaqani sere oqo a rui mosimosi vua. “Era vakacaucautaki Tevita e na tini na udolu,” e vakasamataka o koya, “ia vei au e na udolu walega. Na cava levu tale sa vo me na taura o koya, ia na matanitu sara ga?” 09 Me tekivu mai na siga oya, o Saula a sa dau vakadikevi Tevita matua.
I Samuela 18:1-9

Also Read If Possible (Wilika Talega Ke Rawa)
Proverbs 27:4; Acts 5:12-19; 7:9-10; Romans 13:12-14;

2 Corinthians 11:2; Galatians 5:19-20.

Rawai Koliaci o Tevita (David Defeats Goliath)

Today's issue is dedicated to my brother Laz in Santa Rosa who turns 62 today.

Serving for the 7th July, 2008

Sa qai toso volekati Tevita na kai Filisitia, ka liu tiko mai vua na tamata e cola tiko na nona isasabai. 42 Ni veiraiyaki na kai Filisitia, qai raici Tevita, qai tubu na nona beci koya; baleta ni se gonelailai wale, rairai bulabula, damudamu qai matavinaka. 43 E kaya sara vei Tevita na kai Filisitia, “O au beka na koli mo lako tu mai kina vei au, vata kei na so na tikitiki ni kau lalai?” Oti, qai rukaki Tevita na kai Filisitia, e na yaca ni nona kalou (elohim).
I Samuela 17:41-43

E kaya o Tevita vua na kai Filisitia, “O iko o mai vala kei au, vata kei na nomu seleiwau, na nomu moto, vata kei na nomu i­sasabai: ia o au, au mai valuti iko e na yaca ni TURAGA Cecere (Yahweh of Host), na nodra Kalou (Elohim) na mataivalu nei Isireli, o koya o a bolea. 46 Nikua na TURAGA (Yahweh) e na soli i iko i ligaqu; au na qai mokuti iko, ka musuka laivi na ulumu. Nikua au na solia kina na lewe ni yagodra na mataivalu ni Filisitia vei ira na manumanu vuka kei na manumanu kila ni vanua; e na qai kila kina o vuravura taucoko ni dua na nodra Kalou (Elohim) na Isireli. 47 O ira kece era soqo tiko eke, era na qai kila talega, ni sega ni vakayagataka na iseleiwau se na moto me veivakabulai kina na TURAGA (Yahweh); baleta qo e nona ivalu na TURAGA (Yahweh), e na soli i kemu­ni kecekece i na qeteqete ni liga i keimami.” 48 A qai yaco ni sa tu me toso voleka mai na kai Filisitia me mai sotavi Tevita, ni a tu vakatotolo o Tevita me cici yani i na iyalayala ni ivalu, me lai sota kei na kai Filisitia. 49 Sa qai suluta na taga ni nona bola, qai tomika mai kina e dua na vatu, vakaciqira i na nona irabo qai ulataka, me lauta donu na yadrena na kai Filisitia, ka lobo yani vakadua i yadrena; sa qai bale kina vakatobuicu i dela ni qele o koya. 50 Qori a rawata kina na kai Filisitia o Tevita, e na dua na irabo kei na dua na vatu; e a mokuta kina na kai Filisitia, qai vakamatea, ia e sega ni dua na iseleiwau a tiko e ligana.
I Samuela 17:45-50





Also Read If Possible (Wilika Talega Ke Rawa)
2 Samuel 21:15-22; Psalms 27; Hebrews 11:32-34

Sauma na Bolebole nei Koliaci o Tevita (David Answers Goliath’s Challenge)

