Na iTalanoa Kei Kitione (The Story of Gideon).

Thought: Yahweh Has A Strategy For Al Our Problems

...............................................................................

Serving For The 31st March, 2009

A qai yaco e na bogi vata oya, ni a kaya vua o Jiova (Yahweh), Tu mai mo lako sobu i na keba, baleta au sa solia oti i ligamu.10 Ia kevaka o nuiqawaqawataka mo lako sobu, ia lako vata kei Pera na nomu dauniveiqaravi, i na keba ni sotia. 11 O na qai lai rogoca na veika era vakatukuna tiko; e muri e na qai vakaukauataki na ligamu. Sa mani lako sobu vata kei Pera na nona dauniveiqaravi, i na dua na nodra wasewase na tamata vakaiyaragi era tiko e na keba ni sotia. 12 O ira na Mitiani vata kei ira na Amelekaiti kei ira kece na Rakimaite era sa davo tu mai na buca me vaka e na ibinibini vodre; na nodra kameli a sega ni wili rawa, na kedra iwiliwili a vaka na mataninuku e matasawa. 13 Ni yaco yani o Kitioni, a qai raica e dua na tamata ni vakamacalataka tiko na nona tadra vei ira na nona icaba, ni kaya tiko, Raica, au a tadra e dua na tadra, au a raica, e dua na ibuli madrai parile ni vakatoqiqi sobu i na nodra keba na Mitiani, me yacova sara na valelaca, qai lauta na delana ka vakavuna me lutu sobu na valelaca. 14 Era sauma vua o ira na nona icaba ni ra kaya, Qori e sega ni dua tale na ka, qori sara ga na iseleiwau nei Kitioni na luve i Joasa, na nodra qaqa na Isireli; na Kalou (Elohim) sa solia i ligana na nodra keba na Mitiani.

Dauniveilewai 7:9-14

Na cava tale meda qai kaya e na veika oqo? Ke to vata kei keda na Kalou (Elohim), o cei e na rawa ni saqati keda?

Roma 8:31

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
90.	March 31	Dauveilewai 3-5	Luke 7:31-50

Na Kaukaua Nei Isireli E Vuravura (Israel a World Power

Thought: The Rise Of Israel’s Power Came From Yahweh through Obedience

.......................................................................

Serving For The 30^th March, 2009

Sa qai lagasere o Tepora kei Baraka na luve i Epinoami, e na siga oya ni rau laga, 02 E na veisausaumi o Isireli sa saumi lesu; vakamuduo vei Jiova (Yahweh) e na dua na sere me baleta na veisausuami vei Isireli. 03 Ni vakarorogo kemuni na tui vakatudaliga kemuni na ravouvou An na laga sere vei Jiova (Yahweh); Au laga na sere ni vakamuduo vei Jiova na Kalou (Yahweh Elohim) nei Isireli. 04 Jiova (Yahweh), ni oni biuti Sieri mai mo tayabe i na rara mai Itomi, e a sakure na vuravura ka lutu na lomalagi, na o a vakatauca na uca. 05 Na veiulunivanua era a waicala e na mata i Jiova (Yahweh) io o Saineai sara ga mai na mata i Jiova na Kalou (Yahweh Elohim) ni Isireli.

06 ¶ E na veisiga nei Shamaqa na luve i Anaca, e na gauna nei Yanaela; na veigaunasala lelevu era a qai sogo laivi; o ira na veilakoyaki era a dau taubale e na gaunisala lelevu, era sa tini vakasaurarataki me ra taubaletaka na veisalatu lalai veiveveyaki.

Dauniveilewai 5:1-6

Na mataqu e na mau toka ga vei ira na yalodina e loma ni vanua, me ra rawa ni na mai tiko vata kei au: o koya e muria na ivalavala dodonu e na qaravi au.

Same 101:6

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi(Evening)
89.	March 30	Dauniveilewai 1-2	Luke 7:1-30

Ruci kei Poasa (Ruth and Boaz).