Serving for the 6th August, 2008

E kaya o Tevita vei Saula, “Kakua ni laiva me dua e yalolailai e na vukuni kai Filisitia oqo, na nomuni dauniveiqaravi e na lako me lai vala vata kei koya.” 33 Sauma o Saula, “O iko o na sega ni rawa ni lako mo lai vala vata kei na kai Filisitia oqo; o iko o se gone lailai, ia o koya a se dau vala tu mai na gauna sara e se gone lailai kina.” 34 Ia e kaya o Tevita vei Saula, “Na nomuni dauniveiqaravi e dau vakatawana na sipi nei tamana. Ni lako mai e dua na laione se bea me mai butakoca e dua na sipi mai na qele ni sipi, 35 au na vakamuria, au na mokuta meu vakabula na sipi mai gusuna; ia ni sa golevi au mai, au na qalukuna ga na kumina, au qai mokulaka meu vakama­tea. 36 Na nomuni dauniveiqaravi sa vakamatea ruarua na laione kei na bea; na kai Filisitia tawateve qo e na tini tautauvata kei na dua vei rau, baleta ni mai bolea tiko na nona rnataivalu na Kalou (Elohim) bula. 37 E kaya tale o Tevita, “Na TURAGA (Yahweh) o koya a vakabu­lai au mai na yava ni laione kei na liga ni bea, e na taqomaki au talega mai na liga ni kai Filisitia oqo.” E kaya sara o Saula vei Tevita, “Lako; Me qai sala vata kei iko na TURAGA (Yahweh).”
I Samuela 17:32-37

Sa taura cake na nona ititoko e ligana, digitaka mai e lima na vatu yagoyagovinaka mai bati ni uciwai, tagana e na loma ni taga ni nona bola ni vakatawa sipi, taura mai i ligana na nona irabo: sa qai toso yani vua na kai Filisitia.
I Samuela 17:40




Also Read If Possible (Wilika Talega Ke Rawa)
Psalm 31:11-18; 97: 10; 144; Ephesians 6:10-18;
1 Timothy 4:12

Bolea na Mataivalu ni Isireli o Koliaci (Goliath Challenges the Israelite Army)

Serving for the 5th August, 2008

Ia o ira na kai Filisitia, e a lai sotasota na nodra mataivalu mai Sokoo e Jiutia. E a biri na nodra keba e na kedrau tadrua o Sokoo kei Aseka mai Efesi-tamimi. 02 Ia o Saula vata kei ira na Isireli era soqoni vata tiko ka biri tu na nodra keba e na bucabuca mai Ela, ka sa tuva sara tiko na nodra mataivalu me ra sa sota kei ira na kai Filisitia. 03 O ira na kai Filisitia era a toka mai na dua na ulunivanua, o ira na Isireli era qai toka mai na uluni­vanua kadua, sa qai toka e na kedrau maliwa na buca. 04 E dua na qaqa, o Koliaci na yacana, na tagane ni Qaca, a qai lako sobu mai na nodra keba na kai Filisitia. Na kena i balavu o koya e sivia na ciwa na fiti ono na idi. 05 E dara toka e uluna e dua na isala para­sa, e dara tu o koya e dua na kote parasa vakavarina, e rauta na limasagavulu na kilo na kena bibi. 06 A dara tu e yavana na ivava parasa o koya, ka lili tiko mai dakuna e dua na moto parasa. 07 Ia na tolo ni nona moto, e vaka na kau vakababa ni tali isulu (weavers beam); ia qai kaukaumea na mata ni moto e ono na kilo na kena bibi; o koya e colata tiko na nona isasabai e qai liu tiko vua. 08 Sa qai duri mai o Koliaci, qai kailavaka yani vei ira na matasotia ni Isireli, “Na cava oni tuva tiko mai kina moni mai vala? Au sega beka ni kai Filisitia o au, oni sega beka ni dauniveiqaravi nei Saula o kemuni? Digitaka e dua na tagane qai laivi koya me lako mai vei au. 09 Ke rawa ni valuti au qai vakamatei au o koya, keimami sa na nomuni lai veiqaravi yani vei kemuni: ia kevaka au rawati koya au qai vakamatei koya, o kemuni oni sa na neimami bobula moni mai qaravi keimami.” 10 Sa qai kaya tale na kai Filisitia, “Nikua Au sa bolea kina na mataivalu nei Isireli! Solia mai e dua na tagane me keirau mai vala. 11 Ia ni ra sa rogoca na nona vosa na kai Isireli, o Saula vata kei ira kece na kai Isireli, sa yacovi ira na yalolailai, ka curumi ira na domobula vakaitamera.
1 Samuela 17:1-11