Thought: Think About It, In Our Controlled Life, Nothing Happens By Chance.

........................................................

Serving For The 29th March, 2009

A qai kaya o Poasa vei ira na qase kei ira kece na tamata, Oni ivakavakadinadina edai, niu sa volia mai na liga i Naomi na veika kece a dau nei Elimeleki tu vata kei na ka kece a dau nei Malioni vata kei Kalioni. 10 Kena ikuri, o Ruci na yalewa ni Moapi, a dau wati i Maloni, au sa tauri koya me watiqu, meu vakatubura na yacana o koya e sa mate, e na vukuni nona ivotavota, me kakua ni yali na yacana mai vei ira na tacina, vata kei ira na wekana; oni sa ivakadinadina e na siga edai. 11 O ira kece na tamata kei ira na qase era a tiko e na matamata ni koro, era qai kaya, Keimami sa ivakadinadina. Laiva vei Jiova (Yahweh) me cakava na yalewa sa mai tiko oqo vata kei iko, me tautauvata kei Reijeli kei Lia, baleta o rau ruarua rau a tara cake na vale i Isireli; ia me ka talei na nomu cakacaka mai Efarata, ka mo vakatoka me yacana o Peceliema: 12 Laiva na nomu vale me tautauvata kei na vale nei Veresa, e a vakasucuma o Tamari vei Jiuta, ka laivi Jiova (Yahweh) me solia vei iko e dua na nomu kawa maivua na yalewa oqo.

Ruth 4: 9-12

Na itosotoso ni tamata vinaka e vakataudeitaka o Jiova (Yahweh). E navuca o koya na nona ilakolako.

Same 37:23

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
88.	Maji 29	Josua 23-24	Luke 6:27-49

Ruci Kei Naomi (Ruth and Naomi).

Thought: With Yahweh Are you Like Orpah or like Ruth?

………………………..

Serving For The 28^th March, 2009

Eratou sa qai veitagicaki e na domo levu; Oti qai reguci vugona o Oripa, ka vuki me sa lesu tale, ia o Ruci a kabiti koya toka ga. 15 Kaya vua o vugona, Raica, na dauvemu sa lesu tale vei ira na nona tamata kei ira na wekana; lesu talega o iko, muria na dauvemu. 16 Kaya vua o Ruci, E sega sara ga ni tu vei au na gagadre me muri i koya lesu, meu biuti iko. Na vanua o na lako kina, au na lako kina; na vanua o lai vakaitikotiko kina, au na lai tiko kina; o ira na wekamu era na wekaqu talega kei na nomu Kalou (Elohim) e na noqu Kalou (Elohim): 17 Na vanua o mate kina, au na mate kina; e keya talega au na bulu kina: me qai cakacakataka vakaoqo vei au o Jiova (Yahweh), ka tomana tikoga, kevaka mada ga e rawa ni tawasei au mai vei iko na mate. 18 Ni sa raica o Naomi ni sa dei na lomana me lako vata kei koya, sa qai cegu na nona vakauqeti koya tiko me lesu tale.

19 ¶ Rau sa mani lako vata me yacova ni rau sa curu i Peceliema e Jiuita. A qai yaco e na gauna ni rau yaco yani kina i Peceliema ni ra marautaki rau mai na korolevu taucoko era qai vakataroga, Qo dina beka o Naomi?

Ruci 1:14-19

Kaya o Tui Akaripa vua, “E lailai wale na nomu sasaga, ia o voleka sara ni vukuci au meu vakabauta na Mesaia?” 29 Kaya o Paula, “Au masuta na Kalou (Elohim), me kakua ni o iko duadua ga, ia o ira kece era rogoci au tiko nikua me ra tautauvata kei au, vakavo ga e na senicodo oqo.”

Cakacaka 26: 28-29

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga	Mataka (Morning)	Yakavi (Evening)
87	March 28	Josua 21-22	Luke 6:1-26

Veivaluvaluti Vakaveitacini (Civil War).

Thought: The Waywardness Of The Human Heart Keep Them Down.

……………………………………………….

Serving For The 27^th March, 2009

Era sa qai tu na luve i Isireli, ka lako cake i Beca-ela, me ra lai vaqaqa me baleta na Kalou; era kaya, O cei vei keda sa na liu me lai valuti ira na mataqali Penijamini? Kaya o Jiova (Yahweh), O Jiuta me liu. 19 Era sa tu sara na luvei Isireli e na mataka lailai me ra sa lai keba vakaivalu e Kipea. 20 Era qai curu mai Kipea na mataqali Penijamini me ra valuti Isireli, era qai tuvatuvaivalu me ra veisaqasaqa vata kei Isireli; o ira talega na tagane ni Isireli era a tuva mai me ra sa valuti ira mai Kipea. 21 Era qai ucu mai Kipea o ira na Penijamini, me ra sa saqati Isireli, era qai biuta matemate tu mai e na dela ni vanua e na siga oya e ruasagavulukarua na udolu na tagane luvei Isireli. 22 Ia o ira na luve i Isireli era qai veivakayaloqaqataki vakataki ira, oti era qai baci tuva tale mai vakaivalu e na vanua vata ga era tuva mada kina e na imatai ni siga. 23 Era sa qai lako cake i Beca-ela o ira na luve i Isireli, ka lai tagi e na mata i Jiova (Yahweh) me yacova na yakavi bogi, era kere ivakasalavei Jiova (Yahweh) ni ra kaya, E vakaevei me keimami baci lako tale me keimami lai valuti ira na taci i keimami o Penijamini? Kaya o Jiova (Yahweh), Lako cake lai valuti ira. 24 Era qai toro voleka na luve i Isireli me ra lai valuti ira na Penijamaiti e na ikarua ni siga. 25 Era baci curu tale mai Kipea na Penijamaiti e na ikarua ni siga era qai biuta matemate tu mai e na vanua e duanaudoluwalunadrau vei ira na luve i Isireli; qo o ira na tamata era dau vala e na iseleiwau.

Dauveilewai 20:18-25

Na vuniyalo (ni tamata) e babamatua duadua vei ira na veika kece; o cei mada e kilakasamataka rawa?

Jeremaia 17:9

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
86.	March 27	Josua 19-20	Luke 5:17-39

Na Qaravi Matakau Nei Maika (Micah’s Idol Worship

Thought: Always Interpret Circumstances In The Light Of Scriptures

....................................

Serving For The 26th March, 2009

A tiko e dua na tamata mai na ulunivanua o Ifereimi na yacana o Maika. 02 Oti qai kaya o koya vei tinana, Na shekeli siliva e duanaudolu duanadrau, e a kau laivi mai vei iko, o qai vosa vakaloucataka ka tukuna lo vei au e daliqu, raica o au ga au a kauta na siliva. Kaya o tinana, Me vakalougatataki iko o Jiova (Yahweh), luvequtagane. 03 Ia ni sa solia lesu na duanaudolu duanadrau na shekeli siliva vei tinana o koya; a qai kaya o tinana, Au sa vakatabuya oti vakaidina na siliva oqo vei Jiova (Yahweh) me na soli vei luvequ me cakava e dua na matakau ceuceu kei na dua na matakau buli; ia oqo mo solia lesu tale mai vei au. 04 Ni sa solia lesu vei tinana na ilavo o koya; a qai taura o tinana e ruanadrau na shekeli na siliva, qai solia vua na matai ni siliva, a qai bulia o koya e dua na matakau ceuceu kei na dua na matakau buli; qori a qai lai maroroi tiko e na vale nei Maika. 05 Na tagane o Maika e dua tiko na nona vale ni veikalou (elohims), a qai cula e dua na efotia kei na dua na terafimi, qai vakatabuya e dua na luvena tagane me nona bete. 06 E na gauna oya e a sega tu na tui e Isireli; ia na tamata yadudua ga era dau dui cakava ga na ka e dodonu e matadra.