Also Read If Possible (Wilika Talega Ke Rawa)
Numbers 13:26-33; Deuteronomy 11:22-25; Psalms 15;

Proverbs 14:27; 15:33; 29:25

LUMUTI TEVITA ME TUI O SAMUELA. (David is Anointed By Samuel)

Serving for the 4th August, 2008

E kaya na TURAGA (Yahweh) vei Samuela, “E na vakacava na dede ni nomu vakaloloku tiko e na vuku i Saula, niu sa sega ni vinakati koya me tui tiko vei ira na kai Isireli? Vakatawana na nomu ileu tavaya e na waiwai, mo lako; au talai iko vei Jese na kai Peceliema, baleta Au sa digitaka e dua na Noqu tui mai vei ira na loga luvena tagane.
I Samuela 16:1.

Ni ratou yaco yani, a raici Iliapi sara o Samuela qai vakasamataka, “E dina, na digidigi ni TURAGA (Yahweh) sa duri tu qo e matana.” 07 Ia e kaya na TURAGA vei Samuela, “Kakua ni raica na kena irairai se na ibulicaki ni yagona, baleta au sega ni digitaki koya. Na TURAGA (Yahweh) e sega ni raica na ka e vakaraica na tamata; na tamata e raica na irairai e taudaku ni veika e vakaraica; ia na TURAGA (Yahweh) e raica na vuniyalo e loma.
I Samuela 16:6-7.

O Jese a kauta mai e vitu vei iratou na luvena tagane me ratou rairai e na mata i Samuela. Sa qai kaya vua o Samuela, “Na TURAGA (Yahweh) e sega ni digitaka e dua vei iratou qo.” 11 Sa mani tarogi Jese tale o koya, “O ratou ga qo na luvemu tagane?” “E se vo tiko o koya e gone duadua, oya o koya,” e sauma o Jese, “e vakatawa sipi tiko.” E kaya sara o Samuela, “Talatala mo kauti koya mai; tou na sega ni tiko sobu me yacova ni sa lako mai o koya.” 12 Sa mani talatala o koya, qai lai kau mai o koya. E rairai bulabula o koya, mata serau ka rairai totoka. Sa kaya sara na TURAGA (Yahweh), “Tu, lumuti koya, qo sara ga o koya.” 13 Sa mani tu o Samuela, taura na tavaya waiwai qai lumuti koya ni ratou rai tu na tuakana, qai sobuti koya na Yalo ni TURAGA (Yahweh) ni sa mai tiko vata kei Tevita mai na siga oya .....
I Samuela 16:10-13a).




Read Also If Possible (Wilika Talega Ke Rawa)
Psalms 78:70-72; Matthew 5:8; 12:33-35;

Luke 6:43-45; Act 13:21-23

TALAIDREDRE VUA NA TURAGA O TUI SAULA (King Saul Disobeyed Yahweh)

Serving For The 3rd August, 2008

E kaya o Samuela vei Saula, “Na TURAGA (Yahweh) e talai au mai meu mai lumuti iko mo nodra tui na nona tamata, o ira na kai Isireli; ia oqo mo sa dau vakarogoca na nona vosa na TURAGA (Yahweh). 02 Oqo na ka e kaya na TURAGA Cecere (Yahweh of hosts), “Au se nanuma tiko na veika era a cakava vei Isireli o ira na Amalekaiti, ni ra a vakasesei ira e na gauna era a lako cake tiko kina mai Ijipita. 03 Lako sara, mo lai valuti ira na Amalekaiti, ka mo qai vakarusa vakadua na kece sara era taukena……”
I Samuela 15: 1-3a)