Dauveilewai 17:1-6

“Ia ni sa yaco mai na Yalo ni dina, e na qai mai tuberi kemudou i na dina taucoko; baleta e na sega ni mai vosa e na nona lewa ga o koya vakataki koya, ia na ka ga e rogoca mai, e na mai tukuna; e na qai mai vakaraitaka vei kemudou na veika sa vakarau yaco e na veigauna e se tu mai muri.

Joni 16:13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
85.	March 26	Josua 16-18	Luke 5:1-16

Vakacegu O Josua (The Death of Joshua).

Thought: Spiritual Leadership Begets Spiritual Following

…………………………………..

Serving For The 25^th March, 2009

A qai yaco ni sa oti e dua na gauna balavu na nona solia tiko o Jiova (Yahweh), na vakacegu vei ira na Isireli, mai vei ira na kedra meca era tu vakavolivolivoliti ira, ni a tubu qase o Josua, ka sa bibi sara na yabaki ni nona bula, 02 ni a qai kacivi ira vata na isireli o Josua, o ira na nodra qase kei ira na nodra iliuliu, kei ira na nodra dauni veilewai kei ira na nodra vunivola, qai kaya vei ira, Au sa qase mai ka sa bibi na yabaki ni noqu bula; 03 Oni sa raica oti na veika kece a cakava o Jiova (Yahweh) na nomuni Kalou (Elohim) vei ira kece na matanitu oqo e na vukumuni; ni a vakarusai ira e matamuni, ka ni o Jiova (Yahweh) ga e a vala tiko e na vukumuni. 04 Raica, au sebera ni veivotayaka tiko vei kemuni na nodra vanua na veimatanitu era se vo tiko oqo, ia e sa nodra ivotavota vakaitaukei o ira na nomuni veimataqali; ia au sa vota oti vei kemuni na veivanua me tekivu mai na Joritani, bau kina na veimatanitu kece au a vakarusa, me yaco sara i na Wasa Levu vaka i na Vuaira. 05 O Jiova (Yahweh) na nomuni Kalou (Elohim), e na vakadrukai ira e matamuni, oni na qai taukena na nodra vanua me vaka sa yalataka oti vei kemuni o Jiova na nomuni Kalou. 06 Ia moni tu kaukaua ka muria na veika kece sa volai tu e na ivola ni lawa nei Mosese, na italai ni Kalou (Elohim) sara mo ni vakabauta ka kitaka na ka kecega sa volal e nai vola ni vunau i Mosese, ka moni kakua vakadua ni vuki tani mai kina, e i na imatau se i na imawi;

Josua 23:1-6

O ira na Isireli era a qaravi Jiova (Yahweh) e na gauna kece ni bula nei Josua kei na nodra gauna kece na qase era a bula tiko ni sa mate oti o Josua, o ira era kila vinaka na cakacaka nei Jiova (Yahweh) e a cakava e na vukudra na Isireli.

Josua 24:31

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
84	March 25	Josua 14-15	Luke 4:33-44

Na iWali ni Duidui (Resolving Differences).

Thought: Resolve Differences with Yahweh, with Scriptural Obedience

……………………………………….