Sa qai valuti ira na Amalekaiti o Saula me tekivu sara mai Avila qai kauta yani i Suri e na tokalau kei Ijipita.
I Samuela 15: 7

Ia o Saula vata kei ira na nona mataivalu era a qai vakabulai Ekaki, vata kei ira na sipi kei na bulumakau vivinaka, ka vaka kina na luve ni bulumakau kei na luve ni sipi bulabula – oya na veika vivinaka, era a sega ni via vakarusa, ia na veika vakasisila ka sega ni yaga era a vakarusa vakadua. 10 Sa qai rogo na vosa ni TURAGA (Yahweh) vei Samuela ni kaya: 11 “Au sa veivutunitaka vakalevu na noqu a buli i Saula me tui, baleta sa mai vakanadakui au, ka sega ni vakayacora na noqu ivakaro vua.
I Samuela 15: 9-11a).

Ni sa yaco yani Saula o Samuela, a qai kaya mai vua o Saula “Mo vakalougatataki o iko o lako mai Vua na TURAGA (Yahweh); au sa vakayacora na ivakaro ni TURAGA (Yahweh).”
I Samuela 15:13.

Sa qai kaya o Samuela:“E taleitaka cake beka na TURAGA (Yahweh), na isoro kama kei na madrali me tautauvata kei na talai rawarawa i na domo ni TURAGA (Yahweh)? Raica na talairawarawa e vinaka cake mai na isoro, kei na vakatudaliga e vinaka cake mai na uro ni sipi tagane. 23 Baleta na talaidredre e tautauvata kei na caka isausau ia na yalokaukaua e tautauvata kei na qaravi matakau. Ia qo baleta ni o sa vakanadakuya na vosa ni TURAGA (Yahweh), o Koya talega sa sega ni vinakati iko mo tui.
I Samuela 15:22-23.

Also Read If Possible (Wilika Talega Ke Rawa)
Exodus 17:8-16; Deuteronomy 25:17-19; Micah 6:6-8;

Luke 16:10-13

SAULA NA IMATAI NI TUI ISIRELI. (Saul the First King of Israel)

Serving for the 2nd August, 2008

A qai kacivi ira vata na tamata, o Samuela, me ra basika Vua na TURAGA (Yahweh) mai Misipaa, 18 qai kaya vei ira, “Qo na veika e kaya na TURAGA (Yahweh) na Kalou (Elohim) nei Isireli, ‘Au a kauti Isireli tani mai Ijipita ka vakabulai kemuni mai na ligadra na kai Ijipita kei na vata kei na ligadra na veimatanitu kece tale eso era dau vakasaurarataki kemuni.’ 19 Ia e na siga nikua oni sa besetaka na nomuni Kalou (Elohim), o koya e dau vakabulai kemuni ni oni vakalolomataki se vakararawataki; oni sa kaya Vua, ‘Sega, bulia ga e dua na neimami tui me liutaki keimami.’ Sa vinakati kina qo moni basika mai Vua na TURAGA (Yahweh), vakamataqali ka vakatokatoka talega.” 20 Ni sa vakasoqoni ira vata vakavoleka mai, e na nodra dui veimataqali na Isireli o Samuela, sa qai digitaki na mataqali nei Penijamini. 21 Ni ra sa toso vata vakavoleka mai o ira na lewe ni veitokatoka kece e na mataqali nei Penijamini, sa qai digitaki na tokatoka nei Matiri. Oti sa qai digitaki o Saula na luvei Kisi. Ia ni ra vaqarai koya, era qai sega ni kunei koya. 22 Era mani vakataroga tale na TURAGA (Yahweh), “Sa lako oti beka mai eke na tagane qo? E kaya sara na TURAGA (Yahweh), “Io, ia e vunitaki koya tiko vakataki koya e na vanua era tu kina na iyaya.” 23 Era cici sara era qai lai kauti koya mai keya, ia ni sa mai duri tu e na kedra maliwa na tamata, e a kune ni balavu cake mai vei ira kece sara na kena vo, mai tabana kauta cake. 24 E kaya sara o Samuela vei ira na tamata, “Ni raica kece sara na tagane sa digitaka na TURAGA (Yahweh) ni sega sara ga ni dua e tautauvata kei koya e na kedra maliwa na tamata.” Era qai kaila vata na tamata, “Me bula balavu na Tui!” 25 Sa qai vakamacalataka vei ira na tamata o Samuela na ivalavala ni kena vakacicivi na matanitu vakatui, qai vola e na dua na ivola vivigi, qai maroroya yani e na mata ni TURAGA (Yahweh). Ni sa oti kece sa qai vakasukai ira na tamata o Samuela, me ra dui lesu i na nodra dui veivale.
I Samuela 10:17-25



Also Read If Possible (Wilika Talega Ke Rawa)
Deuteronomy 17:14-20; 1 Samuel 9:1-10:16, 11-16;
John 12:12-15.

KEREI ME DUA NA TUI ISIRELI. (Request to Anoint a King for Israel)

Serving for the 1st August, 2008

A qai yaco ni sa qase o Samuela, ni a lesi i rau na luvena me rau turaga ni lewa vei ira na Isireli.
I Samuela 8:1

Ia o rau na luvena, rau a sega ni muria na nona i valavala. Rau a vuki laivi i na koco iyau vakalawaki ca, rau qai dau taura na isau me rau vakatanitaka na lewa. 04 Era sa mani bose na qase ni Isireli, era qai lai raici Samuela e na nona itikotiko mai Rama. 05 Era kaya vua, “Raica o sa qase tiko mai, ia o rau na luvemu, rau sega ni muria na nomu ivalavala; lesia e dua na tui me liutaki keda, me vakataki ira na vo ni veimatanitu.” 06 Na nodra kaya, “Solia vei keda e dua na tui me lewai keda,” a sega ni taleitaka o Samuela; a mani masu kina vua na TURAGA (Yahweh) 07 qai tukuna mai na TURAGA (Yahweh) vua, “Vakarogoca vinaka na veika kece era kaya tiko vei iko na tamata; e sega ni o iko era sa besetaka, era sa besetaki meu sa kakua ni liutaki ira. 08 Me vaka ga era sa dau cakava tiko mai na siga sara au a kauti ira tani kina mai Ijipita, me yacova mai na siga nikua, ni ra dau vakanadakui au me ra qarava na vei kalou (elohim) tani, era se baci cakava qo vei iko. 09 Vakarogoci ira; ia mo na vakamacalataka sara vakabibi vei ira me ra kila na veika e na cakava vei ira na tui, e na lewai ira.” 10 Sa qai vakasavuya o Samuela, na nona vosa kece na TURAGA (Yahweh), vei ira na tamata kecekece era a kerea vua me dua na nodra tui.
I Samuela 8:3-10

Ia o ira na tamata, era a sega ni via rogoci Samuela. “Sega!” era kaya, “Keimami vinakata me dua na tui me liutaki keimami. 20 Qori keimami na qai tautauvata kina kei na veimatanitu tani, me dua na neimami tui me liutaki keimami, me neimami imadamada ka me dau valataki na neimami ivalu.” 21 Ni sa rogoca o Samuela, na ka kece era kaya na tamata, sa qai tokoruataka vua na TURAGA (Yahweh). 22 E qai sauma vua na TURAGA (Yahweh) “Rogoci ira, bulia vei ira e dua na tui.....”
I Samuela 8:19-22a)

Also Read If Possible (Wilika Talega Ke Rawa)
Deuteronomy 17:14-20; 1 Samuel 8:11-18; Isaiah 9:6;

Jeremiah 10:1-10; 1 Timothy 1:17