Serving for the 24^th March, 2009

Ni sa rogoca, o Finiasi na luve i Eliesa na bete kei ira na iliuiliu ni isoqosoqo, kei ira na odra turaganivalu ni matasotia ni Isireli era tiko vata kei koya, na veika era kaya na Rupenaiti, na Kataiti kei na veimama ni mataqali nei Manasa, era a qai marautaka. 31 Kaya o Finiase na luve i Eliesa na bete vei ira na Rupenaiti, vei ira na Kataiti kei na veimama ni mataqali i Manasa; E na siga oqo eda sa kila kina ni tiko e na keda maliwa o Jiova (Yahweh), baleta oni a sega ni vakayacora, moni veisaqasaqa kei Jiova (Yahweh); qo oni sa vueti ira kina na luve i Isireli, me kakua ni tarai ira na waromisa ni liga i Jiova (Yahweh) kevaka me a saqati ira o koya. 32 O Finiasi na luve i Eliesa na bete, kei ira na iliuliu era tiko vata kei koya era qai lesu mai vei ira Rupenaiti kel ira na Kataiti kei ira na Manasaiti e na vanua o Kiliati, i na vanua o Kenani, vei ira na luve i Isireli, ka ra kauta mai e dua na tukutuku. 33 Na itukutuku e a vakamarautaki ira na luve i Isireli; era qai vakamuduo vua na Kalou (Elohim) o ira na luve i Isireli, era qai lewa me ra sa kakua ni lako cake me ra lai valuta ka vakarusa na vanua era tiko kina na Rupenaiti, na Kataiti kei ira na Manasaiti. 34 O ira na Rupenaiti, na Kataiti kei ira na Manasaiti era qai vakayacana na icabocabo ni isoro era a tara, Na iCabocabo ni iSoro ni iVakadinadina, me ivakadinadina tiko e na keda maliwa ni o Jiova (Yahweh) duadua ga e Kalou (Elohim).

Josua 22:30-34

E toro yani Vua o Pita, qai taro, “Noqu Turaga (Master) ke cakacala tiko vei au o taciqu, me vakavica beka na noqu vosoti koya tiko? Vakavitu?” 22 Sauma Vua o Jisu (Yahshua), “Au a sega ni kaya vei kemudou me vakavitu ga, ia me vakavitusagavulutaki na vitu.”

Maciu 18:21-22

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
83	March 24	Josua 11-13	Luke 4:1-32

Na Korolevu ni iDrodro (The Cities of Refuge).

Thought: Yahshua is a type of the city of refuge where we can find rest and peace.

……………………………………………..

Serving For the 23^rd March, 2008

Oti sa qai vosa vei Josua o Jiova (Yahweh), 02 Vosa vei ira na luve i Isireli, ka kaya, Moni digitaka tiko na koro ni idrodro me vaka au sa kaya oti vei kemuni, e na gusu i Mosese; 03 me rawa ni na dro i keya o koya e vakamatea vakasauri ka vakacalaka e dua na tamata, me nodra idrodro mai vei ira era via veisausaumitaka na dave ni dra. 04 Ia o koya e dro i na dua vei ira na koro qo, me na lai duri tu e matamata-ni-koro ni korolevu, me qai vosa vei ira na qase ni korolevu, me vakamacalataka na nona kisi, oti me ra qai kauti koya i loma ni korolevu, me ra solia vua e dua na nona itikotiko, me sa mai vakaitikotiko vata kei ira. 05 Ia ke sa yaco me vaqarai koya yani o koya e veisausaumitaka tiko na dave ni dra, o ira me ra na kakua ni soli i koya e a veivakamatei i ligana; baleta ni a vakamatei koya vakalacaka ka sega talega ni a sevaki koya mai liu. 06 Me na vakaitikotiko e na korolevu oya me yacova ni sa tu e matadra na lewe ni isoqosoqo me lewai, ia me tiko ga e keya me yacova ni sa mate na bete levu liu e na gauna oya; o koya e a veivakamatei sa na qai lesu tale me lako i nona korolevu, i na nona vale o koya vakataki koya, i na korolevu e a dro mai kina.

Josua 20:1-6

Na Kalou (Elohim) e noda idrodro ka noda kaukaua, na veivuke e dau tu voleka tu e na gauna ni noda leqaleqa.

Same 46:1

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
82	March 23	Josua 9-10	Luke 3